Sanitariya-epidemiologiya qo'mitasi | Vaksina oling!

@sanepidcommittee

Channel's geo and language: Uzbekistan, Uzbek

Category: Medicine

Rasmiy sayt
http://sanepid.uz
Telegram: t.me/sanepidcommittee
Youtube: https://www.youtube.com/channel/UC4sCgbkdEFtYOQSK-dvOOEQ
Facebook: fb.me/@sanepidxizmat
Instagram: instagram.com/sanepid__uz
Murojaat uchun bot: @Sanepidmurojaatbot
78/888-01-01 (011)

Related channels | Similar channels

Channel's geo and language

Uzbekistan, Uzbek

Sanitariya-epidemiologiya qo'mitasi | Vaksina oling!

4 Mar, 11:29

✅ Oliy Majlis Qonunchilik palatasining navbatdagi majlisida “Oziq-ovqat mahsulotining xavfsizligi to‘g‘risida”gi qonun loyihasi birinchi o‘qishda ko‘rib chiqildi.

⌛ Ta’kidlanganidek, keyingi yillarda mamlakatimizda aholini sifatli va xavfsiz oziq-ovqat mahsulotlari bilan ta’minlash, oziq-ovqat sanoatini rivojlantirish bo‘yicha keng ko‘lamli chora-tadbirlar amalga oshirilmoqda.

⌛ Shu bilan birga, amaldagi “Oziq-ovqat mahsulotining sifati va xavfsizligi to‘g‘risida”gi Qonun oziq-ovqat mahsulotining xavfsizligini ta’minlashdagi zamonaviy talablarga, JSTning sanitariya-fitosanitariya choralarini qo‘llash to‘g‘risidagi kelishuvi tamoyillariga hamda Alimentarius Kodeksi standartlariga javob bermaydi. Qolaversa, oziq-ovqat mahsuloti xavfsizligini ta’minlashda qo‘llaniladigan xalqaro prinsiplar, standartlar va amaliyotlar aks ettirilmagan, vakolatli davlat organlarining vazifalari aniq belgilanmagan.

6 ta bob, 47 ta moddadan iborat ushbu qonun loyihasida davlat organlarining oziq-ovqat mahsuloti xavfsizligi sohasidagi vakolatlari aniq ko‘rsatilmoqda, oziq-ovqat mahsulotining xavfsizligini ta’minlashning asosiy prinsiplari belgilanmoqda.

🚨Shuningdek, oziq-ovqat mahsulotining xavfsizligi sohasidagi sanitariya choralari, qoida va normalarni ishlab chiqish va qo‘llash tartibi JST bitimi talablari bilan uyg‘unlashtirilmoqda. Oziq-ovqat mahsuloti va ozuqaning xavfsizligiga qo‘yiladigan umumiy talablar, oziq-ovqat biznesi operatorlarining huquqlari va majburiyatlari nazarda tutilyapti.

🚨 Bundan tashqari, oziq-ovqat mahsulotining xatarlar tahlili va kritik nazorat nuqtalari tizimi asosida doimiy tartiblarni ishlab chiqish, joriy qilish va qo‘llashga qo‘yiladigan talablar o‘z aksini topmoqda.

Sanepidqo‘mita Axborot xizmati

Telegram| Instagram| Facebook| YouTube

132 0 5

Sanitariya-epidemiologiya qo'mitasi | Vaksina oling!

4 Mar, 10:05

00:10

Video is unavailable for watching

Show in Telegram

ОИТСга қарши курашишни рақамлаштириш бўйича олиб борилаётган ишлар

📢 АОКАда Санитария-эпидемиологик осойишталик ва жамоат саломатлиги қўмитаси Ахборот хизмати раҳбари Мафтуна Саидова иштирокида брифинг бошланди.

Қуйидаги ҳавола орқали томоша қилишингиз мумкин:

Брифинг

Telegram| Instagram| Facebook| YouTube

498 1 11 2

Sanitariya-epidemiologiya qo'mitasi | Vaksina oling!

4 Mar, 08:32

4 mart, seshanba kuni AOKAda o‘tkaziladigan

Brifing

Mavzu: OITSga qarshi kurashishni raqamlashtirish bo‘yicha olib borilayotgan ishlar

🕛 1️⃣2️⃣:0️⃣0️⃣

Ishtirok etadi:

Sanitariya-epidemiologik osoyishtalik va jamoat salomatligi qo‘mitasi Axborot xizmati rahbari Maftuna Saidova

Sanepidqo‘mita Axborot xizmati

Telegram| Instagram| Facebook| YouTube

876 2 17 10

Sanitariya-epidemiologiya qo'mitasi | Vaksina oling!

4 Mar, 07:23

⁉️BSJ VAKSINASI QANCHALIK MUHIM

BSJ (BCG – Bacillus Calmette-Guérin) vaksinasi o‘ta muhim bo‘lib, u sil (tuberkulyoz) kasalligidan himoya qilish uchun ishlatiladi. Ushbu vaksina ayniqsa chaqaloqlar va yosh bolalar uchun juda zarur, chunki ular silning og‘ir shakllari, masalan, sil meningiti va tarqalgan (disseminatsion) sil bilan kasallanish xavfida bo‘ladi.

❓BSJ vaksinasi nima uchun muhim?

1️⃣ Silning og‘ir shakllaridan himoya qiladi. Ayniqsa bolalarda silning yomon oqibatlarini oldini olishda samarali.

2️⃣Jamoaviy immunitetni kuchaytiradi.Jamiyatda sil tarqalish xavfini kamaytiradi.

3️⃣Bolalik davrida mustahkam immunitet shakllantiradi. Ayniqsa sil keng tarqalgan hududlarda hayotiy zaruriyat.

❓BSJ vaksinasini qachon olish kerak?

💉Milliy emlash taqvimiga ko'ra, BSJ vaksinasi yangi tugʻilgan chaqaloqlarga tugʻruqxonada hayotining 4—7 kunlari 0,1 ml hajmda 0,05 mg yuboriladi. Soʻngra 7 va 15 yoshida revaksinatsiya qilinadi.

Sanepidqo‘mita Axborot xizmati

Telegram| Instagram| Facebook| YouTube

1.1k 2 28 11

Sanitariya-epidemiologiya qo'mitasi | Vaksina oling!

3 Mar, 15:27

Quturish kasalligining belgilari, rivojlanish bosqichlari va alomatlari

❓Quturish qanaqa kasallik va qanday yo‘llar bilan yuqadi?
❓Kasallik alomatlari…
❓Quturish kasalligining belgilari qancha muddatda namoyon bo‘lishni boshlaydi?

📌Sanepidqo‘mita Axborot xizmati tomonidan bu haqida to‘liq ma’lumot taqdim etildi.

🔥Quturish (gidrofobiya) – issiqqonli hayvonlarda uchraydigan, neyrotrop virus qo‘zg‘atadigan, kasallangan hayvonning so‘lagi bilan muloqot natijasida (tishlashi, tirnashi, so‘laklashi va boshqa muloqotlar) yuqadigan, markaziy asab tizimining chuqur shikastlanishi bilan kechadigan va bugungi kunda o‘lim bilan yakun topadigan og‘ir zooantiroponoz, tabiiy o‘choqli o‘ta xavfli yuqumli kasallikdir.

🔗Kasallik hatto kemiruvchilar va ko‘rshapalaklardan ham tarqalishi mumkin. Kasallik hayvonlardan hayvonlarga va hayvonlardan odamlarga yuqadi. Odamdan odamga va odamlardan hayvonlarga yuqmaydi.

Quturish kasalligining belgilari qanaqa, rivojlanish bosqichlari qanday kechadi, bunday bemorda qanday alomatlar kuzatiladi?

⚠️Quturish klinikasining kechishiga qarab, uch davrga bo‘linadi: boshlang‘ich, qo‘zg‘alish va falaj davrlari. Kasallikning boshlang‘ich davri 1-3 kun davom etadi.

Alomatlari:

⚠️ Tishlangan joy qichiydi, tortishib og‘riydi, bitgan jarohat va chandiq takroran yallig‘lanadi.
Bemor tushkunlikka tushadi, odamlar bilan muloqotdan qochadi, uyqusi buzilib, ishtahasi bo‘g‘iladi, unda qo‘rquv hissi paydo bo‘ladi, kayfiyati o‘zgarib turadi, atrofga loqayd bo‘ladi.
Tana harorati subfebril bo‘ladi, eshitish va ko‘rish qo‘zg‘atuvchilariga nisbatan sezgirlik oshadi.
Kasallik boshlangandan 2-3 kun o‘tgach, bemorda qo‘zg‘alish, ya’ni kasallikning avj olish davri boshlanadi.

📊Bu davr 2-3 kundan 5-6 kungacha davom etishi mumkin. Qo‘zg‘alish davri odatda 2-3 kun davom etadi. Kasallikdagi yorqin gidrofobiya, aerofobiya, fotofobiya, akustofobiya alomatlari boshqa kasalliklarda uchramaydi va bu alomatlar muhim tashxisiy ahamiyatga ega.

⚠️Kasallikning uchinchi, ya’ni falaj davrida suvdan, havodan, shovqindan va yorug‘likdan qo‘rqish alomatlari ancha kamayib, bemor tinchlanadi, suyuqlik icha boshlaydi, ovqatlangisi keladi. Lekin tana harorati yuqori bo‘lib qolaveradi, so‘zlarni aniq va tiniq ayta olmaydi. Shundan keyin oyoqlar falaji boshlanadi (paraplegiya). Oradan 15-20 soat vaqt o‘tgach, tananing boshqa mushaklari ham falaj bo‘la boshlaydi. Bemordan ko‘p so‘lak oqishi davom etadi, tana harorati yana ko‘tariladi. Shu holatlar davom etib, bemor yurak-tomir faoliyati yetishmasligi yoki nafas markazining falaji oqibatida o‘ladi.

Quturish kasalligining belgilari qancha muddatda namoyon bo‘lishni boshlaydi?

❓ Odamlarda quturish kasalligining yashirin davri 7 kundan 1 yilgacha cho‘zilishi mumkin. Aksariyat hollarda kasallikning o‘rtacha yashirin davri 10-14 kun bo‘ladi, ba’zi bir hollarda 30-90 kun davom etishi mumkin. Bu davrning qisqa yoki uzoq davom etishi virusning xususiyatlariga, odamning kasalliklar bilan kurashish qobiliyatiga, tishlagan hayvonning turiga, jarohatning qayerda joylashganligiga, katta-kichikligiga va chuqur-yuzakiligiga bog‘liq bo‘ladi.

Quturish kasalligi juda og‘ir kechib, kasallik 100 foiz o‘lim bilan tugaydi.

Sanepidqo‘mita Axborot xizmati

Telegram| Instagram| Facebook| YouTube

2.1k 2 45 7

Sanitariya-epidemiologiya qo'mitasi | Vaksina oling!

3 Mar, 10:46

03:15

Video is unavailable for watching

Show in Telegram

😷 Қизамиқ жуда юқумли касаллик. Қизамиқ 5 ёшгача бўлган болаларда соғлиқ учун жиддий асоратларни келтириб чиқариши мумкин. Ушбу касаллик ҳали ҳам дунёнинг кўп жойларида кенг тарқалган касаллик ҳисобланади.

‼️ Қизамиқ билан касалланган ҳар 20 нафар боладан 1 нафари пневмония билан касалланади. Бу эса ёш болаларда қизамиқ туфайли ўлимнинг энг кенг тарқалган сабаби ҳисобланади.

📌 Қизамиқ билан касалланган ҳар 1000 боладан 1 нафари энцефалит миянинг яллиғланиши ривожланади. Бу эса талвасага олиб келади ва боланинг кар ёки ақлий заифлашишига сабабчи бўлиши мумкин.

⚠️ Қизамиқ билан касалланган ҳар 1000 боланинг 1-3 нафари нафас олиш ва неврологик асоратлардан вафот этади.

✔️Фарзандларингиз саломатлигини хавф остига қўйманг!
✔️ Эмлашлар миллий тақвими асосида уларни ўз вақтида эмлатинг!

Санэпидқўмита
Ахборот хизмати

Тelegram| Instagram| Facebook| YouTube

3.9k 6 88 9

Sanitariya-epidemiologiya qo'mitasi | Vaksina oling!

3 Mar, 08:35

⚡️Yakunlangan hafta davomida kanalimizda e'lon qilingan eng muhim xabarlar dayjesti:

🪒 Sartaroshxonaga borganingizda nimalarga e'tibor berishingiz kerak?

❓Kuydirgi kasalligi haqida nimalar bilasiz?

📊Energetik ichimliklarning salbiy oqibatlarini bilasizmi?

❓Sut va sut mahsulotlarini to'g'ri saqlashni bilasizmi?

⚡️Ramazon oyining kirib kelishi munosabati bilan masjidlarning sanitar holati bo'yicha o'rganish o'tkazildi.

❗️Ramazonda to‘g‘ri ovqatlanishning 9 ta oltin qoidasi!

📣O‘zbekiston Respublikasi Sanitariya-epidemiologiya va jamoat salomatligi xizmati jurnalining 2025-yil 1-soni nashrdan chiqdi.

🌍Osiyo Taraqqiyot banki ko‘magida sanitariya-epidemiologiya sohasida yangi bosqich.

🎥 Targ‘ibot tadbiri o‘tkazildi.

Sanepidqo‘mita Axborot xizmati

Telegram| Instagram| Facebook| YouTube

1.2k 0 2 8

Sanitariya-epidemiologiya qo'mitasi | Vaksina oling!

2 Mar, 07:33

01:21

Video is unavailable for watching

Show in Telegram

🎥 TARG‘IBOT TADBIRI O‘TKAZILDI

⚡️Sanepidqo‘mita Axborot xizmati

Telegram| Instagram| Facebook| YouTube

1.3k 0 10 8

Sanitariya-epidemiologiya qo'mitasi | Vaksina oling!

1 Mar, 12:30

Osiyo Taraqqiyot banki ko‘magida sanitariya-epidemiologiya sohasida yangi bosqich

♻️Sanitariya-epidemiologiya tizimini yanada rivojlantirish va zamonaviy laboratoriyalar bilan taʼminlash maqsadida Osiyo Taraqqiyot banki tomonidan 2025-2026 yillarda 12 ta muassasa uchun 1,1 million AQSH dollari miqdorida asbob-uskunalar ajratilishi rejalashtirilgan.

📢 Shu munosabat bilan Sanepidqo‘mita raisi o‘rinbosari Q.Hayitov hamda Sanepidqo‘mita Andijon viloyati boshqarmasi boshlig‘i o‘rinbosari I.Sotvoldiyev tomonidan loyiha doirasida hududiy bo‘limlarda tayyorgarlik jarayonlari o‘rganilmoqda.

‼️Mazkur o‘rganish ishlari sanitariya-epidemiologiya tizimi faoliyati samaradorligini oshirish, hududlarda kasalliklarning oldini olish choralarini kuchaytirish hamda aholining salomatligini yanada himoya qilishga xizmat qiladi.

Sanepidqo`mita Axborot xizmati

Тelegram| Instagram| Facebook| YouTube

1.4k 0 17 19

Sanitariya-epidemiologiya qo'mitasi | Vaksina oling!

28 Feb, 17:17

📣O‘zbekiston Respublikasi Sanitariya-epidemiologiya va jamoat salomatligi xizmati jurnalining 2025-yil 1-soni nashrdan chiqdi.

Shu o‘rinda eslatib o‘tamiz!

🔷 Respublikamizning professor-o‘qituvchilari, doktorantlari, ilmiy xodimlari va amaliyotchilari, yosh olimlar, katta ilmiy xodim-izlanuvchilar, mustaqil izlanuvchilar va magistrlar!

🟢 Agarda siz o‘z maqolalaringiz bilan

☑️ ilmiy tadqiqotlarni rivojlanishiga ko‘maklashish;
☑️ sohada olib borilayotgan islohotlarning mohiyatini keng jamoatchilikka tushuntirish;
☑️ sohaga oid yangiliklardan xabardor qilish istagi bo‘lsa

🔷 O‘zbekiston Respublikasi Sanitariya-epidemiologiya va jamoat salomatligi xizmati jurnali sizga ko‘makchi bo‘la oladi.

✔️ OAK ro‘yxatidan o‘tgan jurnal.
✔️Google Scholar, Researchgate, elibrary.ru platformalarida ro‘yxatdan o‘tgan. Российский индекс научного цитирования bazasiga kiritilgan.

🌐 Jurnalda maqola chiqarish uchun https://jurnal.sanepidrc.uz portaliga yuborishlari mumkin.

Тelegram| Instagram| Facebook| YouTube

1.9k 0 29 13

Sanitariya-epidemiologiya qo'mitasi | Vaksina oling!

28 Feb, 15:25

❗️Ramazonda to‘g‘ri ovqatlanishning 9️⃣ ta oltin qoidasi!

📣 Ramazon oyida to‘g‘ri ovqatlanish muhim ahamiyatga ega. Uzoq soatlik ochlikdan so‘ng, turli taomlarga boy iftorlik dasturxoni bizning Ramazonda sog‘lom ovqatlanish haqidagi orzularimizni yo‘qqa chiqarishi mumkin. Ramazonda to‘g‘ri ovqatlanish haqida bilish juda muhimdir!

Ramazonda sog‘lom ovqatlanish va oshqozon ichak tizimi salomatligini saqlash uchun quyidagi tavsiyalarga amal qiling:

1. Taomlanishni xurmodan boshlang.

Xurmo — bu ro‘za paytida kun davomida energiya bilan ta’minlaydigan uglevodlarning manbai hisoblanadi. Xurmo mevasi tolalari ovqat hazm qilish traktini ishlashini tartibga soladi. Bundan tashqari, xurmo magniy va kaliyga boy.

2. Ko‘p miqdorda suv iching.

Kun davomida chanqamaslik uchun og‘iz ochilgandan keyin va saharlikdan oldin yetarlicha suv iching. Bir kunda 8 stakan suv ichishga harakat qiling.

3. Chanqatadigan ovqatlar va mahsulotlardan saqlaning.

Tuzli ovqatlar, konservalar, tuzlangan yong‘oqlar, bodringlar, baliqlardan saqlaning. Bundan tashqari, ziravorlarga boy ovqatlardan saqlaning, chunki ular sizda chanqoq hissini chaqiradi. Ko‘proq meva va sabzavotlarni iste’mol qiling, ular organizmning suv zaxiralarini yangilaydi va to‘ldiradi.

4. Sekin, shoshmasdan iftorlik qiling.

Uzoq muddatli ochlikdan so‘ng, tanaga katta miqdordagi oziq-ovqat tushishi – stressdir. Mo‘tadil bo‘lishga harakat qiling, iftorni xurmo, suv bilan boshlang, keyin sho‘rva, salat yeyishingiz mumkin. Bir muncha vaqt o‘tgach, asosiy taomga o‘ting. Ortiqcha ovqatlanish ovqat hazm qilishda muammolar va oshqozon og‘rig‘iga sabab bo‘lishi mumkin. Iftorni iliq sho‘rva bilan boshlash ro‘za tutgandan keyin eng yaxshi ovqat bo‘lib, organizmning ozuqaviy moddalarini to‘ldiradi va tanani og‘irroq ovqatlar uchun tayyorlaydi.

5. Taomingizda barcha kerakli nutriyentlar mavjudligiga ishonch hosil qiling.

Iftorda oqsillar, sabzavotlar, yormalar, mevalar va foydali yog‘lar kabi ovqatlar bo‘lishi kerak.

6. Sog‘lom ovqatlarni tanlang.

Ratsioningizda don, yormalar, tovuq go‘shti, yog‘siz go‘sht, baliq, zaytun moyi va mevalar bo‘lishi kerak. Qovurilgan, sho‘r va yog‘li ovqatlardan saqlaning. Go‘sht, dukkaklilar, tuxum va sut mahsulotlari oqsilga boy. Ushbu oziq-ovqat mahsulotlaridan kamida bittasini har kuni iste’mol qilishingiz kerak.

7. Shirinliklardan saqlaning.

Iftordan keyingi shirinliklar qorinda gaz to‘planishiga sabab bo‘ladi va ovqat hazm qilishni buzadi. Bundan tashqari, u qondagi glyukoza miqdorini oshiradi, bu esa shirinliklarga bo‘lgan ehtiyojni yanada oshiradi. Shuning uchun iftorlikdan 2–3 soatdan keyin shirinliklarni iste’mol qilish tavsiya etiladi. Shirinliklarni foydaliroq mahsulotlarga: xurmo, quruq mevalar, shirin mevalar bilan almashtirish kerak.

8. Qahva (kofe) ichishdan tiyiling.

Ramazon oyida bosh og‘rig‘i va uyqusizlikka yo‘l qo‘ymaslik uchun kofe iste’mol qilishni kamaytirishga harakat qiling.

9. Kuniga uch marta ovqatlanish.

Ramazon oyida ham kuniga uch mahal ovqatlanish muhim ahamiyatga ega, bunda iftorlik, saharlik va ular orasida yengil tamaddi qilib olish kerak. Asosiy ovqatlanishingizni uch qismga bo‘ling. Uchdan bir qismi murakkab uglevodlar, uchdan biri yog‘siz go‘sht yoki baliq, qolganlari esa sabzavot. Bu sog‘lom muvozanatli ovqatlanish bo‘ladi.

Sanepidqo`mita Axborot xizmati

Тelegram| Instagram| Facebook| YouTube

8.3k 3 124 10

Sanitariya-epidemiologiya qo'mitasi | Vaksina oling!

28 Feb, 08:11

⚡️Ramazon oyining kirib kelishi munosabati bilan masjidlarning sanitar holati bo'yicha o'rganish o'tkazildi

Yurtimizga mohi Ramazon oyi kirib kelishi, shu munosabat bilan fuqarolar o'rtasida ibodat uchun mahallalardagi masjidlarga tashrif buyurishadi. Ushbu holatda masjidlarning sanitar holati talablarga javob berishi juda muhim hisoblanadi.

📌Muborak Ramazon oyini munosib o’tkazish maqsadida Sanepidqo'mita Toshkent shahar boshqarmasi Mirobod tuman bo'limi xodimlari tomonidan tumanda joylashgan “Qo’yliq ota”, “Al - badr”, “Valixo’ja o’g’li Norxo’ja” jome masjidida ishchi guruh bilan o'rganish ishlari amalga oshirildi hamda tahoratxonalarning tozaligi, zararsizlantirish ishlarining o’z vaqtida olib borilganligi nazoratga olindi.

🔹Shuningdek, tozalikka doimiy tarzda amal qilish qoidalari, sanitariya-gigiyena qoidalariga rioya qilish holatlari yuzasidan mas'ullarga kerakli tavsiyalar berilib, sanitariya targ'iboti olib borildi.

⚡️Sanepidqo‘mita Axborot xizmati

Telegram| Instagram| Facebook| YouTube

1.3k 0 11 9

Sanitariya-epidemiologiya qo'mitasi | Vaksina oling!

27 Feb, 16:24

XALQARO TASHKILOT BILAN BOLALARNING SOG'LOM OVQATLANISHI BO'YICHA HAMKORLIK YO'LGA QO'YILMOQDA

📣Ma’lumki, respublikamizda umumiy o‘rta ta’lim tashkilotlarida qariyb 6,5 millionga yaqin o‘quvchi ta’lim oladi. O‘quvchilarni to‘g‘ri ovqatlanishini tashkil qilish nafaqat ularning salomatligini mustahkamlash, balki ta’lim olishida, mukammal inson bo‘lib shakllanishida muhim rol o‘ynaydi.

Bugun Sanepidqo‘mitada BMTning Oziq-ovqat va qishloq xo‘jaligi tashkilotining (FAO) "Maktablarda ovqatlanishni to‘g‘ri tashkil qilish orqali oziq-ovqat xavfsizligi va ovqatlanishni yaxshilashni qo‘llab-quvvatlash loyihasi” doirasida o‘tkazilgan seminarda respublikamiz uchun muhim bo‘lgan masala – umumiy o‘rta ta’lim tashkilotlarida o‘quvchilarni to‘g‘ri ovqatlanishini tashkil etilishiga bag‘ishlandi.

✔️Seminarda maktab ovqatlanishini tashkil qilish bo‘yicha ilg‘or xalqaro tajriba bo‘yicha fikr almashish, ekspertlar tomonidan ushbu yo‘nalishni o‘rganish natijasida aniqlangan muammolarni eshitish va maktablarda ovqatlanishni tashkil qilish tizimini takomillashtirish bo‘yicha tavsiyalar muhokama etildi.

⚡️Sanepidqo‘mita Axborot xizmati

Telegram| Instagram| Facebook| YouTube

1.5k 3 15 13

Sanitariya-epidemiologiya qo'mitasi | Vaksina oling!

27 Feb, 12:56

⚡⚡⚡BRUTSELLYOZ: ISH QOBILIYATINI YO‘QOLISHI VA HATTO NOGIRONLIKKA HAM OLIB KELISHI MUMKIN...

‼️Brutsellyoz qishloq xo‘jaligi va uy hayvonlari orasida keng tarqalgan kasallik hisoblanib, bu kasallik bilan odamlar ham kasallanadi.

🔴 Odamlarda xastalik ko‘proq surunkali kechadi va bemorni uzoq muddatga ish qobiliyatini yo‘qolishi va hatto nogironlikka ham olib kelishi mumkin. Mayda shoxli hayvonlar o‘chog‘i kishilarga kasallikni yuqishi jihatidan alohida ahamiyat kasb etadi. Brutsellyoz kasalligining yashirin davri 3 dan 6 haftagacha, ba’zan 2 oygacha davom etadi.

📣Kasallikning yuqish yo‘llari va keltirib chiqaruvchi omillari:
✴️ qo‘y va echkilar kasallik manbai bo‘lib, brutsellyoz kasalligi mikrobi tashqi muhitga so‘lak, sut, qon, jinsiy a’zolar suyuqligi, plasenta va chala tug‘ilgan qo‘zichoq va buzoq orqali ajraladi;
✴️ kasallik asosan xizmatchilarga mayda shoxli hayvonlarni qo‘zilatish, boqish va parvarish qilish paytida muloqot yo‘li orqali;
✴️ hayvon mahsulotlari bo‘lgan xom sut va chala pishirilgan go‘shtni iste’mol qilish jarayonida og‘iz orqali yuqadi.

⚡Kasallik alomatlari:
🔷haroratning ko‘tarilishi;
🔷 et uvishishi;
🔷 asabiylashish;
🔷 uyqusizlik;
🔷 tilning karash bilan qoplanishi;
🔷 teri va shilliq parda rangining oqarishi;
🔷 harakat va tayanch a’zolar faoliyatining buzilishlari, bo‘g‘imlar harakatining cheklanishi;
🔷 jinsiy va tanosil a’zolarda orxit, hayz ko‘rishning buzilishi, bola tushishi va muddatidan ilgari tug‘ish.

❓Kasallikning oldini olish uchun nima qilish lozim?

☑️ chorva mollari saqlanadigan molxonalarni vaqti-vaqti bilan 10% xlorli ohak eritmasi bilan zararsizlantirib turish;
☑️ bola tashlagan, yo‘ldoshi vaqtida tushmagan mollar veterinariya xodimlari nazoratida bo‘lishi, boshqa hayvonlardan ajratilishi va ularning chiqindilari xlorli ohak bilan zararsizlantirilishi;
☑️ o‘lik tug‘ilgan hayvon bolasi va yo‘ldoshi ehtiyotkorlik bilan 2 metr qazilgan chuqurga tashlanib, ustiga xlorli ohak sepib ko‘mib yuborilishi, ularni itlar va boshqa hayvonlar iste’mol qilmasligi;
☑️ kasal hayvonlar bilan ishlovchilar maxsus kiyimlar (kombinzon, rezina etik, qo‘lqop, xalat va respiratorlar) kiyib ishlashi;
☑️ hayvonlarning junini olish jarayonida, molxonalarni tozalayotganda, albatta og‘iz va burunga 4 qavatli dokadan tayyorlangan niqobdan foydalanish;
☑️ bolalar, o‘smir va homilador ayollarni kasal hayvonlar bilan ishlashlariga yo‘l qo‘ymaslik;
☑️ veterinariya ko‘rigidan o‘tmagan molni so‘ymaslik va ularning mahsulotlarini iste’mol qilmaslik;
☑️ go‘sht va jigardan tayyorlanadigan taomlar, ayniqsa kaboblarni yaxshi pishirilishiga ahamiyat berish;
☑️ belgilanmagan joylarda yoki qo‘lda sotilayotgan sut, xom qaymoqni xarid qilmaslik;
☑️ doimo shaxsiy gigiyena qoidalariga rioya etish, ayniqsa qo‘l yuvish ko‘nikmalarini shakllantirish kerak.

Тelegram| Instagram| Facebook| YouTube

4.4k 3 40 8

Sanitariya-epidemiologiya qo'mitasi | Vaksina oling!

27 Feb, 07:16

#bilasizmi
#foydali_maslahat

❓Sut va sut mahsulotlarini to'g'ri saqlashni bilasizmi?

📊 Yuqorida koʻrsatilgan infografika orqali bu haqida bilib oling.

⚡️Sanepidqo‘mita Axborot xizmati

Telegram| Instagram| Facebook| YouTube