Sabitov ©️

Rimdagi beqarorlik va murabbiylarning tinimsiz almashinuvi fonida bosh jamoamiz sardori o’zining “eng gullagan” davrini “Roma” zaxirasida o’tkazib yubormoqda. Ijarama-ijara A Seriya klublarida to’p surish va yana Rimga qaytish — bu vaqtinchalik yechim. Eldor va “Roma” butunlay xayrlashishi kerak, deb hisoblayman.

Nazarimda Shomurodovning karyerasi nisbatan noodatiy kechdi. Futbolchilar odatda maydonda ko’p o’ynab tajriba olardi, Eldor bo’lsa o’ynamay tajriba oldi (mashg’ulotlardagi mehnati evaziga). Endi esa u o’ynashi va o’yin amaliyotini, sport formasini “Rostov” va “Jenoa”dagi holatga qaytarishi kerak. Mayli, kuchsizroq ligada, kuchsizroq jamoada, nouneym jamoadoshlar bilan o’ynasin, asosiysi o’ynasin. Eldor bizga saralashdagi to’rt o’yinda va (nasib) mundialda juda kerak bo’ladi.

P/S: bugun insayder Di Marsio “Empoli” Shomani “Roma”dan ijaraga olmoqchi ekanligini haqida yozdi.

@sabitov_co

Bugungi ishxonadagi suhbatdan parcha:

- Yanvarda sani davlatingdagi jamoa o’rtoqlik o’yinini o’tkazish uchun bizni stadionga kelarkan (quyida o’sha stadionning suratlari bor).
- Milliy terma jamoami?
- Yo’q, “Sagdiana” (So’g’diyona) degan jamoa.
- Ha, yil boshida hamma klublarimiz chet elda yig’in o’tkazadi. “Paxtakor” Turkiyada bo’ladi (suhbatdoshim “Paxtakor”ni yaxshi tanigani uchun alohida ma’lumot sifatida aytib o’tdim).
- Sizlarda hamma jamoalarda byudjet zo’r shekilli. Bizda (Rossiyada) faqat TOP-klublar Dubayga, Turkiyaga borishadi, o’rtamiyonalar 2-3 yilda bir marta chetda yig’in qilishini aytmasa, sovuqda o’zini bazasida tayyorgarlik qilishga majbur.
- Ha, bizda futbolda pul ko’p =)

deb qo’yaverdim ichim tirnalib.

@sabitov_co

Arab Ko’rfaz kubogi-2024. Saralashdagi guruhdoshlarimiz Qatar va BAA terma jamoalari 3 o’yin natijasiga ko’ra Quvayt va Omandan ortda qoldi va guruhda qolib ketdi. Terma jamoalar to’liq asosiy tarkib o’yinchilari bilan qatnashgan. BAAdan Holid Eysa, Yahyo Nodir, Suhayl, Fabio Limalar, Qatardan esa Afif, Almoez Ali, Lukas Mendesh kabi liderlar deyarli 270 daqiqa maydonda bo’lishgan.

@sabitov_co

Yalpi ichki mahsulot hajmi $141 mlrd (2023), aholisi 37.8 mln (2023) bo’lgan, iqtisodiy ko’rsatkichlari O’zbekistonga juda o’xshashib ketadigan Marokash davlati JCh-2030 uchun 6 ta shaharda 6 ta stadionni taklif qilgan (stadionlar surati yuqorida keltirilgan). Deyarli barcha inshootni yangidan qurish kerak.

Marokashlik hamkasbimning aytishicha, oldindagi 6 yil marokashliklar uchun juda og’ir yil bo’ladi - “1 oylik festival uchun 6 yillik hayotimizni, shu vaqtda topgan pullarimizni tikyapmiz, bu adolatsizlik. Bu yerda davlat shuncha ish o’rni bo’ladi, turist keladi, ishsizlik qisqaradi, deydi, lekin bu ma’lum klanlar va juda kam sonli odamlar uchun manfaatli”, dedi Marokashning kichik shaharchasidan kelgan suhbatdoshim.

@sabitov_co

Yarim tunda allanima ishlar bilan band bo’lib o’tirasan va to’satdan FIFA prezidentining storisida xuddi o’sha yarim tunlarning birida qilgan ishingga ko’zing tushadi.

@sabitov_co

Roppa-rosa 1 oy oldin oilam bilan Dubayga ko’chib keldim. Sabablar ko’p emas: o’z sohamda o’sish, FIFA bilan boshlangan xalqaro karyeramni davom ettirish uchun shu yerga keldim.

Frilans ishlarim borligi sababli kelishim bilanoq ishga tushib ketish rejalarimda yo’q edi. Shunday ham bo’ldi. Toshkentdan turib, 2 ta kompaniyadan intervyu uchun chaqiruv olgandim, kelishimning ilk haftasida shu suhbatlarga bordim. Lekin, ikkalasidan ham ijobiy javob olmadim (aniqrog’i hali ham javob kelmadi, pochtalariga, WhatsApp’lariga yozsam javob yo’q, o’ylashimcha, bu dubaychasiga “отказ” bo’lsa kerak).

2-haftada ish chiqdi — uy-joy oldi-sotdisi (Real Estate) bilan shug’ullanuvchi kompaniyada. 3 kun ishladim, orada boshqa joylardan ham suhbatlarga chaqirishdi va oxiri Dubaydagi LaLiga akademiyasida ishlash variantida qoldim.

Dubayga kelganimning 20-kunida ish boshlabman. Shu yerdagilarning aytishicha, bu zo’r natija emish. Ya’ni, yangi kelganlarning 3 hafta ichida ishga joylashib ketishi juda noyob xodisa ekan, lekin, shaxsan o’zim aksincha deb o’ylar ekanman — o’zbekistonliklar immigrant bo’lgan kuniyoq ish topishmasa, “odamlar nima deydi” sindromi ishlab ketadi. Keyinroq tushundimki, boshqa yurtlardan bu yerga keladiganlar kattaroq moliyaviy zaxira bilan kelishadi va 1-2 oy davomida shoshmasdan o’zlariga mos keluvchi sohalarda, lokatsiyalarda ish izlashadi. Buning o’ziga yarasha sabablari bor: 1) ish beruvchi ishchiga kamida 1 yillik viza qiladi va shu vaqt mobaynida ishchi boshqa kompaniyaga ishga o’tib keta olmaydi, o’tib ketgan taqdirda, vizaga oid qonunni buzadi va deport bo’lishi mumkin; 2) lokatsiya juda muhim, ish joyiga qatnash masalasi Dubayda juda dolzarb, jamoat transporti nisbatan qimmat, masofalarga qarab narxlar oshib boraveradi; 3) karyerada va mansabda (lavozimda) o’sish qilishni istayotganlar bir joyda uzoq vaqt ishlashi tavsiya etiladi, shuning uchun, ishga topshirayotganlar biryo’la nufuzliroq kompaniyaga yoki hech bo’lmaganda yaqin kelajakda yopilib ketmaydigan, kelajagi bor ishxonaga joylashishni xohlashadi.

Ishimga kelsak, futbol akademiyasi marketing (+sales) va operatsiyalar (operations) bo’limida grafik dizayner bo’lib ishlayapman. 1 ta yopiq, 4 ta ochiq maydoni bo’lgan akademiya shug’ullanuvchilar soniga ko’ra, Amirliklardagi eng katta futbol akademiyasi ekan. BAA o’smirlar va yoshlar terma jamoasiga futbolchilar yetkazib berish va professional futbol klublari uchun ham seleksiya maydoni bo’lib xizmat qilyapti. Murabbiylarning barchasi Ispaniyadan, bitta italiyalik murabbiy yaqinda “Al Nassr” U17 jamoasiga bosh murabbiy bo’lib tayinlanibdi (menimcha, u haqida eshitgansiz, sobiq “Milan”chi Luka Antonini).

Tarmoqlarda passiv bo’lib qolganimning asosiy sababi migratsiya va adaptatsiya edi. Sizlarda nima gap? Sovqotmayapsizlarmi? (=

@sabitov_co

Shu yil sentyabr oyida olingan suratlar (#).

@sabitov_co