Murodjon Aliyev | Rasmiy sahifa

Assalomu alaykum, hurmatli kanal a'zolari. Hozirda PhD dissertatsiya himoyasi jarayonidaman. Tadqiqot ishimizda ijtimoiy so'rovnoma mavjud. Sizlardan so'rovnomada ishtirok etib qatnashib, boshqa tanishlaringizga ulashib so'rovnomada ko'pchilik ishtirok etishida amaliy yordam berishingizni so'rab qolaman.

Aslida sun'iy intellekt sizni ishingizni olib qo'ymaydi. Balki sun'iy intellektdan samarali foydalana olayotganlar olib qo'yadi.

M.Aliyev

Mana bu yerda tadqiqotchilar uchun maqola yozish, chop etish, uning bosqichlari to'g'risida yaxshi kitob bor ekan. Hamma tadqiqotchilarda asosiy muammo shuki, Scopus yoki WOS ga qanday maqolani rasmiiylashtirishni bilmaymiz. Mazkur qo'llanma bu kabi savollarga javob bo'ladi.

Qo'shnimiz bo'lgan Qozog'istonda matnga asoslangan (text-based) video yaratadigan sun'iy intellektni ishlab chiqibdi. Higgsfield AI hozirda dunyo tomonidan e'tirof etilib, 100 mln dollarga baholanmoqda.
Biz ham nimadir ishlab chiqarishimiz kerak. Dunyo mamlakatlari AI olamida katta marralarni egallamoqda hattoki raqobat olib bormoqda.
Boy tarix ko'plab manbalarimiz (bu degani yetarlicha data bor degani) bor. Bundan unumli foydalanish kerak.

Sun'iy intellekt va yozish ko'nikmasi

Bugungi kunda katta til modellari (LLM) hayotimizning ajralmas qismiga aylanib bormoqda. Bu texnologiyalar matn yaratish, tarjima qilish va tahrirlashda juda samarali yordam bermoqda. Ammo bu holat insonning yozish qobiliyatiga qanday ta'sir ko'rsatadi?

Texnologiyaga haddan ortiq tayanish miyamizning yozish va ijodiy fikrlash qobiliyatini susaytirishi mumkin. Bu xuddi kalkulyator tufayli oddiy hisob-kitoblarni qo'lda bajara olmasligimizga o'xshaydi. Sun'iy intellekt yaratgan matnlar shunchaki "silliq" bo'lishi mumkin, lekin unda insoniy his-tuyg'ular, tajriba va originallik yetishmaydi. Yozish - bu shunchaki ma'lumot uzatish emas, balki o'z fikrlaringizni ifodalash san'atidir.

Sun'iy intellektni to'g'ri maqsadlarda ishlatish kerak - u bizning yordamchimiz bo'lishi mumkin, lekin to'liq o'rnimizni bosa olmaydi. Muvozanatni saqlash muhim - kundalik yozishni mashq qilish, ijodiy yozish va fikrlashni rivojlantirish zarur. Maktab va oliygohlar o'quvchilarning yozish ko'nikmasini rivojlantirishga alohida e'tibor qaratishlari kerak.

Texnologiya rivojlanishi muqarrar, lekin bu bizni asosiy ko'nikmalarimizdan mahrum qilmasligi kerak. Yozish - bu nafaqat aloqa vositasi, balki fikrlash, o'rganish va o'z-o'zini anglash usulidir. Shuning uchun biz texnologiyadan oqilona foydalangan holda, o'z yozish qobiliyatimizni saqlab qolishimiz va rivojlantirishimiz zarur.

M.Aliyev