Endi ham kimgadir yuklab qo'yasizmi farzand tarbiyasini? "Davlat qayerga qarayapti", "maktabda unday", "televizorda bunday", "telefon balo" degan gaplardan foyda yo'q. Yoki har bir ota-ona (!) o'zi ilm olib, zamonni o'rganib, shu asosda farzand tarbiya qiladi, yoki farzandini va oqibatda bu millat kelajagini boy beradi.

O'zingizning bolaligingizga solishtirmang bu davrni, hatto 7-8 yil avvalgi davrga ham, hatto pandemiyadan oldingi davr ham mutlaqo boshqa edi. Zamon shiddat bilan o'zgaryapti.

"Endi bu telefonni tushunmayman-da, bunaqa mafkuralar, buzg'unchi g'oyalarni tushunishga aql yetadimi" deydiganlarga bitta oson yechim bor. Allohning ta'limotini o'rganib o'rgatib qo'ying bolangizga. Buni qiyin deya olmaysiz, Allohga tuhmat qilgan bo'lasiz. Alloh taolo dinini hammaga tushunarli qilib tushirgan, uning hayotga tatbiqini ko'rsatib berishi uchun payg'ambarlar yuborgan, har bir yurtga minglab ulamolar bergan, amri ma'ruf, nahi munkarni farz qildi. Mayli bu haqda ko'p yozmayman...

Qisqasi, Allohni tanitib qo'ying farzandingizga, qiyomatgacha har qanday g'oyaga, mafkuraga qarshi tura oladi bu din. Farzandingiz sizdan qo'rqib emas, Allohdan qo'rqib bajaradi har bir amalini. Nasihatda siz ojiz bo'ladigan nuqtalarda Allohning dinidan ko'rsatma olib to'g'ri yo'lni topadi.

@Shuhrat_Ali_blogi