🌸彡 𝓡𝓪𝔂𝔁𝓸𝓷𝓪 𝓑𝓪𝔁𝓽𝓲𝔂𝓸𝓻𝓸𝓿𝓷𝓪 𝓲𝓳𝓸𝓭𝓲 彡🌸

QIZINGIZ CHARCHADI

#PREMYERA

Onajon, qizingiz charchadi juda,
Keng olam dardlari yuborar yutib.
Sukunat oldida ojizdir, ojiz,
Turibdi adolat qilishin kutib.

Onajon, qizingiz charchadi juda,
Borsa kelmaslarga kelar ketgisi.
Allohning tuhfasi faqat siz uchun,
Yolgʻiz sizga erur uning sevgisi.

Onajon, qizingiz charchadi juda,
Koʻz yoshi suv emas, qondan yaralgan.
Alloh omonatga bergan bu joni,
Bilmaysiz, dardlarga, gʻamga belangan.

Onajon, qizingiz charchadi juda,
Hamrohi horgʻinlik yurar xastahol.
Koʻrganlar ,,TELBAʼʼ deb ataydi bugun,
Aslida ,,men kimman?ʼʼ qiynaydi savol.

Onajon, qizingiz charchadi juda,
Dardlari daryo-yu ummonlarga teng.
Shunday keng dunyodan topolmas taskin,
Sizning quchogʻingiz dunyolardan keng.

Onajon, qizingiz charchadi juda,
Keling, koʻksingizga boshini qoʻysin.
Shodumon kunlarga qaytsin u bugun,
Iliq mehringizning taftiga toʻysin.

Onajon, qizingiz charchadi juda,
Uyqu ilinjida, ayting allalar.
Yolgʻiz siz suyanchiq boʻlasiz unga,
Yuragi qon yigʻlab turgan pallalar.

Onajon, qizingiz charchadi juda,
Ichida bir qushcha soʻzlaydi dodin.
Bilmaysiz baʼzida dunyolarni ham,
Larzaga soladi uning faryodi.

Onajon, qizingiz charchadi juda,
Sukunat oldida ojizdir biroq.
Goʻyo uning uchun atalgadek bu,
Taqdir sinovlari qoʻymoqda tuzoq.

Onajon, qizingiz charchadi juda,
Qizalogʻim, deya erkalang bir bor.
Erkalang onajon, oppogʻoyim deng,
Bolalikka qaytsin qizingiz takror.

Onajon, qizingiz charchadi juda,
Odamlar oʻzgardi, joyida zamon.
Bugun u dardlarin toʻkar qogʻozga,
Qalbi faryod qilar tili bezabon.

Onajon, qizingiz charchadi juda,
Sizning soʻzlaringiz dardiga dori.
Onajon, siz bugun tasalli bering,
Uning koʻz ochishga yetmas madori.

Onajon, qizingiz charchadi juda,
Dardlarga toʻldirib qiynadi hayot.
Murgʻak vujudida kuchli bir titroq,
Sizdan va Allohdan kutmoqda najot.

Onajon, qizingiz charchadi juda...

✍Rayxona Baxtiyorovna

Assalomu alaykum. Xayrli tong barchaga.
Bahorning qorli kunlarida qaynoq PREMYERAga nima deysizlar

Xotiralar har doim o‘zgacha bo‘ladi. Ba’zan yig‘lagan kunlarimizni eslab kulamiz, ba’zan esa kulgan kunlarimizni eslab yig‘laymiz.

MEN O‘TGAN UMRGA

Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab.
Suyish kerak bo‘lsa — telbacha suydim.

🌸彡 𝓩𝓾𝓵𝓯𝓲𝔂𝓪𝔁𝓸𝓷𝓲𝓶 𝓘𝓼𝓻𝓸𝓲𝓵𝓸𝓿𝓪 彡🌸

Sizdan qolgan yaralar bitmas


..........….....!!!!!

Sabr - dardlarni davolovchi achchiq malhamdir. Jonni og‘ritadi, lekin yarani davolaydi.

Haqiqiy shoirning qabri boʻlmaydi,
Yurakka koʻmilar asl shoirlar.

Bizga ham nasib qilsin.
Yuraklardan joy olish

РАМАЗОНДА

Мен бугун Рамазон қучоғидаман,
Бир илоҳий нурнинг ўчоғидаман.

Нафсимга бир муддат танаффус бердим,
Юзимни Байтуллоҳ томонга бурдим.

Жойномоз устида тўлов тўлайман,
Бугун тиланчиман, савоб тилайман.

Худо сени кўриб турар, дейдилар,
Худо тилаганга берар, дейдилар.

Худога йўллагум оҳ-воҳларимни,
Кечириб юбор деб гуноҳларимни.

Мен ҳам бир гуноҳкор бандаман, нетай,
Кетсам, бир илоҳий нур эмиб кетай.

Мен бугун Рамазон қучоғидаман...

Ҳасан АЛМАТ

Roʻzayi Ramozon oyining ilk kuni hamda
Vafo va sadoqat timsoli muhabbat kuychisi Zulfiyaxonim Isroilova tavallud kuni ekan.
Muborak boʻlsin barchaga

#PREMYERA

YIGʻLAGIM KELYAPTI

Yigʻlagim kelyapti, bugun negadir,
Goʻyo quyosh endi chiqmaydigandek.
Dunyoda qarshidek menga har inson,
Goʻyo endi yaxshi boʻlmaydigandek.

Yuzimga tabbasum yugursa darrov,
Kimdir chang soladi oladi yulib.
Shunda ham jimgina sukunat bilan,
Hammasin yengyapman shunchaki kulib.

Yigʻlagim kelyapti ovoz boricha,
Ichimda bir qizcha yigʻlaydi tinmay.
Oʻzimga ayondir hozirgi holim,
Lekin ne qilmogʻim turibman bilmay.

Qalbimda yigʻlaydi bir qizcha unsiz!!!


✍ RAYXONA BAXTIYOROVNA

Baho berasizlar degan umiddaman 🥰🥰🥰