Ravshan Turgunov

@ravshanturgunov

Channel's geo and language: Uzbekistan, Uzbek

Category: Psychology

Biznes qilyapman. Xulosalarim va xatolarim sizga pul va vaqt tejab beradi.

Related channels | Similar channels

Channel's geo and language

Uzbekistan, Uzbek

Ravshan Turgunov

14 Mar, 16:08

Pul topishni o‘rgatadigan kurslar haqida bitta sirni ochaman - hech kimni sizni boy qilish maqsadi yo’q, bundan ularga nima foyda?

Barcha treyding, investitsiya va bitcoin bo‘yicha kurslar foyda qilish maqsadida sotiladi. Ularning orqasida altruistik rejalar yo‘q. Aksincha ularning orqasida egoistik shaxsiy manfaatlar turadi.

Tadbirkor sifatida aytaman, bizning kompaniyamizda ham samarali ishlash usullari va tijoriy sirlar bor, ular tashqariga chiqib ketmasligi uchun men har bir xodim bilan katta jarimasi bor shartnoma tuzaman.

Agar qaysidir bilimlar pul evaziga sotilayotgan bo‘lsa, demak u bilimlarni amaliyotda qo‘llagandan ko‘ra ularni kurs qilib sotish ko‘proq pul olib keladi.

@ravshanturgunov

3.2k 0 73 107 220

Ravshan Turgunov

13 Mar, 17:04

Kim aybdor?

Ko‘chada ketyapsiz, yomg‘ir, katta tezlikda mashina keldi va suvni sizga sachratib ketdi.

Kiyimingiz rasvo bo‘ldi, kayfiyat ham tushdi. Mashinaning haydovchisini bor so‘z boyligingiz bilan tasvirladingiz.

Lekin… O‘zi haydovchi aybdormi? Balkim ayb boshqa omildadir?

Balkim tinmasdan yog‘ayotgan yomg‘ir aybdordir?

Balkim ariqlarni vaqtida tozalanishini ta’minlab bermagan amaldorlardir?

Hech qaysi biri emas, chunki birovni ayblash tadbirkorga mos sifat emas.

Tadbirkorlikni birinchi va eng asosiy qoidasi - hamma ayb o’zingizda.

Tashqi omillarni boshqara olmaysiz, faqat o‘zingizni va jamoangizni harakatlarini boshqara olasiz.

Davlatda inqiroz, savod yo‘q deb nolib o‘tirish - oson yechim, lekin u o‘sishga olib kelmaydi.

Asl tadbirkor yangi bozorga va kuchli raqobatga moslashadi, yangiliklar kiritadi.

Yomg‘ir yog‘yapti va yolga yaqin yurishning riski ho‘l bo‘lib qolishda.

Agar yo‘lga yaqin yurib, kelayotgan mashinaga e’tibor bermagan bo‘lsangiz, o‘zingiz aybdorsiz.

Aksariyat mas’uliyatni birovga to‘nkab qurbon pozitsiyasida yuradi, shuning uchun ham aksariyat katta natijaga erisha olmaydi.

@ravshanturgunov

3.6k 0 18 28 189

Ravshan Turgunov

12 Mar, 15:00

Xodimlar ishdan ketishi uchun 5 sabab

Yangi xodimini ishga oldingiz, unga hamma ishni o‘rgatdingiz. Lekin ishni o‘rganib 3-4 oydan keyin u ketib qoldi. Jahlingiz chiqdi va undan norozi bo‘ldingiz.

Sizga xiyonat qilinganday tuyilyapti. Emotsiyalar ustida ketgan xodimni ayblashga shoshilmang. Katta ehtimol bilan uni o‘rnida siz ham shunday qilgan bo‘lardingiz.

Nega o‘zi xodimlar ishdan ketadi? Asosiy 5 ta sabab:
1. Oylik yetarli emas. Birlamchi ehtiyojlar qoplanmasa yaxshiroq pul taklif qiladigan kompaniyaga boradi (kichkina lavozimlarning asosiy sababi).

2. O‘sish nuqtasini ko‘ra olmayapti. Shu payt keyingi yili o‘sish bo‘lishiga ishonmaydi (ko‘pincha TOP xodimlarda bo‘ladi).

3. Ish qiyin. Ish ko‘p energiyani olib qo‘yadi yoki ko‘p stress olib keladi (sotuvchilarda ko‘p bo‘ladigan sabab).

4. Jamoa bilan yaqin emas. Do‘stlar topa olmagan, yaxshi chiqishib keta olmadi (odatda tez ketadi, ko‘pga qolmaydi).

5. Kuchsiz rahbar. Xodimni sizni kuchli shaxs sifatida tan olmadi va sizdan nimanidir o‘rganishiga ko‘zi yetmayapti (ko‘pincha TOP xodimlarda bo‘ladi).

Xodimingiz ishdan ketsa xafa bo‘lmang, inson doim o‘ziga eng yaxshi tanlovni qiladi. Sizning jamoangiz shunchaki eng zo‘r tanlov emas edi.

@ravshanturgunov

4k 3 51 43 144

Ravshan Turgunov

10 Mar, 10:04

Tolstoy aytadi "Hamma baxtli oilalar bir biriga o‘xshaydi, har bir baxtsiz oila har xil baxtsiz"

Biznes esa shu qoida teskari ishlaydi. Hamma yopilib ketgan bizneslar bir biriga o’xshaydi.

Tizim yo‘q, marketingga pul tikilmaydi, mahsulot rasvo, mijozlar bilan gaplashilmaydi, nazorat yo‘q.

Muvaffaqiyatli kompaniyalarning muvaffaqiyati esa unikal, qandaydir kuchli taraf oldinga tortib ketgan.

Unikal sabablarni o‘rganmang, ularni qaytarib bo‘lmaydi. Ko‘p takrorlanadigan hodisalarga e’tibor bering.

@ravshanturgunov

5.1k 1 41 24 164

Ravshan Turgunov

9 Mar, 18:07

2024 va 2025-yillarda odamlardagi moliyaviy inqirozga e’tibor berdim.

Mahsulotlarni nasiyaga olib, odamlar qarzga botishdi. Nega bunday bo’ldi?

Nega nasiyaga olish bunday oson bo’lib qoldi? Nega qarzdorlar yana borib boshqa joydan qarzga narsa ololyapti?

Nasiya savdo biznes modeli qanday ishlaydi? Odamlar pul qaytarib bermasa ular yopilib ketishi kerak emasmi?

Shu mavzuda moliya bo’yicha mutaxassis Bekzod aka Rahmataliyev bilan suhbat qildik.

Bitta suhbatni o’zida maummoni tushunib olasiz, marhamat 👇

https://youtu.be/hufCRM290DI?si=Zvp-N2tpCxmtgPjn

5.3k 0 35 32 97

Ravshan Turgunov

6 Mar, 08:25

Suv haqida leksiyalarni eshitib suzishni o'rganib olmaysiz

Ba'zi ishlar faqat amaliyotda o'rganiladi.

Nazariy bilimlar kerak bo'lgan ishda ham 80% amaliyotga bog'liq.

Biznes haqida millionta kitob bor, hech qaysi biri sizni tadbirkor qilib qo'ymaydi.

Sotuv bo'lim uchun mingda CRM tizimlar bor, hech qaysi biri o’zi tizimlashtirib qo'ymadi.

O'rgandingiz, qildingiz, o'rgandingiz, qildingiz, o'rgandingiz, qildingiz.

O'rgandingiz, o'rgandingiz, o'rgandingiz emas.

@ravshanturgunov

7.6k 0 39 54 204

Ravshan Turgunov

4 Mar, 19:35

Vaqtni pulga sotib olsa bo'ladi

Samaradorlik bo‘yicha shikoyatlarni deyarli har kuni eshitaman.

Tadbirkorlar va boshqa rahbarlar doim vaqt defitsitida ishlashadi.

Shaxsiy vaqtni va samaradorlikni optimallashtirish bo‘yicha lifehack.

Vaqtni sotib olsa bo‘ladi, xodimlar ko‘rinishida, ya’ni oylik to‘laysiz.

Mashina haydash va unga qarash oyiga 60-80 soat vaqt oladi.

Haydovchi ishga olib, 500 dollarga 60-80 soatingizni sotib olasiz.

Shaxsiy brend qilish oyiga 100 soat vaqt oladi, oson ish emas.

SMM’chini ishga olib, 600 dollarga 100 soatingizni sotib olasiz.

Mantiqni tushundingiz degan umiddaman.

Ko‘proq pul to‘lab, o‘z vaqtingizni bo‘shata olasiz.

Savol tug‘ilishi mumkin: "Qachon vaqtimni olishim kerak?"

Qachon sizning vaqtingiz o‘sha xodimning oyligidan qimmatroq bo‘lsa.

Ya’ni haydovchiga 500 dollar to‘lamasdan, o‘zingiz mashinada haydashingiz qimmatroq bo‘lishi kerak.

Chunki siz 60-80 soatni ishga sarflab 3-4x ko‘proq topa olasiz.

@ravshanturgunov

8.6k 0 52 31 183

Ravshan Turgunov

1 Mar, 10:39

Bugun yaxshi kun, jamoa bilan yangi ish grafikiga o‘tdik.

Ertalab vaqtli brifing qildik va ishlarni qilishni boshladik.

Ishni asosiy qismi qilinib bo‘ldi, endi uchrashuvlar qoldi.

Bir kunda ichida ikki kun yashayotganday bo‘lyapman.

Kunni vaqtli boshlashni samarasi katta, ancha tartibli.

Qani edi bu hech qachon esdan chiqmasa.

@ravshanturgunov

9.9k 0 14 30 191

Ravshan Turgunov

28 Feb, 16:23

Tizimning eng katta dushmani

15 yil oldin bolalar oromgohidan keys. Yetakchimiz Ravshan aka bizga oyoq kiyimni yechib, otryadga (turar bino) kirishni aytdi.

Biz xo‘p dedik va qoidaga rioya qildik. Lekin Ravshan aka o’zlari oyoq kiyimni yechmasdan yurdilar, hamma 1-2 kundan keyin oyoq kiyimda yurishni boshladi.

15 yildan keyin ham shu holatni biznesda ko‘ryapman, tadbirkor xodimlariga bitta ishni qilishni aytyapti. O‘zi qilmayapti, xodimlar ham keyin qilmayapti.

Tizim joriy qilinishida uning eng katta dushmani tadbirkorni o‘zi bo‘ladi, ko‘pincha o‘zi yaratgan qoidalariga amal qilishni xohlamaydi.

Davlat siyosati ham shunday, yo‘l harakatlanish qoidalarini ishlab chiqishadi, lekin o‘ziga (katta mansabdorga) kelganida rioya qilmaydi.

Nega? Chunki tadbirkor va mansabdorda o‘sha qoidani buzish vakolati bor va shunda eng katta muammo.

Kompaniyangizda qoidalar va jazolar ishlashini xohlasangiz, ular sizning holatingizda ham ishlashi kerak.

@ravshanturgunov

9.8k 0 41 38 133

Ravshan Turgunov

27 Feb, 11:37

- Qanday qilib ko‘p ishga ulgursa bo‘ladi?
- O‘ylash bilan qilishni o‘rtasida balansni topib.

O‘ylash: turli xil variantlarni ko‘rib chiqib, bittasini tanlash va uni rejalashtirish.

Qilish: tanlangan vazifani atrofga qaramasdan bosib amalga oshirish.

Bittasini ikkinchisisiz qiladiganlar natijaga erishmaydi.

O‘ylamasdan faqat qilgan nima qilayotganini bilmaydi.

Faqat o‘ylab harakat qilmaydiganlar joyidan ham siljimaydi.

Hozir qilmaydiganlar ko‘proq, ular xayoliy ishlarga energiyasini ketkazyapti.

@ravshanturgunov

9.3k 1 76 22 161

Ravshan Turgunov

25 Feb, 18:56

Nega ko'p tadbirkorlar xodimlaridan ko'p ishlaydi?

Yoshlikdan erkin va mustaqil bo‘lishni orzu qilgansiz, katta bo‘lib biznesmen bo‘lishni niyat qildiz.

Mana biznesni ham boshladingiz, lekin erkinlik kelmadi, xodim kabi ishlayapsiz. Nega bunday bo‘ldi?

Chunki 2 lavozimda ishlayapsiz: 1 - ta’sischi; 2 - direktor.

Ikkalasining ishi har xil, ta’sischi ishlamaydi, direktor esa xodim, u doim ishlashi kerak.

Ba’zi tadbirkorlar ikkita lavozimni egallab ishlamaslikni o‘ylaydi, bunday bo‘lmaydi. O‘z biznesingizda rahbar bo‘lsangiz, siz oddiy xodim kabi ishlaysiz.

Biznesingizni rohatini ko‘rmoqchisiz? Tizim qo‘ying, ishonchli direktor oling.

@ravshanturgunov

8.9k 0 26 21 115

Ravshan Turgunov

20 Feb, 19:11

Muvaffaqiyatning otasi ko’p, mag’lubiyat esa hamisha yetim

Ishlaringiz joyidan siljiganda chalg‘ib qolishdan yomon narsa yo‘q. Pul kelishni boshlaganda, u boshqa odamlarni e’tibori bilan birga keladi.

Ko‘plar tanishishni xohlaydi, ko‘plar siz bilan ish qilib ko‘rmoqchi bo‘ladi, ko‘plar sizning resurslaringizni xohlaydi.

O‘zini-o‘zi buzish entropiya fizika qonuni afsuski hayotda ham ishlaydi, erishilgan natija doim o‘zini-o‘zi yo‘q qilishga harakat qiladi.

Agar jarayonni qo‘lga olmasdan, maqsadga olib bormaydigan ishlarga chalg‘ib qolsangiz. Erishilgan natijalar va birovlarning e’tibori hayotingizni birgalikda tark etadi.

Natijalar yo‘qligida esa biz yetimmiz, natijasi borlarning resurslari uchun harakat qilamiz. Ularga yozamiz, tanishishni xohlaymiz, qo‘lida ishlaymiz.

Natija qiling, chalg‘imang, e’tibor vampirlariga yo‘q deyishni o‘rganing.

@ravshanturgunov

9.4k 1 62 12 132

Ravshan Turgunov

18 Feb, 17:58

Networking haqida fikrimga ba’zilar tushunmadi, qisqa javob berib ketaman:

1) Networking faqat qiyin vaziyat uchun kerakmi?
- Yo’q, lekin qiyin vaziyatda u bilinadi

2) Networking qilishdan ko’ri o’zimni ustimda ishlaganim yaxshiroqmi?
- Albatta, arziydigan inson bo’ling, odamlar o’zi olidizga keladi

3) Kuchli networker bo’lish uchun nima qilish kerak?
- Odamlar sizni ignor qila oladigan darajada yaxshi mutaxassis bo’ling

4) Boshqalar bilan qandaydir manfaat uchun gaplashish kerakmi?
- Odatda manfaati bor odamlar bizga yoqadi, yoki undan qandaydir foyda bor, yoki shunchaki ular bilan vaqt yaxshi o’tadi. Yoqmaydigan odamlar bilan o’zingiz gaplashmaysiz.

5) Munosabatlarni yaxshilash uchun qandaydir sovg’alar berish kerakmi?
- Sovg’a bo’lishi shart emas, lekin munosabatlarni mustahkamlash uchun ularga e’tibor berasiz. Suv quymagan gulingiz so’lib boradi.

6) Evaziga nimadir olish maqsadida networking qilamanmi?
- Yo’q, yaxshilik qaytmasa ham qilaverasiz. Odatda baribir yaxshilik qaytadi.

@ravshanturgunov

8.4k 0 35 40 132

Ravshan Turgunov

17 Feb, 20:14

Befoyda munosabatlar

Networking trendga chiqqan payt, ba’zilar tanishlar orttirish kerak ekan degan message’ni olishyapti.

To‘g‘ri tanishlar orttirish kerak, lekin bu faqat 50% ish. Tangani ikkinchi tomoni - munosabatlarni chuqurlashtirish kerak.

Tanishlaringiz ko‘pmi? Yaxshi, nechtasi sizga qiyin vaziyatda yordam bera oladi?

Yoki yana bitta yaxshi misol, hamma tanishlaringizga telefon qilib qanday summani qarzga ola olasiz?

Ba’zilar 1-2 ming dollar ham topa olmaydi, boshqalar esa bitta qo‘ng‘iroq orqali 100 mingni hal qila oladi.

Post yozayotganda sinab ko‘rdim, bitta do‘stimdan kechki payt 6 ming olib ketsam bo‘lar ekan, boshqa qo‘ng‘iroq qilmadim.

Munosabatlarga chuqurlashing, vaqt va pul sarmoya qiling. Yolg‘iz ovqatlanmang, tanishlaringizni mehmon qiling.

Yaxshilik ulashing, bayramlar bilan tabriklang. To‘yiga boring, to‘yanani ayamang.

Hammasini qilayotganda samimiy bo‘lish esdan chiqmasin.

@ravshanturgunov

7.7k 0 71 23 200

Ravshan Turgunov

14 Feb, 19:34

Eng muhim kapital

Qancha kapitalingiz bor? Faqat pul yoki ko‘chmas mulklaringizni hisoblayapsizmi?

Ular material aktiv bo‘lsa, undan tashqari bizda nomaterial aktivlari ham bor.

Hozirdan sarmoya qilishingiz kerak bo‘lgan nomaterial aktiv - oqibatlar. O‘zi nechta odamingiz bilan bordi-keldingiz bor?

Tekshiramiz, telefonda nechta kontaktingiz bor? Menda deyarli 1000 ekan, podcast paytida Hasan aka Mamasaidov 5000+ ko‘rsatdilar.

Hasan aka mendan 5x boyroq, qo‘llari 5x ko‘proq joyga yetadi. Intilishga namuna bor.

Pulga hal qilib bo‘lmaydigan ishlar, bitta qo‘ng‘iroq bilan hal bo‘ladi.

Tanishlaringizni ko‘paytiring, networking ustida ishlang.

Lekin bitta narsaga e’tibor bering, gap faqat tanishlar sonida emas, sifatiga ham hal qiladi

@ravshanturgunov

7.8k 1 42 37 170

Ravshan Turgunov

11 Feb, 10:11

Reja xato bo‘lishi mumkin, lekin rejalashtirish doim to‘g‘ri bo‘ladi

O‘rtoq tadbirkor va managerlar, bizning eng qiyin ishimiz - o‘zimizga vazifa topish.

Kuningizni boshini doim bugunni rejalashtirishga ishlating.

Shunda 1 kun ichida 2 kun yashaydigan bo‘lasiz.

@ravshanturgunov

8.5k 0 47 19 180

Ravshan Turgunov

10 Feb, 19:19

Miyaga farqi yo‘q, tasavvuringizdagi narsani boricha qabul qilaveradi. Ilmiy tadqiqotlarga ko‘ra miya haqiqat bilan tasavvurni farqlay olmas ekan.

Kamroq orzularda yashashni tavsiya qilaman. Bo‘lmasa hali erishmagan natijangizga miya sizni dofamin (zavq) gormoni bilan mukofotlab qo‘yadi.

Pushti rang orzularingiz kechki payt kayfni beradi, ertalab esa o‘sha natijaga erishish uchun harakat qilgiz kelmaydi, natija kayfini olib bo‘lgansiz.

@ravshanturgunov

8.9k 1 85 17 177

Ravshan Turgunov

9 Feb, 18:23

Orzular o'ldiradi

Bitta tanishim hali hammasi yaxshi bo‘lib ketishiga ishonadi. Orzulari Galivud kinolaridan olingan: katta uy, sportcar, qimmatbaho soatlar.

Lekin biznesidagi holat va uning harakatlari bundan uzoq. Qanday qilib hozirgi sabablari hayolidagi natijaga olib kelishini tasavvur qila olmadim.

Boshqa tadbirkorlarda ham shuni kuzatdim. Hali to‘liq tizimini to‘g‘rilab, bozorni egallab olishiga ishonadi, lekin hali ham men bergan 5 kitobni o‘qimadi.

Maqsadlar qo‘yish bo‘yicha bitta oltin qoida: yakuniy natijani doim tasavvur qilavermang, undan ko‘ra o‘sha natijaga olib boradigan jarayonni o‘ylang.

Marketingni yaxshilamoqchisiz? Marketing strategiya qilishni o‘rganayotganingizni va 200-300 video kontent olishingizni tasavvur qiling. 200-300k instagram ko‘rishlarni emas.

Biznes boshqaruvingizni to‘g‘rilamoqchimisiz? Har hafta xodimlar bilan majlislar, vazifalar, meetinglar, hisobotlarni tasavvur qiling. Vaqtida ishni topshiradigan xodimlarni orzu qilmang.

Kamroq ideal hayot haqida o‘ylang, ko‘proq shu hayotga olib keladigan qiyin yo‘lga o‘zingizni tayyorlang.

@ravshanturgunov

9k 0 86 27 202

Ravshan Turgunov

8 Feb, 18:17

Shaxsiy brend = tez boy bo'lish instrumenti

Shaxsiy brendni hozirgi kunda nafaqat soha mutaxassislari, balki tadbirkorlar, prezidentlar ham qurmoqda.

Nega? Biznesni o'stirishga, saylovlarda g'olib bo'lishga yordam bermoqda.

Bu to'g'risida O'zbekistondagi eng TOP mutaxassislardan biri Asror Iskandarov bilan podcast qildik:
- Nega shaxsiy brend faqat instagramda qurilmaydi?
- Ko'p obunachi bo'lishi muhim emas
- Prezidentlar ham shaxsiy brend quradi

Shaxsiy brand bu 10 yil oldingi "Bitcoin". Bugun sarmoya qilganlar ertaga boy bo'lib ketadi!

@ravshanturgunov

Eng qimmat SMMchi bilan suhbat | Asror Iskandarov

Bugungi podcastimiz mehmoni "Shaxsiy brend" qurish bo'yicha O'zbekistondagi eng TOP mutaxassis Asror aka Iskandarov. Mehmon: Asror Iskandarov - https://instagram.com/asror.iskandar0v Mezbon: Ravshan Turgunov - https://instagram.com/tuurgunov Timecode: 00:00 - 00:28 Tizer 00:28 - 1:40 Tanishtiruv 1...

7k 0 43 19 60

Ravshan Turgunov

7 Feb, 19:03

Hozir harakat qilmagan, ertaga o’ladi

Hayotimiz zaldagi yugurish yo‘lakchasi bo‘lib qoldi, atrofimga qaradim, hamma yuguryapti, lekin baʼzilar joyida turibdi.

Hozirgi bozorda qayergadir yetib olish uchun 2x yugurish kerak, joyingizda tursangiz yo‘lakcha orqaga olib ketadi.

Ochgan biznesingiz shunchaki yopilib ketmasligi uchun siz boshqaruv va tizimlashtirishni o‘rganishingiz kerak.

Lekin uni kengaytirish uchun esa sizdagi tizim raqobatchilaringizdan yaxshiroq ham bo‘lishi kerak.

Yugurish yo‘lakcha tezligini aniqlab oling, bo‘lmasa u sizni orqaga tortib ketadi.

@ravshanturgunov