Андижон шаҳрининг сўконғич ва бузуқ собиқ ҳокими янги лавозимда

Андижон шаҳрининг собиқ собиқ ҳокими Дилмурод Раҳматуллаев орадан 5 йил ўтар-ўтмас бугундан янги лавозимга тайинланган.

Раҳматуллаев ҳозирги ҳокимдан олдинги ҳоким Баҳром Ҳайдаровдан ҳам олдинги ҳоким эди. 2019 йилда сўконғичлиги ва бошқа ҳунарлари учун ишдан олинганди.

Раҳматуллаевнинг қилиқларига ундан катталарам жим қараб турмаган. Масалан, вилоят ҳокими Шуҳрат Абдураҳмонов: "Бу болани жуда кўп огоҳлантирганман. Қадамингни ўйлаб босгин деганман. Мана қўлимда унинг қандай ишлагани тўғрисида маълумотлар бор", деганди.

Бош вазир Абдулла Арипов эса 2018 йилда бюджет ташкилотлари ходимларини мажбуран гул сотиб олдиргани учун қатъий огоҳлантирганди.

Мана, Андижон шаҳрининг ҳозирги ҳокими Ғофур Абдураҳмоновнинг бугунги қарори билан Раҳматуллаев шаҳар ободонлаштириш бошлиғи лавозимига тайинланган.

У шунча қилиқлари учун БҲМ 30 баравари миқдорида жаримага тортилган холос, кейинчалик ишдан бўшаб қутулган.

Видеода бир жувон билан тарқаб кетган видеосига берган изоҳини кўриш мумкин. У бу ҳолатни лаънатлаган ва қоралаганди.