Rasul Kusherbayev

Маст ҳолда автомобил бошқариб, одам ўлимига сабаб бўлган собиқ суд раиси суддан яширинган

Маълум қилишларича, жиноят ишлари бўйича Денов туман суди собиқ раиси ўзига қарши суддан яширинган. У сиртдан қамоққа олиниб, қидирувга берилган.

Суддан яширинган Камолиддин Муродов ушланган тақдирда Қарши шаҳридаги 5-сонли тергов ҳибсхонасига этап қилинади. Муродов маст ҳолатда машина бошқариб, ЙТҲ содир қилган ҳамда автомобил ичида бўлган адвокат Л.Абдураҳмоновнинг ўлимига сабаб бўлгани учун суд қилинаётганди.

❗️Ким, қайси лавозимда бўлсангиз ҳам маст ҳолда автомобил бошқарманг! Акс ҳолда кимнингдир ўлимига сабабчи бўлишингиз мумкин.

👉 @r_kusherbayev

❗️Кутилган янгилик: 2028 йилгача ҚҚС ва фойда солиғи оширилмайди

«Тадбиркорлар учун тенг шароитлар ва адолатли рақобат муҳитини таъминлаш бўйича навбатдаги чора-тадбирлар тўғрисида»ги Президент фармони қабул қилинди.

✅ Фармонга кўра:

➖ қўшилган қиймат солиғи(ҚҚС) ва фойда солиғи ставкалари 2028 йил 1 январга қадар оширилмайди;

➖ 2025 йил 1 январдан 2028 йил 1 январга қадар тикув-трикотаж, поябзал ва чарм-атторлик саноати йўналишларида ишлаб чиқариш фаолиятини юритаётган ва қуйидагиларга жавоб берадиган тадбиркорлик субъектлари учун фойда солиғи ва ўз ходимлари учун жисмоний шахслардан олинадиган даромад солиғи ставкалари 1 фоиз этиб белгиланди:

▪️ жами ходимлар сонининг камида 15 фоизи Ижтимоий ҳимоя ягона реестри ёки Камбағал оилалар реестрига киритилган оилалар аъзоларидан ташкил топганда;

▪️ ҳар ойда ҳар бир ходимга иш хақи миқдори меҳнатга ҳақ тўлашнинг энг кам миқдорининг икки бараваридан кам бўлмаган миқдорда ҳисобланганда;

▪️ солиқ даврида тикув-трикотаж, поябзал ёки чарм-атторлик маҳсулотларини реализация қилишдан тушган умумий тушуми жами товарларни (хизматларни) реализация қилишдан олинган даромаднинг камида 90 фоизини ташкил этганда.

➖ 2025 йил 1 апрелдан бошлаб даромадидан қатъи назар, фармацевтика маҳсулотлари савдоси билан шуғулланувчи ёки тиббий хизмат кўрсатувчи юридик шахслар ҚҚС тўловчилар деб эътироф этилди.

👉 @r_kusherbayev

Россияда ота-она қарамоғисиз қолган 15 нафар бола Ўзбекистонга қайтарилди

Ушбу болалар Ўзбекистонга қайтгач, яқин қариндошлари ҳомийлигига (васийлигига) ёки мамлакатимиздаги махсус болалар муассасаларига топширилади.

👉 @r_kusherbayev

❗️Озарбайжон Президенти Россияга учта шарт қатъий қўйди

Озарбайжон самолётининг Россия ҳарбийлари томонидан уриб туширилгани сабабли Озарбайжон президенти Илхом Алиев Россияга учта муҳим шарт қўйган.

Биринчидан, Россия Озарбайжондан узр сўраши керак.

Иккинчидан, Озарбайжон самолётининг ҳалокатида айбдор россияликлар жазоланиши шарт.

Учинчидан, етказилган зарар учун Озарбайжон давлатига, жабрланган йўловчи ва экипаж аъзоларига Россия товон пули тўлаши керак.

Бу уч шартнинг биринчиси кеча бажарилди, қолганлари ҳам бажарилади, деб умид қиламиз, деган Озарбайжон президенти.

Илҳом Алиевнинг бу ҳаракатлари ўз ўрнида МДҲ маконида Россияга нисбатан ўз талаб ва шартларини қўя оладиган президентлар ҳали ҳам борлигини кўрсатди.

👉 @r_kusherbayev

❗️АҚШнинг 39-президенти Жимми Картер 100 ёшида вафот этди.

Сиёсатчи Вьетнам урушидан «қочганлар»ни амнистия эълон қилгани ва Исроил ва Миср ўртасидаги Кэмп-Дэвид келишувларини тузиш жараёнида иштирок этгани билан тарихда қолган.

Шунингдек, Картер СССР билан стратегик қуролларни чеклаш тўғрисидаги шартнома имзолагани билан машҳурлик қозонган.

👉 @r_kusherbayev

“Баракалла, Афрўза! Сен халқимизнинг фахрисан!”

Саида Мирзиёева ўз саҳифасида Афрўза Ҳамдамовани рапид бўйича жаҳон чемпионатида эришган ютуғи билан табриклади.

“Атиги 15 ёшида у мусобақанинг ҳақиқий сенсациясига айланди, дунё рейтингининг Топ-20 талигига кирди ва иқтидор ҳамда меҳнатнинг чегараси йўқлигини исботлади. Баракалла, Афрўза! Сен халқимизнинг фахрисан!”, деб ёзади Президент ёрдамчиси ўз табригида.

👉 @r_kusherbayev

❗️Унутилган болалар: «Док-1 Макс» иши бўйича жабрланганларнинг оилаларига компенсация пуллари тўлиқ берилгани йўқ!

Ўзбекистонда 2022 йил декабрида Ҳиндистоннинг Marion Biotech компанияси томонидан ишлаб чиқарилган ва Ўзбекистонга олиб кирилган «Док-1 Макс» ва «Амбронол» дори воситаларидан расман 70 га яқин бола ҳалок бўлгани маълум бўлди.

Айни вақтда ушбу дорилардан заҳарланиб, соғлиғини йўқотган ва ногирон бўлиб қолган болалар орасида даволанишни давом эттириши зарур бўлганлари ҳам бор, аммо улар маблағ етишмовчилиги сабаб навбатдаги муолажаларни ололмаяпти.

2024 йил февралида суд номлари зикр этилган дориларни ичиш оқибатида соғлиғи ўта оғир аҳволдаги боланинг ҳар бирига 1 млрд сўмдан, соғлиғи қониқарли бўлган боланинг 4 боланинг ҳар бирига 500 млн сўмдан ҳамда соғлиғи яхшиланган 8 боланинг ҳар бирига 200 млн сўмдан маънавий зарар ундириш ҳақида ҳукм чиқарган эди. Шунингдек, ноябрь ойидаги суд жараёни якунига кўра, ҳаёти учун хавфли тан жароҳатлари олган яна 5 нафар боланинг ҳар бирига 1 млрд сўмдан компенсация тўлаш ҳақида ҳукм чиқарган.

Аммо бу компенсация пуллари ҳали тўлиқ тўлаб берилгани йўқ. Бир қатор болаларнинг ҳаёти эса айнан шу компенсация пулларининг тезроқ берилишига боғлиқ. Бу муолажалар орқали кўрмай қолган болалар кўришни, эшитмай қолган болалар эшитишни, юролмай қолганлари эса юришни бошлаши мумкин.

☝️Масъуллар бу болаларни унутиб юборишган кўринади. Шунча бола ўлишига айбдор мансабдорлар ҳеч бўлмаса халқдан кечирим сўраб қўйишгани ҳам йўқ! Балки буни унутишгандир. Агар шундай бўлса биз яна эслатаяпмиз.

👉 @r_kusherbayev

❗️Ҳуқуқбузарларга нисбатан қонуний тартибда чора кўрилади

Боксчи Шаҳрам Ғиёсов айиқ билан машғулот ўтказгани акс этган видео тарқалди. Бу ҳолат ижтимоий тармоқ фойдаланувчиларининг эътирозларига сабаб бўлган.
 
Айни дамда Экология, атроф-муҳитни муҳофаза қилиш ва иқлим ўзгариши вазирлиги томонидан ҳолат ўрганилмоқда. Ўрганиш натижаларига кўра батафсил маълумот берилади ва ҳуқуқбузарларга нисбатан қонуний тартибда чора кўрилади.

Маълумот учун, Вазирлар Маҳкамасининг қарорига кўра, 2025 йил 1 январьдан жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши тақиқланган ёввойи ҳайвонлар рўйхати тасдиқланган. Ушбу рўйхатга айиқларнинг барча тури киритилган. Яъни бошқа ҳайвонлар қатори айиқларни ҳам давлат ва мобил циркларида (шапитолар) сақлаш ҳамда улардан цирк томошаларини ўтказиш мақсадларида фойдаланиш тақиқланади.

Экология вазирлиги

👉 @r_kusherbayev

❗️Владимир Путин Azerbaijan Airlines самолётининг ҳалокатга учрагани учун узр сўради

Россия ва Озарбайжон президентлари ўртасидаги телефон мулоқотида Azerbaijan Airlines авиакомпаниясига тегишли йўловчи самолётининг учрагани учун Владимир Путин Илҳом Алиевдан узр сўраб, ҳалок бўлганларнинг яқинларига ҳамдардлик билдирди.

Шунингдек, ҳолат юзасидан Россия Тергов қўмитаси томонидан жиноят иши қўзғатилиб, фуқаровий ва ҳарбий мутахассислар сўроқ қилинаётгани маълум қилинган.

👉 @r_kusherbayev

Бугун, яъни 28 декабрь мактабларда II чоракнинг оҳирги дарс куни бўлмоқда, III чорак дарслари эса 13 январдан бошланади.

Ўқув жараёнларининг узлуксизлигини таъминлаш мақсадида қишки таътил кунлари 2024 йил 29 декабрдан бошланиб, 2025 йил 11 январга қадар давом этади.

Бунда мактабларда 2025 йил 11 январь (шанба) кунига белгиланган дарслар 2024 йил 28 декабрь (шанба) кунига ўтказилмоқда. Ўқув йилининг III чораги 2025 йил 13 январь (душанба)дан бошланади.

👉 @r_kusherbayev

Бахсли "протокол" мажбурий эмас, тавсиявий характерга эга

Олий таълим, фан ва инновациялар вазирлиги, Республика олий таълим кенгаши мажлисининг 1-сонли бахсли баёни бўйича расмий муносабат билдирибди.

Айтилишича, Республика олий таълим кенгаши нодавлат нотижорат ташкилоти сифатида фаолият юритиб, давлат функцияларини амалга оширмайди ва қарорлари мажбурий кучга эга эмас. У ўз фаолиятида Ўзбекистон Республикаси Конституцияси ва қонунларига амал қилади ҳамда фақат тавсиявий характерга эга таклифлар ишлаб чиқади.

Олий таълим, фан ва инновациялар вазирлиги Кенгаш томонидан қабул қилинган қарорларни нодавлат нотижорат ташкилотнинг ички иши сифатида баҳолайди.

Шунингдек, вазирлик ҳар қандай молиявий ҳаракатлар ёки манфаатлар поймол этилиши ҳолатлари бўйича мурожаатлар қабул қилишга ва уларни белгиланган тартибда кўриб чиқишга тайёрлигини билдиради.

👉 @r_kusherbayev

❗️Янги йил муносабати билан 6 кун дам олинади

“Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида” Президент қарори қабул қилинди.

Унга кўра, 2025 йилда 5 кунлик иш ҳафтасида ишлайдиган ходимлар учун дам олиш куни 4 январь – шанба кунидан 2 январь – пайшанба кунига кўчирилди. 6 кунлик иш ҳафтасида ишлайдиган ходимлар учун 2 январь – пайшанба қўшимча дам олиш куни этиб белгиланди.

✅ Шу муносабат билан:

➖28 декабрь, шанба — 6 кун ишловчилар учун одатий иш куни, 5 кун ишловчилар учун одатий дам олиш куни;

➖29 декабрь, якшанба — барча учун одатий дам олиш куни;

➖30 декабрь, душанба — 6 кун ишловчилар учун қўшимча дам олиш куни, 5 кун ишловчилар учун 14 декабрь (шанба) кунидан кўчирилган дам олиш куни;

➖31 декабрь, сешанба — барча учун қўшимча дам олиш куни;

➖1 январь, чоршанба — Янги йил байрами;

➖2 январь, пайшанба — 6 кун ишловчилар учун қўшимча дам олиш куни, 5 кун ишловчилар учун 4 январь (шанба) кунидан кўчирилган дам олиш куни ҳисобланади.

👉 @r_kusherbayev