Abu Hanifa masjidi

ҚАНДАЙ ҚИЛИБ ЗИНОДАН УЗОҚЛАШИШ МУМКИН?

Аллоҳ ҳаром қилган ўринлардан кўзингни тий, зеро, Расулуллоҳ соллаллоҳу алайҳи васаллам айтадилар:

«Кўз ҳам зино қилади, қалб ҳам зино қилади. Кўзнинг зиноси назардир. Қалбнинг зиноси орзу қилишдир. Фарж эса бу нарсаларни тасдиқлайди ёки инкор қилади» (Имом Аҳмад ривояти).

Ҳеч қачон бирор аёл билан ёлғиз қола кўрма. Номаҳрам эркак-аёллар аралаш бўладиган ўтиришлардан узоқда бўл. Набий алайҳиссалом айтдилар: «Маҳрам бўлмаган эркак ва аёл асло ёлғиз қолмасин» (Имом Бухорий ривояти).

Агар уйланган бўлсанг, У ҳолда шаҳватингни Ҳабибимиз Мустафо соллаллоҳу алайҳи васаллам қуйидаги ҳадисда ўргатганлари каби ҳалол йўл билан қондир:

«Arap бирортангизни бирор аёл қизиқтириб, қалбига ўрнашиб қолса, ўз аёлига юзлансин ва унга воқе бўлсин (яъни жимо қилсин). Албатта, мана шу нарса қалбидаги нарсани кетказади» (Имом Муслим ривояти).

Нима учун Аллоҳ таоло Ўзининг Китобида зикр қилган иффатли бўлиш «дори»сини синаб кўрмайсан:

«Никоҳ (имкони)ни топа олмаганлар, Аллоҳ уларни Ўз фазлидан бой қилгунича, иффатларини сақласинлар» (Нур сураси, 33-оят).

Нима учун Набий соллаллоҳу алайҳи васаллам уйланишга қодир бўлмаганларга тавсия қилган иффатни сақлаш рўзасини синаб кўрмайсан?

У зот соллаллоҳу алайҳи васаллам айтганлар:
«Сизлардан кимда-ким уйланишга қодир бўлса, бас, уйлансин. Зеро, у кўзни тияди ва фаржни сақлайди. Ким қодир бўлмаса, ўзига рўзани лозим тутсин. Албатта, у (рўза) унинг учун бичилишдир» (Имом Бухорий ривояти).

Нима учун шайтон қалбингга кириб бориши мумкин бўлган учта воситани ҳам кесиб ташламайсан?
Назарни мутолаа ва ишингга қаратиш билан.
Тўқликни имкон қадар кўпроқ рўза тутиш билан.
Фикрни «Аллоҳ уни кўриб туришини билмасми?» (Алақ сураси, 14-оят) оятини шиорингга айлантириш билан.

Нима учун сен бир кун келиб ўғилларинг ва қизларинг олдида ўтириб, «Отангиз шундай киши эдики, уни бирор-бир шаҳват бука олмаган», дея фахланиб гапиришни ўйламайсан?!

“Ёш йигитга насиҳат” китобидан.

•┈┈•┈┈•⊰✿🍃🌸🍃✿⊱•┈┈•┈┈•
📲Яқинларингизга ҳам улашинг!
🔗Каналимизга обуна бўлишни унутманг!

♻️Abu Hanifa masjidi♻️
#Каналга_уланиш 👇
https://t.me/quvamasjidi

​​НИКОҲДАН КЕЙИН ЭР ВАФОТ ЭТГАН ҲОЛАТДА МАҲР, ИДДА ВА МЕРОС МАСАЛАЛАРИ
#маҳр #идда
#мерос

❓1563-CАВОЛ: Куёв тўй куни келиннинг уйидан никоҳланиб қайтаётганида автоҳалокатга учраб вафот этди. Келин бу ҳолатда қандай идда ўтиради. Маҳр ва мерос масалалари қандай бўлади?

💬 ЖАВОБ: Бисмиллаҳир Роҳманир Роҳим. Бу ҳолатда келин ўлим иддаси, яъни тўрт ойу ўн кун идда ўтиради. Ўлим иддасида яқинлик ёки хилвати саҳиҳанинг бўлган-бўлмаганининг аҳамияти йўқ.
Бу ҳолатда келин белгиланган маҳрни тўлиқ олади. Агар келин маҳр олишдан воз кечса, марҳум эр аёли олдидаги қарзидан қутилган бўлади.
Мерос ҳам шундай. Яъни келин эрига тегишли мол-мулкдан мерос олишга ҳақли бўлади. Бир муддат бирга яшаган ёки яшамаган бўлишининг аҳамияти йўқ. Шундай экан ушбу келин хоҳласа меросни талаб қилиши, хоҳласа ҳаққидан кечиши дуруст бўлади. Валлоҳу аълам.

Ўзбекистон мусулмонлари идораси
Фатво маркази.

•┈┈•┈┈•⊰✿🍃🌸🍃✿⊱•┈┈•┈┈•
📲Яқинларингизга ҳам улашинг!
🔗Каналимизга обуна бўлишни унутманг!

♻️Abu Hanifa masjidi♻️
#Каналга_уланиш 👇
https://t.me/quvamasjidi

«Ҳазрати Абу Ҳурайра розияллоҳу анҳу ривоят қиладилар: «Жаноб Расулуллоҳ соллаллоҳу алайҳи ва саллам бундай дедилар: «Одам (алайҳиссалом) билан Мусо (алайҳиссалом) ўзаро тортишиб қолдилар. Мусо (алайҳиссалом) Одам (алайҳиссалом)га: «Эй Одам! Сиз отамиз бўла туриб, бизнинг барча умидларимизни барбод қилдингиз, бизнинг жаннатдан қувилишимизга сабаб бўлдингиз!» – деб таъна қилдилар. Одам (алайҳиссалом) Мусо (алайҳиссалом)га: «Эй Мусо! Аллоҳ таоло сени ўзига суҳбатдош қилиб танлади, сенга ўз қудрат қўли билан Китоб (Таврот) берди, энди сен менга Аллоҳ таоло мени яратмасидан қирқ (аср) олдин тақдир қилган ишни айтиб таъна қиласанми?!» – дедилар. Одам (алайҳиссалом) уч бор шундай деб Мусо (алайҳиссалом)га танбиҳ бердилар«. Демак, Одам алайҳиссаломнинг жаннатдан ер юзига туширилишлари азалдан тақдир қилинган иш эди ва бунинг энг буюк ҳикматларидан бири эса ҳазрати Муҳаммад алайҳиссаломнинг охирзамон Пайғамбари бўлиб дунёга келишлари лозимлиги эди».

«Ошиқ Машраб ва тасаввуф олами» китобидан.

•┈┈•┈┈•⊰✿🍃🌸🍃✿⊱•┈┈•┈┈•
📲Яқинларингизга ҳам улашинг!
🔗Каналимизга обуна бўлишни унутманг!

♻️Abu Hanifa masjidi♻️
#Каналга_уланиш 👇
https://t.me/quvamasjidi

Рамазонга оз қолди

عن طلحة بن عبيد الله أن رجلين قَدِما على رسول الله صلى الله عليه وسلم، وكان إسلامهما جميعاً, فكان أحدهما أشد اجتهاداً من الآخر فغزا المجتهد منهما فاستشهد, ثم مكث الآخر بعده سنة ثم توفي, قال طلحة: فرأيت في المنام بينا أنا عند باب الجنة إذا أنا بهما, فخرج خارج من الجنة فأذن للذي توفي الآخِر منهما, ثم خرج فأذن للذي استشهد, ثم رجع إلي فقال: ارجع فإنك لم يأْنِ لك بعد, فأصبح طلحة يحدث به الناس, فعجبوا لذلك, فبلغ ذلك رسول الله صلى الله عليه وسلم, وحدثوه الحديث, فقال: مِن أي ذلك تعجبون؟ فقالوا: يا رسول الله! هذا كان أشد الرجلين اجتهاداً، ثم استشهد, ودخل هذا الآخر الجنة قبله, فقال رسول الله صلى الله عليه وسلم: أليس قد مكث هذا بعده سنة؟ قالوا: بلى, قال: وأدرك رمضان، فصام، وصلى كذا وكذا من سجدة في السنة، قالوا: بلى, قال رسول الله صلى الله عليه وسلم: فما بينهما أبعد مما بين السماء والأرض ـ


📜Талҳа ибн Убайдуллоҳ ривоят қилади, Ямандан икки киши келиб Расулуллоҳ саллоллоҳу алайҳи васалламнинг ҳузурларида иймон келтирди. Уларнинг бири бошқасига қараганда кўпроқ ибодат қилар эди. Ўша тиришқоқроғи ғазотда қатнашиб шаҳид бўлди.
Нариги шериги эса ундан кейин бир йил яшаб вафот қилди. Талҳа айтади: "Туш кўрдим. Тушимда жаннат эшиги олдида турган эмишман. Ҳалиги икки Яманлик киши ҳам ўша ерда турган эмиш. Бир фаришта келиб бир йил кейин вафот этган Яманлик кишини жаннатга киришини айтди. Сўнгра фаришта яна қайтиб чиқиб шаҳид бўлган Яманликни ҳам жаннатга киришини айтди. Сўнгра яна қайтиб чиқиб менга деди: Сен қайт! Ҳали сенинг умринг бор!", деди.

Талҳа розияллоҳу анҳу кўрган тушини одамларга айтиб юрди. Одамлар унинг тушидан, ҳалиги Яманликларнинг ҳолидан таажжубланиб юришди. Бу гап Расулуллоҳ саллоллоҳу алайҳи ва салламга етиб боргач кишиларга дедилар:
- Нимадан таажжубланаяпсизлар?
- Эй Аллоҳнинг Расули! Анави Яманлик ибодатли киши эди, шаҳид бўлди. Аммо шериги жаннатга ундан аввал кирди?!
Набий саллоллоҳу алайҳи ва саллам уларга шундай дедилар:
- Жаннатга аввал кирган киши ундан кейин бир йил яшамаганмиди?
-Яшаган эди!
- Рамазонни топиб, рўза тутиб, намоз ўқиганмиди?!
- Ҳа!
- Унда иккаласининг ўртасидаги фарқ осмон билан ер қадардир!", дедилар.

Ибн Можа ва Аҳмадлар ривояти.

•┈┈•┈┈•⊰✿🍃🌸🍃✿⊱•┈┈•┈┈•
📲Яқинларингизга ҳам улашинг!
🔗Каналимизга обуна бўлишни унутманг!

♻️Abu Hanifa masjidi♻️
#Каналга_уланиш 👇
https://t.me/quvamasjidi