Qiziriq SEO va JS boʻlimi

​​❗️Maktabgacha ta’lim tashkilotlarida ertalabki filtr bolalarning salomatligini nazorat qilish va yuqumli kasalliklarning oldini olish uchun muhim jarayon.

✅MAQSAD❓

1️⃣Bolalarning umumiy ahvolini baholash.

2️⃣Yuqumli kasalliklarning oldini olish.

3️⃣Farzandini kasal holda olib kelgan ota-onalarni ogohlantirish.

4️⃣Sog‘lom muhitni saqlash.

✅Qanday o‘tkaziladi❓
Filtr odatda tarbiyachi, hamshira tomonidan ertalab bolalar bog‘chaga kelganida amalga oshiriladi.

1️⃣Bolaning tana haroratini o‘lchash
Agar bola tana harorati 37°Ch yoki undan yuqori bo‘lsa, u bog‘chaga qabul qilinmaydi.

2️⃣Tashqi ko‘rik – Bolaning umumiy holati, terisi, ko‘zlari, buruni va og‘zi ko‘rikdan o‘tkaziladi.
Kasallik alomatlarini tekshirish – Burun oqishi, yo‘tal, ko‘ngil aynishi, diareya yoki terida toshmalar bor-yo‘qligi aniqlanadi.

3️⃣Qo‘l-oyoqlarning tozaligi – Shaxsiy gigiyenaga rioya qilinganligi nazorat qilinadi.

✅Kasallik aniqlanganda nima qilinadi❓

1️⃣Agar bola kasallik belgilari bilan kelgan bo‘lsa, ota-onasi darhol xabardor qilinadi.

2️⃣Yuqumli kasallik aniqlansa, bola shifokor ruxsati bilan bog‘chaga qayta qabul qilinadi.

3️⃣Еpidemik vaziyat bo‘lsa, sanitariya-gigiyena choralari kuchaytiriladi.

✅Tavsiyalar qanday❓

1️⃣Tibbiy xodimlar muntazam ravishda filtr jarayonini nazorat qilishi kerak.

2️⃣Bolalar gigiyenik qoidalarga rioya qilishga o‘rgatilishi kerak.

🔖Maktabgacha ta’lim tashkilotlarida ertalabki filtr tadbirlari Sanepidqo‘mitaning hududiy  bo‘limlari mutaxassislari tomonidan nazorat qilib boriladi.

Kanalga ulanish uchun:
👉https://t.me/qiziriqseojsb
👉http://www.youtube.com/@Qiziriqsanepid
👉 https://www.instagram.com/qiziriqsanepid/

Atrof muhitni qanday asrashimiz mumkin?

Atrof-muhitni asrash uchun bir nechta samarali va oddiy usullar mavjud, va har birimiz bu jarayonda muhim rol o‘ynashimiz mumkin.

Bularga asosan quyidagilarni keltirib o’tishimiz lozim:
☀️ Energiya tejamkorligini oshirish:
✅ Elektrni tejash: Uydagi elektr energiyasini tejash uchun, chiroqlarni o‘chirib qo‘yish, energiya tejamkor (LED) chiroqlarni ishlatish va elektr qurilmalarni uzoq vaqt ishlatmasdan o‘chirish kerak.
✅ Qayta tiklanuvchi energiya: Quyosh panellari yoki shamol turbinalarini o‘rnatish, bu orqali atrof-muhitga zarar keltiradigan issiqxona gazlarini kamaytirishga erishish mumkin.
💧 Suvdan samarali foydalanish:
✅ Suvni tejash: Uzoq vaqt davomida suvni oqizib qo’ymaslik yoki oshxona idishlarni yuvishda suvni ortiqcha isrof qilmaslik kerak.
✅ Suvni qayta ishlatish: Yomg‘ir yoki qor suvlarini yig‘ib, kichik issiqxonalar va bog‘larni sug‘orish uchun ishlatish mumkin.
♻️ Chiqindilarni qayta ishlash (Recycling):
✅ Qog‘oz va plastikni qayta ishlash: Plastik va qog‘oz idishlarni alohidalangan chiqindilar joyiga tashlash va bu orqali ularni qayta ishlash jarayonini qo‘llab-quvvatlash mumkin.
✅ Kompost qilish: Oziq-ovqat qoldiqlarini kompost qilish ya’ni organik chiqindilarni o‘z bog‘ingizda,issiqxonada yoki boshqa joylarda bioo’g’it sifatida ishlatish mumkin.
🚗Transport va harakatlanish:
✅ Jamoat transportidan foydalanish: Avtomobildan kamroq foydalanish va jamoat transportini tanlash, bu havoga chiqariladigan ifloslantiruvchi karbonat angidrid va boshqa zararli moddalarni kamaytirishga yordam beradi.
✅ Velosiped va piyoda yurish: Yengil sayohatlar uchun velosiped yoki piyoda yurishni afzal ko‘rish, bu ham energiya tejash va havoni toza saqlashga yordam beradi.
🌳🐘 O‘simliklar va tabiatni himoya qilish:
✅ Yashil maydonlarni ko‘paytirish: O‘simliklar,daraxtlar ekish va yashil hududlarni yaratish orqali havodagi karbonat angidridni kamaytirib, havoni tozalashga yordam berishingiz mumkin.
✅ Tabiatni qo‘llab-quvvatlash: Tabiiy resurslarni doimo himoya qilish,oqilona foydalanish, hayvonot va o‘simlik dunyosini saqlash va ularga zarar yetkazmaslik muhimdir.
✅ Qishloq xo‘jaligida: Pestitsidlar va kimyoviy o‘g‘itlar o‘rniga organik va bioorganik o’g’itlardan foydalanish, mahsulotlarni yetishtirishda ekologiyaga zarar yetkazadigan faoliyatlardan saqlanish.
❇️ Atrof-muhitni asrashda faol bo‘lish:
✅ Ta’lim va targ‘ibot: Atrof-muhitni asrash haqida doimo bilimlarni oshirish bu haqda boshqalarning ham xabardorligini kuchaytirish va ijtimoiy tarmoqlar orqali atrof-muhitni muhofaza qilish borasida turli xil ijobiy yondashuv loyihalarni rivojlantirish.

❗️ Hozirgi kunda har qanday ekologik muammo bir insonga emas, balki butun bir jamiyatga,davlatga hattoki dunyo hamjamiyatiga jiddiy ta’sir ko’rsatadi.

Xulosa qilib shuni aytish mumkinki, atrof-muhitni himoya qilishda o‘z hissamizni qo‘shishimiz mumkin. Har bir kichik harakat global o‘zgarishlarga olib kelishi mumkin!


👉Kanalga ulanish uchun: https://t.me/qiziriqseojsb
👉http://www.youtube.com/@Qiziriqsanepid
👉 https://www.instagram.com/qiziriqsanepid/

Oziq-ovqat mahsulotining xavfsizligi- bu nima?

Oziq-ovqat mahsulotining xavfsizligi — bu oziq-ovqat mahsulotlarining inson salomatligi uchun zararli bo'lmasligini ta'minlashga qaratilgan jarayon va standartlar to'plamidir. Oziq-ovqat xavfsizligini ta'minlash quyidagi jihatlarni o'z ichiga oladi:

✅ Sifat nazorati: Oziq-ovqat mahsulotlari ishlab chiqarish jarayonida sifatni nazorat qilish muhimdir. Bu, xom ashyolarni tanlashdan tortib, tayyor mahsulotni saqlashgacha bo'lgan barcha bosqichlarni o'z ichiga oladi.

✅ Sanitariya va gigiena: Ishlab chiqarish, saqlash va tarqatish jarayonlarida sanitariya va gigiena qoidalariga rioya qilish zarur. Bu turli xil kasallik qo’zg’atuvchilari va boshqa zararli holatlarni oldini olishga yordam beradi.

✅ Kimyoviy xavf: Oziq-ovqat mahsulotlarida pestitsidlar, qo'shimchalar va boshqa kimyoviy moddalar bo'lishi mumkin. Ularning miqdori belgilangan normadan oshmasligi kerak.

✅ Biologik xavf: Oziq-ovqatda bakteriyalar, viruslar va parazitlar bo'lishi mumkin. Ularni yo'qotish uchun to'g'ri pishirish va saqlash usullarini qo'llash muhimdir.

✅ Xavfsizlik talablari: Oziq-ovqat mahsulotlari sifatini va xavfsizligini tasdiqlovchi tahlil va sertifikatlar mavjud. Bular iste'molchilarga mahsulotning xavfsizligini ishonchli ravishda bilishga yordam beradi.

✅ Oziq-ovqat mahsulotlarini saqlash: Mahsulotlarni to'g'ri saqlash shartlari (harorat, namlik va h.k.) ularda mikroblar ko'payishini oldini olishga yordam beradi.

👉Kanalga ulanish uchun: https://t.me/qiziriqseojsb
👉http://www.youtube.com/@Qiziriqsanepid
👉 https://www.instagram.com/qiziriqsanepid/