Qashqadaryo viloyati Oila va xotin-qizlar boshqarmasi

Muborakda yangi korxonaning ish boshlashi natijasida 100 nafardan ziyod xotin - qizlarning bandligi ta’minlandi

Muhtaram Prezidentimiz tomonidan tadbirkorlarga yaratib berilayotgan keng imkoniyatlar natijasida yurtimiz bo‘ylab har yili minglab korxonalar o‘z faoliyatini yo‘lga qo‘ymoqda.

Xususan, 2025 yilning boshida Muborak tumanida "Buyursin tekstil" MCHJning yangi filiali o‘z ish faoliyatini yo‘lga qo‘ydi. Natijada 100 dan ziyod muboraklik xotin-qizlarning bandligi ta’minlandi. Doimiy ish o‘rniga ega bo‘ldi.

Bugun, 20-yanvar kuni Muborak tumani hokimi Muxtor Xayitmuradov "Buyursin tekstil" MCHJning yangi filialida bo‘lib, korxonaning rahbari hamda bu yerda ishlayotgan xotin-qizlar bilan uchrashdi.  Ularning taklif hamda muammolarini tingladi.

Ma’lumot o‘rnida, "Buyursin tekstil" MCHJ kelgusida tikuvchilikni o‘rganishni istagida bo‘lgan xotin-qizlarni shu joyni o‘zida o‘qitib, ularni ish bilan ta’minlashni ham maqsad qilmoqda.

https://t.me/qashoilavaxotinqizlar

Mirishkor tumanida haftaning har juma kunida milliy liboslar targ‘ibotiga bag‘ishlangan “Xon atlas” kunlari o‘tkazib boriladi.

Mirishkor tuman hokimligi, Oila va xotin-qizlar bo‘limi tashabbusi bilan aholi, ayniqsa, yoshlarda milliy va umuminsoniy qadriyatlarga hurmat tuyg‘usini yuksaltirish, o‘zbekona kiyinish madaniyati, milliy libos va an’analarimizni keng targ‘ib etish maqsadida viloyatning barcha tuman va shaharlarida – korxona, tashkilot, muassasalar hamda ta’lim maskanlarida “Xonatlas” kunlari o‘tkazilishi an’anaga aylanmoqda.

Milliy mafkura va ma’naviy qadriyatlarni shakllantirish, yoshlar tarbiyasida kiyinish madaniyatini to‘g‘ri yo‘naltirish muhim ahamiyat kasb etadi.

Qolaversa, atlas, adras, beqasam singari matolardan tikilgan milliy liboslarimiz ko‘rkam va o‘ziga xosligi bilan har qanday kishini hayratga soladi.

https://t.me/qashoilavaxotinqizlar

“Milliy libosimiz – ma’naviyat ko‘zgusi"

Oila va xotin-qizlar Chiroqchi tumani bo‘limi hamda mahallalarda faoliyat olib borayotgan xotin-qizlar faollari tomonidan mahallalarda milliy qadriyatlarimizni targ‘ib qilish, yosh avlod va jamiyatning barcha qatlamlari orasida milliy liboslarimizning ahamiyatini tushuntirishga qaratilgan qator tadbirlar o‘tkazilmoqda.

Xususan, “Milliy libosimiz – ma’naviyat ko‘zgusi” shiori ostida xotin-qizlar faollari ishga milliy liboslarda chiqishmoqda.

Chiroqchi tumani mahallalarida o‘tkazilayotgan “Milliy libosimiz – ma’naviyat ko‘zgusi” shiori ostidagi tadbirlar davom etmoqda.

https://t.me/qashoilavaxotinqizlar

#QASHQADARYO

Qashqadaryoda ayollar orasida o'zaro hurmat va jamiyatda an'anaviy qadriyatlarni hurmat qilish katta o'rin tutadi.

Oila va avlodlarni qadrlash, bolalarga yaxshi tarbiya berish va jamiyatda o'z o'rnini topish Qashqadaryo ayollarining hayotidagi muhim jihatlardandir.

https://t.me/qashoilavaxotinqizlar

⚡️Davlat fuqarolik xizmatidagi rahbarlik lavozimlariga xotin-qizlarni maqsadli tayyorlash tizimi yo‘lga qo‘yildi

Xotin-qizlarning ijtimoiy, siyosiy faolligi va davlat boshqaruvida qarorlar qabul qilish jarayonidagi ishtiroki mamlakat taraqqiyoti uchun muhim ahamiyatga ega.

Darhaqiqat, xotin-qizlarning o‘z zimmasidagi vazifalar ijrosiga mas’uliyat bilan yondashishi, ulardagi ishchanlik salohiyati, muloqot ko‘nikmalari, tezkor va qat’iyatlik bilan qaror qabul qila olish mahorati, bu jarayonlarda boshqa insonlar fikrlarini ham inobatga olib, xulosa qila olish xususiyati – davlat xizmatida ularning o‘ziga xos o‘rin tutishini namoyon qiladi.

Shu tufayli, davlat boshqaruvida xotin-qizlar salmog‘ini oshirish, xususan, salohiyatli rahbar ayollar korpusini shakllantirish – davlat fuqarolik xizmatini rivojlantirish kun tartibidagi dolzarb masalalardan biri hisoblanadi.

▫️Batafsil

https://t.me/qashoilavaxotinqizlar