Matbuot kotibi | Ahror Sodiqov |Rasmiy

#Туризм Энди Ғелондан Сарчашмага дор йўли орқали тезда етиб олишингиз мумкин

Ўзбекистон делегациясининг 2023 йил 4–6 октябрда Россиянинг Қозон шаҳридаги “Казань ЭКСПО” тадбирлар доирасида Қашқадарё вилоятида “Тоғ чанғи комплекси” лойиҳасини барпо этиш юзасидан меморандум имзоланган эди.

Бугун вилоят ҳокими Муротжон Азимов Шаҳрисабз туманининг Ғелон қишлоғида барпо этиладиган мазкур “Тоғ чанғи комплекси” лойиҳаси тақдимоти билан танишди.

Маълум бўлишича, 1-босқичда 5,9 км гондолали дор йўли (Ғелон-Сарчашма), 4 та тоғ-чанғи йўли, 35 та вилла, 1 та ташриф маркази, 4 юлдузли меҳмонхона, 5 қаватли автотураргоҳ, ресторан, вертолёт майдончаси, болалар шаҳарчаси ва дарё бўйлаб йўлакчалар барпо этилади ва бунга 100 млн. доллар инвестиция маблағи жалб қилинади.

Эндиликда меҳмонлар Ғелон ёки Сарчашма қишлоқларининг бирига автомашинада етиб олиб, кейинги манзилга тоғ ён-бағирларида қурилаётган 5.9 кмлик дор йўли орқали давом эттиришади.

Лойиҳанинг 2 ва 3-босқичларига 200 млн. доллар инвестиция маблағи эвазига 3,8 км ўриндиқли ва 2,9 км гондолали дор йўли, 21 та тоғ-чанғи йўли, 3 та меҳмонхона (3, 4 ва 5 юлдузли), 2 та ресторан, 75 та вилла, кузатув минораси, аттракционлар (зиплайн, родельбан ва скайпарк) барпо этилади.

Telegram|YouTube|Facebook|Instagram|X

✅ Анъанавий V “Ахборот хизматлари фаолияти: очиқлик, тезкорлик ва холислик бош мезон” мавзусидаги Миллий конференция ўз ишини бошлади

Жорий йилнинг 21-22 июнь кунлари Бўстонлиқ туманида давлат органлари ва ташкилотлари ахборот хизматлари раҳбарлари учун навбатдаги Миллий конференция ва Медиа-форум бўлиб ўтади.

АОКА ташаббусига кўра 27 июнь - Матбуот ва оммавий ахборот воситалари куни муносабати билан ҳар йили ташкил этиладиган мазкур тадбир НКМК билан ҳамкорликда ўтказилмоқда.

Тадбирда 130 зиёд матбуот котиблари иштирок этмоқда.

АОКА директори А.Ходжаев Миллий конференция иштирокчиларини касб байрами ҳамда Медиа-форум очилиши билан қутлар экан, ахборот хизматлари фаолиятини глобал ўзгаришларга мувофиқлашиб боришида, ислоҳотлар билан ёнма-ён қадам ташлаб боришда бу каби тадбирларнинг аҳамияти юқорилигини таъкидлади.

2022-2023 йилларда сунъий интеллект мавзуси матбуот котиблари презентацияларида ноу-хау сифатида пайдо бўлган бўлса, бугунги кунга келиб бу барчамизнинг кундалик фаолиятимиздаги муҳим инструментга айланди. Шу билан бирга, иш услубимизни такомиллаштиришга оид янги талаблар пайдо бўлишига олиб келмоқда. Эндиликда биз сунъий интеллект ёрдамида яратилган фейк ва дипфейклар, замонавий технологиялар билан қуролланган фирибгарликларлар билан курашишни ўрганишимиз, аҳолини медиасаводхонлигини оширишимиз зарур, деди А. Ходжаев сўзи давомида.

Агентлик директори, шунингдек, нутқида ахборот хизматлари фаолиятида кузатилаётган ютуқлар, шу билан бирга айрим камчиликлар ҳақида ҳам тўхталиб, матбуот котибларининг ишлари доимий жамоатчилик фаоллари кузатувида-назоратида эканлиги таъкидлади.

Бугун ижтимоий тармоқларда матбуот котиблари фақат ижтимоий тармоқларда эълон қилинаётган танқидлар билан ишлаётгани, журналистларнинг сўровлари, мурожаатларига етарли эътибор бермаётганидан нолишмоқда.

Экспертлар пулига эга бўлган матбуот котиби ҳар қандай вазиятда ОАВ учун мутахассис топиш муаммосидан халос бўлади, А.Ходжаев

Миллий конференция ахборот хизматлари фаолиятида муҳим аҳамиятга эга мавзу ва йўналишлардаги панел сессияларда давом этади.

Telegram | Youtube | Facebook | Instagram | Медиабанк | Сайт