Караозек хабарлары

#руўхыйлық_илаж

⚡️Илаж даўамында факультеттиң студент жаслары тәрепинен өз өнерлери бойынша көргизбелер шөлкемлестирилип мектеп оқыўшыларына таныстырылды.
Сондай-ақ, мектеп оқыўшылары арасында өткерилген “ЗАКАЎАТ” интллектуал билим рингине белсене қатнасқан жасларға, Республика руўхыйлық ҳәм ағартыўшылық орайы Қараөзек районлық бөлиминиң диплом ҳәм ҳүрмет жарлықлары тапсырылды ҳәм бөлимге Бердақ атындағы Қарақалпақ мәмлекетлик музейи директоры Ш. Пайзуллаева тәрепинен естелик ушын өзиниң қәлемине тийисли китаплары саўға етилди.

Қараөзек районы ҳәкимлиги мәлимлеме хызмети
👇👇👇
@QaraozekHakimligi

#руўхыйлық_илаж

Университет оқытыўшылары Қараөзекли жаслар менен ушырасты.

⚡️Өзбекстан Республикасы Президент Администрациясының арнаўлы тапсырмасы менен Бердақ атындағы Қарақалпақ мәмлекетлик университетиниң архитектура факультетиниң профессор оқытыўшылары Қараөзек районында болып, «Мәнәўият ҳәптелиги» жойбары шеңберинде мектеп питкериўшилери менен ушырасыў өткерди.
Илажда университет муғәллимлери, көркем-өнер тараўы хызметкерлери менен дөретиўши инсанлар шығып сөйлеп, оқыў орнындағы студентлерге жаратылған имканиятлар, питкериўшилерди оқыўға қабыл етиў қағыйдалары ҳәм усы кәсипке қызығыўшы жасларды қоллап-қуўатлап, оларға ҳәр тәреплеме түсиниклер берип өтти.
Буннан соң, мийманлар мектеп оқыўшылары ҳәм Республикамызға белгили қосықшы Д. Мәмбетмуратовтың атқарыўындағы йошлы концерт бағдарламасын тамашалады.

Қараөзек районы ҳәкимлиги мәлимлеме хызмети
👇👇👇
@QaraozekHakimligi

ӨзХДП Қараөзек районлық кеңеси тәрепинен «Сиясатшы ҳаял» таңлаўы өткерилди.

Өзбекстан Республикасы Президентиниң «Өзбекстан-2030» стратегиясы ҳаққында» ғы пәрманы ҳәм Өзбекстан ХДП сайлаўалды бағдарламасында белгиленген ўазыйпаларды әмелге асырыў мақсетинде, ӨзХДП Қараөзек районлық кеңеси тәрепинен «Сиясатшы ҳаял» таңлаўы өткерилди.

Толық оқыў:👉https://qaraozek.uz/news/10089/

Қараөзек районы ҳәкимлиги мәлимлеме хызмети

➡️@QaraozekHakimligi

#Дыққат! #Дағаза!

Мәҳәллелер аўқамының Қарақалпақстан Республикасы басқармасы Руўхыйлық ҳәм ағартыўшылық орайы Қарақалпақстан бөлими менен биргеликте онлайн таңлаў жәриялайды.

Сизден мәҳәллелердеги руўхыйлық ҳәм ағартыўшылық жумысларда, мәҳәлле жетилигиниң жумыс нәтийжелилигин арттырыўда, сондай-ақ, жасларды ўатансүйиўшилик руўхында тәрбиялаўда “Ең белсенди Мәҳәллелер аўқамының қала ҳәм район бөлими баслығы”н анықлаўда даўыс бериўиңизди сораймыз.

Бөлим баслықлар ең көп жыйналған даўысқа қарап Руўхыйлық ҳәм ағартыўшылық орайы Қарақалпақстан бөлими тәрепинен төмендегише сыйлықланады:

1-орын – 3 000 000 сўмлық әдебий китаплар топламы;
2-орын – 2 000 000 сўмлық әдебий китаплар топламы;
3-орын – 1 000 000 сўмлық әдебий китаплар топламы менен сыйлықланады.

Ҳүрметли каналымыз ағзалары! Өзбекстан Мәҳәллелер аўқамы, Қараөзек районы бөлими баслығы Р. Данияровқа даўыс бериўге шақырып қаламыз!

Даўыс бериў силтемеси: @mahalle_dawis_beriw_bot

Даўыс бериў мүддети: 2024-жыл, 31-май. Саат: 23-59.