POP.TUMAN.UZ I Rasmiy kanal

Хитойлик меҳмонларнинг навбатдаги манзили Попнинг энг олис ҳудудларидаги йирик инвестиция лойиҳалари бўлди

Мамлакатимизда қайта тикланувчи энергия манбаларини кўпайтиришга алоҳида эътибор қаратилмоқда. Жумладан туманнинг ўзида муҳтарам Юртбошимиз бошчиликларида 2 та йирик янги электр станциялари қурилиши бошлаб берилган эди.

Бугун “Наманган-Хитой” бизнес форуми иштирокчилари Қўшминор ҳудудидаги "NEXT SOLAR ENERGY GROUP" компанияси томонидан қуввати 500 МВт бўлган қуёш фотоэлектр станцияси қурилиши ишлари билан танишди.

Эътиборли томони, умумий қиймати 500 миллион АҚШ долларига тенг бўлган йирик қуёш фото электр станцияси фойдаланишга топширилгач, йилига 1 миллиард 100 кВ соат электр энергияси ишлаб чиқарилади.

Шунингдек меҳмонлар туманнинг олис ҳудудида ташкил этилган NURAN.UZ мева-сабзавотчилик кластери фаолияти билан яқиндан танишди.

Ушбу яроқсиз ҳолатдан яшил масканга айлантирилган майдонга 4 та қудуқ қазилиб, 1100 гектар майдонда томчилатиб суғориш йўли билан Испания давлатидан келтирилган эртапишар, ҳосилдор ўрик, шафтоли, наъматак навлари экилди.

Ҳозирда 500 нафар мавсумий 50 нафар доимий ишчи ўрни яратган мева-сабзавотчилик кластери бу йилги мавсум давомида ўрикнинг ўзидан 1000 тонна атрофида ҳосил олиш ва чет давлатларга экспорт қилишни режалаштирилган.

Поп тумани ҳокимлиги Ахборот хизмати

Попнинг салоҳияти билан биргаликда бепоён кенгликлари Хитойлик инвесторларнинг диққат марказида бўлди

“Наманган-Хитой” бизнес форуми иштирокчиларидан бир гуруҳи Поп туманда фаолият юритувчи “Чоркесар қизил тош” МЧЖ томонидан пардоз тошлари ишлаб чиқаришни ташкил этиш (гранит) лойиҳаси билан танишди.

Чет эл инвесторлари томонидан туманда ишлаб чиқарилаётган саноат маҳсулотлари, ҳудудларда қулай инвестицион муҳит мавжудлиги катта қизиқиш уйғотди ҳамда келажакда ҳамкорликда ишлаш бўйича таклифлар билдирилди.

Поп тумани ҳокимлиги Ахборот хизмати

Наманган вилояти прокурори У.Мадрахимов томонидан Поп тумани ҳокимлигида тадбиркорлар билан учрашув ва муаммоли кредитларни ундириш юзасидан йиғилиш ўтказилди.

Мулоқот давомида тадбиркорликни янада ривожлантириш бўйича кўрсатилиши лозим бўлган ҳуқуқий ва амалий ёрдамлар, тадбиркорларга банк имтиёзларидан унумли фойдаланишда кўмаклашиш, иқтисодий барқарорликка эришишда тадбиркорлик фаолиятини ривожлантириш учун ажратилаётган банк кредитлари, уларни ундириш ва улар ҳисобига амалга оширилаётган бизнес лойиҳаларини қўллаб-қувватлаш масалалари муҳокама қилинди.

Шунингдек, тадбиркорларнинг банк хизматлари билан боғлиқ турли масалалардаги таклиф ва ташаббуслари, мурожаатлари тингланиб, банк раҳбарлари ва мутасадди ташкилотларга муаммоли кредитларни бартараф этиш бўйича муддатлар белгиланган ҳолда, режа график ишлаб чиқиш юзасидан топшириқлар берилди.

Наманган вилояти прокуратураси.