Farg'ona shahridagi Prezident maktabi/ Presidential school in Fergana!

Bugun Toshkent shahar hokimligi bilan poytaxtimizdagi umumta’lim maktablari hamda maktabgacha ta’lim tashkilotlari rahbarlari va pedagoglari bilan uchrashdik.

Hududdagi maktab va maktabgacha ta’lim tashkilotlaridagi muammolar, yechimini kutayotgan masalalar, oldinda turgan vazifalarni muhokama qildik. Ta’lim sifati, tashkiliy muammolar, yangi baholash tizimi bilan bog‘liq masalalar gaplashildi.

Yig‘ilish avvalida Toshkent shahar maktabgacha va maktab ta’limi boshqarmasi hamda tegishli tumanlar maktabgacha va maktab ta’limi bo‘limlari boshlig‘i lavozimiga tayinlangan yangi rahbarlarni jamoaga tanishtirdik. Aksariyati namunali maktablardan chiqqan, tashabbuskor pedagoglarimizga ishonch bildirildi.

Yig‘ilishda bog‘chalarimiz bilan bog‘liq masalalar, yangiliklar ham muhokama qilindi. Birgina misol keltirsam, endilikda bog‘chalar uchun yangi tizim qilinadi, navbat kutib turgan ota-onalar uchun eng yaqin hududda qaysi bog‘chada bo‘sh joy borligi haqida ijtimoiy tarmoqlar orqali ochiq ma’lumotlar joylab boriladi. Bog‘cha va maktablar faoliyatidagi ko‘p masalalar raqamlashtiriladi, jamoatchilik uchun shaffoflashadi.

Bugun biz yig‘ilishda ko‘proq muammolarga e’tibor qaratdik, aslida fidoyi rahbarlar ham ko‘p, ulardan minnatdormiz. Umid qilamanki, bugungi muloqotimiz tizim xodimlari uchun manfaatli bo‘ldi.

Yaqindan hamkorlik uchun Toshkent shahar hokimligiga ham minnatdorlik bildiraman.

Hududlar bo‘ylab muloqotlarimiz esa davom etadi.

@hilola_umarova

#Ochiq_muloqot

Poytaxt taʼlim muassasalari faoliyatiga doir qator masalalar muhokama qilindi

✅ Bugun poytaxtimizda joylashgan Simpoziumlar saroyida Toshkent shahridagi umumtaʼlim maktablari hamda maktabgacha taʼlim tashkilotlari rahbarlari va pedagoglari bilan uchrashuv boʻlib oʻtdi.

📍 Unda Maktabgacha va maktab taʼlimi vaziri Hilola Umarova, Toshkent shahar hokimi Shavkat Umurzoqov, poytaxt tumanlari hokimlari, masʼul rahbarlar hamda taʼlim tizimi vakillari ishtirok etdi.

Muloqot avvalida vazir Hilola Umarova bugungi kunda sohada olib borilayotgan islohotlar mazmun-mohiyati, taʼlim sifatini oshirish, tizimni raqamlashtirish, malakali kadrlar bilan taʼminlash borasidagi ishlarga doir muhim masalalar haqida so‘z yuritdi.

Ushrashuvda maktab direktorlari va maktabgacha taʼlim tashkilotlari rahbarlarining ushbu masalalarga oid takliflari tinglandi.

Tadbir davomida Toshkent shahar maktabgacha va maktab taʼlimi boshqarmasi hamda tegishli tumanlar maktabgacha va maktab taʼlimi boʻlimlari boshligʻi lavozimiga tayinlangan yangi rahbarlar ishtirokchilarga tanishtirildi.

🔰 Muloqot doirasida Toshkent shahar hokimi Shavkat Umurzoqov soʻzga chiqdi hamda keltirib oʻtilgan masalalarni hamkorlikda hal etish, poytaxt maktablari va maktabgacha taʼlim tashkilotlari faoliyatini yanada rivojlantirish boʻyicha oʻz fikr va mulohazalarini bildirib oʻtdi.

🌀BATAFSIL

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin