Ixtisoslashtirilgan ta'lim muassasalari agentligi

#Xorijiy_hamkorlik
#Germaniya
#ikkinchi_kun

🤩 Avval xabar berilganidek, Ixtisoslashtirilgan ta’lim muassasalari agentligi delegatsiyasi Germaniya Federativ Respublikasida boʻlib turibdi.

Tashrifning ikkinchi kunida delegatsiya Bad Krozingen kardiologiya markazi faoliyati bilan yaqindan tanishdi.

Bad Krozingen kardiologiya markazi Germaniyaning yurak-qon tomir kasalliklarini davolashga ixtisoslashgan nomdor tibbiyot muassasalaridan biri. Tibbiyot sohasida katta tajriba va bilimga ega bo‘lgan yuqori malakali shifokorlar, ilmiy tadqiqotchilarni o‘zida jamlagan markaz eng zamonaviy diagnostika, davolash va jarrohlik uskunalari bilan jihozlangan. Har yili markazda 15 ming bemor davolanadi, 1000 ga yaqin yurak jarrohligi amaliyoti o‘tkaziladi.

Agentlik direktori boshchiligidagi delegatsiya a’zolariga professor Alexander von Muhlen tomonidan markaz faoliyati haqida taqdimot o’tkazildi va davolanish maqsadida tashrif buyurgan bemorlar uchun yaratilgan qulayliklar bilan tanishtirdi. Delegatsiya a’zolari Campus-tur davomida tibbiyot sohasidagi eng soʻnggi texnologiyalar orqali yurak jarrohlik amaliyoti jarayonini jonli kuzatish imkoniyatiga ega boʻldilar.

Shundan soʻng, Frayburg universiteti faoliyati bilan tanishildi. Agentlik direktori Alisher Ubbiyev mazkur universitetning Nevrologik va neyrofiziologiya kasalxonasi Bosh ijrochi shifokori Jurgen Bardutzky bilan istiqboldagi rejalar boʻyicha muloqotda bo‘ldi.

Agentlik tizimidagi "Yangi Oʻzbekiston" universitetining prorektorlari Baxtiyor Yoʻldoshov hamda Bahodir Ahmedov universitetida zamonaviy ta’lim yo‘nalishlari, xalqaro ahamiyatga molik loyihalari va dasturlari haqida batafsil ma’lumot berdi.

Shuningdek, delegatsiya va Bad Krozingen kardiologiya markazi vakillari o‘rtasida tibbiy ta’lim yo‘nalishida hamkorlik istiqbollari muhokama qilindi.

Telegram | Facebook | Instagram | YouTube

#mehr_muruvvat_kuni

🤩 Muhammad Yusuf nomidagi ijod maktabi o‘qituvchi va o‘quvchilari 3-dekabr – Xalqaro nogironlar kuni munosabati bilan Andijon shahridagi 13-maxsus maktab-internati hamda 46-maxsus maktabgacha ta'lim tashkilotiga bordilar.

"Kel, dunyoga quvonch ulashamiz" shiori ostida tashkil etilgan mazkur tadbirlarda tarbiyalanuvchilarga mehr ulashish bilan birga ijod maktabi tomonidan "Yashil makon" umummilliy loyihasi doirasida ta'lim tashkilotiga mevali daraxtlar ekilib "Muhammad Yusuf nomidagi ijod maktabi bog‘i" tashkil etildi.

Telegram | Facebook | Instagram | YouTube

#metodik_yordam
#Sirdaryo

UMUMTA’LIM MAKTABLARIGA METODIK KOʻMAK BERILMOQDA

🤩 Agentlikning Sirdaryo viloyatida joylashgan ta’lim maskanlari rahbarlari va pedagoglari hududlardagi umumiy oʻrta ta’lim maktablarida boʻlib, oʻquv jarayonlarini samarador usullarda olib borish boʻyicha oʻz tajribalari bilan boʻlishmoqda.

Xususan, Sardoba tuman ixtisoslashtirilgan maktab direktori G.Ziyoyeva boshchiligidagi ishchi guruh hududdagi 6-, 12-, 21-sonli umumta’lim maktablarida bo‘lib, dars jarayonlarida qatnashdi. Ishchi guruh tomonidan o‘qituvchilarga yangi baholash mezonlari tartibi, BSB va I-chorak CHSB tahlillari, eMaktab platformasi bilan ishlash bo‘yicha metodik tavsiyalar berildi.

Boyovut tuman ixtisoslashtirilgan maktabi direktori Z.Alimov boshchiligidagi ishchi guruh tomonidan hududdagi 1-, 2-, 3-, 22-, 24-, 36-, 40-, 52-sonli umumta’lim maktablar oʻquv jamoalari uchun seminar-treninglar tashkil etilib, yangi baholash tizimi, aniq va tabiiy fanlarni oʻqitishda samarador usullar yuzasidan nazariy-amaliy tushunchalar berildi.

Yangiyer shahar ixtisoslashtirilgan maktab direktori oʻrinbosari D. Shermatov boshchiligidagi ishchi guruh Xovos tumanidagi 1-, 9-, 14-, 30-sonli umumta’lim maktablarida boʻlib, oʻqituvchilariga BSB va CHSB jarayonlarini baholash tartibi, qaydnomalarni toʻgʻri toʻldirish va oʻquvchilarning ishlarini toʻgʻri baholash va jurnalga qayd etish tartibi yuzasidan amaliy mashgʻulotlar oʻtkazdi. Shuningdek, zarur metodik tavsiyalar berilib, ta’lim maskanlarining ish rejalari birgalikda koʻrib chiqildi.

Guliston shahar 2-son ixtisoslashtirilgan maktab-internati direktori oʻrinbosari B.Koʻldoshov boshchiligidagi ishchi guruh tomonidan ham hududdagi 5-,6-,16-sonli umumtaʼlim maktablari oʻqituvchilariga ayni yoʻnalishda metodik tavsiyalar berildi.

Agentlik tizimidagi ta’lim maskanlarining hududlardagi umumta’lim maktablariga metodik yordam berish ishlari davom etmoqda.

Telegram | Facebook | Instagram | YouTube

#sport_maktabi

🥊 Joriy yilning 27-noyabridan 1-dekabriga qadar Bo‘stonliq tumanida 2011/2012 va 2013/2014-yillarda tug‘ilgan kichik o‘smirlar o‘rtasida Respublika ochiq turniri boʻlib oʻtdi.

🤩 Unda Bahodir Jalolov nomidagi boksga ixtisoslashtirilgan sport maktabi o’quvchi-sportchilari muvaffaqiyatli ishtirok etdi.

🏆 Musobaqaning yakuniy natijalariga koʻra boks maktabi oʻquvchi-sportchilari umumjamoa hisobida birinchi oʻrinni egalladi.

Telegram | Facebook | Instagram | YouTube