Kutubxonalar

#tavsiya

✨ Dam olish kuni oila davrasida koʻrilishi kerak boʻlgan film va koʻrsatuvlar

1. «Islomga bagʻishlangan umr» hujjatli filmi

Ikki qismdan iborat mazkur film dinimiz uchun butun umrini bagʻishlagan buyuk shaxsiyat – shayx Muhammad Sodiq Muhammad Yusuf rohimahullohning hayoti va faoliyatini yoritadi. Islomiy maʼrifatni keng yoyishda u zotning oʻrni, jasorati va xizmatlari haqida batafsil hikoya qiladi.

2. «Hazratni xotirlab» turkum koʻrsatuvi

Ushbu ko‘rsatuvda fazilatli shayx Muhammad Sodiq Muhammad Yusuf rohimahullohning ibratli hayot yo‘li haqida hikoya qiluvchi suhbatlar berib boriladi. Suhbatlarda shayx hazratlariga zamondosh bo‘lgan zabardast ulamolar, u zotning oila aʼzolari, shogirdlari va muxlislarining xotiralari bilan tanishasiz. Bugunga qadar ushbu koʻrsatuvning 79 ta soni efirga uzatilgan.

3. «Kitobxonlik maktabi» loyihasi

Ushbu loyiha «Hilol Nashr» nashriyoti tomonidan har haftada bir marta oʻtkaziladi. Loyiha doirasida kitob taqdimotlari, kitobxonlik haqidagi suhbatlar boʻlib oʻtadi. Mazkur loyihani Oʻzbekiston Respublikasida xizmat koʻrsatgan jurnalist, «Maʼnaviyat fidoyisi» nishondori, yozuvchi Erkin Malik olib boradi. Bugunga qadar loyihaning 140 ta soni boʻlib oʻtgan.

4. «Masnaviyxonlik darslari» turkum darslari

Bu darslar Jaloliddin Rumiyning mashhur «Masnaviyi maʼnaviy» asariga asoslangan holda inson ruhiyati, axloqiy masalalar va tarbiyaga oid oʻgitlarni muhokama qiladi. Oilaviy muhitda maʼrifatli suhbatlar uyushtirish uchun munosib dastur. Bugunga qadar loyiha doirasida 26 ta mashgʻulot oʻtkazilgan.

Marhamat, oʻzingizga yoqqan koʻrsatuvni oila davrasida tomosha qiling, dam olish kunini mazmunli va maroqli oʻtkazing. 😊

@hilolnashr