Ҳамжиҳатлик самара берди

Туманимизда бугунги кунда Абу Али ибн Сино номидаги жамоат саломатлиги техникумида 668 нафар ўқувчиларга ҳамширалик, фельдшерлик, фармация, функционал диогностика, тиббий ижтимоий, тиббий профилафтика, стомотология ишлар бўйича еттита мутахассисликлар бўйича мутахассис тиббиёт ходимлар  тайёрланмоқда.

Ўқувчиларга 32 нафар соҳа ва 4 нафар хорижий тиллар фан ўқитувчилари таълим беради. Уларнинг барчаси малакали, 3 нафари халқаро ва миллий сертификатларга эга. 2024 йилда 628 нафар ўқувчилар ушбу даргоҳни тамомлаб, улардан 6 нафари олий ўқув юртларида таълим олмоқда. Уларнинг 374 нафари ўз мутахассислиги бўйича ишга кириб, 84 нафари тадбиркорлик билан шуғулланмоқда. Ўқув юрти қуввати 1035 нафар ўқувчилар ўқишига мўлжалланган. Келгусида тўлиқ қувват билан ишлашга эришамиз деган умиддамиз. Жорий йилда жамоамиз аҳиллиги туфайли бир қувончли ютуққа эришди.

ОПЕН бюджетдан 1 миллиард 360 миллион сўм ютиб олди. Уни эвазига бино қайта таъмирланди.  10 та иситгич қозонлари, 154 та иситгич батареялари, 6 дона электрон доскалар, 10 дона 43 дюмли телевизорлар, 50 дона лед чироқлари, 1 та 10 киловатли қуёш панели сотиб олиб ўрнатилди. 15 тонна кўмир ғамланди. Шунингдек 30 та кузатув камералари, 10 та ичимлик суви колерлари, ўқув хоналари учун 30 та стол, 30 та стул, 30 та шкаф, 30 та кийим шкафи, 30 та китоб жавонлари олинди.

Техникумда 19 та фан, 6 та спорт, 12 та касбий фан ва 1 та немис тили тўгараги фаолият кўрсатмоқда, келгуси режаларимиз катта, бунга янада аҳиллик ва ҳамжиҳатлик билан эришамиз, - дейди техникум директори Шовқиддин Йўлдошев биз билан суҳбатда. Биз техникум жамоасининг келгусидаги ишларида янада каттадан –катта ютуқлар ҳамроҳ бўлишини тилаб қоламиз. Ана шунда туманимиз аҳлининг саломатлиги янада юксалади.

Турғунбой ҲАСАНОВ.

@PAYARIQHAYOTI_UZ