Parkent tumani hokimligi Axborot xizmati

#Ҳашар

⚡️⚡️⚡️ Ҳоким бошчилигида ҳашар ишлари ўтказилди

Бугун ҳоким Сардор Исоқулов ташаббуси билан “Обод ва файзли маҳалла – юрт кўрки” ва “Янги Ўзбекистон – яшил маконда бирга яшайлик!” шиорлари остида ўтган умумхалқ ҳашарида сектор раҳбарлари, умуман туманимиздаги барча ташкилот ходимлари фаол иштирок этди.

Маҳаллаларимиз ҳудудида дарахт кўчатлари экилиб, ободонлаштириш ишлари кўтаринки кайфиятда ўтказилди.

Жумладан, Самаробод маҳалласидаги ҳашар вақтида 9-сонли мактабгача таълим ташкилотининг ҳовлиси саранжом-саришта қилинди. Турли мевали ва манзарали дарахт кўчалари экилди.

Ҳоким ҳашар давомида ўз қўли билан дарахт кўчатларини экди. Шунингдек, кам таъминланган оилаларнинг ҳолида хабар олди. Уларнинг муаммоларини сўраб, ҳал қилиш чораларини кўрди.

Ҳоким хонадонларга ташрифи чоғида уй эгалари билан биргаликда дарахт кўчатларини экди.

Тушлик вақтида ҳашарчилар учун дастурхон ёзилиб, ош тортилди. Айрим хонадон эгалари кўк сомса ёпиб, ҳашарчиларга улашиб чиқди.

Обод маҳалласидаги ҳашар давомида йўл бўйидаги ариқлар тозаланиб, бетон аралашмаси қуйилиб, тўлиқ таъмирланди.

Хуллас, бугун туманимиз кенг қулоч ёзган ҳашарда 450 туп манзарали ва 150 туп мевали дарахт кўчатлари сифатли қилиб экилди.

Ободонлаштириш ишларида ташкилот ходимлари ўзаро ҳазил мутойиба билан анча-мунча ишлар бажариб қўйди.

👉@PARKENT_TONGI

#Мулоқот

⚡️⚡️⚡️ Ҳокимнинг навбатдаги қабули Красногорскда ўтказилди

Туман ҳокими Сардор Исоқуловнинг навбатдаги қабули Красногорск ҳудудидаги "Чотқол" маданият марказида бўлиб ўтди.

Унда сектор раҳбарлари, тумандаги барча давлат ва жамоат ташкилотларининг раҳбарлари иштирок этди.

Очиғини айтганда, туманимизда айрим идора раҳбарлари орасида мурожаатлар билан ишлашда масъулиятни чуқур англамаганлари топилади.

Айниқса, гапни дўндирадиган, муаммони ҳал қилишга келганда эса пайсалга соладиганлар ҳам учраб туради.

Ҳоким Сардор Исоқулов бундай раҳбарларни ақлини киритиб қўйганига гувоҳ бўлганмиз. Аҳоли мурожаатлари билан ишлашни эплай олмаганларни ишдан олган ҳолатлари ҳам бўлган.

Шу боис, ҳокимнинг Красногорскда бўлиб ўтган навбатдаги фуқаролар қабулига мурожаатчилар кўп келди.

Қабул аввалида ҳоким одамларни ортиқча вақтини олмаслик, айниқса уларни муаммоларини тизимли тарзда ҳал қилиш учун ўзига хос услубни қўллади.

Мурожаатларнинг мавзусига қараб, тегишли соҳа раҳбарларига бевосита мурожаатларни қабул қилиш топшириғини берди.

Ҳоким бошчилигида ўтган қабулда билдирилган мурожаатларнинг аксарияти моддий ёрдам, уй-жой олиш, ишга жойлашиш, тадбиркорлик ва бошқа масалаларда амалий ёрдам сўраш билан боғлиқ бўлди.

Қабулдаги жами 36 та мурожаатдан 7 таси шу жойнинг ўзида ҳал қилинди. Қолган 21 таси вақт талаб қилингани боис, ижрога қаратилиб, 8 тасига ҳуқуқий тушунтириш берилди.

👉 @PARKENT_TONGI

#Муҳим

⚡️⚡️⚡️ Туман фермер, деҳқон хўжаликлари ва томорқа ер эгалари кенгашининг ҳисобот сайлов Конференцияси ўтказилди

Бугун туман фермер, деҳқон хўжаликлари ва томорқа ер эгалари кенгашининг ҳисобот сайлов Конференцияси бўлиб ўтди.

Унда Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари Хуршид Қорабоев, туман ҳокими Сардор Исоқулов, сектор раҳбарлари ҳамда фермерлар, соҳа мутахассислари иштирок этди.

Таъкидланганидек, бугунги кунда туманимизда 1 минг 252 та фермер хўжалиги фаолият кўрсатиб келмоқда. Ҳисобот сайлов Конференциясида 2018-2024 йиллар давомида туман фермер, деҳқон хўжаликлари ва томорқа ер эгалари кенгашининг фаолияти таҳлил қилинди.

Жумладан, биргина 2024 йилнинг ўзида туман кенгаши ҳуқуқшуносининг бевосита амалий ёрдами билан фермер хўжаликларининг тайёрлов, маҳсулот етказиб берувчи ва хизмат кўрсатиш ташкилотларидан ҳақларини ундириб бериш бўйича судларга 30 та — 230 млн. сўмлик даъво аризаси киритилиб, 396,6 млн. сўмлик даъво талабномалар  юборилди. Барча даъво аризалар ва  даъво талабномалар ижобий ҳал этилди.

Сайлов Конференция сўнгида Ўзбекистон Республикаси Президентининг 2025 йил 13 февралдаги “Томорқа ер эгалари ва деҳқон хўжаликлари фаолиятида замонавий ташкилий тизимни жорий қилиш ва молиявий қўллаб-қувватлашнинг қўшимча чора-тадбирлари тўғрисида”ги 22-сонли фармони қабул қилиниб, Ўзбекистон Фермер, деҳқон хўжаликлари ва томорқа ер эгалари кенгаши   Ўзбекистон фермерлари кенгаши сифатида қайта ташкил этилганлиги таъкидланди.

👉 @PARKENT_TONGI