Ketish yaxshi.
Boradigan joying boʻlsa,
Ketishing – yaxshi.
Boradigan joying boʻlmasa ham
Ketish yaxshidir.
Boradigan joyingni yoʻl-yoʻlakay qurib borsang,
Ketish – juda qiziq.
Boradigan joying ertak boʻlsa
Ketish – chiroyli.
Ketish faqat yurishdan iborat boʻlsa,
Ketishda charchoq yoʻq.
Ketishing uchishga koʻchsa,
Demak yurakka aylangansan!
Tilingda kimnidir ismi boʻlsa,
Ketishing – muhabbat,
Yolgʻizgina ketish esa –
Koʻngilga ketishdir,
Dunyo goʻzal tortgusi
Bu ketishingdan.
Sen esa yigʻlab ketyapsan.
Bu – sogʻinchli ketishda
Parvardigorga yetgaysan,
Xudo xohlasa...
Usmon Azim
