Type to search
Advanced channel search

ПАНДҲОИ БУЗУРГОН

@pandhoi_buzurgon
Channel's geo and language: Uzbekistan, Uzbek
Category: not specified

ДАР ИН САҲИФА ПАНДУ НАСИҲАТҲОИ БУЗУРГОН, АЗ ҲАДИСҲО ВА ДУЪОҲОИ МУБОРАК ГУЗОШТА МЕШАВАД!!!
"ҲАР КӢ Н-ОМӮХТ АЗ ГУЗАШТИ РӮЗГОР,
НИЗ Н-ОМӮЗАД ЗИ ҲЕҶ ОМӮЗГОР!!!".
БА МО БОШЕД ВА ДӮСТОНАТОНРО ҲАМ БА ИН САҲИФА ТАКЛИФ НАМОЕД!!!
@PANDHOI_BUZURGON

Related channels  |  Similar channels
Channel's geo and language
Uzbekistan, Uzbek
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

ПАНДҲОИ БУЗУРГОН

22 Apr, 06:07

Open in Telegram Share Report
МАВЛОНО
Мусалмонон, мусалмонон, чӣ бояд гуфт ёреро,
Ки сад фирдавс месозад ҷамолаш ними хореро?!
Маконҳо бемакон гардад, замонҳо ҷумла кон гардад,
Чу ишқи ӯ диҳад ташриф як лаҳза диёреро.
Худовандо, зиҳӣ нуре, латофатбахши ҳар ҳуре,
Ки оби зиндагӣ созад зи рӯйи лутф нореро.
Чу лутфашро бияфшорад, ҳазорон навбаҳор орад,
Чи нуқсон, гар зи ғайрат ӯ занад барҳам баҳореро!
Ҷамолаш офтоб омад, ҷаҳон ӯро ниқоб омад,
Валекин нақш кай бинад ба ҷуз нақшу нигореро?!
Ҷамоли гул гувоҳ омад, ки бахшишҳо зи шоҳ омад,
Агарчи гул бинашносад ҳавои созвореро!
Агар гулро хабар будӣ, ҳамеша сурху тар будӣ,
Азеро офате н-ояд ҳаёти ҳушёреро.
Ба даст овар нигоре ту, к-аз ин даст аст кори ту,
Чаро бояд супурдан ҷон нигори ҷонсупореро?!
Зи Шамсуддини Табрезӣ манам қосид ба хунрезӣ,
Ки ишқе ҳаст дар дастам, ки монад Зулфиқореро!
42 0 0
ПАНДҲОИ БУЗУРГОН

22 Apr, 03:12

Open in Telegram Share Report
ДАР БОРАИ ВАФОДОРӢ

Ҷафокоро, вафодорӣ биёмӯз,
Зи ёрон шеваи ёрӣ биёмӯз!

Ба ҳар кас рӯзи неъмат аҳд бастӣ,
Фаромӯшаш макун, дар тангдастӣ!

Чу нон бардоштӣ, хонро маяндоз,
Намак хӯрдӣ намакдонро маяндоз.

Набояд рӯзи аввал аҳд бастан,
Пас аз бастан намебояд шикастан.

Зи мо сарриштаи аҳд аст зинҳор,
Ки ин сарриштаро аз даст магзор.

Тариқе хуштар аз аҳду вафо нест,
Вале афсӯс, к-он дар аҳди мо нест.

Вафо, гар з-он ки дар олам набошад,
Чӣ бошад, гар ҷафое ҳам набошад!

Нашояд ҳар замон ёре гирифтан,
Зи ёрон дар дил озоре гирифтан.

Гуле, к-он ҳар замон бошад ба ҷойе,
Намеояд аз ӯ бӯйи вафое.

Ба мутриб муҳтасибро з-он бувад ҷанг,
Ки ҳар дам дар мақоме дорад оҳанг.

Яке к-ӯ рӯзу шаб як ҷо муқим аст,
Зи ёрони вафодори қадим аст.

Касе, к-аз дӯстӣ берун ниҳад пай,
Дар оини вафо саг беҳтар аз вай.

Зи кӯйи ӯ қадам натвон кашидан,
Ба роҳи ӯ ба сар бояд давидан ….

БАДРИДДИН ҲИЛОЛӢ
80 0 0
ПАНДҲОИ БУЗУРГОН

22 Apr, 03:12

Open in Telegram Share Report
Сухан бо маҳрамон бояд чунон гуфт,
Ки бо ағёр дар маҷлис тавон гуфт.

Чаро сомеъ ниҳад бар нуқтае гӯш,
Ки бояд кардаш аз хотир фаромӯш?

Манеҳ бар ҳарфи кас зинҳор ангушт,
Ки афтад чун қалам ангушт аз мушт.

Чаро ҷое қадам бояд ниҳодан,
Ки он ҷо бе маҳал бошад ситодан.

Адабро раҳбари кӯйи талаб кун,
Вагарна нафси саркашро адаб кун.

Адаб дар анҷуман шамъи мунир6 аст,
Далели покии мо фи-замир аст.

БАДРИДДИН ҲИЛОЛӢ
52 0 0
ПАНДҲОИ БУЗУРГОН

22 Apr, 03:12

Open in Telegram Share Report
ДАР БОРАИ ОДОБ

Надонам, к-ин ҳама тарки адаб чист?
Ҳади худро намедонӣ, сабаб чист?

Адаб хоҳӣ, зи ҳад берун манеҳ пой,
Зи ҳар ҷониб, ки хоҳӣ дар миён ой.

Адаб ороиши афъол бошад,
Адаб осоиши аҳвол бошад.

Фурӯғи зоҳир аз ороиши ӯст,
Фароғи ботин аз осоиши ӯст.

Адаб маҷмӯаи ҳусну ҷамол аст,
Баҳоре дар камоли эътидол3 аст.

Ҳама корат ба қадри хеш бояд.
Зи қадри худ на кам, на беш бояд,

Ба ин мизон, агар худро бисанҷӣ,
Наранҷанд аз туву худ ҳам наранҷӣ.

Чу биншинӣ, чунон бояд, ки шояд,
Чу бархезӣ, чунон шояд, ки бояд.

Чароғи дида шаб ҷое маяфрӯз,
Ки гардад тира, чун равшан шавад рӯз.
42 0 0
ПАНДҲОИ БУЗУРГОН

22 Apr, 03:12

Open in Telegram Share Report
САД ҶОН ФИДОИ ДӮСТ

Бархез, то ниҳем сари худ ба пойи дӯст,
Ҷонро фидо кунем, ки сад ҷон фидойи дӯст.

Дар дӯстӣ мулоҳизаи маргу зист нест,
Душман беҳ аз касе, ки намирад баройи дӯст.

Ҳошо, ки ғайри дӯст кунад ҷо ба чашми ман,
Дидан наметавон дигареро ба ҷойи дӯст.

Аз дӯст ҳар ҷафо, ки расад ҷойи миннат аст,
Зеро, ки нест ҳеч вафо чун ҷафойи дӯст.

Бо дӯст ошно шуда, бегонаам зи халқ,
То ошнойи ман набувад ошнойи дӯст.

Дар ҳалқаи сагони дараш меравам, ки боз
Аҳбоб саф зананд ба гирди саройи дӯст.

Дасти дуо кушод Ҳилолӣ ба ҳазратат,
Яъне ба даст нест маро ҷуз дуойи дӯст.

БАДРИДДИН ҲИЛОЛӢ
26 0 0
ПАНДҲОИ БУЗУРГОН

22 Apr, 03:12

Open in Telegram Share Report
РИВОЯТ

Рӯзе шоҳ Анушервон бо вазири худ сайр мекард. Ҳангоми роҳ рафтан, чашмаш ба як боғи сарсабз афтод, ки дар он марде ниҳол мешинонд. Анушервон ба ӯ наздик шуда пурсид:

— Эй пирмард, ту ин ниҳолро барои кӣ мешинонӣ?
Мард посух дод:
— Эй шоҳ, падарони мо барои мо дарахт шинонда буданд ва мо аз меваи он баҳра бурдем. Ман низ барои наслҳои баъдӣ мешинонам, то онҳо низ баҳра баранд.

Анушервон аз ин суханон хушнуд шуд ва ба пирмард мукофот дод. Пас аз чанд сол, дубора аз он боғ гузашт ва дид, ки ниҳол аллакай мева додааст. Вай боз ҳамон мардро дид ва гуфт:
— Ниҳоли ту зуд самар дод!
Пирмард хандид ва гуфт:

— Эй подшоҳ, дарахтони дигарон як бор мева диҳанд, вале дарахти ман ду бор самар дод: як бор бо меваи худ ва як бор бо меҳрубонии ту!

Анушервон аз ҳикмати мард ҳайратзада шуд ва боз ба ӯ мукофот дод.

Ин ривоят инсонро ба меҳрубонӣ, адолат ва хизмат ба дигарон ташвиқ мекунад. Он нишон медиҳад, ки кори нек ҳамеша самар медиҳад, ҳатто агар дарҳол натиҷаи онро набинем.
23 0 0
ПАНДҲОИ БУЗУРГОН

22 Apr, 03:11

Open in Telegram Share Report
Ҳамнишине  беҳ аз китоб  махоҳ,
Ки мусоҳиб  бувад гаҳу   бегоҳ.
Роҳатафзои  ҷону роҳати  дил,
Ҳарчи  дилхоҳи туст ,аз ў ҳосил.
Инчунин  ҳамдами  латиф  кӣ дид,
Ки на ранҷа  диҳад , на ранҷонад.

Камолиддин БИНОӢ
20 0 0
ПАНДҲОИ БУЗУРГОН

22 Apr, 03:11

Open in Telegram Share Report
НАСИҲАТ  ВА  ХАЙРАНДЕШӢ

Ҳар  киро  дар  кор  одат  бошадаш,
Дар  ҷаҳон  бахту  саодат  бошадаш.

Аввалан  гар  бинад  ӯ  айби  касон,
Дар  маломат  ҳеҷ  накшояд  забон.

Ҳар  киро  бинӣ  ба  роҳи  носавоб,
Сар  ба  роҳаш  ор,  то  ёбӣ  савоб.

Заҳмати  худро  зи  мардум  дур  дор,
Бори  худ  бар  кас  маяфкан  зинҳор.

Гар  ҳамехоҳӣ  ки  бошӣ  растагор,
Рух  мегардон,  эй  бародар  аз  се  кор:

Аввало  дидан  бувад  ҳукми  қазо,
Баъд  аз  он  ҷустан  ба  ҷону  дил  ризо.

Чист  сеюм?-  дур  будан  аз  ҷафо,
Ҳар  кӣ  ин  дорад,  бувад  аҳли  сафо.

Ҳар  кӣ  дорад  донишу  ақлу  тамиз,
Ҷуз  ба  роҳи  ҳақ  набахшад  ҳеҷ  чиз.

Садқаи  к-олуда  гардад  бо  риё
Кай  бувад  он  хайр  мақбули  Худо?

Гар  амал  холис  набошад  ҳамчун  зар,
Қалбро  покӣ  наёрад  дар  назар.

То  тавонгар  бошӣ  андар  рӯзгор,
Нафсро  аз  орзуҳо  дур  дор .

Аз "Чаҳор Китоб" 
20 0 0
ПАНДҲОИ БУЗУРГОН

22 Apr, 03:10

Open in Telegram Share Report
16 0 0
ПАНДҲОИ БУЗУРГОН

22 Apr, 03:10

Open in Telegram Share Report
ВАТАН
 
Гар, Ватан, дилро ту мехоҳӣ, фидо созам ба ҷон,
Дил барои меҳри ту, эй меҳри ман, бошад макон.
 
Дил, бидон, аз меҳри ту як лаҳза ҳам бегона нест.
Ҳамчу мурғе карда андар шохи меҳрат ошён.
 
Ту чунон  маҳбубаи ошиқнавозӣ, меҳри ту
Ҷо гирифта дар замири мардуми рӯи ҷаҳон.
 
Шавкати дил, шодии дил, ҳастии дил бо ту аст,
Ҳар чӣ мехоҳӣ, бифармо, дил ба фармонат равон.
 
Аз чӣ ман дилро макон дар  синаи худ додаам?
3-он ки меҳри ту намуда синаи дилро макон.
 
Хирмани ғамҳон дилро оташи меҳри ту сӯхт,
Доимо дилро баҳор асту баҳораш бехазон.
 
Дил дар оғӯши чу бустони ту доим хуррам  аст,
Бо ҳазорон дилбарони дилрабои дилситон.
 
Дил куҷо тоқат намояд, душманат гар дам занад,
Аз барои дафъи ӯ кӯшиш намояд ҳар замон.
 
Ҳамчу Маҷнун дил ба саҳрои чунун овора нест,
Масти ҷоми меҳнат асту ёр бо лайливашон.
 
Ман на танҳо дил, тану ҷон  ҳам фидоят мекунам,
То шавам чун қаҳрамонони ту ман ҳам қаҳрамон.

ҲАБИБ ЮСУФӢ
16 0 0
ПАНДҲОИ БУЗУРГОН

22 Apr, 03:10

Open in Telegram Share Report
ИШҚИ ВАТАН

Зи ишқи Ватан ҷӯш дорад дилам,
Ба ҳарфи Ватан гӯш дорад дилам.
Ватанро бинозам, маро дар канор,
Чу модар гирифту намуд бахтиёр.
Ватан ҷони ман ҳам ҷаҳони ман аст,
Ватан боғи ман ҳам бӯстони ман аст…

ҲАБИБ ЮСУФӢ
14 0 0
ПАНДҲОИ БУЗУРГОН

22 Apr, 03:10

Open in Telegram Share Report
Ривояти "Ҳиммати Бобур"

Гуфта мешавад, ки вақте Бобур пас аз ҷанги сахт пирӯз шуд, ба ҷои он ки хазинаи душманро ғорат кунад, фармон дод, ки онро барои сохтани масҷидҳо, роҳҳо ва боғҳо истифода баранд. Ӯ мегуфт:
— Ҳокимон бояд на барои худ, балки барои мардум зиндагӣ кунанд.

Аз ҳамин сабаб, баъди ӯ на танҳо як империя боқӣ монд, балки фарҳанг ва тамаддуни наве рушд кард.
14 0 0
ПАНДҲОИ БУЗУРГОН

22 Apr, 03:10

Open in Telegram Share Report
Ҳар кас, ки вафо кунад, вафо мебинад,
Ҳар кас, ки ҷафо кунад, ҷафо мебинад.
Ҳар кас, ки накӯст, бадӣ набинад ҳаргиз,
Ҳар кас, ки бадӣ кунад, ҷазо мебинад.

Заҳириддин Муҳаммад БОБУР
15 0 0
ПАНДҲОИ БУЗУРГОН

22 Apr, 03:09

Open in Telegram Share Report
Ривояти "Фидокорӣ барои писар"

Вақте писари Бобур - Ҳумоюн, сахт бемор шуд, табибон гуфтанд, ки зиндагии ӯ дар хатар аст. Бобур гуфт:

— Агар лозим бошад, ман ҷони худро медиҳам, то писарам шифо ёбад.

Ривоят мекунанд, ки ӯ гирди писараш се маротиба гашт ва бо дуо гуфт:

— Худоё, агар ин беморӣ ба ман гузарад ва писарам шифо ёбад, ман розиям.

Пас аз чанде, Ҳумоюн шифо ёфт, аммо худи Бобур бемор шуд ва баъди чанде вафот кард. Ин ривоят нишон медиҳад, ки ӯ чӣ қадар падари меҳрубон ва инсони фидокор буд.
16 0 0
ПАНДҲОИ БУЗУРГОН

22 Apr, 03:09

Open in Telegram Share Report
Ривояти "Қалби подшоҳ"

Рӯзе, вақте Бобур дар ҷанг пирӯз шуд, яке аз мушовиронаш гуфт:
— Подшоҳ, ҳоло вақти он аст, ки душманонатонро нобуд кунед.

Бобур ҷавоб дод:
— Марде, ки танҳо барои қасос гирифтан ҷанг мекунад, подшоҳи ҳақиқӣ нест. Подшоҳ он касест, ки пас аз пирӯзӣ сулҳ оварад ва дилҳоро ба даст гирад.

Ва ӯ ба аксари сарбозони шикастхӯрда бахшиш дод ва онҳоро ба артиши худ ҳамроҳ кард. Ин сиёсат ба ӯ кумак кард, ки як салтанати устувор бунёд кунад.
14 0 0
ПАНДҲОИ БУЗУРГОН

22 Apr, 03:09

Open in Telegram Share Report
Ривояти "Хоки Ватан"

Гуфта мешавад, ки вақте Бобур дар Ҳиндустон зиндагӣ мекард, ҳамеша орзу дошт, ки ба диёри худ, Фарғона, баргардад. Ӯ ҳамеша бо худ миқдоре хоки Ватани худро дошт ва вақте даргузашт, васият кард, ки ӯро бо ҳамин хок ба хок супоранд.

Ин нишон медиҳад, ки Бобур новобаста ба шӯҳрат ва қудрат, Ватани худро азиз медонист.
17 0 0
ПАНДҲОИ БУЗУРГОН

22 Apr, 03:09

Open in Telegram Share Report
Толеъ нест, ки ба ҷонам бало шуд,
Ҳар коре, ки кардам, хато шуд.
Замини худро монда, рӯй ба Ҳинд овардам,
Ё раб, чӣ кунам, ин чӣ рӯсиёҳӣ шуд.

Заҳириддин Муҳаммад БОБУР
17 0 0
ПАНДҲОИ БУЗУРГОН

22 Apr, 03:08

Open in Telegram Share Report
13 0 0
ПАНДҲОИ БУЗУРГОН

22 Apr, 03:06

Open in Telegram Share Report
Video is unavailable for watching
Show in Telegram
15 0 0
ПАНДҲОИ БУЗУРГОН

22 Apr, 03:05

Open in Telegram Share Report
Video is unavailable for watching
Show in Telegram
Вақте ки тарҳи бирка рӯи шолат уфтод,

Маҳтоб ҳам ошиқ шуду дунболат уфтод...



#ҒУЛОМҲУСАЙН_ҶАМЪӢ
15 0 0
20 last posts shown.