Type to search
Advanced channel search

Зарабатывайте на рекламе

В частных и публичных каналах от 2000 подписчиков
img
ad

Продам канал с доходом 138090

Всего за 55 000. Срочно нужны деньги.
img
ad

Волшебный пинок ?

Хочешь развиваться? Подписывайся
img
ad

O‘zbekcha yoz!

@ozbekchayoz
Channel's geo and language: Uzbekistan, Uzbek

Matn yozib tirikchilik qilayotgan bolaning kundaligi — fikrlar, mulohazalar, allambalo gaplar.
Xush kelibsiz.
Aloqa: @nazrillayev

Related channels  |  Similar channels
Channel's geo and language
Uzbekistan, Uzbek
Category
Marketing, PR, advertising
Statistics
Is this your channel? Confirm Channel history
Posts filter

O‘zbekcha yoz!

1 Nov, 19:06

Open in Telegram Share Report
Video is unavailable for watching
Show in Telegram
Aviasales odatda zo’r marketing qiladi. Ayniqsa ijtimoiy tarmoqlarda. Lekin shunaqa brend ham mahalliylashtirishga kelganda qovun tushirishi mumkin ekan.

Mana bu reels videoni rus tilini bilmagan odam hech qachon tushunmaydi — chunki undagi “prikol” faqat ruschada ishlaydi.

«Вы сдали багаж? Нет, он меня сдал» bo‘lgan originalida. Bu yerda hazil ishlayapti, chunki «сдал» ham “yuk topshirish”, ham “kimgadir chaqib berish, sotish” ma’nosida keladi.

O‘zbekchaga shunchaki boricha tarjima qilish — mahalliylashtirish emas, baraka topgurlar.
1k 0 3 13 36
O‘zbekcha yoz!

29 Oct, 08:50

Open in Telegram Share Report
Yaxshi kreativ = kutilmagan, lekin oddiy forma + kuchli, hissiyotga boy va tushunarli xabar.
3.4k 3 29 18 174
O‘zbekcha yoz!

25 Oct, 10:11

Open in Telegram Share Report
Video is unavailable for watching
Show in Telegram
Mabodo ko‘zingiz tushmagan bo‘lsa, hozir tushsin — 605 agentligi rebrending qildi.

Bu yil Otabek akaning jamoasi uchun unumli va samarali o‘tyapti — bir nechta rosmana zo‘r keyslar qilishdi, TAF!24 festivalida «Yil agentligi» bo‘lishdi, jamoalari kengaydi.

Xullas, agentlik ham sifat, ham dunyoqarash, ham qadriyatlar bo‘yicha oldinga kattagina qadam qo‘ydi. Men bundan juda xursandman, chunki, 605 jamoasining falsafasi qisman Lokals’ga o‘xshab ketadi — biz ham, ular ham O‘zbek kreativini rivojlantirish, mahalliy brendlar va bizneslarni o‘stirish va jaydari bolalar va qizlardan kuchli mutaxassislar tarbiyalashga intilib ishlaymiz.

Rebrendingni o‘ziga keladigan bo‘lsak, juda oddiy va kuchli g‘oya — baralla chiqayotgan ovoz — logotip va firma uslubi asosi sifatida xizmat qiladi. Minimalistik, chiroyli, tushunarli.

605, yangi liboslar omad keltirsin!
4.1k 0 5 8 65
O‘zbekcha yoz!

23 Oct, 16:03

Open in Telegram Share Report
Kechqurun YouTube’da nima ko‘ray ekan deb yurgan bo‘lsangiz, Temur aka bilan bo‘lgan suhbatimizni ko‘ring.

Kreativ, reklama va keyslar haqida miriqib gaplashdik.

Hammayoqda shov-shuv bo‘lgan «Mosaicvertising» keysi haqida ham insaytlar bor, balki, sizga qiziq bo‘lar.
Kreativ hayotni o'zgartiradi I Said Nazrillaev
Foydali podcast boshladim, 1-mehmon Lokals CA kreativ kopirayteri Said Nazrillaev. 7 yildan ortiq tajribaga ega expert, bu yilning o’zida RedJolbors, Cannes Young Lines, TAF 24 kabi katta musoboqalarda 10 tadan ortiq oltin medal olgan mutaxassis. Mavzu "Kreativ hayotni o'zgartiradi I Said Nazrillaev...
3.8k 0 18 4 25
O‘zbekcha yoz!

21 Oct, 10:00

Open in Telegram Share Report
Video is unavailable for watching
Show in Telegram
Kopirayting — bu ish. Ko‘pincha zerikarli, oddiy, hissiyotlarga unchalik boy emas.

Lekin gohida, kamdan-kam hollarda, rosmana o‘ziga xos, noyob, go‘zal va betakror keyslar yaratish imkoni paydo bo‘lib qoladi.

Tepadagi rolik — shunday imkonga misol. SAG o‘zimizning chin O‘zbek brendi, mahsuloti ham, qadriyatlari ham madaniyatimiz bilan chambarchas bog‘liq.

SAG = bu O‘zbekiston. Siz-u biz. Yaqinlarimiz. Tariximiz. O‘zbekiston esa (xuddi SAG gilamlari kabi) xilma-xil: zamonaviy, an’anaviy, yorqin, sokin, oddiy, o‘zgacha.

Bu men uchun juda shaxsiy loyiha. Faxrlanadigan ishlarimdan bittasi.

SAG haqida siz hali ko‘p eshitasiz, ishonavering. Bu brend hozir olamshumullik arafasida.
4k 1 20 29 57
O‘zbekcha yoz!

18 Oct, 13:33

Open in Telegram Share Report
Video is unavailable for watching
Show in Telegram
Yaxshi brend yomon kommunikatsiya chiqarsa — doim achinaman.

Yaqinda Korzinka’ning yangi rolikini Instagram’da ko‘rib qoldim: video sifati nuqtai nazaridan yomon emas. Lekin kreativ o‘ta achinarli.

Chunki Korzinka do‘konlarida har kuni yuzlab haqiqiy, insoniy, hayotiy hodisalar ro‘y beradi:

- erkaklar ayollaridan SMS kutib, rastalar oldida turishadi: chunki xato narsa olishsa, uyda gap eshitishadi;

- navbatda bittagina narsa bilan turgan odamni qolganlar o‘tkazib yuborishadi;

- «bunisi uncha emas, mana bunisini oling» deydigan mehribon sotuvchilar odamlarga yordam beradi.

Xullas, qidirgan odam insayt topadi. Faqat kuzatish kerak, izlash kerak. Juda yuzaki, siyqasi chiqib ketgan vaziyatlarni 100500-marta aylantirib ishlataverish — kreativ emas. Bu rolikda hissiyot yo‘q, hayot yo‘q.

Dialoglar alohida muammo: hech kim hayotda bunday gapirmaydi. Qahramonlar so‘zlashuvi — soxta, go‘yo kam byudjetli serialdagidek.

Bilaman, Korzinka agentliklar bilan ishlamaydi, lekin, menimcha, ishlash vaqti keldi.

Brendni isrof qilmanglar, iltimos.
4.5k 1 31 40 115
O‘zbekcha yoz!

17 Oct, 16:05

Open in Telegram Share Report
Bilasiz, Space Academy’da dars beraman. Yaqinda ustozlar kuni munosabati bilan menga 10 000 000 so‘mlik vaucher sovg‘a qilishdi.

Vaucherni akademiyaning istalgan kursiga sarflash mumkin. Shu 10 million pulni birorta obunachimga sovg‘a qilmoqchiman.

Shu bahonada, auditoriyam hajmini ham oshirib olsam, zo‘r bo‘lardi.

Xullas, tanlov — @ozbekchayoz va @copirayt bloglariga obuna bo‘lib, «Qatnashaman» tugmasini bosing.

Keyingi shanba kuni bot o‘zi avtomatik tarzda g‘olibni aniqlaydi.
Qatnashaman (691)
5k 5 61 47
O‘zbekcha yoz!

14 Oct, 20:40

Open in Telegram Share Report
Ishingizdan faxrlanib yashashga intiling.

Har bir yozgan so‘zingizda shaxsingizning bir bo‘lagi yashasin.

Barmoqlaringiz ostidan chiqadigan har bir rolik ssenariysida buyuklikka da‘vo bo‘lsin.

Brifda yozilgan vazifani shunchaki bajarish uchun ishlamang. Yorivorish uchun ishlang. Odamlarni sochi tikka turishi uchun ishlang. Ko‘z yoshlar uchun ishlang. Tabassum uchun ishlang.

Biz onglar va yuraklar uchun mehnat qilamiz. Hissiyot — qilichimiz. Dovyurak bo‘ling. Hech kim qilmagan ishlarni qiling. Kamida shunga urinib ko‘ring.

Kimsiz, qayerdasiz, farqi yo‘q. Ichingizda olov bor. Uni toping.

Brendlar alangangizni sezsa, sizga ishonsa, olamshumul ishlar qila olasiz. Bosing.

Kopirayting bu ish emas. Bu hayot.
4.1k 0 31 14 108
O‘zbekcha yoz!

13 Oct, 11:26

Open in Telegram Share Report
Kecha TAF!24 festivali bo‘lib o‘tgani haqida ko‘pchilikni xabari bo‘lsa kerak.

Shubhasiz, oqshom qahramonlari — @agency605

Yil agentligi unvonini ishonchli qo‘llarga topshirdik) Qadrdonlarni chin dildan tabriklayman.

Lokals ham quruq qo‘l bilan ketmadi — ikkita oltin, bitta kumush va ikkita bronza jamoamiz kolleksiyasiga otlandi.

Meni alohida quvontirgan loyihalar SAG brendining «Long pLasting Solution» hamda «Yengil Retro» brendi keyslari bo‘ldi: mustaqil mutaxassis sifatida ushbu ishlarni festivalga topshirishda ko‘maklashgan edim. Natija ajoyib: «Yengil Retro» bittadan oltin, kumush va bronza olib ketdi, SAG keysi ham bronzaga sazovor bo‘ldi.

Xullas, men uchun TAF!24:

Lokals bilan:🥇🥇🥈🥉🥉
SAG va Yengil Retro bilan: 🥇🥈🥉🥉

Yomon emas. Ertaga dushanba — ishlash kerak.
4.1k 0 3 13 53
O‘zbekcha yoz!

11 Oct, 18:51

Open in Telegram Share Report
1993-yilda ham bizda kopirayting bo‘lgan ekan. Messedj yemagan, aytgancha.

«Aynan sizga atalgan kompyuter yiroqda bo‘lsa, achinarli» — yoki shunga o‘xshash kopi kerak edi.

(c) LinkedIn’dan uxlatilgan.
3.4k 0 4 12 20
O‘zbekcha yoz!

11 Oct, 12:06

Open in Telegram Share Report
Video is unavailable for watching
Show in Telegram
Mashinani shinasida qancha emotsiya bor?

Oddiy rezina, hissiyoti umuman yo‘q matoh, hayotda biz hech qachon shinani sevmaymiz, u bizga qadrdon bo‘la olmaydi, bu shunchaki buyum, yerdagi changni to‘plab umri o‘tadigan narsa.

Lekin xohish bo‘lsa, yetarlicha fikr qilinsa, hatto shu narsadan ham kuchli, emotsional rolik yaratsa bo‘ladi.

Shunaqa gaplar.
3.5k 0 12 11 35
O‘zbekcha yoz!

10 Oct, 12:49

Open in Telegram Share Report
Yaqinda @marketingbolimi juda qiziq keys haqida yozgandi.

Oson tomonidan juda aqlli yurish — brend yuridik ikir-chikirlardan qochgan holda, bozordagi juda standart, hamma ishlatib yurgan 0% haqidagi offerni kreativ uslubda qayta kashf qildi.

Keyinchalik bu kommunikatsiya qayerga qarab rivojlanishi noma’lum, lekin, xarakteri bor brendlar meni har doim quvontiradi.
Marketing bo'limi
Tashqi reklamalarda brendlar bellashuvi davom etadi Bir oy oldin OSON to‘lov tizimi “Bizda ham 0%” deb nomlangan reklama kampaniyasi doirasida Toshkent ko‘chalari va metrolarda tashqi reklamalar joylashtirishni boshladi. Kampaniyaning asosiy maqsadi — raqobatchilar bilan bir xil sharoitlarda pul ...
3.2k 0 5 15 23
O‘zbekcha yoz!

8 Oct, 08:13

Open in Telegram Share Report
Video is unavailable for watching
Show in Telegram
TAF!24 manifestini e’lon qildi.

Yaxshi va haqqoniy insayt — menga ham ko‘p marta «bilganingni qil» deyishgan. Odatda, onang senga bu gapni aytsa, demak, aniq bilgan narsangni qila olmaysan. Sizda ham shunaqa bo‘lgan, katta ehtimol bilan.

Ajoyib xabar, yaxshi kreativ — umuman olganda O‘zbekistonda TAF! borligi meni judayam xursand qiladi. Ichki bozordagi kreativ rivojlanishi uchun, uni ko‘z-ko‘z qiladigan, raqobat uchun sahna bo‘ladigan tadbirlar judayam muhim. 10-15 yildan keyin TAF! xalqarolashib, yanayam nufuzli bo‘lib ketsa, hayron qolmayman.

Xullas, rolikni ko‘ring, TAF!’ga boring. Kelayotgan shanbani bundan-da foydaliroq o‘tkazib bo‘lmaydi.

— TAF!24 dasturi va spikerlari
— Chiptalar iticket.uz saytida
4.7k 4 25 34
O‘zbekcha yoz!

7 Oct, 13:19

Open in Telegram Share Report
Video is unavailable for watching
Show in Telegram
Bu yilgi AQSh prezidenti saylovi — kreatorlar uchun chiroyli keyslarga boy chiqyapti.

Trampning navbatdagi yurishi: «Kamala Xarris erishgan yutuqlari» nomli kitob chiqarish bo‘ldi. Eng qizig‘i — kitobning sahifalari bo‘m-bo‘sh.

Noyob, qiziqarli va e’tibor tortadigan faollik. Bu keysdan chiqariladigan asosiy xulosa: kopirayting va kreativ deganda oddiy rolik yoki tashqi reklama haqida o‘ylamang. Yangicha, boshqacha g‘oyalar izlang.

Atrofdagi buyumlardan foydalaning, nostandart kommunikatsion kanallarni topishga intiling. Shunchaki chiroyli roliklar davri o‘tdi — real dunyoda ishlaydigan kreativ endi yangi trend.
3.8k 0 28 2 60
O‘zbekcha yoz!

7 Oct, 09:32

Open in Telegram Share Report
O‘zbek kreativi kuchayib borishiga sabab — odamlar.

Kreativga befarq bo‘lmagan, o‘zgalar bilan bilim ulashadigan, qo‘lidan kelganicha sohani o‘stirishga urinadigan oddiy — siz-u bizdek — odamlar.

Shunday jonkuyar insonlardan biri xalqaro kreativ keyslarni o‘zbek tilidagi izohlari bilan alohida blog doirasida ulashib borishni oldiga maqsad qilibdi. Menga format juda yoqdi: keys videosi, nima haqidaligi, qaysi festivalda qanday mukofot yutgani, hammasi ko‘rsatib ketilgan. Kelajakda, o‘zbek keyslarini ham ulashib borsalar, nur ustiga a’lo nur.

Reklama emas, chin dildan tavsiya — Young Creators.
Young Creators
Yosh kreatorlarning “nasmotrennost”ini oshirish uchun turli xalqaro festivallardan keyslarni berib boramiz-da, Oʻrgilay! Aloqa: @khayitmurodsafarov
3.5k 2 10 1 27
O‘zbekcha yoz!

4 Oct, 11:40

Open in Telegram Share Report
UPD. Post o‘chirildi.
4.3k 1 2 7 40
O‘zbekcha yoz!

3 Oct, 17:18

Open in Telegram Share Report
Reklamada bitta qoida bor: “Agar odamlar nimanidir noto‘g‘ri tushunishlari mumkin bo’lsa — aniq shunaqa bo‘ladi”.

Bilaman, texnomart ko‘p oilalikni emas, boshqa narsani nazarda tutgan (katta ehtimol bilan) lekin “tushungan tushundi”.

Bu — antikeys. Bunaqa qilmanglar.
5.2k 0 24 21 106
O‘zbekcha yoz!

2 Oct, 13:34

Open in Telegram Share Report
Xushxabar.

Agentligimiz xalqaro Golden Drum festivali shortlistiga kirdi.

Adashmasam, bu O‘zbekistondagi yagona shortlist.

Nasib, yana mukofot kutamiz.
4.6k 1 6 10 56
O‘zbekcha yoz!

2 Oct, 11:21

Open in Telegram Share Report
Les Ailes brendidan anchadan beri darak yo‘q edi. Yaqinda yangi kommunikatsiya bilan «eshikni tepib» kirib kelishdi.

Tan olish kerak, roliklar ajoyib ishlangan: art-direkshn, montaj, CG — barchasi o‘ta yuqori darajada.

Faqat meni ranjitgan bir narsa: g‘oya va mantiq.

Les Ailes — tovuq qanotchalarini pishirib, soqqa qiladigan brend. Yangi kommunikatsiya juda jiddiy, hayotiy, falsafaga doir muammolarni yuzaga chiqaradigan, o‘ylantiradigan ToV’da ishlangan. Lekin xabar… «Insonlarga qanot» (yaxshiyam «qanotchalar» emas).

Sezyapsizmi? Brend mahsuloti, uni xarakteri va hozir reklama orqali yetkazib bermoqchi bo‘layotgan g‘oyasi bir biriga zidroq.

Xullas, nimaga to‘satdan fast-fud brendi shunchalik osmono‘par mavzularni ko‘targani noma’lum — va brend tezroq bu jumboqqa aniq, tushunarli javob berishi shart.

Shu turishida bu roliklarni qaychi uslubida urilgan avtogolga qiyoslayman — nihoyatda go‘zal, lekin teskari.
ЩА ВСЁ БУДЕТ😼
Воу, посмотрите это! 🔥 Les Ailes неожиданно сделал что-то нестандартное и прекрасное. Четыре видео, приуроченные, очевидно, к 1 октября, и это выглядит круто — посмотрите сами🙂 Единственный момент: я не совсем понимаю, при чём здесь сам Les Ailes, но, возможно, авторы позже раскроют дополнительны...
13.6k 4 52 15 27
O‘zbekcha yoz!

1 Oct, 17:06

Open in Telegram Share Report
Til — bu instrument. Xuddi sanchqi yoki ketmon kabi. Ayrim tillar traktordek baquvvat, kuchli. Boshqalari esa qoshiqdek kichik, zaif.

Hozir o‘zbek tili juda sust. Tan olish kerak, faqat o‘zbek tilini biladigan kreator bugungi kundagi O‘zbekiston bozoriga kerak emas. Undan naf yo‘q. Yaqin 40-50 yil davomida bo‘lmaydi ham.

Mijozlar rusiyzabon, jamoalar rusiyzabon, agentliklar rusiyzabon, bozorimizning eng kuchli mutaxassislari — rusiyzabon.

Sizga yoqadimi, yoqmaydimi, hayot shunaqa. Sizda ikkita yo‘l bor.

Birinchisi: o‘zbek tilini hurmat qilsin, menga nima, o‘qimayman, qaramayman, Davlat tilini bilmagan odam professional emas!

Ikkinchisi: o‘qish, o‘rganish, rus tilini ham kerak bo‘lsa egallab olish, zamondan ortda qolmaslik, chiranib, tiranib, o‘sish.

Tanlov har doim bor. O‘zbek tilini men ham sevaman. Lekin 20 yildan keyin o‘zbek mutaxassislari hozirgidek qoloq bo‘lishini xohlamayman. Bunday bo‘lmasligi uchun, bag‘rikeng bo‘lish kerak, ilm tanlamasdan, natsionalistik ruhdagi pozitsiyalardan uzoqlashib, rivojlanish kerak.

Rus tili = Rossiya emas. Ko‘zingizni oching, ahmoqona demagogiya hech qachon hech kimga foyda keltirmagan.

Traktordan voz kechib, qadrdon qoshiqchangiz bilan yer kovlamang.
4.1k 5 31 43 101
20 last posts shown.