OTABEK KADIROV ACADEMY

20 декабрь – қуйидагилар учун охирги муддат:
❗️ноябрь ойи учун ҳисоботни тақдим этиш ва ҚҚС тўлаш;
❗️ноябрь ойида дивидендлар ва фоизлар ҳисобланган бўлса, дивидендлар ва фоизлар бўйича солиқ суммалари тўғрисидаги ҳисоботни тақдим этиш;
❗️ноябрь ойи учун солиқ агентларига норезидентларнинг даромадларига солинадиган солиқ суммалари тўғрисида ҳисоботни тақдим этиш;
❗️ноябрь ойи учун ҳисоботни тақдим этиш ва ер қаъридан фойдаланганлик учун солиқ тўлаш;
❗️декабрь ойи учун солиқ даври учун солиқ суммаси 200 БҲМ дан ортиқ бўлган айланмадан олинадиган солиқ тўламайдиган юридик шахслар томонидан йиллик солиқ суммасининг 1/12 қисми миқдорида сув ресурсларидан фойдаланганлик учун солиқ бўйича бўнак тўловларини тўлаш;
❗️электрон шаклда хизматлар кўрсатишда чет эл юридик шахслари томонидан ҚҚС хисоботларини тақдим этиш ва тўлаш;
❗️солиқ даври учун солиқ суммаси 200 БҲМ дан кам бўлган айланмадан олинадиган солиқ тўламайдиган юридик шахсларга, шунингдек айланмадан олинадиган солиқ тўловчилари ва
ЯТТ – IV чорак учун йиллик солиқ суммасининг 1/4 қисми миқдорида сув ресурсларидан фойдаланганлик учун солиқ бўйича бўнак тўловларини тўлаш;
❗️IV чорак учун айланмадан олинадиган солиқ тўловчиларга йиллик солиқ суммасининг 1/4 қисми миқдорида мол-мулк солиғи бўйича бўнак тўловларини тўлаш;
❗️IV чорак учун айланмадан олинадиган солиқ тўловчиларга қишлоқ хўжалигига тегишли бўлмаган ерлар учун йиллик солиқ суммасининг 1/4 қисми миқдорида ер солиғини тўлаш.
✍️23 декабрь – жами даромади жорий солиқ давридан олдинги солиқ даври учун тузатишларни ҳисобга олган ҳолда 10 млрд сўмдан ошган солиқ тўловчилар томонидан ноябрь ойи учун фойда солиғи бўйича бўнак тўловларини тўлашнинг охирги куни.

Асосий воситаларни ҳисобга олиш бўйича ҳисоб сиёсатида нималар акс эттирилади

2025 йил 1 январдан янги 5-сон БҲМС кучга киради. Энди ташкилот раҳбари активларни асосий воситаларга киритиш мезонларини ҳамда уларни гуруҳлашни ўзи белгилайди, ўзгаришлар амортизацияни ҳисоблаш ва асосий воситаларни қайта баҳолашга дахл қилади.
Корхонанинг ҳисоб сиёсати қуйидагиларни тартибга солиши керак:
❗️активларни АВ объектларига киритиш мезонлари;
❗️уларнинг дастлабки қийматини баҳолаш;
❗️амортизацияни гуруҳлар бўйича ҳисоблаш усуллари;
❗️қайта баҳолаш усуллари;
❗️АВ фойдали хизмат муддати;
❗️АВнинг тугатиш қиймати;
Инвентаризация усуллари.
✍️АВга киритиш мезонларини ва гуруҳлар бўйича таснифлашни энди раҳбар ўзи белгилаши мумкин.
✍️Активларни АВ таркибида ҳисобга олиш мезонларини ҳамда ✍️✍️АВларни гуруҳлар бўйича таснифлашни корхонанинг ҳисоб сиёсатида ёзиб қўйинг (5-сон БМҲС 4-банди). Солиқ ва бухгалтерия ҳисобини бир-бирига яқинлаштириш учун активни АВ сифатида тан олиш мезонларини СК 306-моддаси 2-қисмига мувофиқ белгилаб қўйиш мумкин.

Norezidentlarning daromadlaridan olinadigan daromad solig'i summalari to'g'risidagi hisobot soliq agenti tomonidan daromadlar to'langan oydan keyingi oyning 20-kunidan kechiktirmay taqdim etiladi.
🤝SKning 355-moddasi
✍️Noyabr oyi uchun hisobotlar 20 dekabrdan kechiktirmay topshirilishi kerak.