Oqdaryo Ovozi

🖋 9-fevral — Alisher Navoiy tavallud topgan kun: adabiyot quyoshi porlagan sana

🔺 Alisher Navoiy o‘zbek adabiyotining asoschisi, butun Sharq tamaddunining yirik vakili. 1441-yilda Hirotda tug‘ilgan va o‘zining boy ijodi orqali turkiy adabiyot rivojiga ulkan hissa qo‘shgan.

🎩 Navoiyning buyukligi nimada?

— U ilk bor turkiy (o‘zbek) tilining adabiy imkoniyatlarini fors tilidan kam emasligini isbotlab, ona tilida ajoyib asarlar yaratdi;
— “Xamsa” asarini turkiy tilda yozgan birinchi shoir sifatida tanilgan;
— Uning ijodidan faqat she’riyat emas, balki falsafa, tarix, tilshunoslik va musiqa haqidagi muhim asarlar ham o‘rin olgan.

📖 Eng mashhur asarlari:

⚡️ “Xamsa” – besh doston (Hayrat ul-abror, Farhod va Shirin, Layli va Majnun, Sab’ai Sayyor, Saddi Iskandariy);
⚡️ “Muhokamat ul-lug‘atayn” – turkiy va fors tillarining qiyosiy tahlili;
⚡️ “Mezon ul-avzon” – aruz ilmi haqida risola;
⚡️ “Lison ut-Tayr” – tasavvufiy doston.

📡👉 @oqdaryoovozi1931

Хайрли тонг, азизлар!

Мулойим сўз ваҳшийларни улфатга айлантиради

Кимки кўнгилни қаттиқ сўз билан жароҳатлар экан, унга аччиқ тил заҳарли найзадек санчилади. Кўнглида тил найзасининг жароҳати битмас; у жароҳатга ҳеч нарса малҳамлик қилмас.

Агар бир кўнгилда тил найзасининг жароҳати бордир, фақат яхши сўз ва ширин тил унга малҳам ва роҳатдир. Мулойим сўз — ваҳшийларни улфатга айлантиради; сеҳргар — оҳанг билан афсун ўқиб, илонни инидан чиқаради.

Тилга ихтиёрсиз — элга эътиборсиз. Кўп, бемаза сўзлайдиган эзма — кечалари тонг отгунча тинмай ҳурадиган итга ўхшайди. Тили ёмон одам — халқ кўнглини жароҳатлайди, ўз бошига ҳам офат етказади. Нодоннинг ваҳшийларча бақирмоғи — эшакнинг бемаҳал ҳанграмоғи. Хушсухан одам юмшоқлик билан дўстона сўз айтади; кўнгилга тушиши мумкин бўлган юз ғам — унинг сўзи билан даф бўлади. Сўзда ҳар қандай яхшиликнинг имкони бор, шунинг учун ҳам айтадиларки; «нафаснинг жони бор…».

Тилини тиёлган одам — донишманд, оқил; сўзга эрк берган одам — беандиша ва пасткаш. Тил ширин ва ёқимли бўлса яхши; тил билан дил бир бўлса яна яхши. Тил билан дил — инсондаги энг яхши аъзолардир. Бўстонда — гулсафсар, гулғунча ва райҳонлар энг ёқимли гуллардир.

Одам — тили билан бошқа ҳайвонлардан имтиёзлидир. Унинг тили орқали бошқа одамлардан афзаллиги билинади. Тил — шунча шарафи билан нутқнинг қуролидир. Агар нутқ номаъқул бўлиб чиқса — тилнинг офатидир.

Алишер НАВОИЙ.

✅@oqdaryoovozi1931

Bugun 9-fevral haftaning yakshanba kuni. Ushbu kunda ro‘y bergan muhim voqealar bilan tanishing.

#bayramlar
Xalqaro velosipedda ishga borish kuni.
Xalqaro stomatologlar kuni.
Voleybol tug‘ilgan kun.
Xalqaro pitsa kuni.

#muhim_voqealar
1935 – Qiziltepa va Jomboy tumanlari tashkil etilgan.
1991 – Adabiyot muzeyi yonida Alisher Navoiyning tagsupaga o‘rnatilgan haykali ochildi.
1996 – 112-kimyoviy element - Klemensiy kashf qilindi.

#tavalludlar
1441 – Alisher Navoiy – o‘zbek  xalqining ulug‘ ma’rifatparvari, mutafakkir va buyuk shoir.
1773 – Uilyam Genri Garrison – AQShning 4-prezidenti.
1917 – Zaynab Sodiqova – aktrisa, rejissyor. O‘zbekiston xalq artisti.
1952 – Qutlibeka Rahimboyeva – shoira va adiba.

@oqdaryoovozi1931

❗️Автомобилларга экостикерлар бериш 2025 йил 1 мартдан бошланади

Вазирлар Маҳкамасининг қарори билан ҳукуматнинг айрим қарорларига ишлаб чиқаришлардаги экологик вазиятни яхшилашга қаратилган ўзгартириш ва қўшимчалар киритилди.

Хусусан, қуйидагилар назарда тутилмоқда:

➖ биноларнинг томлари ва фасадларига қуёш фотоэлектр станцияларини ўрнатиш учун давлат экологик экспертизасидан ўтказиш учун лойиҳа ҳужжатларини тақдим этиш талабини бекор қилиш;

➖ атроф-муҳитга ва унга туташ ҳудудларга таъсир кўрсатадиган саноат корхоналарида "яшил белбоғлар" яратиш ва етиштириш бўйича тадбирларни амалга ошириш;

➖ “Экологик транспорт” тизимини босқичма-босқич жорий этиш муддатларини ўзгартириш. У 2025 йил 1 мартдан бошланади (2024 йил 1 июндан бошлаб эди). Худди шу кундан бошлаб транспорт воситаларининг меъёрий ҳужжатларга мувофиқлик даражасини аниқлаш ва экологик стикерлар бериш бошланади.

👉 @oqdaryoovozi1931

“Kambagʻallikdan farovonlik sari” dasturi doirasida kambag‘al oilalar reyestriga kiritilgan oilalarga belgilangan imtiyozlar.
Hududlarda aholi turmush shart-sharoitini yaxshilash, tadbirkorlikni rivojlantirish, kambag‘allikni qisqartirish va ijtimoiy qo‘llab-quvvatlash dasturlarining natijadorligiga erishishda yangicha yondashuv va to‘plangan milliy tajribani qo‘llash chora-tadbirlarini yanada yuqori bosqichga olib chiqish maqsadida O‘zbeksiton Respublikasi Prezidentining 2024-yil 23-sentabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi PQ-330-son qarori qabul qilindi.
Mazkur Qaror bilan “Kambag‘allikdan farovonlik sari” dasturini  amalga oshirish bo‘yicha birinchi navbatdagi chora-tadbirlar rejasi hamda 2024-2025-yillarda aholini kambag‘allikdan chiqarishning yo‘nalishlar va hududlar kesimidagi maqsadli ko‘rsatkichlari tasdiqlandi.
Qarorga ko‘ra 2025-yil 1-yanvardan boshlab kambag‘al oilalar farzandlari davlat maktabgacha ta’lim tashkilotlariga imtiyozli asosda qabul qilinishi, 2025/2026 o‘quv yilidan boshlab, kambag‘al oilalar farzandlarining davlat oliy ta’lim muassasalari talabalar turar joylaridagi yashash xarajatlari Davlat budjeti hisobidan qoplab berilishi, 2025-yildan boshlab “El-yurt umidi” jamg‘armasi tomonidan kambag‘al oilalarning farzandlari uchun alohida kvotalar ajratilishi belgilandi.
Bundan tashqari, kambag‘al oilalarga noutbuk sotib olish uchun 5 yil muddatga 2 yil imtiyozli davr bilan garovsiz va foizsiz qarz ajratish, tadbirkorlik faoliyatini boshlash uchun qiymati 30 mln so‘mgacha bo‘lgan kichik ishlab chiqarish uskunalari, ko‘chma do‘konlar (food truck), motoroller, skuter va shu kabi boshqa asosiy vositalarni sotib olish uchun 5 yil muddatga bo‘lib-bo‘lib to‘lash sharti bilan garovsiz va foizsiz qarz ajratish va boshqa imtizyozlar belgilab qo‘yildi.

Ijtimoiy inspeksiyaning Samarqand viloyat boshqarmasi bosh mutaxassisi                                               I.Umarov