Ona tili || Muhammad Haydarov

Sabablarini qiling

Siz bilan birinchi postimizda niyat haqida gaplashgandik.

Xolis va toʻgʻri niyat qilish bilan ish bitmaydi. Niyatni toʻgʻrilab olgach sabablarini qilishga jahd bilan kirishaylik. Maqsadga erishish yoʻlida eng muhim omil sabablarini amalga oshirishdir.

Ilm yoʻliga, jumladan, milliy sertifikatdan yuqori ball olish harakatiga jiddiy qasd qildingizmi? Unda quyidagi sabablarni amalga oshiring:
1. Avvalo, ishonchli bir ustoz toping!
Ustoz tanlashda esa ba’zi bir jihatlarga e’tiborli boʻling:
— ustozning qadriyatlari;
— ustozning halolligi;
— ustozning xalq orasidagi tutgan oʻrni;
— ustozning turli xil shubha, fitnalardan yiroqligi;
— ustozning chiqargan natijalari
— ustozning ishonchliligi
— va h.k.
Yuqoridagilarning birortasida muammo ko’rdingizmi? Demak, qaror qilishga shoshilmang. Sanab o’tilgan jihatlarning barchasini aniqlashning eng oson yoʻlini aytaylikmi? Tanlagan ustozingizning kanali yoki guruhi boʻlsa, oxirgi 3 oyda oʻsha kanal yoki guruhida e’lon qilingan postlar, xabarlar hamda izohlarni oʻrgansangiz, oʻzingiz uchun kerakli javobni olasiz.

2. Ustoz tanlagach endi ilm yoʻliga ixlos bilan kirishing. Aytilgan barcha tavsiya va koʻrsatmani sidqidildan bajaring. Miyangizdan, qalbingizdan, butun vujudingizdan kibrni chiqarib tashlang. Kibr bor tanaga ilm yuqmaydi. Har qanday jism bezak berishdan oldin yaxshilab tozalanganidek, kishi ham ilm olishga kirishdimi, "bilaman" degan soʻzni unutishi lozim. Avliyoyi jahon boʻlsangiz ham, har bir yangi topshiriqni yuz foiz toʻliq bajaring. Buni bilaman-ku, deyish endi yaramaydi. Qisqasi, kibrni yenga oling. Oldin ham bular haqida yozgandik…

3. Shu va boshqa qilinishi lozim boʻlgan barcha sabablarni amalga oshirgach natijani Oʻzigagina havola qilib, tavakkul hamda duo bilan soʻrang. Tavakkul va duo haqida batafsil ma’lumotni ishonchli manbalardan oʻqib oʻrganishingiz mumkin.

Xulosa qilib aytganda, nafaqat ilm olishda, balki har qanday maqsadni amalga oshirishda niyat, sabab, tavakkul, duo kabi oʻzaro bir-biriga bogʻliq boʻlgan toʻrt jihatni nazardan qochirmaslik lozim. Bularning birini qilib, birini amalga oshirmasangiz, natija kutganingizdek chiqmasligi aniq. Yuqoridagi fiklarning hayotdagi amaliy isbotini bir emas, bir necha bor koʻrdik. Shu sababli sizga ham ilindik. Barchasi kuzatishlar asosida yozildi.

Aytgancha, apreldagi imtihon uchun yangi guruhlar qabulini kutayotganlar, izohlarda sertifikat so’zini yozib qoldiring.

@milliytilbot

Darslar, ularni olib borayotgan ustozlar bilim jihatdan juda kuchli,shuningdek, insoniylik tomondan ham hurmatga sazovor insonlar ekan.Garchi sharoitim,vaqtim tufayli ozgina qiynalgan boʻlsam-da,ulardan koʻp narsalarni oʻrgandim. Buning uchun koʻpdan koʻp minnatdorman.Ularga juda-juda havas qilaman.Bir umr ular uchun duodaman.Hamisha ilmlari koʻplab bilimga tashna qalblar chiroqlarini yoritib yuraversin🤲🤲🤲 Umrlari uzuun,tan-u jonlari soʻgʻ-u salomat boʻlsin🤲🤲🤲

Niyatdan boshlang

Milliy sertifikat olmoqchi bo’lganlar diqqatiga!

Eng avvalo, niyatlarimizni toʻgʻrilab olaylik. Muqaddas hadis kitobimiz "Al-jome as-sahih" ning birinchi hadisi nima haqida ekanligini bilasizmi?

Birinchi hadis ota-onani rozi qilish haqida emas. Besh mahal namoz yoki roʻza haqida emas. Sadaqa, xayr-ehson haqida ham emas...
Birinchi hadis niyat haqida!

Amallar niyatga qarab belgilanadi!

Eʼtibor berdingizmi? Niyat eng muhimi va qilinishi kerak bo‘lgan ishlarning debochasi sanaladi. Hamma-hammasi niyatdan boshlanadi! Eng avvalo, niyatlarimizni toʻgʻrilab olaylik...

— Sertifikat olsam, ustama olaman, oʻqishga kiraman. Ustama orqali moddiy tomondan ham yaxshigina daromad qilaman, deb emas!

Xolis niyat qiling! Ikki dunyoni
ham oʻylab niyat qiling!

— Sertifikat olsam, shu sabab ilmimni oʻstirsam, yanada yaxshi mutaxassis boʻlaman. Oʻrganganlarimini maktabda oʻquvchilarga, atrofimdagilarga oʻrgataman. Oʻrgatgan har bir tushunchadan ular ham nimadir oladi. Xayrli boʻladi. Shu oʻrgatganlarim tufayli oʻquvchilar hayotda qanaqadir yutuqqa, savobga erishsa, men ham sababchi boʻlaman. Mana shu xayrli ilmimdan oxiratda ham ajr-savobi kelib tursin, deb niyat qilaylik!

Nasib qilsa, sertifikatni ham qoʻlga kiritasiz! Abituriyent boʻlsangiz, oʻqishga ham kirasiz! Oʻqituvchi boʻlsangiz, ustamani ham olasiz, xolis niyatingiz sabab savobi ham kelib turadi!

Muhimi, toʻgʻri yoʻlni tanlay biling. Har xil boʻlgan-boʻlmagan “oson” yoʻllarga chalgʻimang. Mehnatsiz, mashaqqatsiz osongina sertifikatga erishishni niyat qilib, oxiringizni ham “voy” qilmang.

Postning ikkinchi qismi ham chiqsinimi?

@milliytilbot

Ассалом устоз,узгариш жуда катта булди ман олдин газални кандай тахлил килишни кандай жавоб чикоришни умуман билмасдим хатто курган шерий санатларим хам есмда колмасди бу дарсдан кейн хамма муоммоимга ечим топдим хаммаси чотки тушунтирилган Мухаммад устозга алохида рахмат сог булсинла.Хар бир дарсни накт икки мартадан куриб узимни тилимда тулик дарс вакти пауза килиб ёзиб хам куйдим лугатларни еса алохида ёздим ва тонг сахар ёдлаёпман,бундан олдин битта эмас учта онлайн дарсга ёзилганман,аммо,фойдаси умуман булмади офлайн дарс учун эса биза томонда талаб йук шахардан булмаганм учун укиш тизими хам яхши эмас.Хуллас устоз битта кизга яни куп марта укшдан йикилган кизга нафакат зур дарс булди балки орзуларини ушалтирищ янада куп укиш учун мотивация хам булди бу 21 та газал тестни хар кун кайта-кайта куриб узимда зур узгариш курдим☺️ рахмат устоз берган илмизга рози булинг охиригача дил изхормни укиганз учун хам алохида рахматтттт❤️

☄️1-smenada tushgan esse mavzusi

Jamiyatizda ayrimlar kreditni ijtimoiy himoya vositasi deb hisoblashsa, baʼzilar aholining iqtisodiy ahvolini susaytiruvchi omil sifatida eʼtirof etishadi

@milliytilbot

ESDA SAQLANG

🛫podsholig'
oshnolig' kabi qofiyadosh so'zlarda G' tovushi raviy.
❗️O emas. ☄️Muqayyad qofiya

🛫yomonlik, omonlik kabi so'zlarda K tovushi raviy. ❗️N emas 💯Muqayyad qofiya

💎 Raviydan keyin qo'shimcha yoki tovush bo'lmasa, muqayyad qofiya deb olasiz.

🛫lola, nola, bola kabi so'zlarda L tovushi raviy. A EMAS❗️ mutlaq qofiya

💎Chunki raviydan keyin tovush yoki qo'shimcha kelsa, mutlaq qofiya deb olasiz.

🔥Qofiyadosh so'zlardagi qo'shimchalar sintaktik, lug'aviy shakl yasovchilar bo'lsa, so'zning asosiga qarash kerak. Masalan, tog'lar, bog'lar, dog'lar kabi so'zlarda G' tovushi raviy. Undagi -lar qo'shimchasi yangi so'z paydo qilgani yo'q. Negaki u lug'aviy shakl yasovchi qo'shimcha. Shuning uchun bu so'zlarda R emas, G' raviy deb olinadi.

@milliytilbot

🔥 Bugun 2-smenada tushgan esse mavzusi

Ayrimlar OAV, ijtimoiy tarmoqlarda jinoiy faoliyatlarning oshkora yoritilishini qo’llab-quvvatlasa, ba’zilar keskin e’tiroz bildiradi!

@milliytilbot

🔥 Bugun tushgan mumtoz she’riy parcha

"Layli va Majnun" dostonidan

Zulfu yuzi xad yonidag‘i dol,
Fam nuqtasi og‘zi ustida xol.

Boshkim qo‘shub ikki egma qoshi,
Husn ichra ikisining taloshi.

Chun voqif o‘lub bu mojarog‘a,
Mushkin xutaba kirib arog‘a.

Chun vusma berib alarg‘a tazyin,
Minoyi o‘lub hiloli mushkin.

Yo‘qkim iki sarvi nav damida,
Har sori nasimidin xamida.

Ko‘zlari iki sho‘x kofiri mast,
Har qaysig‘a boqsa uyqu hamdast:

Ul sarvlar ostida uzolib,
Uyqu tamaig‘a soya solib.

Mujgon safining qaro balosi,
Ko‘zlar uza soyaning qarosi.

Yo‘q soyaki, to‘rt saf chekib zang,
Majmuyi libosi surmayi rang.

Ochquncha yumub ko‘z ul sipah tez,
Bir-birga tegib qilurg‘a xunrez

@milliytilbot

🔥 Bugun 1-smenada tushgan esse mavzusi

Ayrimlar o’qitishda milliy usullarni yana-da rivojlantirish, sayqallash muhimligini ta’kidlashadi, ba’zilar esa chet el tajribasini qo’llash muhim ekanligini aytishadi.

@milliytilbot

Yaxshi gumonda bo’laylik

Ertaga va indinga imtihon kiradiganlar, har qanday holatda ham umidingizni uzmang! Kuchli tayyorlangan talabgor har doim maqsadiga erishgan! Muhimi, sizning bilimingizni hech kim miyangizdan tortib ololmaydi.

Shu kunlarda tarqalgan mishmishlar sizni ruhingizni tushirmasin! Halol mehnat, xolis niyat doim o’z samarasini bergan!

Umid qilamizki, barchaga yangi test savollari tushadi!

Biz sizga ishonamiz!

Barchaga omad!

@ona_tili_haydarov

Ассалому алайкум устоз яхшимисиз,ха,дарсларни колдирмай кузатиб боряпман,Аллох рози булсин,купгина янги маьлумотларга эга булдим,Маржона устозга хам катта Рахмат,эссе дан 55олган эдим,охирги дарсларда 66балл олдим,узим хам хатоларимни билиб олдим,хар куни эссе езиб,тестларни ишлаб боряпман,дуо килинг худо хохласа якшанба кунги имтихондан А+даража олиб,юзимиз еруг булсин,
Жамоангизга уз миннатдорчилигимни билдираман,хаммалариздан Аллох рози булсин,илмингиз зиеда булсин,бу гурухга кушилиб адашмабман,катта Рахмат 🥰🥰🥰🥰🥰

Murojaat!

Hurmatli BBA mutasaddi xodimlari!

Milliy sertifikat imtihonlari bilim va malakalarni haqqoniy baholaydi deb hisoblar edik. Shu vaqtgacha oʻtkazilgan milliy sertifikat imtihonlarining oʻtkazilish jarayonidagi shaffoflik, test savollarining saviyasidan mamnun edik. Biroq noyabr imtihonida tushgan baʼzi savollarning oldinroq ʼʼqoʻltiqqa solinganiʼʼ butun xalqda ishonchsizlik va norozilik kayfiyatini uygʻotdi. Eng achinarlisi, BBA ning bu boʻyicha rasmiy bayonatida ham ushbu vaziyatga aniq munosabat bildirilmadi.

Dekabr va undan keyingi imtihonlarda yuqoridagi kabi holat takrorlanmasligini, oldin tushgan yoki xalq ichida ʼʼX variantʼʼ shaklida tarqalgan fayllardan savollar shakllantirilmasligini qatʼiy talab qilamiz! Sababi davlat tashkiloti shaffoflik va adolatni taʼminlashga masʼuldir! Maxfiylikdagi ehtiyotsizlik bartaraf etilishi uchun jiddiy choralar koʻriladi degan umiddamiz.

Agar shu holat yana takrorlansa, bu yosh avlodning ta'lim tizimimizga bo'lgan ishonchini yo'qotishga sabab bo'ladi. O'quvchining maqsadi bilim olish emas, "X" yodlash bo'lib qoladi, chunki tayyor javoblar turganda kim ham qiynalib ta'lim olishni xohlardi?!

Zero, xalq manfaati barcha narsadan ustun boʻlishi lozim! Agarda tarqalgan materiallardan, avvalgi imtihon testlaridan savollar tushsa, bu xalqqa nisbatan adolatsizlik boʻladi va bu holat BBA ning mavjud obroʻsiga ham putur yetkazmay qolmaydi.

Ona tili ustozlar kengashi

@milliytilbot

Assalomu aleykum
Men noyabr oyida bo'lib o'tgan MS imtihonida A darajali sertifikat oldim. Buning uchun Haydarovlar jamoasiga o'zimning minnatdorchiligimni bildiraman. Bergan bilimlaringiz uchun rahmat, ustozlar. Ishlaringizni rivojini bersin, yutuqlaringiz davomli, martabalaringiz bundanam ulug' bo'lsin. Ziyo ulashishdan charchamang