#ПРЕЗИДЕНТГА_МУРОЖААТ
Ассалому алайкум, ҲУРМАТЛИ ПРЕЗИДЕНТ!Бу мурожаатим сизга етиб борадими йўқми билмадимку, лекин фикрларимни баён этишни ўз бурчим, деб биламан! Ҳаммамизга маълумки, минбарларда "Очиқлик сиёсати", дея бонг урилган ва унга ҳамо-ҳанг фаолият олиб бораётган ижтимоий тармоқ фаоллари, журналист, блогерлар турли тайзиқ, тахдид, тўсиқларга учрамоқда. Мен баъзан нима учун бу сиёсатни ҳақиқат эканига ишондим экана, деб кўп ўйлайман.
Аммо фуқароларимиз муаммолари ортиб бораётгани, мурожаатларнинг кети узилмаётгани, коррупцион холатларнинг кўплиги, мутасаддиларнинг лоқайдлиги ёкида зиммасидаги вазифаларига номуносиб фаолият олиб бораётганини кўриб, мен тўғри йўлдаман деб ўйлайман.
Аммо бу сиёсат душманлари Юртимизда етарлисидан ортиқ ва улар юқори мавқеларга эга шахслар.
Ўйлашимча, уларга хатто Президентнинг кучи етмаётгандек гўё..?!
Биз фаоллар коррупцион ҳолатларни жим кузатишимиз мумкин эди, вақтида шундай яшаганмиз ҳам. Бироқ давлат рахбари 'Очиқлик сиёсатини қўллаб-қувватлайман" деб бот-бот такрорлаганда, нима учун биз қўл қовуштириб ўтиришимиз керак, дея биз кўрган, билган, гувоҳи бўлган жуда коррупцион ҳолатларни юзага чиқардик.
Лекин, бу сиёсат фақат тилдамиди? Кўзбўямачиликмиди?
Сабаби, амалда жавобгар қил, қама-қама, навбатчи статъяларни ил, каби топшириқларни ким бермоқда?
Статистикага қаранг, уч йил олдинги фаоллардан ким қолди, ким жавобгар бўлмади, туҳмат тошлари отилмади ё ҳаёти хавф остида қолмади?
Биз кимга ишондик, қайси сиёсатга инондик, айбимиз минбарларда эшитганимизга, кўзимиз билан кўрганимизга амал қилганимизми?
Ҳурматли Президент агар сиз очиқлик сиёсатини қўллаб-қувватламаганингизда, биз бу йўлга қадам босмасдик, сизга эргашмасдик, сизни қўллаб-қувватламасдик?!
Бугунда фаолларнинг кескин жавобгар бўлаётганидан сизнинг ҳабарингиз йўқ, деган яхши гумонда бўлишни хаҳлардим. Акс холда сиз ҳақингизда жамоатчилик ўртасидаги гап-сўзлар ростмикин, наҳот ҳаммаси ёлғон бўлса, нега керак эди бу кўзбўямачилик, деган саволлардан ухлолмайман...
Бугун мен ўз жонимни хавфга қўйиб бўлсада, айтаман:
Сизни юқори минбарларда бутун дунёни ишонтириш учунми “Мен журналист ва блогерларни ортида турибман”деган сўзларни айтиб, аслида бунга тескари ҳаракатларни амалга ошираётгандексиз?! Бунга эса кенг жамоатчилик кескин қарши ва ҳар қадамда норозилар сони ортиб бормоқда.
Энг ачинарлиси эса халқимизнинг қўрқоқлиги ва журъатсизлигидир!!!
Сизнинг эса "ер тагида илон қимирласа биламан" деб жим турганингиздир!
Мен қатъий ишонч билан айтаманки, биз ҳеч нима йўқотмадик! Йўқотганлар ёлғончилар, муттахамлар, кўзбўямачилардир!
Бугун сўзим аччиқ бўлиши мумкин, лекин сизлар бизни буюк аждодларимиз умид қилган, кутган авлод эмассиз!!!
Ноҳақ қамаш, адолатсиз жавобгар қилиш, туҳмат билан йўқотиш, тириклайин ўлдириш эмасми?
Мисол учун куни кеча Акмал Эшонхоновга нисбатан адолатсиз хукм ўқилди, ҳуқуқ химоячиси Абдурахмон Ташановни арзимас сабабларга кўра барчадан яширин равишда судлашмоқда, бугун Расул Кушербаевни телефони тортиб олиниб, ИИБ биносида сабабсиз ушлаб турилди, эртага менинг ҳам суд жараёнларим бошланиш арафасида. Яна қанча мисол керак, барини санасам қоғоз тугаб, қалам синади...
Наҳот ҳабарингиз йўқ?!
Наҳот буни тўхтата олмайсиз?
Наҳот ҳаммаси ёлғон бўлса?
Агар сизга бугунги мурожаатим етиб борса, агарда сиз мени фикрларимни тўғри тушинсангиз, агарда "элчилар"ингиз бизга нисбатан фисқу-фасод уюштирмаса, бу вазиятлардан ҳабарингиз бўлса, илтимос тўхтатинг! Токи халқимиз ўз сарбонини, ўз Юртбошисини тўғри танлаганига, сизга ишониб хато қилмаганига инонсин, ҳотиржам бўлсин, сизни яхши кўрсин ва доим ёнингизда бўлсин!!!Жахонгир Тулягановhttps://t.me/+O6NB7tGR8_FhYTEy
