officialDTM


Channel's geo and language: Uzbekistan, Uzbek
Category: Other


DAVLAT TEST MARKAZINING RASMIY KANALI!Sayt materiallaridan to'liq yoki qisman foydalanilganda Davlat test markazining rasmiy saytini (http://dtm.uz) ko'rsatilish shart! Barcha huquqlar himoyalangan.© Vazirlar Mahkamasi huzuridagi Davlat test markazi.

Related channels

Channel's geo and language
Uzbekistan, Uzbek
Category
Other
Statistics
Posts filter


Forward from: Bilimni baholash agentligi
⚡️ Umumta’lim fanlaridan milliy sertifikat imtihonlarini o‘tkazish grafigi

📆 Ma’lumki, 2023-yil 19-fevral kuni barcha hududlarda matematika va biologiya fanlaridan milliy sertifikat imtihonlari o‘tkazildi.

📌 2023-yilning 1-yarmida kimyo, fizika, ona tili va adabiyot, tarix hamda geografiya fanlaridan milliy sertifikat imtihonlarini o‘tkazish rejalashtirilgan.

✅ Talabgorlarning murojaatlaridan kelib chiqqan holda 2023-yilning 1-yarmi uchun milliy sertifikat imtihonlarini o‘tkazish grafigi ishlab chiqildi.

👉 Unga ko‘ra kimyo va fizika fanlaridan:

🔹 ro‘yxatga olish — 23-fevraldan 8-martgacha;
🔹 test sinovlari — 2-aprel kuni;

👉 ona (o‘zbek, rus, qoraqalpoq) tili va adabiyot fanidan:

🔹 ro‘yxatga olish — 3-apreldan 16-aprelgacha;
🔹 test sinovlari — 30-aprel kuni;

👉 tarix va geografiya fanlaridan:

🔹 ro‘yxatga olish — 24-apreldan 7-maygacha;
🔹 test sinovlari — 21-may kuni o‘tkaziladi.

🖥 Talabgorlarni ro‘yxatga olish my.dtm.uz saytining “Milliy sertifikat” bo‘limi orqali amalga oshiriladi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
Agentlikning rasmiy veb-sayti uzbmb.uz domeniga o‘tkazilmoqda

✅ Ma’lumki, O‘zbekiston Respublikasi Prezidentining 2022-yil 21-dekabrdagi “Yangi O‘zbekiston ma’muriy islohotlarini amalga oshirish chora-tadbirlari to‘g‘risida” PF-269-son Farmoni bilan O‘zbekiston Respublikasi Vazirlar Mahkamasi huzuridagi Davlat test markazi negizida O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tashkil etildi.

👨🏻‍💻 Bugunga qadar Bilim va malakalarni baholash agentligining rasmiy veb-sayti sifatida dtm.uz domenidan foydalanilayotgan edi. Hozirda agentlikning rasmiy veb-sayti uzbmb.uz domeniga o‘tkazilmoqda.

❕ Shu sababli 28-fevral kuni dtm.uz saytiga kirishda uzilishlar bo‘lishi mumkin. Keltirilgan noqulaylik uchun uzr so‘raymiz.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
Umumta’lim fanlaridan milliy sertifikat imtihonlari yuzasidan rasmiy munosabat

Ijtimoiy tarmoqlarda umumta’lim fanlaridan milliy sertifikat imtihonlari bo‘yicha o‘qituvchilar tomonidan turli fikrlar bildirilmoqda. Ulardagi asosiy e’tiroz o‘qituvchilar uchun ustama berish bilan bog‘liq bo‘lib, bildirilayotgan fikrlarning aksariyati haqiqatga to‘g‘ri kelmaydi.

Batafsil: https://dtm.uz/post/view/sertifikat-munosabat

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Ona tili va adabiyot fanidan milliy sertifikat natijalari e’lon qilindi

📣 2023-yil 29-yanvar kuni o‘tkazilgan ona tili va adabiyot fani bo‘yicha milliy sertifikat imtihoni natijalari e’lon qilindi.

👨🏻‍💻 Test natijalari my.dtm.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.

📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.

✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;

🔹 86 foiz va undan yuqori — maksimal ball.

❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Chet tili imtihoni natijalari e’lon qilindi

✅ 2023-yil 9-16-fevral kunlari o‘tkazilgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

🖥 Bunda test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

🔰 Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (24-26-fevral) my.gov.uz sayti orqali apellatsiya shikoyati berishlari mumkin.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Kimyo va fizika fanlaridan milliy sertifikat imtihonlari 2-aprel kuni o‘tkaziladi

2023-yil 23-fevral kuni kimyo va fizika fanlaridan navbatdagi milliy sertifikat imtihonlari uchun talabgorlarni ro‘yxatga olish boshlanadi.

🖥 Ro‘yxatga olish my.dtm.uz saytining “Milliy sertifikat” bo‘limi orqali amalga oshiriladi va 8-mart (to‘lov qilish 9-mart) kuniga qadar davom etadi.

📚 Talabgorlar ro‘yxatdan o‘tish vaqtida test topshirish tili (o‘zbek, rus, qoraqalpoq) va test topshirish hududini tanlashlari mumkin.

📆 Ushbu fanlardan test sinovlari 2023-yil 2-aprel (yakshanba) kuni o‘zbek, rus va qoraqalpoq tillarida o‘tkaziladi.

📍 Test sinovlari talabgorlarga qulay bo‘lishi uchun barcha hududlarda tashkil etiladi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Ona tili va adabiyot fanidan milliy sertifikat natijalari 24-fevral kuni e’lon qilinadi

✅ 2023-yil 29-yanvar kuni ona (o‘zbek, rus, qoraqalpoq) tili va adabiyot fanidan milliy sertifikat imtihonlari bo‘lib o‘tgan edi.

📝 Mazkur test sinovida 5 ming nafarga yaqin talabgor ishtirok etgan bo‘lib, hozirda ularning yozma ishlari tekshirilmoqda.

⏳ Yozma ishlarni tekshirish ko‘p vaqt talab etadigan jarayon bo‘lib, hozirda mazkur jarayonni imkon qadar tezroq yakunlashga harakat qilinmoqda.

📋 Vazirlar Mahkamasining 646-son qarorida test sinovi natijalari yigirma ish kuni ichida e’lon qilinishi belgilangan.

📆 Shu sababli yozma ishlarni tekshirish jarayonini 24-fevralga qadar yakunlash va 24-fevral kuni test natijalarini e’lon qilish rejalashtirilgan.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
Matematika va biologiya fanlaridan milliy sertifikat imtihonlari bo‘lib o‘tdi

✅ 2023-yil 19-fevral kuni barcha hududlarda matematika va biologiya fanlaridan milliy sertifikat imtihonlari bo‘lib o‘tdi.

📚 Imtihonlar o‘zbek, rus va qoraqalpoq tillarida tashkil etilib, unda 4 614 nafar talabgor ishtirok etdi. 9 nafar talabgor esa tartib-qoidani buzgani uchun test sinovidan chetlatildi.

📋 Test sinovi natijalari yigirma ish kuni ichida e’lon qilinadi va eng yuqori ballning kamida 60 foizini to‘plagan talabgorlarga elektron sertifikat taqdim etiladi.

✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

🔹 60 % dan 86 % gacha — maksimal ballga nisbatan tabaqalashtirilgan (proporsional) ball;

🔹 86 foiz va undan yuqori — maksimal ball.

❇️ Shuningdek, milliy sertifikatga ega abituriyentlarga tegishli majburiy fan bo‘yicha eng yuqori ball beriladi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
Rahbar kadrlarning davlat tilida rasmiy ish yuritish darajasini aniqlash test sinovlari o‘tkazildi

⏳ 2023-yil 17-fevral kuni rahbar kadrlar va mas’ul lavozimga tayinlanadigan shaxslar uchun davlat tilida rasmiy ish yuritish bo‘yicha test sinovlari bo‘lib o‘tdi.

📍 Test sinovlari rahbar kadrlar va mas’ul lavozimlarga tayinlanadigan shaxslarning davlat tilini bilish darajasini aniqlash uchun Qoraqalpog‘iston Respublikasi, viloyatlar va Toshkent shahrida tashkil etildi.

✅ Unda talabgorlarning o‘qib tushunish, imlo qoidalarini to‘g‘ri qo‘llay olish, so‘z va qo‘shimchalardan to‘g‘ri foydalana bilish, tinish belgilarini o‘z o‘rnida ishlata olish hamda topshiriqqa ko‘ra mos rasmiy hujjat matnini tayyorlash kabi ko‘nikmalari tekshirildi.

🖥 Test sinovi natijalari 15 ish kuni ichida Bilim va malakalarni baholash agentligining rasmiy veb-saytida e’lon qilinadi.

Bilimni baholash agentligining rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Diagnostik test sinovlari yo‘lga qo‘yildi

Bilim va malakalarni baholash agentligi tomonidan oliy ta’lim muassasalarining bakalavriat ta’lim yo‘nalishlariga kirish test sinovlari formatidagi namunaviy test topshiriqlari asosida diagnostik test sinovlari yo‘lga qo‘yildi.

📚 Diagnostik test sinovlari orqali abituriyentlar o‘z bilimlarini sinab ko‘rishlari va test materiallari (test topshiriqlari kitobi va javoblar varaqasi) bilan ishlash ko‘nikmasiga ega bo‘lishlari mumkin.

📍 Diagnostik test materiallari har hafta barcha hududlarga yetkaziladi va talabgorlar test materiallarini agentlikning hududlardagi vakillaridan olib ketishlari mumkin bo‘ladi.

👨🏻‍💻 Mazkur xizmatdan foydalanish istagini bildirgan talabgorlar my.dtm.uz sayti orqali diagnostik test materiallariga buyurtma berishlari mumkin.

Bilimni baholash agentligining rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
Gapirish ko‘nikmasini baholash imtihonlari yakunlandi

2023-yil 9-fevral kuni fevral oyida o‘tkazilishi belgilangan chet tilini bilish darajasini aniqlash test sinovlari boshlangan edi.

📆 Test sinovining yozma qismi 12-fevral kuni, gapirish ko‘nikmasini baholash imtihonlari esa 9-10-, 13-16-fevral kunlari bo‘lib o‘tdi.

👨🏻‍💻 Bunda gapirish ko‘nikmasini baholash imtihonlari maxsus dastur orqali elektron tarzda o‘tkazilib, unda 6 ming nafardan ziyod talabgor ishtirok etdi.

🖥 Test natijalari 23-fevral kuni my.gov.uz saytida e’lon qilinadi va talabgorlar “Mening arizalarim” bo‘limi orqali o‘z natijalarini bilishlari mumkin bo‘ladi.

Bilimni baholash agentligining rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Matematika va biologiya fanlaridan milliy sertifikat imtihoni uchun ruxsatnoma

📆
2023-yil 19-fevral (yakshanba) kuni bo‘lib o‘tadigan matematika va biologiya fanlaridan milliy sertifikat imtihoni uchun ruxsatnomalarni berish boshlandi.

🖥 Test sinovida ishtirok etadigan talabgorlar ruxsatnomani my.dtm.uz saytining “Milliy sertifikat” bo‘limidan olishlari mumkin.

✅ Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

📌 Talabgorlar test sinovi o‘tkaziladigan binolarga shaxsini tasdiqlovchi hujjat (pasport) asosida:

1️⃣-smenada 07:30 dan boshlab (test sinovi 09:00 da);
2️⃣-smenada 12:30 dan boshlab (test sinovi 14:00 da) kiritiladi.

Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
Chet tilini bilish darajasini aniqlash test sinovlari bo‘lib o‘tdi

✅ 2023-yil 12-fevral kuni chet tilini bilish darajasini aniqlash test sinovlarining yozma (tinglab tushunish, o‘qish, yozma ish) qismi bo‘lib o‘tdi.

📍 Test sinovlari talabgorlarga qulay bo‘lishi uchun barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etildi.

🙍‍♂️ Unda jami 6 551 nafar talabgor ishtirok etdi va 15 nafar talabgor tartib-qoidani buzgani uchun test sinovidan chetlatildi.

📌 Gapirish ko‘nikmasini baholash imtihonlari esa 9-fevral kuni boshlangan bo‘lib, 16-fevralga qadar davom etadi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Matematika va biologiya fanlaridan milliy sertifikat imtihonida ishtirok etadigan talabgorlar diqqatiga!

📆
Ma’lumki, 2023-yil 19-fevral (yakshanba) kuni barcha hududlarda matematika va biologiya fanlaridan milliy sertifikat imtihonlari o‘tkaziladi.

🖥 Talabgorlarga test sinovida ishtirok etish uchun ruxsatnoma 14-fevral kunidan boshlab my.dtm.uz sayti (“Milliy sertifikat” bo‘limi) orqali beriladi.

✅ Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

📌 Talabgorlar test sinovi o‘tkaziladigan binolarga shaxsini tasdiqlovchi hujjat (pasport) asosida:

1️⃣-smenada 07:30 dan boshlab (test sinovi 09:00 da);
2️⃣-smenada 12:30 dan boshlab (test sinovi 14:00 da) kiritiladi.

⏳ Test sinovida talabgorlarga 45 ta topshiriq va ularni ishlash uchun javoblar varaqasini to‘ldirish bilan birga 2,5 soat vaqt beriladi.

📋 Test sinovi natijasi bo‘yicha eng yuqori ballning kamida 60 foizini to‘plagan shaxslarga 3 yil muddatga amal qiluvchi sertifikat taqdim etiladi.

Agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ 8-fevral ro‘yxatdan o‘tishning so‘nggi kuni

2023-yil 30-yanvar kuni matematika va biologiya fanlarini bilish darajasini baholash test sinovlari uchun talabgorlarni ro‘yxatga olish boshlangan edi.

🖥 Ro‘yxatga olish my.dtm.uz saytining “Milliy sertifikat” bo‘limi orqali amalga oshirilmoqda va 8-fevral (to‘lov qilish 9-fevral) ga qadar davom etadi.

❕ Shu sababli test sinovida ishtirok etish istagini bildirgan talabgorlar 8-fevral kuni (shu kuni ham) ga qadar ro‘yxatdan o‘tishlari lozimligini eslatib o‘tamiz.

📆 Test sinovi esa 2023-yil 19-fevral (yakshanba) kuni bo‘lib o‘tadi va o‘zbek, rus, qoraqalpoq tillarida o‘tkaziladi.

📍 Test sinovi barcha hududlarda tashkil etiladi va talabgorlar test sinovi o‘tkaziladigan joylar sig‘imidan kelib chiqqan holda ro‘yxatga olinadi.

❇️ Bunda biror hudud to‘lgan taqdirda test topshirish hududini o‘zgartirib, boshqa hududda test sinovida ishtirok etish mumkin bo‘ladi.

Bilimni baholash agentlikning rasmiy sahifalari:
Telegram | Facebook | Instagram | YouTube


Forward from: Bilimni baholash agentligi
⚡️ Chet tili imtihoni sanalari e’lon qilindi

✅ Chet tilini bilish darajasini aniqlash bo‘yicha fevral oyida bo‘lib o‘tadigan test sinovi sanalari e’lon qilindi.

📆 Unga ko‘ra test sinovining yozma qismi 12-fevral kuni, gapirish ko‘nikmasini baholash imtihonlari esa 9-10-, 13-16-fevral kunlari bo‘lib o‘tadi.

📌 Test sinovlari barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etiladi.

👨🏻‍💻 Talabgorlar imtihon joyi, kuni va aniq vaqtini my.gov.uz sayti orqali “Mening arizalarim” bo‘limidan bilishlari va ruxsatnomani yuklab olishlari mumkin.

❗️ Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat va ruxsatnoma bilan kelishlari so‘raladi.

📍 Test sinovi o‘tkaziladigan joylar va ularning joylashuvi (geolokatsiya): https://telegra.ph/Chet-tili-02-06

Telegram | Facebook | Instagram | YouTube


Forward from: Ilmiy-o‘quv amaliy markazi
TOEFL ITP va TOEIC imtihonlari uchun talabgorlarni ro‘yxatga olish boshlandi

👨🏻‍💻 Davlat test markazi huzuridagi Ilmiy-o‘quv amaliy markazi tomonidan TOEFL ITP va TOEIC imtihonlari uchun talabgorlarni onlayn ro‘yxatga olish boshlandi.

📆 Talabgorlarni ro‘yxatga olish https://my.dtm.uz/ilmiy/service havola (“Ilmiy markaz” bo‘limi) orqali amalga oshirilmoqda va 13-fevralga (to‘lovni amalga oshirish 14-fevral soat 10:00) ga qadar davom etadi.

🖥 Imtihonlar esa 15-fevral kuni soat 14:00 Toshkent shahrida Davlat test markazi binosi (Bog'ishamolko'chasi 12-uy) da kompyuterda elektron tarzda o‘tkaziladi.

📌 TOEFL ITP va TOEIC imtihonlaridan muvaffaqiyatli o‘tgan talabgorlarga ETS tashkilotining xalqaro sertifikatlari taqdim etiladi.

👩‍🏫 TOEFL ITP va TOEIC sertifikatlari xalqaro tan olingan sertifikatlar bo‘lib, mazkur sertifikatlarga ega bo‘lgan talabgorlar Prezidentning PQ-5117-son qarorida belgilangan imtiyozlardan foydalanishlari mumkin bo‘ladi.

✅ Imtihonlar bo‘yicha to‘liq ma’lumot va qo‘llanmalar:

🔹 TOEFL ITPma’lumot | qo‘llanma;
🔹 TOEIC Listening and Reading Test — ma’lumot | qo‘llanma;
🔹 TOEIC Speaking and Writing Tests — ma’lumot | qo‘llanma.

☎️ Murojaat uchun:
- (95) 515-68-68


Ilmiy markazning telegram kanali:
👉 @dtmilmiymarkaz 👈


Forward from: Ilmiy-o‘quv amaliy markazi
Chet tilidan yozish va gapirish ko‘nikmalarini baholash bo‘yicha malaka oshirish kursi

“Chet tilidan yozish va gapirish ko‘nikmalarini baholash” bo‘yicha malaka oshirish kursi uchun talabgorlarni ro‘yxatga olish boshlandi.

📆 Malaka oshirish kursi 24 soatga mo‘ljallangan bo‘lib, 13-20-fevral kunlari Zoom platformasi orqali onlayn tarzda bo‘lib o‘tadi.

⏳ Unda tinglovchilarga chet tilidan yozish va gapirish ko‘nikmalarini baholash bo‘yicha nazariy va amaliy mashg‘ulotlar (o‘zbek tilida) o‘tkaziladi.

👨🏻‍💻 Malaka oshirish kursida ishtirok etish istagini bildirgan talabgorlar 10-fevral kuniga qadar my.dtm.uz sayti orqali onlayn ro‘yxatdan o‘tib, (to‘lovni amalga oshirish 10-fevral soat 10:00) kursda ishtirok etishlari mumkin.

☎️ Murojaat uchun telefon: (95) 507-70-72.

Ilmiy markazning telegram kanali:
👉 @dtmilmiymarkaz 👈


Forward from: Ilmiy-o‘quv amaliy markazi
Ingliz tilini bilish darajasini aniqlash bo‘yicha ko'p darajali (multilevel) repetitsion (mock exam) test sinovi.

📆 2023-yil 14-fevral kuni Ilmiy-o‘quv amaliy markazi tomonidan ingliz tilini bilish darajasini aniqlash bo‘yicha repetitsion (mock exam) test sinovi o‘tkaziladi.

✅ Test sinovlari barcha hududlarda tashkil etiladi va birinchi bo‘lib ro‘yxatdan o‘tgan hamda to‘lov (100 000 so‘m) ni amalga oshirgan talabgorlar test sinovida ishtirok etish imkoniyatiga ega bo‘ladi.

👨🏻‍💻 Test sinovida ishtirok etish istagini bildirgan talabgorlar 9-fevral(to'lovni amalga oshirish 10-fevral soat 10:00) kuniga qadar my.dtm.uz havola orqali ro‘yxatdan o‘tishlari mumkin.

☎️ Murojaat uchun telefonlar:
❕(95) 507-70-72
❕(95) 515-68-68

Ilmiy markazning telegram kanali:
👉 @dtmilmiymarkaz 👈


Forward from: Bilimni baholash agentligi
Oliy ta’lim muassasalariga kirish imtihonlari qanday o‘tdi?

📋 YUNISEFning “U-Report”
loyihasi tomonidan Korrupsiyaga qarshi kurashish agentligi hamda Bilim va malakalarni baholash agentligi bilan hamkorlikda so‘rovnoma o‘tkazildi.

📌 So‘rovnoma yoshlarning oliy ta’lim muassasalarining bakalavriat ta’lim yo‘nalishlariga kirish imtihonlari jarayoniga munosabatini o‘rganish maqsadida tashkil etildi.

👨🏻‍🎓 So‘rovnomada eng ko‘p Qashqadaryo viloyatida yashovchi fuqarolar ishtirok etdi. Ishtirokchilarning 44 foizi 15-19 yosh, 25 foizi 20-24 yosh, 17 foizi 25-30 yosh oralig‘idagi yigit-qizlardir.

✅ So‘rovnoma ishtirokchilarining 68 foizi joriy yilgi OTMlarga kirish imtihonlari shaffof o‘tganini e’tirof etdi.

👉 Batafsil: https://uzbekistan.ureport.in/opinion/3171/

Telegram | Facebook | Instagram | YouTube

20 last posts shown.

702

subscribers
Channel statistics