Одамлар Орасида

Набий соллаллоҳу алайҳи ва саллам ўттизта балодан паноҳ тилардилар:

• Эй Аллоҳ, Сен менга паноҳ бергин:

1. Ожизликдан.
2. Дангасаликдан.
3. Қўрқоқликдан.
4. Бахилликдан.
5. Қариликдан.
6. Бағиртошликдан.
7. Ғафлатдан.
8. Ночорликдан.
9. Хорликдан.
10. Бечора ҳолликдан.

• Эй Аллоҳ, Сен менга паноҳ бергин:

11. Камбағалликдан.
12. Куфрдан.
13. Ширкдан.
14. Фисқу фужурдан.
15. Бахтсизликдан.
16. Нифоқдан.
17. Шуҳратпарастликдан.
18. Риёкорликдан.
19. Соқовликдан.
20. Карликдан.
21. Жинниликдан.
22. Моховдан.
23. Песликдан.
24. Ёмон касалликлардан.

• Эй Аллоҳ, менга паноҳ бергин:

25. Қарз юкидан.
26. Кишилар қаҳр қилишидан.
27. Неъматинг завол топишидан.
28. Офиятинг ўзгариб кетишидан.
29. Тўсатдан келадиган ўчингдан.
30. Барча ғазабингдан.

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida

КРЕДИТОМАНИЯ БИЗНИ ЖАРГА УЛОҚТИРАДИ.

Ассалому алайкум, самимий ўқирманлар. Бугун бир курсдошим телефон қилди. Уёқ-буёқдан гаплашдик. Ойнинг бошланганига бир кун бўлгани йўқ ойлиги тугабди. "Қолган 29 кунни қандай қиласан?" десам "Ҳа, бир гап бўлар" дейди. Ойлигини нималарга ишлатганини сўрасам: Кредитга машина олган , Кредитга айфон олган, кредитга пул олган. Хуллас, қовоқ калласидан бошқа ҳаммаси кредит. Ўзини роса урушиб бердим. У ҳақида ёзишим ҳақида ҳам айтдим. "Ҳа, ёз ошна, ҳозир Ўзбекистонда ҳамма кредитга "ўтириб қолган" дейди. "Ўзингчи?" десам, кулади.
Айнан шу йигитга ўқишда ўқиб юрганимизда ота-онасидан энг кўп пул келар эди. Дадаси Россиядан 100$ жўнатса 100$ ни, 200$ жўнатса 200$ ни бир кунда ишлатиб қўяр эди. Бир кун шоҳлардек яшаб, 29 кун ҳаммадан нолиб яшарди)

Дадам иқтисодчи бўлганлари учун, болалигимиздан пулни қандай бошқаришни ўргатганлар. Дадамдан ўрганган бу усулим менга умрбодлик нафи тегаябди. Японияга келиб, Японларнинг "Money management" (Пулни бошқариш) одатларига ҳам қойил қолганман.
Келинг, Японларнинг "КАКЕИБО" ( Пулларни тақсимлаш) усулини сизларга ҳам ўргатаман. Бу "Какеибо" усули 1904-йилда, Мотоки ҲАНИ томонидан ишлаб чиқилган ва бу фалсафа жуда кўп Японларнинг Иқтисодий билимини оширишга, ҳаётини енгиллатишга хизмат қилган. Расмга қаранг, "Черезчур" келишган йигитман-а?😁 Йўқ, менга эмас дафтарга қаранг. Мана шу Япон оиласининг "Какеибо" (Яъни, кирим-чиқимлар дафтари). Бу фаласафа ўта оддий. Даромадингиз ва чиқимларни балансда ушлаш. Киримлар ва чиқимларни ёзиб боришни ўргатади. Яъни ҳар ким ўзи учун ўзи - буғалтер бўлсин дейди))

"Какеибо" усулида маошингизни 3 га тақсимлаб ишталишни ўргатади. 1- Заруриятлар 2- Истак-хоҳиш харажатлари 3- Кутилмаган харажатлар. Мана шу усулни йўлга қўйинг-да. Бир-икки йилда ўзгаришларни сезасиз. Олаётган маошингизни 1-навбатда заруриятларга ишлатасиз. Ундан ортса, хоҳиш-истакка. Ундан ҳам ортса, кутилмаган харажатларга. Ундан ҳам ортса, жамғаришга қўясиз.

Жуда ҳам хоҳлайсиз аммо унчалик шарт эмас бўлган харажатларни қилманг. Масалан, мен анча йиллардан бери оппоқ костюм-шим билан малла туфли олгим келади. Аммо, олмайман. Ўлайми артистларга ўхшаб)) Айтганча, пастлик ва тежамкорлик бошқа-бошқа нарсалар. Паст бўлишдан, Худо сақласин!

Хулосайи калом, болаларимизга "Пул тақсимоти", "Харажат маданияти" каби билимларни берайлик. Рўзғорга пули етмай туриб, Кредитга машина олмаслиги, ундан кўра пиёда юриш афзаллиги, кредитга айфон ишлатгунча пули етадиган арзонроқ телефон ишлатиши кераклиги. КЕЛАДИГАН ЖОЙИ ЙЎҚ ЛЕКИН, ТАВАККАЛ ҚИЛИБ КИМДАНДИР КАТТА ҚАРЗ, КРЕДИТ КАБИЛАРНИ ОЛМАСЛИГИНИ болаларимизга фан сифатида ўқитишимиз шарт. Акс ҳолда, "КРЕДИТОМАНИЯ" кўплаб умрларни хазон қилади.

Каналга уланиш учун линк👇
👉Телеграм http://t.me/odamlar_orasida_dastur

instagram👉 instagram.com/odamlar.orasida