Alimoff

Нетаньяху ва Трамп учрашуви бўлиб ўтади

Кейинги ҳафтада Исроил Бош вазири Биньямин Нетаньяху АҚШга ташриф буюриб, президент Дональд Трамп билан учрашади. Бу воқеа халқаро сиёсатда катта қизиқиш уйғотяпти, чунки бу учрашув бир вақтнинг ўзида ҳам Трампнинг сиёсий саҳнага қайтиши, ҳам Нетаньяҳунинг халқаро майдондаги вазияти билан чамбарчас боғлиқ.

Маълумки, Нетаньяху Халқаро жиноий суд томонидан ҳарбий жиноятларда айбланган ва унинг ҳибсга олиниши мумкинлиги ҳақида ордер берилган. Шунга қарамай, у АҚШга сафар қилаётгани ва Вашингтонда ҳурмат билан кутиб олиниши Ғарбнинг халқаро ҳуқуқ ва дипломатияга муносабати борасида турли баҳсларга сабаб бўляпти. Бу, айниқса, Ғазодаги уруш фонида яққол намоён бўляпти. (Маълумот учун: АҚШ ҳам Россия каби Гаагадаги халқаро жиноят судининг юрисдикциясини тан олмайди)

Трамп учун бу учрашув унинг қайта сиёсий саҳнага чиқишида муҳим қадам сифатида кўрилиши мумкин. У АҚШдаги сайловолди жараёнида Исроил билан алоқаларни мустаҳкамлаш ва ўзининг яқин иттифоқчиларига вафодорлигини кўрсатиш мақсадида бу ташрифни қабул қилгани эҳтимолдан холи эмас. Шунингдек, бу унинг Жо Байдендан фарқли ўлароқ, халқаро муносабатларда қандай ёндашувга эга эканини кўрсатиши мумкин.

Нетаньяҳу учун эса бу ташриф унинг ҳали ҳам халқаро сиёсатда таъсирли шахс эканини намойиш этиш ва ички сиёсий босимни юмшатиш имконияти сифатида қабул қилиниши мумкин. У ҳозир Исроил ичида ҳам, халқаро миқёсда ҳам жиддий танқидларга учраётгани учун, бундай учрашувлар орқали ўз мавқеини мустаҳкамлашга интиляпти.

Шунингдек, бу учрашув АҚШ ва Исроил муносабатларининг янги босқичга ўтишига ишора қилиши мумкин. Трампнинг президентликка қайта сайлангани Исроил ва Ғарб минтақасидаги сиёсатни кескин ўзгартириши мумкин. Шунинг учун бу учрашув нафақат икки лидер, балки халқаро муносабатлар учун ҳам муҳим аҳамиятга эга бўлиши эҳтимолдан холи эмас.

🧠@nurbekalimov

Эколог депутатлар Алишер Қодиров постига муносабат билдирди

Сўнгги кунларда муҳокамалар марказида турган Алишер Қодировнинг газ ўрнига электрдан фойдаланиш таклифини Экопартия аъзолари таҳлил қипти.

Партия аъзоси Жавлон Абдуллаев газ ўрнига электр энергиясидан фойдаланиш бугунги кун талаби эканини тушунтирибди: "Газ ва бошқа энергоресурсларга муносабатимиз ҳам ўша эскича тарзда қолиб кетаверади. Биз истаймизми-йўқми, чекланган ресурслар тақчиллиги муттасил ошаверади, чунки эҳтиёжларимиз ҳам, аҳоли сони ҳам шунга мутаносиб тарзда ўсмоқда.

Масаланинг ечими эса — қайта тикланувчи муқобил энергияга ўтиш. Айни вақтда бизнинг олдимизда бундан бошқа оқилона йўл йўқ".

Партиянинг яна бир аъзоси Ойбек Раҳимов эса Қодировнинг таклифи мамлакатимизда “яшил” энергияни ривожлантириш, шу орқали иқлим ўзгариши каби салбий оқибатларни камайтириш, қуёш, шамол, сув каби қайта тикланувчи манбалар орқали ҳосил қилинадиган энергия турларидан фойдаланишга қаратилганини таъкидламоқда.

🧠@nurbekalimov

Эрон ташқи ишлар вазири исроилликларни Гренландияга кўчириш кераклигини айтди

Эрон ташқи ишлар вазири Аббос Арағчи Sky News’га берган интервьюсида АҚШ ва Исроилнинг Эрон ядровий иншоотларига эҳтимолий ҳужуми ҳақидаги тахминларга кескин муносабат билдирди. Унинг айтишича, бундай қадам “жуда ақлсизлик” бўлади ва бутун минтақада катта фалокатга сабаб бўлиши мумкин. Эрон ядровий дастурининг фақат тинч мақсадда қўлланаётганини таъкидлаган Арағчи Ғарб давлатларини Эронга нисбатан нохолис муносабатда айблади.

Дональд Трамп эса АҚШ президентлигига қайтгач, Эрон билан янги ядровий келишув тузиш “яхши бўларди” деб баёнот берди. Лекин Эрон ташқи ишлар вазири бу етарли эмаслигини, Теҳрон аввал ишончни тиклаш учун Вашингтондан жиддий қадамлар кутаётганини билдирди.

Шунингдек, интервью давомида Трампнинг Ғазо секторини фаластинликлардан “тозалаш” ғояси ҳақида сўз юритилди. Бу таклиф минтақада қаттиқ танқид қилинганди. Арағчи эса буни мазах қилиб, аксинча, Исроил аҳолисини Гренландияга кўчиришни таклиф қилди. Унинг сўзларига кўра, бу таклиф орқали бир ўқ билан икки қуённи уриш мумкин – яъни Исроил муаммоси ҳам ҳал бўлади, Гренландияда аҳоли сони ҳам кўпаяди.

Шу билан бирга, Эрон ташқи ишлар вазири ҲАМАС ва Ҳизбуллоҳ каби иттифоқчилари сўнгги йилларда жиддий йўқотишларга учраганини тан олди. Лекин улар қайта тикланиш жараёнида экани ва ўз ғояларидан воз кечмаслигини таъкидлади.

Эронда иқтисодий вазият ҳам оғирлигича қоляпти. Инфляция 50% га етган, ёшлар ўртасида ишсизлик 20% ни ташкил қиляпти. АҚШ санкциялари туфайли миллий валюта қадрсизланган. Эронликлар Ғарб билан келишув орқали санкцияларнинг юмшатилишига ва иқтисодий шароитнинг яхшиланишига умид қилишяпти. Лекин Вашингтон ва Теҳрон ўртасидаги ишонч ўта паст даражада қоляпти, бу эса ҳар қандай келишувни амалга оширишни жуда мураккаблаштиради.

🧠@nurbekalimov

Кристофер Уокеннинг замонавий технологияларсиз ҳаёти ҳақида

Голливуднинг афсонавий актёри Кристофер Уокен замонавий технологияларсиз ҳаёт кечиришни афзал кўриши билан томошабинларни ҳайратга соляпти. 81 ёшли Уокен яқинда берган интервьюсида, ҳалигача мобил телефон, электрон почта ва ижтимоий тармоқлардан фойдаланмаслигини тан олди. Унинг фикрича, бу нарсалар ижодий ҳаётига таъсир ўтказмаган, балки унга ўзгача эркинлик берган.

Уокеннинг айтишича, унинг уйида замонавий технологиялардан фақатгина сунъий йўлдош антеннаси бор. Ҳатто у ўзи қатнашган “Severance” сериали эпизодларини ҳам замонавий стриминг платформалари орқали эмас, балки суратга олиш жамоаси томонидан юбораладиган DVD-дисклардан томоша қиларкан. У электрон хат ёзмагани, Twitter ҳақида эса ҳатто тасаввурга ҳам эга эмаслигини айтди.

Бунақа оддий ва минималистик ёндашув Уокеннинг шахсий танлови бўлиб, унинг дунёни қандай кўришини очиқ намоён этади. У замонавий ҳаётда технологиялар ва ахборот оқимига тўлиқ суяниб қолиш ортида пайдо бўладиган стресс ва чалғувчилардан ўзини асрашни афзал кўряпти. Бу, айниқса, ижодкор шахслар учун муҳим масала.

Кристофер Уокен Голливуддаги ўзига хосликни сақлаб қолган фигуралардан бири. Унинг ҳаётга бўлган ноодатий муносабати нафақат у ўйнаган қаҳрамонлар, балки шахсий фалсафаси орқали ҳам кўзга ташланади. Актёрнинг мухлислари унинг замонавий трендларга мослашмаганини ҳурмат қилади, чунки бу Уокеннинг ўзлигини йўқотмаганидан далолат.

Технологияларсиз ҳаёт тарзи унга Голливудда ўз ўрнини сақлаб қолишга халақит бермагани эса диққатга сазовор. Бу орқали Уокен нафақат ўз яқинлари, балки ёш авлодни ҳам ҳаётда қандайдир нарсаларни ўз танловингиз билан амалга ошириш мумкинлигига илҳомлантиряпти.

🧠@nurbekalimov

Инженер 120 кун денгиз остида яшаб рекорд ўрнатди

Панама соҳилларида, Кариб денгизининг ёрқин қоялари орасида, немис аэрокосмика муҳандиси Рудигер Кох янги рекорд ўрнатиш мақсадида 120 кун сув остида яшабди. Унинг уйи – сувга чўктирилган махсус капсула бўлиб, у ерда кундалик ҳаёт учун барча қулайликлар мавжуд бўлган: ётоқ, телевизор, компьютер, ҳатто велотренажёр. Биргина нарса етишмаган – душ.

Рудигернинг асосий мақсади рекорд ўрнатиш бўлмаган. У инсон турмуш тарзини ўзгартириш, уни сув остида яшашга мослаштириш ғоясини илгари суради. Унинг фикрига кўра, сув инсоният келажаги учун янги чегара бўлиши мумкин.

“Биз бу ерда сув остида яшаш мумкинлигини ва унинг инсон ҳаёти учун мос муҳит эканлигини исботлашга ҳаракат қилмоқдамиз”,

— деган у.

Сув остидаги капсула нафақат инсонлар учун, балки атроф-муҳит учун ҳам манфаат келтиради. У сунъий риф вазифасини бажариб, турли балиқ ва моллюскалар учун бошпана бўлиб хизмат қилган. Тунда Кох денгиз жонзотлари чиқарадиган овозларни эшитиб ётади.

“Биз келганимиздан буён бу ердаги ҳаёт қандай ривожланганини эшитиш жуда ажойиб”,

— деган у.

Капсуладан ташқарида, сув юзасида бошқа бир камера жойлашган бўлиб, у ерда унинг жамоа аъзолари озиқ-овқат етказиб бериш ва электр таъминотини назорат қилиш билан шуғулланган. Бу камера капсулага вертикал найча орқали уланган. Жамоа ўз ишларини олиб бораётганда, у ерга қизиқувчан журналистлар ва Рудигернинг яқинлари ташриф буюрган.

Рудигер ўзининг ҳар бир кунини тўртта камера орқали ёзиб оларди, бу фаолият унинг руҳий саломатлигини мониторинг қилиш учун ҳам хизмат қилган. Ҳар куни у ўзи билан ёнида сақлайдиган машҳур асар – Жюль Верннинг “Денгиз остидаги йигирма минг лига” китобини ўқишдан завқ оларди. Капсуладаги вақтни кўрсатувчи иккита соат эса қанча вақт ўтгани ва қанчаси қолганини ёдга солиб турган.

Рудигернинг қачон сув юзасига чиқмасин, биринчи қилиши аниқ бўлган иш – ҳақиқий душ қабул қилиш эканлигини айтган. Унинг бу ажойиб эксперименти нафақат янги чегараларни очиши, балки сув остида яшаш имкониятига нисбатан жамият фикрини бутунлай ўзгартириши мумкин.

🧠@nurbekalimov

Трамп ва Колумбия ҳақида

Дональд Трамп миграция сиёсатида ўзининг қаттиққўллик усуллари билан яна диққат марказида. Колумбия билан юзага келган кескин вазиятни у бир сутка ичида ҳал қилиб, дунё сиёсатчилари ўртасида яна бир бор ўз услубини кўрсатди. Трамп гангстер😁

Ҳаммаси Трампнинг миграцияга қарши навбатдаги қатъий чораларидан бошланди. Унинг буйруғига биноан, АҚШдан қонуний бўлмаган мигрантларни депортация қилиш учун ҳарбий юк самолётлари қатор мамлакатларга йўл олди. Ўтган якшанба куни навбат Колумбияга етиб келганида эса, мамлакат ҳукумати икки самолёт учун ўз ҳаво ҳудудини ёпиб қўйди. Колумбия президенти Густаво Петро АҚШни ўз фуқароларига нисбатан «номақбул» муносабатда айблаб, «нармалний муносабат протоколи» ишлаб чиқилмагунча, биронта ҳам самолёт қабул қилмаслигини эълон қилди.

Трамп бунга жавобан шиддатли ҳаракатларга ўтди. У сходу АҚШнинг Боготадаги элчихонасини ёпишни, Колумбия товарларига 50%лик тариф жорий этишни, мамлакат амалдорлари учун виза тақиқини, колумбияликлар учун чегара назоратини кучайтиришни ва ҳатто Колумбия иқтисодиёти ҳамда банк тизимига қарши санкциялар киритишни буюрди. Бу чоралар Колумбия барча ўз мигрантларини қабул қилмагунча амал қилишини таъкидлади. Бундай қатъиятли позиция ортида дипломатик босимнинг нақадар кучли эканлиги яққол кўзга ташланди.

Орадан бир соат ўтмай, Густаво Петро "памагити" стилида мигрантларни олиб келишга ўзининг шахсий президентлик самолётини юборишини маълум қилди. У самолёт АҚШдаги депортация қилиниши керак бўлган фуқароларни ортга қайтариш учун тайёрланиши ҳақида хабар берди. Бу воқеа нафақат сиёсий босимни, балки глобал дипломатияда куч ва таъсирнинг қанчалик аҳамиятли эканини кўрсатди.

Трамп эса бу янгиликка жавобан ижтимоий тармоқда (ҳозирги «Х» платформасида) «FAFO» ибораси билан ясалган фотосуратини жойлаштирди. Бу абревиатурани таржима қилишга уяламану, ну миндей опқараганда такой ўзимизни дехқончада "Ўйнашмагин арбоб билан" деган маъно келиб чиқади. Бу ҳаракат нафақат Колумбияга, балки бошқа мамлакатларга ҳам очиқ огоҳлантириш бўлди.

Мексика ва Бразилия мисолида кўрилганидек, АҚШнинг миграция сиёсати бўйича олиб борилаётган босимлар минтақадаги давлатларнинг қарама-қарши позицияларини бирмунча ўзгартиради. Мексика аввал бошда депортация рейсларини қабул қилишдан бош тортган бўлса, тез орада ўз позициясини ўзгартирди. Бразилия эса мигрантларни қўлларида кишан билан олиб келишни кескин танқид қилди. Бу воқеалар нафақат АҚШ, балки бутун Лотин Америкаси учун глобал миграция сиёсатининг янада мураккаблашиб бораётганидан далолат беради.

Бульдозер американской политики🚜

🧠@nurbekalimov

Сан-Францисколик айтишник брат камбағалликдан шикоят қипти

Сан-Францискода яшовчи ва йилига 340 минг долдр маош оладиган бир айтишник ўзини камбағалдек ҳис қилиши ҳақида гапириб берди. (Бу бизда ойига 366 млн сўм ойлик дегани🥲)

Так вот, ITчига кўра, унинг ойлик даромади солиқлардан сўнг $18,300 бўлиб, (бизда солиқ кўп деб йиғлайдиганларга салом🤣) лекин унинг “базавий” харажатлари бу пулни деярли батамом сарфлаб юборяптикан. Бундай даромад аксарият одамлар учун орзудек кўринса-да, унинг шикояти ижтимоий тармоқларда кўплаб баҳсларга сабаб бўлди.

Ёш мутахассис ойлигининг катта қисмини уй ижараси учун сарфларкан — бу ойига $9,500. (Ука, ярим йиллик ижара пулинга Тошкентда 2 ҳоналик шахсий уй оволасан😇) Сан-Францискода кўчмас мулкининг қимматлиги оддий ҳолат, лекин бундай улкан сумма кўпчилик учун ҳануз ҳайратли кўринади. Шу билан бирга, у ўзининг замонавий кибертрак автомобили учун лизингга ойига $1,368 тўлайди. (Бизда Кибртракни миллиардерлар опкелолади холос кибрга😁) Айтишник соғлом турмуш тарзига амал қилиб яшаркан, соғлом овқатланиш эса бемазалигидан ташқари қиммат ҳам бўлади. У салат етказиб беришлари учун ойига $1,680 сарфларкан.

Шунингдек, йигит ҳар ой $2,380ни ресторанлардаги учрашувларга сарфлайди. Сан-Францискодек шаҳарда романтик кечалар қиммат туриши мумкин, лекин бу кўрсаткич ҳам бошқалар учун орзу. Унинг ҳордиқ чиқариш ва кўнгилочар машғулотлар учун ажратган харажатлари ҳам ажабланарли даражада юқори: чанғи учишга сарфланадиган пул $2,650ни ташкил этади, маданий ва кўнгилочар тадбирлар эса яна $1,802ни талаб қилади. Унинг кийим-кечак ва бошқа маиший хизматларга сарфлайдиган $200 пули ҳам умумий харажатларга қўшилади. (Нега оз? Чунки айтишник бутун умр устида битта футболкани чиритиши мумкин😁)

Шикоят қилувчи ўзини “ижтимоий босим” қурбони деб ҳисоблайди: Сан-Франциско каби инновацион марказларда юқори ҳаёт стандартига мос келмаслик руҳий босимга олиб келади. Лекин унинг “базавий” харажатлари кўпчиликка орзу. Бундай вазиятни кўриб, ҳақли савол туғилади: моддий фаровонлик ва ҳаётдан қониқиш бир-бири билан қанчалик боғлиқ?

🧠@nurbekalimov

Янги Трамп маъмуриятининг Саудия Арабистони билан алоқалари ва хусийларга қарши санкциялар

Дональд Трампнинг янги маъмурияти Қўшма Штатларнинг Яқин Шарқдаги устувор йўналишларини белгилашда илк қадамларни ташлади. Президент Трампнинг Саудия Арабистони валиаҳд шаҳзодаси Муҳаммад бин Салмон билан ўтказган телефон суҳбати унинг минтақадаги илк муҳим дипломатик ҳаракати сифатида қайд этилди. Бу воқеа АҚШнинг Эрон томонидан қўллаб-қувватланадиган хусийларни яна террорчи ташкилот сифатида эълон қилиши билан бир вақтда рўй берди.

Трамп маъмурияти хусийларни террорчи деб белгилаш орқали ўзининг Саудия Арабистони билан яқин алоқаларни устувор қиладиган сиёсатига қайтганини кўрсатмоқда. Бунгача Жо Байден маъмурияти хусийларни террорчи ташкилотлар рўйхатидан чиқаришга ҳаракат қилган эди. Аммо хусийлар ўз сиёсати ва фаолиятини ўзгартирмади. Яқин ойларда улар Исроилга бир неча бор баллистик ракеталар билан ҳужум қилди ҳамда минтақадаги денгиз транспортларига тажовузлар уюштириб, тангликни янада кучайтирди.

22 январь куни Трамп «Ансор Аллоҳ» номи билан танилган хусийларни террорчи ташкилот деб эълон қилиш ҳақида фармон имзолади. Расмий баёнотга кўра, бу гуруҳ Эроннинг «Қудс» кучлари томонидан қўллаб-қувватланиб, қуроллантирилаётгани айтилган. Шундан сўнг, АҚШ хусийларнинг ҳарбий имкониятларини заифлаштириш ва уларни молиявий манбалардан узиш мақсадида минтақавий иттифоқчилар билан ҳамкорликни кучайтиришини эълон қилди.

Хусийлар ва Саудия Арабистони ўртасидаги қарама-қаршилик 2015 йилда авж олган эди. Саудия раҳбарлигидаги коалиция хусийларнинг ҳокимиятни босқин йўли билан қўлга олиш ҳаракатларига қарши туриш учун интервенция бошлаган эди. Аммо йиллар давомида бу уруш оғир иқтисодий ва ижтимоий йўқотишларга сабаб бўлди. Эрон эса хусийлардан ўз ракеталари ва дронларини синашда фойдаланди.

Сиёсий кузатувчиларга кўра, хусийларнинг террорчи деб эълон қилиниши уларни халқаро қўллаб-қувватловдан маҳрум қилади ҳамда уларнинг йирик денгиз ва транспорт компанияларига таҳдидлари камайишига олиб келиши мумкин. Бу, шунингдек, минтақада тинчлик жараёнини бошлаш учун яхши имконият яратади. Саудия Арабистонининг АҚШ билан яқин алоқаларини мустаҳкамлаши минтақадаги хавфсизлик ва барқарорликни таъминлашда муҳим ўрин тутади.

🧠@nurbekalimov

Ўрта аср форс миниатюраси услубида анъанавий рангтасвир устаси Ҳож Мусаввир ал-Молқий томонидан Эронда чизилган сурат.

1943-йилда чизилган бу суратда мағлубиятга учраган Гитлер, Муссолини ва Тодзиони таъқиб қилаётган Черчилл, Сталин ва Рузвельтни кўриш мумкин. Ажойиб😇

🧠@nurbekalimov

Ғазо сектори шимолига қочқинлар қачон қайтарилади?

Исроил Бош вазири Биньямин Нетаньяҳунинг идораси маълум қилишича, Ғазо сектори шимолига қочқинларни қайтариш фақат ҲАМАС томонидан Арбель Иеҳуд озод қилинганидан сўнг амалга оширилади. Times of Israel нашри орқали берилган хабарга кўра, 29 ёшли Арбель Иеҳудни айни дамда “Исломий жиҳод” гуруҳи асирликда сақламоқда. Уни озод қилиш бўйича келишувга ҳали эришилмагани, аёлнинг ўта оғир шартларда сақланаётгани қайд этилган.

Иеҳуд аввалроқ озод қилинадиганлар рўйхатида бўлган, аммо охирги дақиқада унинг исми чиқариб ташланган. ҲАМАС эса бугун фақат 7 октябрдаги ҳужумлар пайтида асир олинган тўрт нафар аёл ҳарбийни озод қилган. Бошланғич келишувга кўра, отишмаларни тўхтатиш жараёнида биринчи навбатда фуқаролар озод қилиниши керак бўлган, аммо ҳарбийларнинг озод қилиниши кейинги босқичга қўйилиши маълум қилинган эди.

Қатар Бош вазири Доҳадаги музокаралар давомида Арбель Иеҳудни келгуси шанбага қадар озод қилиш учун барча кучларни сафарбар этишга ваъда берди. Мазкур дипломатик саъй-ҳаракатлар Ғазо секторидаги шиддатли вазиятни юмшатиш ва қочқинларнинг уйларига қайтишини таъминлашга қаратилган.

Шу билан бирга, Исроилнинг Ғазо шимолида қочқинларнинг ҳаракатланишини чеклаш қарорини инсон ҳуқуқлари билан боғлиқ халқаро баҳсларга сабаб бўлиши эҳтимолдан ҳоли эмас. ҲАМАС ва Исроил ўртасидаги музокаралар ҳозирда жиддий босим остида давом этмоқда.

🧠@nurbekalimov

АҚШ Давлат департаментининг ёрдамни тўхтатиши халқаро муносабатларга қандай таъсир кўрсатади?

АҚШ Давлат департаменти барча хорижий давлатларга кўрсатилаётган ёрдам дастурларини 90 кун муддатга музлатиш бўйича қарор қабул қилди. Бу қарорнинг муҳим жиҳатларидан бири шундаки, у Украина, Иордания ва Тайван каби АҚШнинг асосий иттифоқчиларига ҳам таъсир қилади. Шу билан бирга, бу чекловлар Исроил ва Мисрга татбиқ этилмайди.

Бу қарор Давлат котиби Марко Рубионинг буйруғи асосида қабул қилинган бўлиб, унга кўра барча ёрдам дастурлари фақат Давлат котиби томонидан қайта кўриб чиқилгандан сўнг амалга оширилиши мумкин. Қарорнинг кучга кириши АҚШнинг ташқи сиёсат стратегиясида жиддий ўзгаришлар рўй бераётганидан дарак беради.

Айрим давлатлар учун АҚШнинг ёрдами иқтисодий барқарорлик учун муҳим ўрин тутади. Айниқса, Украина каби ҳарбий ёрдамга муҳтож бўлган давлатлар учун бу ҳолат қийинчилик туғдириши мумкин.

Марко Рубио томонидан қабул қилинган бу қарор АҚШ президенти Доналд Трампнинг яқиндаги фармонига асосланган бўлиб, ёрдам дастурларининг мақсадли ва самарали эканини қайтадан баҳолаш учун қўшимча қадам сифатида кўрилади. Бу қадам АҚШ бюджети харажатларини қайта кўриб чиқиш билан боғлиқ бўлиши мумкин.

Қарорнинг глобал таъсири кенг қамровли бўлиши кутиляпти. Унинг натижасида баъзи давлатларда ижтимоий ёки иқтисодий муаммолар янада кучайиши мумкин. Шунингдек, АҚШнинг халқаро миқёсдаги нуфузига салбий таъсир кўрсатиши эҳтимоли ҳам йўқ эмас. Қарор алоҳида ҳолатларда истисноларни назарда тутган бўлса-да, умумий манзара Америка ташқи сиёсатидаги кескинликларни намоён қиляпти.

Бундай чора-тадбирлар халқаро ҳамжамиятнинг турли мамлакатлардаги вазиятга муносабатини ўзгартириши мумкин. Энди, халқаро иттифоқчилар АҚШнинг ёрдамига қанчалик ишона олиши масаласи яна кун тартибига чиқмоқда.

🧠@nurbekalimov

Кеча Саудия Арабистони Голливуднинг энг машҳур бастакорларидан бири Ханс Зиммердан янги давлат мадҳиясини яратишни сўради деган хабарларни ўқиб қолиб фейк бўлса керак деб ўйлаб ўтиб кетгандим. Чунки уни келиб чиқиши немис яҳудийларига бориб тақалади.

Лекин бугун Саудия Арабистони кўнгил очар тадбирлар бошқармаси раиси Турки Ал-Шайх (Бокс мухлисларига яхши таниш брат) Зиммер билан тушган суратини эълон қилиб, уни замонамизнинг энг улуғ мусиқачиларидан бири деб таърифлади. Ҳозирги вақтда қироллик ростдан ҳам Зиммер билан миллий мадҳияни қайта яратиш бўйича музокаралар олиб бормоқда экан.

Бундан ташқари, бастакор билан яқин келажакда амалга оширилиши мумкин бўлган бир нечта мусиқий лойиҳалар, жумладан, Саудия Арабистонида ўтказиладиган концерт ва Саудиянинг келгусидаги "Ярмук жанги" филми учун саундтрек ҳақида фикр алмашилди.

Ханс Зиммер "Кариб денгизи қароқчилари", "Дюна" ва бошқа Голливуд кинолари учун юзлаб саундтреклар яратгани билан машҳурдир. Умуман бугунги кунда кўришга кино танлаётган бўлсанг, бастакор деган ерида Ханс Зиммер турган бўлса, бемалол кўравер. Яхши фильм бўлади.

МБС—🐘

🧠@nurbekalimov

Шимолий Кореядан Россияга янги қуроллар етказиб берилмоқда

Шимолий Корея Россияга урушда фойдаланиш учун фуқаролик юк машиналарига ўрнатилган ракета қурилмаларини юбора бошлади. Forbes’нинг хабар беришича, мазкур қуроллар илк бор 2023 йилда Пхеньяндаги ҳарбий парадда намойиш қилинган эди. Энди эса улар Россиянинг ғарбида жойлашган Курск вилоятида пайдо бўлди. Бу қуроллар ишга туширишга тайёр 12 та 122 миллиметрли ракета билан жиҳозланган бўлиб, ҳар бирининг учиш масофаси 30,5 километрни ташкил этади.

Бу Шимолий Кореянинг Россияга жўнатган бешинчи асосий техник жиҳозидир. Қуролнинг ўзи фуқаролик юк машиналарига ўрнатилган бўлиб, душманга кутилмаганда ҳужум қилиш имконини беради. Аммо у Украина артиллерияси ва дронларидан ҳимояланишда етарлича самарали эмас. Украиналиклар фронт яқинида фуқаролик машиналари борлигини аниқласа, уларни йўқ қилишда иккиланаётгани йўқ. Эндиликда улар бу машиналар ракета қурилмаларини яшириш учун ишлатилганини билиб, янада қатъий ҳаракат қилади.

Шимолий Кореядан жўнатилган бу қуролларнинг Курск вилоятидаги жангларда стратегик аҳамияти катта бўлиши эҳтимоли оз. Чунки бу тизимлар оддий артиллерияга нисбатан паст аниқликка эга бўлиб, юқори аниқлик талаб қилинадиган вазиятларда унчалик самарали эмас. АҚШ армияси вакилларининг таъкидлашича, мазкур қуроллар Шимолий Кореянинг БМ-21 учириш қурилмалари асосида ишлаб чиқилган.

Бундан ташқари, Жанубий Корея ва АҚШнинг маълумотларига кўра, Шимолий Корея Россияга 10 мингдан ортиқ аскар юборган. Улардан айримлари Курск вилоятидаги жангларда қатнашган. Украина президенти Владимир Зеленскийнинг таъкидлашича, бу рақам 100 мингга етиши мумкин. Шунингдек, Шимолий Корея Россияга оғир артиллерия, ўзиюрар гаубицалар ва ракета тизимлари ҳам етказиб бермоқда.

Россия ва Шимолий Корея ўртасидаги ҳарбий ҳамкорлик, айниқса, уруш бошланганидан кейин кучайган. 2024 йилда Владимир Путин Шимолий Кореяга ташриф буюриб, Ким Чен Ин билан стратегик шериклик ҳақидаги шартнома имзолаганди. Бу шартнома ҳужум содир бўлганда ўзаро қўллаб-қувватлаш ва Ғарб санкцияларига қарши ҳамкорликни ўз ичига олган.

Украина томони Курск вилоятида Шимолий Кореянинг икки аскарини асирга олганини маълум қилди. Президент Зеленский 12 январь куни уларнинг сўроқ жараёни акс этган видеони эълон қилди. Унда Шимолий Корея аскарлари уларга фақат ўқув машғулотига бораётгани айтилганини маълум қилган. Улар воқеаларнинг асл моҳиятини билмаганини таъкидлашган.

🧠@nurbekalimov