Alimoff

Давлат бюджетини 700 млрд сўмга “чопиб кетишаётган” контрабандачилар ҳақида

Бугунги кунда Ўзбекистон иқтисодиёти учун жиддий хавф туғдираётган муаммолардан бири - тамаки маҳсулотлари контрабандаси. Статистик маълумотларга кўра, агар бу муаммога қарши самарали чоралар кўрилмаса, 2024 йил охирига келиб давлат бюджети 700 миллиард сўмгача зарар кўриши мумкин.

Бу рақам мамлакат ривожланиши учун сарфланиши мумкин бўлган катта маблағдир. Масалан, бу пул ижтимоий соҳа, таълим ёки соғлиқни сақлаш тизимини яхшилашга йўналтирилиши мумкин эди.

Бироқ тепадагилар ҳам ушбу муаммонинг жиддийлигини англаб турибди. Масалан 6 июнь санасидан бошлаб Преиздент фармони кучга кирди. Унга кўра, Бош прокуратура ҳузурида махсус Алкоголь ва тамаки бозорини тартибга солиш инспекцияси ташкил этилди.

Инспекциянинг асосий вазифалари қуйидагилардан иборат:
- Лицензиялаш жараёнларини назорат қилиш
- Ноқонуний савдога қарши курашиш
- Бошқа давлат органлари билан ҳамкорлик ўрнатиш
- Янги акциз маркаларини жорий этиш ва уларнинг сохталаштирилишига қарши курашиш

Ушбу чора-тадбирлар орқали ҳукумат нафақат бюджет тушумларини оширишни, балки қонуний тадбиркорларни ҳимоя қилиш ва аҳолини сифати кафолатланманан маҳсулотлардан сақлашни ҳам кўзлаяпти.

🧠@nurbekalimov

Мошинпарастла, бяхкелиларчи😁

Хуллас, Bugatti биринчи гибрид гиперкари Tourbillon’ни презентация қипти. Бу унинг 8 йил ичида чиқарган биринчи янги маҳсулотикан.

Битта лекини бор, фақат электрда юраман десангиз, ҳар 60 кмда зарядлаволиш керак бўлади. Гиперкарнинг қуввати 1800 от кучига тенг. Максимал тезлик 445 км/соат. 2 секундда скорости 100 га чиқади.

Айтишларича, бу машина фақат 250 дона ишлаб чиқарилади. Нархи: 4 миллион доллар ёки 50 млрд 450 млн 800 минг сўм.

Ҳар 60 кмда зарядлаш керак бўлса, бизда шароит бўлгунча ҳаммаси сотилиб кетади буни😐

🧠@nurbekalimov

1️⃣2️⃣3️⃣4️⃣5️⃣6️⃣7️⃣

BYD Han yutib oling!🔥

payme’da mega o‘yin davom etmoqda! Uning uchinchi bosqichi esa juda yaqin.

Bosh sovrin - BYD Han avtomobili o‘yinida ishtirok etish uchun juda oz vaqt qoldi! 🚘

payme’da 100 000 so‘m va undan ortiq pul o‘tkazing va yakuniy bosqichda ishtirok eting!

Ehtimol, siz yangi elektromobilning faxrli egasiga aylanarsiz!🎉

Жанубий Корея ва Шимолий Корея ўртасидаги "шар жанги"

Шимолий ва Жанубий Корея ўртасидаги кескинлик шимол томонидан чиқинди ва гўнг билан тўлдирилган 1000 дан ортиқ шарлар Жануб томон учирилганидан кейин кучайганди.

Бу "операция"ни шимолликлар жанубликларнинг шарлар орқали турли пропаганда варақалари юборганига жавоб ўлароқ амалга оширишганди.

Бугун Жануб Шимолга янги "атвет" қипти. Яна янги ҳаво шарларини жўнатипти. Энди у ерда сериал ва мусиқа ёзилган флешкалар, варақалар ва ҳатто долларлар ҳам бор экан.

Кеча тунда чегарадаги Пажу шаҳрида чегарадан 300 мингга яқин варақалар, USB флешка ва АҚШ долларлари бўлган 20 та шар учирилди. Буни "Озод Шимолий Корея учун курашчилар" (FFNK) ташкилотининг фаоллари уюштиришган.

Флешкаларга ўзимизда ҳам маълум ва машҳур бўлган корейс сериали “Қиш сонатаси”ни жойлаворишипти😁. Шунингдек, флешкаларда машҳур поп артист Лим Ён Вуннинг қўшиқлари ҳам бор экан.

Аввалроқ, шимолдан қочиш бахтига муяссар бўлган FFNK раҳбари Пак Санг Хак Шимолий Корея раиси (шепим😁) Ким Чен Ин жанубга ахлат шарлари юборгани учун узр сўрамагунча, шимолга тарғибот варақалари юборишда давом этишини маълум қилганди.

Домда яшайдиган қўшниларнинг ахлат тўла пакетни бир бирини эшигини тагига суриб қўйишларига ўхшайди😁 Ну, бир бирига ракета отгандан кўра машнақа детский ўйинлар қилиб юришгани ҳам мақул миндей опқараса.

🧠@nurbekalimov

Ёмонлашорма Ўзбекистонни😡

The Washington Post да бир мақола чиқибди

Унда "Американинг қишлоқ аҳолиси 42,5 миллиард долларлик федерал модернизация дастури доирасида амалга оширилиши керак бўлган юқори тезликдаги интернетга киришни хоҳлайди, бироқ президент Байден молиялаштириш тўғрисидаги қонунни имзолаганидан деярли уч йил ўтгач ҳам бирорта уй ёки корхона янги кенг полосали тармоқларга уланмаган" дейилмоқда.

Америкадаги қишлоқ аҳолисининг интернети асосан мис симли интернетга боғлиқ экан. Айрим қишлоқларда умуман йўқ дейишмоқда.

Расмда мени Андижондаги қишлағимда, уйимдаги оптик тола интернетни ҳозирги тезлиги. Ойига атиги 10 долдр тўлайман холос. Безлимит.

Как тебе такое Жо Байден? 😁

🧠@nurbekalimov

Илон Маскнинг Starlink сунъий йўлдошлари озон қатламини ёқиб юбориши мумкин

Янги тадқиқотга кўра, Илон Маскнинг Starlink интернет сунъий йўлдош тармоқлари озон қатламининг емирилишига ҳисса қўшиши мумкин.

Жанубий Калифорния университетининг Астронавтика муҳандислиги бўлими олимлари паст орбитали интернет сунъий йўлдошларининг катта кўпайиши атмосферада зарарли кимёвий реакцияларга олиб келиши мумкинлиги ҳақида огоҳлантирди.

Ҳозирда паст ер орбитасида 8000 дан ортиқ интернет сунъий йўлдошлари мавжуд бўлиб, улардан 6000 га яқини Starlink йўлдошларидир, дейилади матбуот баёнотида.

Уларнинг барчаси катта миқдордаги алюминийдан ясалган ва қисқа, тахминан беш йиллик хизмат муддати билан яратилган.

Олимларнинг таъкидлашича, муаммо сунъий йўлдошлар ёниб кетиш учун Ер атмосферасига тушиб, алюминий оксиди ҳосил қилганда пайдо бўлади, бу эса озон учун жуда ҳалокатли кимёвий реакцияга сабаб бўлади.

Марсга ерни тугатиб кетишиз шартмас брат😏

🧠@nurbekalimov

13-14 июнь кунлари Наманган ва Андижон вилоятларида, Халқ банки томонидан ОАВ, блогерлар ва жамоатчилик фаоллари учун пресс-тур ташкил қилинибди. Республика миқёсидаги ҳамда ҳудудий ОАВ вакиллари ва ижтимоий тармоқ фаоллари учун Халқ банки томонидан махсус тажриба алмашинув (тренинг) тадбирлари ҳам ташкиллаштирилган. Бу турли вазиятларда муаммоларни тезкорлик билан ҳал қилиш имконини беради.

Пресс-тур давомида Халқ банкининг молиявий кўмаги ёрдамида ушбу вилоятларда йўлга қўйилган айрим тадбиркорлик субъектларига ташриф буюрилган.

Хусусан, сув насослари ва электродвигателлар ишлаб чиқарувчи “Nam Motor Servis” МЧЖ, иссиқхонада турли хил гуллар ва манзарали дарахтлар етиштириш билан шуғулланиб келувчи “Namangan Navro‘z gullari” МЧЖ, пластик сув идишларини қайта ишловчи “Best fiber” МЧЖ ва турли спорт турлари учун сунъий чармдан 40 турга яқин маҳсулотлар ишлаб чиқарувчи “Magna Sport” МЧЖлар кўздан кечирилди.

Ушбу тадбиркорлик субъектлари ҳозирги кунда катта ҳажмдаги ишларни амалга оширмоқда, улар нафақат фуқароларни иш битлан таъминламоқда, балки ўз фаолияти орқали экологияга фойда келтиришмоқда, экспорт билан шуғулланиб вилоятнинг экспорт салоҳиятини ошишига хизмат қилишмоқда. Пресс-тур давомида Халқ банки расмийларининг маълум қилишича, банк юқори салоҳиятга эга бундай тадбиркорлик субъектларини қўллаб-қувватлашда давом этади.

🧠@nurbekalimov

Андижонда куёвнинг 68 та жаримасини қайнотаси тўлаб берипти

Мажбурий ижро бюроси Матбуот хизмати хабарига кўра, Андижон шаҳрида яшовчи М.А. турмуш ўртоғининг эгалигида бўлган Lacetti автомашинасини бошқариб, йўлларда ҳаракатланиш тезлигини мунтазам равишда меъёридан ошириб келган. Натижада, 68 маротаба маъмурий ҳуқуқбузарлик содир этган.

Вилоят ИИБ ЙҲХБ органлари томонидан Мажбурий ижро бюроси Андижон шаҳар бўлимига келиб тушган жарима солиш тўғрисидаги 68 та қарорларга мувофиқ М.У.дан жами 28 млн сўм ундирилиши белгиланган.

Бўлим давлат ижрочиси автомашина эгасини жарима пулларини тўлаши юзасидан огоҳлантирган. Шунингдек, қарздорлик тўланмагани сабабли Lacetti русумли автомашина жарима майдонига олиб кириб қўйилган.

Шу сабабли, куёви М.А. бошқарувида содир этилган 68 та жарима учун қайнота 28 млн сўм миқдоридаги маъмурий жарималарни тўлаб беришини билдирди ва қизининг эгалигидаги автомашинани жарима майдонидан олиб чиқди.

"Жаннатим қайнотам" деб ёзилган гул сотадиганлар борми? Маши йигитга сотворадиган ери😁

🧠@nurbekalimov

Астрономлар узоқ галактикадаги улкан қора туйнукнинг "тўсатдан уйғониши"га гувоҳ бўлишди.

Космик ҳодиса биринчи марта 2019 йилда АҚШ телескопи тахминан 300 миллион ёруғлик йили узоқликда "ғайриоддий ёрқинликни" аниқлаганида кузатилган.

Маълумотлар кўрсатдики, Virgo юлдуз туркумидаги "сокин" галактика сирли равишда порлай бошлаган.

Кейин халқаро гуруҳ бу "мисли кўрилмаган хатти-ҳаракат"ни кузатди ва галактика аста-секин ёрқинроқ ва кўпроқ ёруғлик тарқатаётганини аниқлади — бу илгари кузатилган бошқа одатий ҳодисалардан фарқ қилади.

Уларнинг фикрича, тўсатдан ёруғлик галактика марказида катта қора туйнук уйғониши ва атрофдаги газда "зиёфат қилиш"и туфайли юзага келади.

Агар топилмалар кейинги тадқиқотларда тасдиқланса, олимлар биринчи марта қора туйнукнинг реал вақт режимида фаоллашишини кузатишади.

Машнақа хабарларни ўқисам, галлактика ҳақида хужжатли фильмлар кўрсам, турмуш чоррахаларидаги турли ходисотлар там интрига, ғийбат, жанжаллар қум заррасидай бўлиб туюлади.

🧠@nurbekalimov