Nurobod tumani hokimligi

Nurobodda "Uch avlod uchrashuvi" bo'lib o'tdi

O‘zbekiston Respublikasi Prezidentining 2022-yil 19-yanvardagi "Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida"gi PQ-92-sonli qarorining ijrosini ta’minlash yuzasidan Nurobod tumanida bir qator amaliy ishlar olib borilmoqda.

Xususan, uzoq yillar davomidagi samarali mehnatlari bilan ta’lim taraqqiyotiga, ma’naviy-ma’rifiy sohalar rivojiga munosib hissa qo‘shgan va ayni paytda ham jamiyatimiz hayotida faol ishtirok etib kelayotgan nuroniylarning yoshlar bilan uchrashuvlari tashkil etib kelinmoqda.

Bugun Nurobod tumani Madaniyat saroyida "Uch avlod uchrashuvi" tadbiri o'tkazilib, unda tuman hokimi o'rinbosari S.Xujamiyarov, Nuroniylar jamg'armasi Samarqand viloyat bo‘limi raisi o‘rinbosari G.Husaynova, jamg'armaning Nurobod tuman bo'limi raisi D.Xushvaqtov, filologiya fanlari doktori, professor, "Shuhrat” medali sohibi S.Karimov, mehnat faxriylari, nuroniylar va o'quvchi-yoshlar ishtirok etishdi.

Nuroniylar jamg'armasi Nurobod tuman bo'limi tomonidan o'tkazilgan ushbu tadbir avvalida O‘zbekistonda xizmat ko‘rsatgan yoshlar murabbiyi E. Rahimov, O‘zbekiston yozuvchilar uyumasi a’zosi, mehnat faxriysi S.Xudoyorov, Samarqand Davlat tibbiyot universiteti professori Y.Allayarov kabi fan, ta'lim, sport sohasi fidoyilari va boshqa mehnat faxriylari so'zga chiqib, yoshlarga o'zlarining boy hayotiy tajribalaridan kelib chiqqan holda kerakli tavsiya va o'gitlar berishdi, ularni Vatanni sevishga, yurt ravnaqi yo'lida munosib xizmat qiladigan insonlar bo'lib yetishish uchun puxta bilim olishga chaqirishdi.

Uchrashuvda uzoq yillik mehnat faoliyati bilan tuman rivoji, aholi va jamiyat farovonligiga munosib hissa qo'shgan faxriylar xotirasi yodga olinib, ayni kunda el ardog'ida bo'lib kelayotgan ana shunday faxriylarning bir guruhiga Nuroniylar jamg'armasi Samarqand viloyat bo‘limining tashakkurnoma va qimmatbaho esdalik sovg'alari topshirildi.

Tadbir so'nggida uch avlod vakillari suhbati mo'jaz dasturxon atrofida davom etib, tuman madaniyat bo'limi xushovoz xonandalari tomonidan ijro etilgan kuy-qo'shiqlar yig'ilganlarga yuqori kayfiyat ulashdi.

©️ @nur_press

Nurobod tumanida tuman IIB JXX Probatsiya guruhi hisobida turuvchi yoshlar bilan turli uchrashuv va muloqotlar tashkil etilib, ularni  qiynayotgan muammolarga ijobiy yechim topish borasida tizimli ishlar amalga oshirib kelinmoqda.

Jumladan, tuman Yoshlar markazida probatsiya hisobida turuvchi yoshlar bilan Milliy gvardiya psixologi va harbiy safarbarlik o'qituvchilari ishtirokida sayyor uchrashuv tashkil etildi.

Yoshlarni vatanga sadoqat ruhida tarbiyalash, qayta jinoyatlar sodir etish holatlarining oldini olish, bir so'z bilan aytganda, hayotda o'zlarining munosib o'rinlarini topishlariga ko'maklashish maqsadida tashkil etilgan uchrashuv davomida yoshlarning murojaat, savol va takliflari tinglandi.

Barcha murojaat va savollarga mas'ullar tomonidan batafsil javoblar berilib, yakunda 17 nafar yoshlar "Yoshlar daftari" ro'yxatiga kiritildi.

©️ @nur_press

#bilasizmi

🔰Qonunchilikka ko‘ra, 14 yoshga to‘lgan va 30 yoshdan oshmagan (31 yoshga to‘lmagan) O‘zbekiston fuqarosi "Yoshlar daftari"ga kirishi va "Yoshlar daftari" jamg‘armasi mablag‘lari hisobidan belgilangan tartibda qo‘llab-quvvatlanishi mumkin.

©️ @nur_press

Aholi murojaat va takliflari tinglandi

Bugun Nurobod tumani Xalq qabulxonasida tuman hokimi, 1-sektor rahbari S.Berdiqulovning Amir Temur, Navro'z, Sharq yulduzi mahallalari fuqarolari va yoshlari uchun sayyor qabuli bo'lib o'tdi.

Qabulda tuman hokimi o'rinbosarlari, tumandagi korxona va tashkilotlar rahbarlari ishtirok etishdi.

Sayyor qabul davomida fuqarolar tomonidan kadastr, ichimlik suvi, elektr energiyasi, tabiiy gaz, soliq, bandlikni ta'minlash va tibbiyot kabi masalalar yuzasidan 50 ga yaqin murojaatlar yo'llandi.

Tuman rahbari har bir murojaatni batafsil tinglab, ularning qisqa fursatlarda ijobiy yechim topishi yuzasidan mas'ullarga tegishli ko'rsatma va topshiriqlar berdi.

©️ @nur_press

Samarqand viloyatidan e-auksion.uz platformasi orqali biznes uchun 4305 dan ortiq ko'chma savdo joylarini 3 yilga ijaraga oling.

🟢 Oqdaryo tumanidan 81 ta (ko'rish)
🟢 Bulung'ur tumanidan 82 ta (ko'rish)
🟢 Jomboy tumanidan 112 ta (ko'rish)
🟢 Ishtixon tumanidan 360 ta (ko'rish)
🟢 Kattaqo'rg'on tumanidan 220 ta (ko'rish)
🟢 Qo'shrabot tumanidan 315 ta (ko'rish)
🟢 Narpay tumanidan 355 ta (ko'rish)
🟢 Payariq tumanidan 489 ta (ko'rish)
🟢 Pastdarg'om tumanidan 510 ta (ko'rish)
🟢 Paxtachi tumanidan 239 ta (ko'rish)
🟢 Samarqand tumanidan 317 ta (ko'rish)
🟢 Nurobod tumanidan 161 ta (ko'rish)
🟢 Urgut tumanidan 693 ta (ko'rish)
🟢 Toyloq tumanidan 290 ta (ko'rish)
🟢 Samarqand shahridan 19 ta (ko'rish)
🟢 Kattaqo‘rg‘on shahridan 62 ta (ko'rish)

Ushbu obyektlar Vazirlar Mahkamasining 2021-yil 3-avgustdagi 485-son qaroriga ko'ra savdoga chiqarilmoqda.

🎞 Video-qo'llanma 👈

©️ @nur_press

Nurobodda favqulodda vaziyatlarning oldini olish yuzasidan profilaktik tadbir bo'lib o'tdi

Bugun Nurobod tumani hokimi S.Berdiqulov rahbarligida favqulodda vaziyatlarning oldini olish va yong‘inlar profilaktikasiga bag'ishlangan tadbir o‘tkazildi.

Tadbirda tuman Favqulodda vaziyatlar bo'limi, tuman IIB mas'ullari, Milliy gvardiya, tibbiyot va kommunal soha vakillari ishtirok etishdi.

Tuman rahbari o'z nutqida qish mavsumini betalofat va ko'ngilsizliklarsiz o'tkazish, yangi yilga munosib tayyorgarlik ko'rish va aholi osoyishtaligini ta'minlashda barcha birdek mas'ulligini alohida ta'kidlab, is gazidan zaharlanish, gaz-havo aralashmasi chaqnashi, yong'in va boshqa favqulodda holatlarning oldini oldini olish yuzasidan mas'ullarga tegishli tavsiya va topshiriqlar berdi.

©️ @nur_press

Йиғилишда ички бозор билан чекланмасдан, экспортни янада кўпайтириш муҳимлиги қайд этилди.

Салоҳияти юқори бўлган тўқимачилик, электротехника, озиқ-овқат каби соҳаларда имкониятлар тўлиқ ишлатилмаётгани кўрсатиб ўтилди.

Ҳозирда ип-калавани қайта ишлаш даражаси 50 фоиз бўлса, хом ипакда – 75 фоиз, мисда – 64 фоиз, мева-сабзавотда эса 16 фоизни ташкил қилмоқда.

Мамлакатимиздаги 1 мингга яқин конларда 100 дан ортиқ турдаги минерал хомашё базаси мавжуд. Тасдиқланган захиралар қарийб 1 триллион долларга баҳоланган.

Йилдан йилга қазиб олиш кўпаймоқда. Лекин саноатда юқори технологик ишлаб чиқариш улуши 25 фоиз.

Шу боис Президентимиз хомашёни чуқур қайта ишлаб, юқори қўшилган қиймат ва экспортни кескин оширишга чақирди.

Мутасаддиларга тармоқлар билан биргаликда ҳар бир хомашё кесимида чуқур қайта ишлаш ва юқори технологик ишлаб чиқаришни ташкил қилиш бўйича беш йиллик дастур ишлаб чиқиш топширилди.

Facebook|Instagram|X