Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

Нет времени на спорт зал?

Выполняй простые упражнения дома и будь в форме.
img
ad

TGStat Bot

Bot to get channel statistics without leaving Telegram
img
ad

Nota bene!

@nota_bene1
Channel's geo and language: Uzbekistan, Uzbek
Category: Education

Bizdagi ma'lumotlar:
— hamma ham bilmaydigan;
— dunyoqarashingizni o'stiradigan;
Donat uchun:
https://tirikchilik.uz/mad_max93
Aloqa uchun: @nota_bene_bot
Muhokama uchun guruh: @notabene_group

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Channel history
Posts filter

Nota bene!

20 Nov, 19:59

Open in Telegram Share Report
Jahongir Otajonov "Poram" qo'shig'i klipida ham mashxur kartinalarga murojaat qilibdi.

Masalan, Edvard Munkning "Qichqiriq" kartinasiga.

Nota bene!📜
1.9k 0 28 14 79
Nota bene!

5 Nov, 09:10

Open in Telegram Share Report
O'zbekcha misollar yozinglarchi. Masalan, "Savolni yo topish kerak yoki topmaslik kerak" kabi :)
3.6k 0 2 1
Nota bene!

5 Nov, 09:10

Open in Telegram Share Report
Lyapalissiada — nutqning aniq va ravshan faktlar bayon etilishi yoki tavtalogiyaga yo'l qo'yilishi natijasida kulgili ko'rinish olishini ifodalovchi termin.

Misollar:
1. "Grafinya menga ikki ko'zi bilan qaradi";
2. "O'lik jasad harakatsiz yotardi".
3. "Marhum muharririmiz vafot etdi, u o'zini o'ldirgan o'limdan vafot etdi. ("Our late editor is dead, he died of death, which killed him").

Termin 1525-yilda yuz bergan Pavia jangida vafot etgan fransuz marshali Markiz Jak de La Palis nomidan olingan. Uning qabrtoshida "Ci-gît le Seigneur de La Palice: s’il n’était pas mort, il ferait encore envie" ("Bu yerda senyor de La Palis yotibdi: agar u o'lmaganida hamon odamlar unga hasad qilishayotgan bo'lardi") deb yozilgandi. Biroq, yozuvdagi "f" va uzun s ( ſ ) harflari o'xshash bo'lgani uchun yozuvning oxirgi jumlasi "Agar u o'lmaganida, hamon tirik bo'lardi" degan talqinga ham ega bo'lgan.

Ispanlarda shunga o'xshash jumlalar Pedro Grullo ismli folklor qahramoni bilan bog'lanadi va "perogrulladalar" deb ataladi. Masalan: "Verdad de Pedro Grullo, que a la mano cerrada, la llama puño" (Pedro Grulloning haqiqati, u qo'li yopiq holda turganida buni musht deb ataydi).

Nota bene!📜
3.5k 0 33 34 30
Nota bene!

1 Oct, 04:57

Open in Telegram Share Report
Bayramingiz muborak bo'lsin!

Nota bene!📜
8.4k 0 19 1 37
Nota bene!

27 Sep, 16:40

Open in Telegram Share Report
Garri Potter "Klub 27"si a'zolari soni 2 kishiga yetdi...

Bir yil avval 27-sentyabr kuni Albus Dambldor roli ijrochisi Maykl Gambon vafot etgandi. Bu yil esa Minerva Makgonagall roli bilan mashxur Meggi Smit...

Nota bene!📜
8.3k 1 46 8 157
Nota bene!

26 Sep, 12:39

Open in Telegram Share Report
"Roll Over Beethoven" — Chak Berrining rok-n-roll uslubidagi eng mashxur qo'shiqlaridan biri. 1956-yil mayda chiqqan.

Berri ushbu qo'shiqni opasi Lyusiga kinoya sifatida yozgan. Sababi, Lyusi Chak uydagi pianinoda qandaydir mashxur musiqani chalmoqchi bo'lsa, bunga qarshilik qilar va klassik musiqa chala boshlardi.

Berrining biografi Bryus Peggning aytishicha, qo'shiq klassik musiqani o'rgangan opa hamda mustaqil musiqachi uka o'rtasidagi qarama-qarshilik mevasi bo'lgan.

Qo'shiq 1956-yil oxirida chiqqan "Rok, rok, rok" filmining saundtreklaridan biriga aylangan.

"Rolling Stone" jurnali tomonidan 2004-yilda e'lon qilingan "Barcha davrlarning eng yaxshi 500 qo'shig'i" reytingida ushbu qo'shiq 97-o'ringa loyiq ko'rilgan.

1967-yilda Berri "Roll Over Beethoven"ning lirik varianti bo'lmish "Check Me Out" qo'shig'ini yozgan.

Qo'shiqning Jerri Li Lyuis, shuningdek "The Beatles" hamda "Electric Light Orchestra" guruhlari tomonidan kuylangan versiyalari ham ancha mashxur.

Nota bene!📜
5.9k 0 12 25
Nota bene!

25 Sep, 14:53

Open in Telegram Share Report
Adolf Sprekkels (05.01.1857-28.06.1924) — kaliforniyalik tadbirkor. "Spreckels Sugar Company" asoschisi. U 1924-yilda Kaliforniyadagi qasrini San Fransisko san'at muzeyiga sovg'a qilgani bilan ham mashxur. Uning xotini Alma de Brittevillni "San Fransisko buvisi" deb atashlari ham bejiz emas.

Adolf Almaga 1908-yil 11-may kuni uylangan. O'sha vaqtda Adolf 51 yoshda, Alma esa 27 yoshda bo'lgan. Shu sababli Alma o'z erini biznesiga ishora qilib "sugar daddy" deb chaqirishga odatlangandi.

Keyinchalik bu termin yoshi katta bo'lishiga qaramay moliyaviy jihatdan muvaffaqiyatli odam bilan munosabatga kirishishni ifodalovchi "sugar dating" ("sugaring") termini paydo bo'lishiga sabab bo'lgan.

Bormi shunaqalar :)

Nota bene!📜
4.8k 1 40 7 84
Nota bene!

23 Sep, 14:53

Open in Telegram Share Report
Bu klip emas!

Jaxongir Otajonov tomonidan kecha "Foniy dunyo" nomli yangi tarona va klip taqdim qilindi. Maxtumquli g'azaliga asoslangan ushbu klipda Rene Magritt asarlariga ham ishora qilib ketilgandek.

Lekin qo'shiq mazmuni zo'r. Klassik adabiyotga murojaat qilgan holda ijod qilish (hozirgi zamonda) hammaga ham emas!

Nota bene!📜
8.9k 4 79 10 104
Nota bene!

5 Sep, 14:51

Open in Telegram Share Report
"Oltin parashyut" — kompaniya va hodim (aksar hollarda CEO) bilan tuziladigan kelishuv bo'lib, u ma'lum bir sabab (kompaniyaning boshqa odamga sotilishi yoki egasi o'zgarishi) bilan ishdan bo'shatilgan yoki o'z tashabbusi bilan iste'foga chiqqan taqdirda to'lanadigan kompensatsiyalarni belgilaydi.

Termin ilk bor 1961-yilda bankrot bo'lish arafasida turgan "Trans World Airlines" kompaniyasi menejer lavozimiga Charlz Tillingastni taklif etilganida qo'llangan. O'shanda unga, agar ishdan bo'shatiladigan bo'lsa, ko'rsatadigan natijasidan qat'iy nazar ma'lum miqdorda pul olishi va'da qilingandi.

Eng yirik oltin parashyutlardan biri "General Electric" kompaniyasini 2001-yilda "100 yillikning eng yaxshi menedjeri" maqomida tark etgan Jek Uelchga to'lab berilgan — 417 mln AQSh dollari.

Rossiyaning "Nornikel" kompaniyasi rahbari bo'lgan Vladimir Strjalkovskiy ham ishdan bo'shatilganida 100 mln AQSh dollari miqdorida kompensatsiya olgan.

Nota bene!📜
6.7k 0 30 2 30
Nota bene!

4 Sep, 09:41

Open in Telegram Share Report
Edvard Okun (21.09.1872, Varshava - 17.01.1945, Skernevitse) — polyak rassomi. Yan Mateyko va Isidor Yablonskiy kabi mashxur rassomlardan saboq olgan.

Ikkinchi jahon urushi vaqtida yuz bergan Varshava qo'zg'oloni vaqtida Skernevitsega ko'chib o'tgan rassom 1945-yil ushbu shaharni ozod qilish uchun kelgan 1-beloruss fronti jangchilaridan birining daydi o'qidan vafot etgan.

Rassomning mashxur kartinalaridan biri - siz yuqorida ko'rib turgan "Paganinining o'limi" kartinasi. Unda mashxur pianinochi haqida tarqalgan mashxur afsonaga murojaat qilingan va o'lim oldidan u uchun so'nggi musiqani chalayotgan iblis tasvirlangan.

Paganinining iste'dodi shu qadar beqiyos ediki, hamma buning evaziga u iblisga ruhini sotgan deb hisoblardi. Uning o'zi ham mish-mishlarni rad qilmay, aksincha, kuchaytirishga harakat qilgan. Mish-mishlar shu darajaga yetganki, o'limidan keyin yepiskop dafn marosimi o'tkazishdan bosh tortgan. Natijada o'g'li otasining jasadini bir muddat yerto'lada saqlashga majbur bo'lgan.


Nota bene!📜
5.3k 0 21 2 30
Nota bene!

1 Sep, 07:12

Open in Telegram Share Report
Mustaqillik bayrami muborak bo'lsin!

Nota bene!📜
5.3k 0 3 1 22
Nota bene!

1 Jul, 09:12

Open in Telegram Share Report
Xaumea — Quyosh tizimidagi karlik sayyora.

2005-yil 29-iyulda bir-biridan bexabar holda 2 tadqiqotchi — Xose Luis Ortis (Ispaniya) hamda Maykl Braun (AQSh) tomonidan ochilgan.

Ispanlar dastlab obyektni nomlash uchun "K40506A" kodidan foydalanishgan. Biroq o'zaro suhbatlarda unga "Santa" nomini berishgan. Chunki sayyora 2004-yilgi rojdestvodan keyin ilk bor ko'zga tashlangandi.

2006-yil 7-sentyabrda u Pluton hamda Erida bilan birga "Kichik sayyoralar katalogi"ga kiritilgan.

Keyinroq ispanlar sayyorani Iberiya bahor ilohasi sharafiga "Ataetsina" (Rim mifologiyasidagi Prozerpina) deb nomlamoqchi bo'lgan. Biroq, bu variant "yer osti xudolari nomlari boshqa obyektlar uchun zahiraga olingani" sababli rad etiladi.

Shundan keyin Devid Rabinovits uni Gavayi tug'ilish ilohasi sharafiga "Xaumea" deb nomlashni taklif qiladi.

Xaumeaning 2 ta yo'ldoshi bor: Xiiaka (dastlab Santaning kiyiklaridan biri sharafiga "Rudolf" deb nomlangan) va Namaka (dastlab "Blitzen" deb nomlangan).

Nota bene!📜
12.8k 0 36 5 35
Nota bene!

30 Jun, 10:12

Open in Telegram Share Report
Odil Ahmedov "Paxtakor"da unchalik ko'p o'ynamagan (2006-2011) bo'lsa ham, u uchun 25-raqam jamoa tomonidan muzlatib qo'yilgan.

Buning sababini sobiq FIFA agenti Ravshan Salimov quyidagicha izohlaydi:
"2009-yilda Luis Felipe Skolari Osiyo Chempionlar ligasini yutish uchun "Bunyodkor" rahbariyatidan Odil Ahmedov, Anzur Ismoilov va Ignatiy Nesterovlarni sotib olishni so'raydi.

"Bunyodkor" transferlarni deyarli hal qilganida Odil Ahmedov "Paxtakor" rahbariyati oldiga kirib, ulardan o'zini transferga qo'ymaslikni so'raydi va "Paxtakor"da qolishni xohlayotganini, O'zbekistonda o'ynasa faqat ushbu jamoada o'ynashini bildiradi.

Rahbariyat uning iltimosini inobatga oladi va Ahmedov jamoada qoladi.

O'sha paytda bu juda katta sadoqat edi. Sababi o'shanda futbolchining o'ziga misli ko'rilmagan pullar va'da qilingandi."


2016-yilda Qashqadaryoga tashrif buyurgan Islom Karimovga "Nasaf" jamoasi 11-raqamli futbolka topshiradi. Aytishlaricha, shundan beri ushbu raqam ham "Nasaf"da muzlatilgan ekan.

Nota bene!📜
7.9k 0 36 16 50
Nota bene!

29 Jun, 10:12

Open in Telegram Share Report
Guantanamo kundaligi — AQSh hukumati tomonidan biror asossiz 14 yil davomida Guantanamo qamoqxonasida ushlab turilgan va qiynoqqa solingan maxbus — Muhammad Uld Slahi tomonidan yozilgan xotira kitobi.

Uld Slahi AQSh maxsus xizmati tomonidan 11-sentyabr voqealaridan ko'p o'tmay Mavritaniyada qo'lga olingan va 2002-yil avgustidan to 2016-yil 17-oktyabriga qadar Guantanamo qamoqxonasida saqlangan. Qiziq tomoni, unga nisbatan ayblov e'lon qilinmagan.

Advokat Nensi Xollanderning so'zlariga ko'ra, AQSh Mudofaa vaziri Donald Ramsfeld Muhammadga qarshi "maxsus so‘roq usullari"ni qo'llashni buyurgan.

Qamoqdalik paytida Slahi ingliz tilini o'rganib, 466 sahifalik kitob yozgan. Advokatlari kitobni jurnalist Larri Simsga berishga. Biroq AQSh rasmiylari bir necha yil davomida kitobning nashr etilishini ta'qiqlashgan. U 2015-yilga kelibgina nashr etilgan.

Ushbu kitob asosida "Mavritaniyalik" filmi suratga olingan.

Nota bene!📜
5.5k 1 57 21 58
Nota bene!

28 Jun, 14:19

Open in Telegram Share Report
Komil Xorazmiy (asl ismi Pahlavon Muhammadniyoz Abdulla Oxund o'g'li, 1825-1899) — shoir, xattot, musiqashunos, tarjimon va davlat arbobi.

Yoshligidan yaxshi ilm olgan Komil Xorazmiy arab va fors tillarini mukammal bilgan, sharq adabiyoti namoyondalari ijodi, mumtoz musiqa, xattotlik sirlarini qunt bilan o'rgangan.

Keyinchalik u Xiva xoni Sayd Muhammadxon saroyida kotiblik qilgan. Muhammad Rahim II esa Komilni mirzaboshilikka ko'targan. Rossiya va Xiva xonligi o'rtasida imzolangan "Gandimiyon shartnomasi" (1873) ham aynan Komil Xorazmiy tomonidan yozilgan. Shuningdek, u saroyda devonbegi lavozimida ham ishlagan.

Komil Xorazmiy o'zbek kuylarini yozib olish uchun "Tanbur chizig'i" nomli nota tizimini joriy etgan. Bu o'ziga xos notada "Rost" maqomining bosh qismini yozgan. O'g'li Mirzo Muhammadrasul otasi boshlagan ishni davom ettirib, Xorazm "Shashmaqom"ining qolgan ashula va cholg'u yo'llarini to'la notaga olgan.

Nota bene!📜
5.6k 0 28 5 20
Nota bene!

28 Jun, 09:12

Open in Telegram Share Report
Solijon Sharipov 2004-yilda NASA astronavti Leroy Chiao bilan birgalikda Boykonur kosmodromidan "Soyuz TMA-5" kosmik kemasida fazoga ko'tariladi.

U 201 kunlik fazoviy missiyasi davomida eshitish uchun Sherali Jo‘rayev qo‘shiqlarini ham o‘zi bilan olib olgandi.

O'sha kunlarning birida maxsus bog'lanish qurilmasi yordamida Sherali Jo'rayevga qo'ng‘iroq qilgan kosmonavt uning "Oltin qanot" qo'shig'i kosmosda yangrayotganini aytadi.

Shu tariqa Sherali Jo'rayev kosmosda qo‘shiqlari yangragan birinchi o'zbek san'atkoriga aylangan.

Aytgancha, hujjatlarda xofizning 1947-yil 12-aprelda tug'ilgani aytilsa-da, uning aynan qaysi sanada tug'ilgani noma'lum. O'zining aytishicha u 12-aprelni ramziy ravishda tug'ilgan kun sifatida nishonlaydi.

Bunga aynan shu sanada Yuriy Gagarinning kosmosga chiqqani sabab bo'lgan. Shuningdek, aynan 12-aprel tanlanishiga Sherali Jo'rayev o'quvchilik davrida shu sanada bo‘lib o‘tgan velopoygada g‘olib bo‘lgani va aynan shu sanada Haj ziyoratini ado etgani ham sabab ekan.

Nota bene!📜
5.3k 0 50 6 50
Nota bene!

27 Jun, 14:16

Open in Telegram Share Report
​​"Tim Taler yohud sotilgan kulgu" — nemis yozuvchisi Jeyms Kryus tomonidan yozilgan falsafiy ertak. Ushbu ertakni yozishda muallif o'z qalbini iblisga sotgan doktor Faust haqidagi afsonadan ilhomlangan.

Asar syujetiga ko'ra, 1930-yillarda Gamburgda yashovchi 3 yoshli bolakay Tim Talerning quvnoq va mehribon onasi vafot etadi. Oradan biroz o'tgach otasi yana uylanadi. O'gay ona esa Timga juda ham shafqatsiz munosabatda bo'la boshlaydi.

Tim 5 yoshga kirganida otasi ham vafot etadi. Dafn marosimi kuni ippodromga kelgan Tim bashang kiyingan Chezare Lefuet ismli odamga duch keladi. U bolakayga g'alati bitim taklif qiladi: Tim har qanday garovda g'alaba qozonish qobiliyatiga ega bo'ladi, biroq buning evaziga Lefuet Timning baxtli kulgisini tortib oladi.

Tim kelishuvga bajonidil rozi bo'ladi. Ammo, uning qobiliyatidan xabar topgan o'gay onasi bundan boylik orttirish maqsadida foydalanib, uni ippodromlarga olib bora boshlaydi. Natijada oilaning hayoti tez orada ancha yaxshilanadi.

Lekin, Tim bundan xursand bo'lmas, kula olmasdi. Uning sirini bilmagan yaqin do'stlari esa Tim endi boyib ketgani uchun bizni mensimayapti deb o'ylay boshlaydi.

14 yoshida maktabni tugatgan Tim bunday hayotga ortiq bardosh berolmasligini anglaydi va kulgisini qaytarish uchun uydan qochib ketadi. Avvaliga u eng xavfli narsalarga pul tikib ko'radi. Chunki, bitim shartlaridan biriga ko'ra, Tim qachondir yutqazsa, kulgisi qaytib kelishi kerak edi. Biroq, hattoki eng aqlbovar qilmas garovlar ham uning g'alabasi bilan yakunlanadi.

Tez orada Chezare Lefuetning vafot etgani va bor boyligini Timga meros qoldirgani ma'lum bo'ladi. Keyinchalik Tim bitimning asl mohiyatini anglay boshlaydi: baron aslida Timning kulgisini sotib olgandi, chunki kulishni bilgan boy odam boshqalarning qalbini osongina egallab olar va undan foydalanardi. Shunda Tim "Lefuet" ismini teskari o'qib ko'radi va... baronning aslida "Teufel" (nemischa "Iblis") ekanini anglaydi.

Asar oxirida Tim do'stlari yordami bitimdan bo'shliq topadi va o'zining kula olishiga 1 tanga tikib, yutqazadi hamda kulgisini qaytarib oladi.

Nota bene!📜
5k 0 43 10 30
Nota bene!

27 Jun, 09:12

Open in Telegram Share Report
Faustpatron (nemischa "Faust" - "musht" va "patrone" - "patron") — tankka qarshi bir martalik granatomyot. U, shuningdek, "Faustpatron 1", "Kichik Faustpatron", "Faustpatron 30" deb ham nomlangan. Modernizatsiya qilinganidan keyin esa "Panzerfaust 30" nomini olgan (bu erda 30 - samarali o't ochish masofasi).

Faustpatronlarni ishlab chiqarish 1942-yil yozida HASAG (Hugo Schneider AG) kompaniyasi tomonidan Leypsigda boshlangan. Ishlab chiqaruvchilarga piyoda qo'shinlari uchun tanklarga qarshi kurashishda qo'l keluvchi qurol ishlab chiqarish yuklanadi. 1943-yil avgustida kompaniya vermaxt qo'shinlariga 500 ta granatamyot yetkazib beradi.

Butun urush davomida Germaniyada 8 254 300 ta faustpatron ishlab chiqarilgan.

Nota bene!📜
4.7k 0 16 2 18
Nota bene!

26 Jun, 14:16

Open in Telegram Share Report
​​Aytishlaricha, hozirgi kunda Toshkentdagi 150 ta binoning fasad qismida mozaikalar bor. Ular 1966-yilgi Toshkent zilzilasidan keyin vujudga kelgan. Mozaikalar arxitektorlarning ajoyib topilmasi bo'libgina qolmay, ular sobiq SSSR davlatlarining birgalikda yaratgan san'at asari hamdir.

1966-yilda Toshkentda sodir bo'lgan zilzila tufayli 300 mingdan ziyod aholi boshpanasiz qolgan, shuningdek, minglab binolar zarar ko'rgan.

Talafotdan keyin Toshkentni qayta barpo etish uchun SSSR tarkibidagi 15 ta davlatning barchasi Toshkentga o'z quruvchilarini yuborgan. Bosh reja bo'yicha hududlar bo'linib, har bir respublika o'z kuchiga qarab joy olgan.

Kuchli qurilish bazasiga ega respublikalar markaziy joylarni qayta tiklagan. Va albatta o'zlari qurgan binolarni abadiylashtirishni xohlashgan.

Binolarni mozaika bilan bezash taklifi Leningrad rassomlik universitetini tugatgan aka-uka Pyotr va Nikolay Jarskiylardan chiqqan. Nikolay Jarskiy loyihasi bilan Muqimiy ko'chasidagi 9 qavatli binoga chizilgan mozaika mashxur bo'lib ketgach boshqa binolarni bezashda ham ushbu uslubdan foydalanish urfga kirgan.

"Nima uchun mozaikalar?" degan savol ko'pchilikni qiynab kelgan. Ayrim mutaxassislarning fikricha, zilziladan keyin shaharda shoshilinch tarzda juda ko‘p panel uylar qurilgan va ko'rinishi bir xil bo'lgan ushbu uylar unchalik ham jozibador bo'lmagan. Shu sababli Jarskiylarning g‘oyasi asosida ko‘p qavatli uylar mozaikalar bilan bezatilgan.

Nota bene!📜
3.7k 0 19 4 30
Nota bene!

26 Jun, 09:21

Open in Telegram Share Report
KXDR'ning Pxenyan shahri sharafini himoya qiluvchi futbol klubi. 1949-yil iyulda tashkil etilgan va Koreya xalq armiyasi tashkil topgan sana sharafiga nomlangan. O'z o'yinlarini 114 ming kishini sig'dira oladigan "Birinchi may" stadionida o'tkazadi.

Ushbu klub KXDR Xalq harbiy kuchlari vazirligiga tegishli. Shu sababli barcha o'yinchilar armiya ofitserlari hisoblanadi.

Klub 22 karra KXDR chempioni, 2 karra kumush medal sohibi hisoblanadi. AFK Chempionlar ligasidagi eng yaxshi natijasi — 4-o'rin (1990/91).

AFK kubogida esa 2019-yil finalga chiqqan.

Xalq harbiy kuchlari vazirligi ushbu klubdan tashqari "8-fevral" klubiga ham egalik qiladi.

Nota bene!📜
3.9k 0 18 8 39
20 last posts shown.