Navoiy davlat konchilik va texnologiyalar universiteti

#Jarayon

“EDO.IJRO.UZ” ELEKTRON TIZIMIDAN FOYDALANISH SAMARADORLIGINI OSHIRISH YUZASIDAN NAVBATDAGI AMALIY SEMINAR O‘TKAZILDI

Navoiy davlat konchilik va texnologiyalar universitetida ish yuritish va hujjatlar bilan ishlash hamda ijro intizomi bo‘yicha mas’ullar ishtirokida “Edo.ijro.uz” idoralararo elektron hujjat aylanish tizimi yuzasidan navbatdagi amaliy seminar o‘tkazildi.

Unda "UNICON-SOFT" MCHJ mutaxassisi ushbu elektron tizimning ishlash tartibi va ko‘plab qulayliklarni o‘z ichiga olganligi borasida taqdimot qilib, universitet vakillarining barcha savollariga batafsil tushuntirishlar berdi.

Mazkur seminarlar "Raqamli hukumat" tizimi doirasida qog‘ozsiz ish yuritishga o‘tish jarayonini tezlashtirish maqsadida tashkil etilib kelinmoqda.

© NDKTU Axborot xizmati

Bizni kuzatib boring:

NDKTU RASMIY KANALI

#Xalqaro_hamkorlik

UNIVERSITETDA “OCHIQ KON ISHLARI GEOMEXANIKASI” MAVZUSIDA O‘QUV MALAKA KURSLARI BO‘LIB O‘TMOQDA

Konchilik sohasi bo‘yicha dunyoda taniqli ilmiy-tadqiqot markazlaridan biri — “VNIMI” (Rossiya) kompaniyasi ekspertlari ishtirokida Navoiy davlat konchilik va texnologiyalar universitetda “Ochiq kon ishlari geomexanikasi” mavzusida o‘quv malaka kurslari o‘tkazilmoqda.

Jarayon “O‘zmetkombinat”, “Olmaliq KMK” va “Navoiy KMK” aksiyadorlik jamiyatlarida hamda tegishli oliy ta’lim muassasalarida faoliyat olib borayotgan yosh mutaxassislarni har yili nufuzli xorijiy kompaniyalar, injiniring markazlari hamda ta’lim muassasalarida malakasini oshirish dasturi” ijrosi doirasida amalga oshirilayapti.

O‘quv-malaka kurslarida NDKTU Konchilik fakulteti olimlari, xususan “Konchilik ishi” hamda “Noyob va radioaktiv metal rudalarini qazish va qayta ishlash” kafedralari professor-o‘qituvchilari ham ishtirok etmoqda.

© NDKTU Axborot xizmati

Bizni kuzatib boring:

NDKTU RASMIY KANALI

#Amaliy_muloqot
#Fakultetlar_faoliyati

YETUK IXTIROCHI OLIM VA YOSH MUTAXASSISLAR UCHRASHUVI BO‘LIB O‘TDI

Kimyo-metallurgiya fakultetida NKMK Texnologiya bo‘limi boshlig‘ining gidrometallurgiya majmuasi bo‘yicha o‘rinbosari Ulug‘bek Ergashev ishtirokida uchrashuv bo‘lib o‘tdi.

Unda yosh mutaxassislar, fakultet mas’ullari, kafedra mudirlari ishtirok etdi. Muloqotda U.Ergashev o‘z hayotiy tajribalari, ustozlari, kombinatdagi faoliyati, so‘nggi yillarda amalga oshirilayotgan loyihalar, natijalar haqida batafsil gapirarkan, yoshlarni o‘z sohasida chuqur bilim olishga va ilmiy-tadqiqotlarda faol qatnashishga chaqirdi.

U.Ergashev 1993-yildan buyon NKMKda muvaffaqiyatli faoliyat yuritib kelyotgan bo‘lib, 2022-yilda bir guruh yetuk olimlar qatorida murakkab bo‘lgan oltin tarkibli maʼdanlarni qayta ishlash va o‘zlashtirish bo‘yicha ilmiy-amaliy ishlanmasi uchun I darajali Davlat mukofoti bilan taqdirlangan.

© NDKTU Axborot xizmati

Bizni kuzatib boring:

NDKTU RASMIY KANALI

#Targʼibot_uchrashuvlari

PROFESSOR-O‘QITUVCHILAR KENG JAMOATCHILIK VAKILLARI ISHTIROKIDAGI MA’RIFIY UCHRASHUVLARDA FAOL QATNASHMOQDA

Navoiy davlat konchilik va texnologiyalar universiteti kafedralari kesimida viloyatimiz bo‘ylab mahallalarda mamlakatimizda amalga oshirilayotgan keng ko‘lamli islohotlar mazmun-mohiyatini targ‘ib qilishga qaratilgan ma’rifiy uchrashuvlar tashkil etilmoqda.

Xususan, “Iqtisodiyot va menejment” hamda “Mintaqaviy va korporativ strategiyalar” kafedralari professor o‘qituvchilari Nurota tumani Avazsoy, Orasoy, Dehibaland qishloqlarida bo‘lib, mazkur hududlardagi maktablarda mahallalar aholisi bilan targ‘ibot tadbirlari tashkil etildi.

Muloqotlarda Davlatimiz Rahbarining nutqlari, yurtimizda amalga oshirilayotgan tub o‘zgarishlar, ta’lim sohasidagi natijalar, hududlarda aholining hayot sifati yuksalayotganiga urg‘u qaratilmoqda.

© NDKTU Axborot xizmati

Bizni kuzatib boring:

NDKTU RASMIY KANALI