Nasoimul_hikmat 🌱

​​#Солиҳлар_гулшани

📌Бунга сен учун жаннатдан уй сотиб олдим

Саро ибн Яҳёдан ривоят қилинади: «Бир хуросонлик киши Басрада яшаш учун бор-будини сотди. Пули ўн минг дирҳам бўлди. Басрага келгач, хотини билан ҳаж қилиш учун Маккага отланди. Ўн минг дирҳам пулини омонатга қолдириш учун бирор ишончли одамни суриштирди. Унга Ҳабиб Абу Муҳаммад деган кишига омонат топшириш мумкинлигини айтишди. Хуросонлик Ҳабиб Абу Муҳаммаднинг олдига келиб, «Мен аёлим билан ҳажга кетяпман. Мана бу ўн минг дирҳамга Басрадан уй сотиб олмоқчи эдим. Бирор уй топсангиз, имкониятингиз бўлса, сотиб олинг», деди. Кейин аёли билан Маккага жўнаб кетди. Бироз вақт ўтиб, Басрада очарчилик бошланди. Ҳабиб Абу Муҳаммад шерикларини маслаҳатга чақирди. Очарчилик одамларни ҳолдан тойдиргани учун омонатга берилган ўн минг дирҳамга ун сотиб олиб, муҳтожларга садақа қилиб, уларни очликдан ўлиш азобидан сақлаб қолмоқчилигини айтди. Шериклари: «У одам бу пулларни уй сотиб олиш учун омонатга қўйиб кетганди-ку?» деб эътироз билди-ришди. Ҳабиб Абу Муҳаммад: «Уни садақа қилиб, эвазига Роббим азза ва жалладан пулнинг эгаси учун жаннатдан уй сотиб оламан. Эгаси рози бўлса, айни муддао. Рози бўлмаса, пулларини қайтариб бераман», деди. Сўнг бор пулга ун ва нон сотиб олиб, (қийналиб қолганларга) садақа қилиб юборди. Ҳаж мавсуми тугаб, хуросонлик киши Маккадан қайтиб, Ҳабиб Абу Муҳаммаднинг олдига келди. «Эй Абу Муҳаммад, мен сизга ўн минг дирҳам омонат қолдирган эдим. Агар уй сотиб олмаган бўлсангиз, қайтиб берсангиз, ўзим уй сотиб олсам», деди. Ҳабиб Абу Муҳаммад: «Мен сенга сўрилари, мевазор боғлари, анҳорлари бор уй сотиб олдим», деди. Бу хушхабарни эшитган хуросонлик дарҳол аёлининг олдига бориб, бу хушхабарни етказди. Орадан икки-уч кун ўтиб, ҳалиги киши Ҳабибнинг олдига келиб, «Эй Абу Муҳаммад, ўша уй қаерда? Уни бир кўрсам дегандим», деди. Ҳабиб эса табассум билан: «Сенга айтган қасрлари, анҳорлари ва бошқа гўзал сифатларга эга бўлган уй жаннатдаги уй эди», деб вазиятни тушунтирди. У киши қойил қолиб, аёлининг олдига борибди ва аёлига: «Ҳабиб бизга Роббидан жаннатдаги уйни сотиб олган экан» деб, бор пуллари очарчилик пайтида муҳтожларга тарқатиб берилганини айтди. Оқила аёл: «Аллоҳ таоло Ҳабиб Абу Муҳаммад сотиб олган уйга бизни муваффақ қилсин. ­Дунёда қанча ҳам яшардик. Унинг олдига боринг, бизга ўша уйнинг кафолатини ёзиб берсин», деди. У Ҳабибнинг олдига келиб, «Эй Абу Муҳаммад, сиз сотиб олган уйни қабул қилдик, энди бизга кафолат хати ёзиб беринг», деди. Ҳабиб Абу Муҳаммад унинг сўзини маъқуллади ва бир котибни чақириб, қуйидаги сўзларни ёздирди:
«Бисмиллаҳир роҳманир роҳим. Бу Ҳабиб Абу Муҳаммаднинг Робби азза ва жалладан хуросонлик Фалончи учун сотиб олган уйнинг кафолатидир. Унга Роббидан жаннатда қасрлари, анҳорлари, дарахтлари ва бошқа сифатлари билан бўлган уйни ўн минг дирҳамга сотиб олди. Ушбу жаннатдаги уйни хуросонлик фалончига бериш, Ҳабибни эса кафолатдан озод қилиш Аллоҳ таологадир».
Хуросонлик хатни аёлига олиб бориб берди ва уни сақлаб қўйишни тайинлади. Кўп ўтмай, у қаттиқ бетоб бўлиб қолди. Орадан қирқ кунча ўтгач, ўлим вақти яқинлашганда аёлига: «Мени ювиб, кафанлагандан кейин ўша кафолат хатини кафаним ичига қўйишсин», деб васият қилди. Хуросонлик кишини дафн этишди, васиятини ҳам адо қилишди. Орадан ҳеч қанча вақт ўтмай, қабр тепасида бир хат пайдо бўлди. Унда ушбу сўзлар ёзилган эди: «Хуросонлик фалончи учун ўн минг дирҳамга жаннатдан уй сотиб олганига кафил бўлган Ҳабиб Абу Муҳаммад учун хушхабар! Дарҳақиқат, Робби хуросонликка Ҳабиб шарт қилган уйни ато этиб, унинг кафолатини адо этди».
Бу хат Ҳабибнинг қўлига етиб келгач, уни ўқиб туриб, йиғлаб юборди. У хатни ўпиб, шериклари олдига бориб, «Бу Роббим азза ва жалланинг мени поклагани ҳақидаги башоратдир» деб, хурсандчилигини улар билан баҳам кўрди.

©Ҳоний ал-Ҳаж. «Солиҳлар гулшани»

••••━•••━••━•❉•ৡ🌿🌺🌿ৡ•❉•━••━•••━••••
♻️ Дўстларингизга ҳам улашинг ⤵️
✒️ https://t.me/joinchat/AAAAAFKB5pBv_nyvsvMu6Q

#Cаломатлик

Соғлом турмуш тарзининг 5 та олтин қоидасининг энг биринчиси — бу тўғри сув ичиш. Тўғри сув ичиш учун нималарга эътибор берамиз?

1- НЕГА СУВ ИЧИШ КЕРАК ?
Сувнинг организмда 1000 дан ортиқ вазифаси бор, лекин биз унинг 2 та энг муҳим вазифаси учун ичишимиз шарт:

А- ташувчи, яъни биз овқат билан истеъмол қилган, инсон ҳаёти учун муҳим буўлган барча витаминлар, минераллар, аминокислоталар, органик моддаларни ҳужайраларимизга ташийди — ТАШУВЧИ хислати.

Б- тозаловчи, организм учун зарарли ва ёт буўлган гижжалар, бактерия, вирус, шлаклар ва бошҳа ҳар хил зарарли моддаларни ҳужайраларимиздан ювиб, тозалаб олиб чиқариб ташлайди — ТОЗАЛОВЧИ хислати.

2 - КАНЧА СУВ ИЧИШ КЕРАК?
Кун давомида:
- катталар 1кг вазнга 30 мл,
- болалар 1 кг вазнга 40,0 мл ҳисобидан сув ичишлари керак.
Бу миқдор қиш ва кузда, баҳор ёзда ундан ҳам куўп миқдорда (қанча ича олса уўшанча) сув ичиш керак.

3- ҚАНДАЙ СУВ ИЧИШ КЕРАК?

Ичаётган сувимиз:
- қайнамаган;
- газланмаган;
- рангланмаган ва
- минераллашган, тирик сув буўлиши керак.

4- СУВНИ ҚАЧОН ВА ҚАНДАЙ ИЧИШ КЕРАК?

- наҳорга 400,0 мл сувни даст куўтариб ичилади (эрталаб наҳорга оч қоринга биринчи тушадиган овқат бу сув бўлиши керак);
- ҳар овқатланишдан 0,5 соат олдин 2 стакан;
- овқатлангандан 1 соат кейиндан то овқатланишга 0,5 соат қолгунча вақт оралиғида кун давомида қултумлаб, чанқоқлик ҳисси пайдо буўлмасдан ичиш керак, чунки чанқоқлик ҳисси пайдо буўлганда организм 1% сувини йўқотиб, моддалар алмашинуви бузилиб улгурган буўлади.

СУВни юқоридаги айтилган тартибда ичсангиз бу жуда ЯХШИ. Лекин ҳар куни ичаётган СУВингизга КОРАЛЛ КАЛЬЦИЙ куўшиб ичсангиз, бу АЪЛО.

••••━•••━••━•❉•ৡ🌿🔸🌿ৡ•❉•━••━•••━••••
📚Каналимизга уланинг👇 @nasoimul_hikmat
🆔 https://t.me/joinchat/AAAAAFKB5pBv_nyvsvMu6Q

​​Воқеа сурасини ўқиш фазилати

Ҳофиз ибн Асокир Абдуллоҳ ибн Масъуд ҳақида шундай ривоят қилади: «Абдуллоҳ ибн Маъсуд вафот этиши арафасида бетоб бўлиб қолди. Усмон ибн Аффон унинг зиёратига келиб: «Нимадан шикоятинг бор?» деб сўради. Ибн Маъсуд: «Гуноҳларимдан», деди. Усмон ибн Аффон: «Нимани хоҳлайсан?» деб сўради. Ибн Маъсуд: «Роббимнинг раҳматини», деди. Усмон ибн Аффон: «Сенга табиб буюрайми?» деди. Ибн Маъсуд: «Табиб (яъни Аллоҳ) мени бетоб қилди», деб жавоб қилди. Усмон ибн Аффон: «У ҳолда сенга ҳадя буюртирайми?» деб сўради. «Унга ҳожатим йўқ», деди Ибн Маъсуд. Усмон ибн Аффон: «Сенда ҳожат бўлмаса, сендан кейин қизларингга қолади», деди. Ибн Масъуд бунга жавобан: «Қизларимнинг камбағал бўлиб қолишларидан қўрқяпсанми? Мен уларга ҳар кечада Воқеа сурасини ўқишни буюрганман. Чунки Расулуллоҳ (соллаллоҳу алайҳи васаллам)нинг: «Кимки ҳар кечада Воқеа сурасини ўқиса, зинҳор қашшоқликка учрамайди», деганларини эшитганман», деб жавоб берди».

🔘ВОҚЕЪА СУРАСИНИ ТИНГЛАШ🔘

♻️ Дўстларингизга ҳам улашинг 👇👇👇
🆔 https://t.me/joinchat/AAAAAFKB5pBv\_nyvsvMu6Q