Forward from: Наманган хабарлари
Хорижий эксперт ижтимоий сўровлар ўтказишни таклиф қилмоқда
Айни кунларда юртимизда бўлиб турган Туркиялик экспертлардан бири – Хассетепе университети илмий Кенгаши аъзоси, профессор Левент Акин Ўзбекистонда олиб борилаётган карантин қоидалари билан яқиндан танишар экан, ўзининг қуйидаги мулоҳазаларини баён этди:
- Айни кунларда барча давлатлар ўз тажрибасини бошқалар билан ўртоқлашган ҳолда вирусни бартараф этишга интилмоқда, – дейди Л.Акин. – Аслида бу жуда тўғри йўл. Давлатлар қанчалик ривожланган бўлмасин, пандемия олдида чорасиз қолмоқда. Шу кунларда ҳаммани бир мақсад бирлаштирмоқда – аҳолининг саломатлигини асраш.
Эътибор қилган бўлсангиз, давлатлар ўртасида ўзаро инсонпарварлик ёрдами кенгайиб бормоқда. Бу жуда зарур. Шуни билиш керакки, бу касаллик бутун дунёдан йўқолмагунча бирор бир давлат COVID-19 устидан ғалаба қозона олмайди. Зеро, сиз соғ бўлишингиз учун қўшнингиз ҳам соғлом бўлиши керак.
Шуни ҳисобга олган ҳолда давлатлар ўзаро тажриба алмашишга мажбур. Чунки, олис бир ўлкада бўлсада касаллик мавжуд экан, у ҳамма учун хавф солаверади.
Коронавирусни даволашда шифохона воқеалар ривожининг сўнгги нуқтасидир. Яъни одамларни даволайдиган, чорасизликда чора топадиган жой бу – касалхонадир. У ерга бораётганларнинг аксарияти уйда даволаб бўлмайдиган аҳволдаги беморлар ҳисобланади.
Ўзбекистонда кўрилаётган карантин чоралари ижобий. Қайд этиш керакки, бошқа давлатларда карантин чоралари бир-бирига ўхшаса ҳам даволаш усуллари, аҳолини ижтимоий қўллаб-қувватлаш бўйича ҳар бир давлат ўзига хос ёндашувга эга. Бир давлатнинг коронавирусга қарши қўллаган чораси бошқасига тўғри келмаслиги мумкин.
Қўлланилаётган карантин чоралари нечоғлиқ самарали экани халқ орасидан чиқаётган касаллар миқдори билан ўлчанади. Ҳолатга қараб бугун чора кўриш бошланса, икки, уч ҳафтадан кейин самараси аён бўлади. Агарда бугун касалликка қарши курашда хатога йўл қўйсак, икки-уч ҳафта ўтиб ёмон оқибатларга олиб келиши мумкин.
Туркияда олиб борилаётган ишларнинг самарадорлигини билиш учун вақти-вақти билан ижтимоий сўровлар ўтказиб турилади. Унда «Нега ниқоблар тақмайсиз?», «Нега бир жойда тўпланасиз?» каби саволлар берилади. Бу жуда муҳим бўлиб, одамларнинг кайфиятини, руҳиятини билишга ёрдам беради. Шу боис бу тажрибани Ўзбекистонда ҳам қўллашни таклиф қилган бўлардим.
Манба: "Ўзбекистон 24" телеканали
Айни кунларда юртимизда бўлиб турган Туркиялик экспертлардан бири – Хассетепе университети илмий Кенгаши аъзоси, профессор Левент Акин Ўзбекистонда олиб борилаётган карантин қоидалари билан яқиндан танишар экан, ўзининг қуйидаги мулоҳазаларини баён этди:
- Айни кунларда барча давлатлар ўз тажрибасини бошқалар билан ўртоқлашган ҳолда вирусни бартараф этишга интилмоқда, – дейди Л.Акин. – Аслида бу жуда тўғри йўл. Давлатлар қанчалик ривожланган бўлмасин, пандемия олдида чорасиз қолмоқда. Шу кунларда ҳаммани бир мақсад бирлаштирмоқда – аҳолининг саломатлигини асраш.
Эътибор қилган бўлсангиз, давлатлар ўртасида ўзаро инсонпарварлик ёрдами кенгайиб бормоқда. Бу жуда зарур. Шуни билиш керакки, бу касаллик бутун дунёдан йўқолмагунча бирор бир давлат COVID-19 устидан ғалаба қозона олмайди. Зеро, сиз соғ бўлишингиз учун қўшнингиз ҳам соғлом бўлиши керак.
Шуни ҳисобга олган ҳолда давлатлар ўзаро тажриба алмашишга мажбур. Чунки, олис бир ўлкада бўлсада касаллик мавжуд экан, у ҳамма учун хавф солаверади.
Коронавирусни даволашда шифохона воқеалар ривожининг сўнгги нуқтасидир. Яъни одамларни даволайдиган, чорасизликда чора топадиган жой бу – касалхонадир. У ерга бораётганларнинг аксарияти уйда даволаб бўлмайдиган аҳволдаги беморлар ҳисобланади.
Ўзбекистонда кўрилаётган карантин чоралари ижобий. Қайд этиш керакки, бошқа давлатларда карантин чоралари бир-бирига ўхшаса ҳам даволаш усуллари, аҳолини ижтимоий қўллаб-қувватлаш бўйича ҳар бир давлат ўзига хос ёндашувга эга. Бир давлатнинг коронавирусга қарши қўллаган чораси бошқасига тўғри келмаслиги мумкин.
Қўлланилаётган карантин чоралари нечоғлиқ самарали экани халқ орасидан чиқаётган касаллар миқдори билан ўлчанади. Ҳолатга қараб бугун чора кўриш бошланса, икки, уч ҳафтадан кейин самараси аён бўлади. Агарда бугун касалликка қарши курашда хатога йўл қўйсак, икки-уч ҳафта ўтиб ёмон оқибатларга олиб келиши мумкин.
Туркияда олиб борилаётган ишларнинг самарадорлигини билиш учун вақти-вақти билан ижтимоий сўровлар ўтказиб турилади. Унда «Нега ниқоблар тақмайсиз?», «Нега бир жойда тўпланасиз?» каби саволлар берилади. Бу жуда муҳим бўлиб, одамларнинг кайфиятини, руҳиятини билишга ёрдам беради. Шу боис бу тажрибани Ўзбекистонда ҳам қўллашни таклиф қилган бўлардим.
Манба: "Ўзбекистон 24" телеканали