Namangan viloyati hokimligi

Барқарор маънавий муҳит - тараққиёт омили

Давлат ва жамоат ташкилотларида ижтимоий-маънавий муҳитни соғломлаштириш юзасидан умумпрофилактик тадбирлар давом эттирилмоқда

Жумладан Наманган вилояти транспорт бошқармаси тизимда фаолият олиб бораётган раҳбар ва мутахассис ходимлар  иштирокида "Жаҳолатга қарши маърифат" мавзусида тадбир ўтказилди.

Тадбирда сўз олиб борган  вилоят ҳокимининг  ўринбосари Жамшид Хатамов ўз нутқи давомида, турли оқимларнинг миллий ўзлигимиз, миллий қадриятларимизга зид бўлган турли хилдаги таъсиридан сақланиш, ҳаёт тарзида, кийинишда, юриш-туришда, ибодатда бузғунчи ёт ғояларга учмаслик, жамият равнақи учун фойдали бўлган дунёвий илмларни ўрганишнинг Исломдаги талқини, тинчлик ва омонликнинг қадрини ҳис этиш, бугунги тинч ва осуда ҳаётга шукр қилиш каби масалаларга асосланган холдаги мисолларга тўхталиб ўтди.

Ташриф давом этмоқда:

Тўрақўрғон туманидаги “Ифтихор Кийим Саноати” корхонаси фаолияти ҳамда корхона томонидан ишлаб чиқарилаётган бренд маҳсулотлар кўргазмаси билан танишилди.

Меҳмонлар Наманганда тадбиркорликни ривожлантириш бўйича амалга оширилган ишларни юқори баҳоладилар.

Хусусан, 17 гектар майдонни эгаллаган, лойиҳа қиймати 200 миллион еврога тенг "Ифтихор кийим саноати" МЧЖ томонидан барпо этилаётган пахта хомашёсидан ип калава, тўқув, бўяш, тикув ва деним-нонденим ишлаб чиқариш комплекси уларда катта таассурот қолдирди.

Сўғд вилояти раиси Ражаббой Ахмадзода корхонага эсдалик совғасини топширди. Унда шундай битик бор:

"Яхши дўстлар фақат яхши дўст бўла олган инсонларга насиб этади.
Умар Хайём"

Наманган вилояти ҳокимлиги Ахборот хизмати.

Sayt | Telegram | Instagram | Facebook |Twitter | YouTube

#Халқаро_ҳамкорлик

Тожикистон Республикаси Сўғд вилояти делегациясининг Наманганга ташрифи давом этмоқда

Меҳмонлар Тўрақўрғон туманидаги “Gold Fresh Fruits” корхонаси фаолияти билан танишдилар.

Бир маҳаллар ажриқ босган адирлик ерларида бугун шундай боғлар ташкил этилгани замирида катта меҳнат мужассам. "Gold Fresh Ftuts" МЧЖ ихтиёридаги 750 гектар майдоннинг 450 гектари гилосзор, 100 гектари ҳурмозор, 50 гектарида шафтоли, 70 гектарида олҳўри кўчатлари парваришланмоқда.

Биргина 2024 йилда 1000 тоннадан ортиқ сархил мевалар Дубай, Қатар, Россия, Корея, Хитой каби давлатларга экспорт қилинди. Бу ерда 180 нафар доимий, 3000 нафар мавсумий ишчилар бандлиги таъминланган.
Эндиликда жамиятнинг экспорт салоҳияти ошиб, 300 минг дона кўчатлар етиштириляпти ва юз фоиз хорижга юборилади. 2 гектарлик иссиқхонада эртапишар гилос ва қулупной баравж ўсмоқда.

Шу ерда меҳмонларга қишлоқ хўжалиги соҳасида хизмат кўрсатиш, ўсимликлар карантини бўйича батафсил маълумотлар берилди.

Сўғд вилояти раиси Ражаббой Ахмадзода айни йўналишдаги тажрибани чуқур ўрганиш лозимлигини таъкидлади.

Меҳмонларга Наманган вилояти ҳокими Шавкатжон Абдураззоқов, Тожикистон Республикасининг Ўзбекистондаги фавқулодда ва мухтор элчиси Абдужаббор Азиз Раҳмонзода ҳамроҳлик қилмоқдалар.

Наманган вилояти ҳокимлиги Ахборот хизмати.

Sayt | Telegram | Instagram | Facebook |Twitter | YouTube