Kopirayting ensiklopediyasi | Namuna Yoqub qizi

Yanayam reaksiyani soʻrab olaymi? Bundoq oʻzingizdan bilib bosavermaysizmi a?

Keling, bugun shu vazifani tahlil qilamiz

Va bu sizga neyming boʻyicha qoʻshimcha bilim boʻladi, inshaalloh.

1️⃣. Neyming yozayotganda, umuman har qanday vazifa bajarayotganda batafsil yozishga harakat qiling. Yaʼni, nom tanladingizmi, uni nima sababdan tanlaganingizni ham izohlang. Masalan: "«Meʼmor» – bu nom quruvchi va arxitektorlar kasbiga yaqin boʻlganligi sababli qurilish kompaniyasi faoliyatini oʻzida aks ettiradi. Kompaniya qadriyatlariga koʻra, milliy ruh va professionallikni anglatadi."

2️⃣. Tanlangan nomda tutuq belgisi (ʼ), apostrof (') va oʻ hamda gʻ harflari boʻlmagani maqsadga muvofiq. Nega deganda bunday nom yozilishida baʼzi noqulayliklar va xatoliklar kelib chiqishi mumkin (bu qoida emas, tavsiya). Ayniqsa, ijtimoiy tarmoq sahifalarini nomlashda xatoliklar yuzaga kelishi aniq (@meʼmor deb boʻlmaydi, havola uchun bunday belgilar yaroqsiz).

3️⃣. Tanlangan nom soha va yoʻnalish boʻyicha mavjud emasligiga ishonch hosil qiling. Iloji boricha unikal nom tanlang. Internet tarmogʻi orqali buni aniqlash oson. Agar mijoz talab qilsa, nom patentlangan yoki yoʻqligini ham tekshirib yozing.

4️⃣. Ijtimoiy tarmoq sahifalari uchun ham user tanlang. Masalan, muzqaymoq brendi uchun "Muzparcha" deb nom tanladingiz. Endi uning sahifalari uchun @muzparcha ham boʻsh ekanini aniqlang va buni ham yozib qoʻying.

Ana endi vazifani mijozga yuborsangiz boʻladi. Qadalgan xabarlardagi boshqa darslarni ham oʻqib, vazifalarni bajarsangiz, ana shunaqa fidbek beraveraman, tolibi ilmlarim 🤗

Ustozingiz @namunayoqubqizi

Fidbek beraymi)

Assalomu alaykum yahshimisiz ustoz. Man endi darslarni o'qib chiqyapman shuning 😊.

Qurilish kompaniyasi uchun nom: Oltin O'rda. Usta Me'mor

Barcha tabrik va qutlovlarga ochiqman :)

Reaksiyani soʻrab olishni yomon koʻraman 😒

Naming yaratish usullari

📌Naming (neyming) sohasi haqida avval ham gaplashgandik. Bugun qanday usullar yordamida nom topish borasida dars oʻtamiz.

1. Asoschilar ism-familiyasi asosida nom yaratish. Ism yoki familiya toʻgʻridan-toʻgʻri olinishi yoki qisqartmalar birlashtirilishi mumkin. Masalan, "Toʻxtaniyoz ota" kolbasalari, "Dora" (Doniyor Rajapov) marketing agentligi, "Tinkoff" brendi va h.k.

2. Tovar yoki xizmatdan foydalanish natijasi bilan bogʻliq soʻzlarni yozib chiqish. Masalan, oziq-ovqat doʻkoni uchun naming tanlashda quyidagi soʻzlarni yozib chiqish mumkin: bazm, tantana, roʻzgʻor, pazanda, savat, ombor va h.k. Bu soʻzlarning oʻzi nom yaratish uchun yetarli boʻlmagan taqdirda, ularni keyingi usullar yordamida aniqlangan soʻzlar bilan abbreviatsiya qilish yoki oʻzaklaridan foydalanish mumkin.

3. Tovar yoki xizmat xususiyatlari bilan bogʻliq soʻzlarni yozib chiqish. Yana oziq-ovqat doʻkoniga qaytamiz: Foydali, toʻyimli, mazali, shirin, xushtaʼm, xushboʻy, sogʻlom, halol va h.k.

4. Kompaniya joylashgan yoki qamrab oladigan hudud nomi. Masalan, "Koʻkcha Beauty" MCHJ.

5. Tabiatdagi hayvon yoki oʻsimliklar nomlari. Dunyoga mashhur "Puma", "Apple", "Jaguar" va shunga oʻxshash koʻplab brendlar.

6. Ertak, afsona, multfilm yoki kino qahramonlari ismlari. Ramziy maʼnoda yoki brendning qaysidir xususiyatiga qiyoslash tariqasida bunday nomlardan ham foydalanish mumkin. Misol uchun: "Mc Donald's", "Mickey mouse" "Снежная королева" va shu kabilar.

💡 Ushbu usullar yordamida yigʻilgan soʻzlarni yozib chiqing. Ularni ustunlarga ajratib, boshqalari bilan birlashtirishimgiz yoki jarangdor va noyob boʻlganlarini ajratib olishingiz, hatto qisqartma va oʻzaklaridan foydalanishingiz mumkin. Lekin unutmang, nom brendning eng muhim belgilaridan biri hisoblanadi. U kompaniya qadriyatlari va faoliyatini yorqin aks ettirishi lozim. Har doim brend uchun nom tanlayotganingizda, uning kelajakda kengayishi va qoʻshimcha mahsulotlar ishlab chiqarishini ham hisobga oling. Masalan, oziq-ovqat doʻkoni uchun nom izlayapsizmi, keyinchalik u supermarketlar tarmogʻiga ham aylanishini inobatga olib, kengroq maʼnoli nomlardan foydalaning.

Eng asosiysi, mijozga kamida 3-5 ta variant topshiring va ushbu maqolani hamkasblaringizga ulashing.

@namunayoqubqizi

Bugun naming boʻyicha maqola-xarita tayyorlaymi? Nima dedingiz?

Mavzu sizga qiziq boʻlsa, reaksiyalarni paqillatib turing, tez fursatlarda maqolani tayyor qilib joʻnataman, inshaalloh)

Anchadan buyon kanalga qaramay qoʻyibman...

Ayting, bugun nima mavzuda suhbatlashamiz? Sizning fikringiz muhim, tolibi ilmlarim. Imkoniyatdan foydalanib qoling, oʻzingizga kerakli mavzuni izohlarda yozing. Dars oʻtib berish mendan 🫰

Reaksiya bosing deb aytishim shartmiyey 🤨

Ayyayay 😏 maqolaning eng shirali joyi tayyor-ku, lekin reaksiyalar hamon kutilganidan yarmiga ham yetmabdi)))...

Slogan yaratishda nimalarga eʼtibor qaratish lozim?

Slogan oʻzi nima? Qanday vazifani bajaradi? Uni qanday tayyorlanadi? Tolibi ilmlarim, sizda ham shunday savollar bormi? Unda bugungi darsda faol boʻling.

Slogan – brend/mahsulot/xizmat reklamasidagi shior. Uning vazifasi esa brend taniqliligini oshirish va esda qolishini taʼminlashdir. "Yaxshilikka buyursin" desam koʻz oʻngingizga nima keladi? "Hayotning yorqin tarafida boʻl" desam-chi? Darrov Texnomart va Beeline deb javob bergan boʻlsangiz, demak ularning slogani oʻz vazifasini aʼlo darajada bajaryapti.

Slogan bu shunchaki jimjimador shior emas. Uni yaratish ham sheʼr yozish emas. Xoʻsh, unda slogan yozish uchun nimalarga eʼtibor berish kerak?

*Shu joyida bir faollashib olaylik)
Reaksiya bosib, savollaringizni izohlarga yozing va maqolaning eng qiziq joyini yuboraman. Buning uchun sizdan atigi 50 dona 🔥 boʻlsa kifoya.

@namunayoqubqizi

Kimga reklama matnlari, ssenariylar, gaydlar, katalog, SEO va PR maqolalar, umuman, sotuvchi matnning barcha turlari bilan shugʻullanadigan ekspert kerak boʻlsa, @kopirayter_Mahmudova daman)