NamTSI NEWS | RASMIY KANAL

"Sog‘lom turmush tarzi – farovon hayot asosi!"

🗓 2024-yil 4-fevral kuni Namangan To‘qimachilik Sanoati Institutida ayollar kengashi tashabbusi bilan 1-kurs Dizayn yo‘nalishi talabalari uchun "Sog‘lom turmush tarzi farovon hayot asosi" mavzusida davra suhbati tashkil etildi.

📢 Tadbirda Davlatobod oilaviy poliklinikasi vakili M. Mitimxonova ishtirok etib, yoshlarning sog‘lom turmush tarzini shakllantirish, salomatlikni saqlash va zararli odatlardan tiyilishning muhimligi haqida qimmatli maʼlumotlar berdi.

✨ Tadbir davomida:
- Sog‘lom turmush tarzining inson hayotiga ijobiy taʼsiri haqida qiziqarli maʼlumotlar yetkazildi.
- Talabalar o‘zlarini qiziqtirgan savollarga javob olish imkoniyatiga ega bo‘lishdi.
- Sog‘lomlikni saqlashda kundalik odatlarning roli alohida taʼkidlandi.

🔍 Ushbu suhbat talabalar orasida sog‘lom hayotga bo‘lgan eʼtiborni oshirish va sog‘lom turmush tamoyillarini keng targ‘ib qilishga qaratilgan muhim qadam bo‘ldi.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

📚 "Ma'rifat ulashib" loyihasi doirasida maktab o‘quvchilari bilan uchrashuv

Namangan to‘qimachilik sanoati instituti “Sanoat muhandisligi” kafedrasi dotsentlari A. Umarov, Sh. Usmanov, asistentlar A. Yusupov va G. Jo‘rayeva Namangan viloyati, Namangan tumanidagi
42-maktabga tashrif buyurib, bitiruvchi sinflar bilan davra suhbati o‘tkazdilar.

🔹 Tadbirni dotsent A. Umarov ochib, o‘quvchilarga “Ma’rifat ulashib” mavzusining ahamiyati haqida so‘zlab berdi. U ta’lim va ma’rifat inson hayotidagi o‘rni, jamiyat rivojida bilimli avlodning hissasi, shuningdek, tarixiy shaxslar va zamonaviy ilm-fan yutuqlari haqida fikr bildirdi.

🗣 Uchrashuv davomida o‘quvchilar ilm olishning ahamiyati, zamonaviy texnologiyalar yordamida o‘z ustida ishlash imkoniyatlari hamda ma’rifatli insonning jamiyatdagi o‘rni haqida o‘z fikrlarini bildirdilar.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

Xanxadjayeva Nilufar Rahimovna Toshkent To‘qimachilik va Yengil Sanoat Instituti professori Namangan To‘qimachilik Sanoati Institutida

😊 Namangan To‘qimachilik Sanoati Institutida Toshkent To‘qimachilik va Yengil Sanoat Instituti Trikotaj kafedrasi professori, texnika fanlari doktori Nilufar Xanxadjayeva bilan uchrashuv tashkil etildi. Uchrashuvda institut rektori Qurbonali Xoliqov ishtirok etib, trikotaj sanoatini rivojlantirish, talabalarning ilmiy va amaliy bilimlarini oshirish hamda o‘zaro hamkorlik istiqbollari haqida fikr bildirdi.

🟢 Tadbir davomida Professor Nilufar Xanxadjayeva institutning doktorant, magistratura va bakalavr bosqichi talabalariga, trikotaj sanoatining zamonaviy tendensiyalari, innovatsion texnologiyalar va ilmiy-tadqiqot yo‘nalishlari haqida batafsil suhbat olib bordi. Ekologik toza xomashyo turlari, ilg‘or ishlab chiqarish texnologiyalari hamda xalqaro tajribalar bo‘yicha muhim ma’lumotlar berildi. Shuningdek, ilmiy maqolalar yozish, texnologik innovatsiyalarni ishlab chiqarishga tatbiq etish va trikotaj mahsulotlari bozorining rivojlanish istiqbollari haqida tavsiyalar berildi.

🔵 Suhbatdan keyin mehmonlar Namangan To‘qimachilik Sanoati Institutida talaba yoshlar uchun yaratilgan shart-sharoitlar bilan yaqindan tanishdilar. Institutning zamonaviy laboratoriyalari, axborot-resurs markazi, innovatsion texnologiyalar markazi va ilg‘or uskunalar bilan jihozlangan o‘quv auditoriyalari namoyish etildi. Shuningdek, mehmonlar institut qoshida tashkil etilgan Texnopark faoliyati bilan ham tanishdilar. Texnoparkda talabalar tomonidan ishlab chiqilayotgan startap loyihalar, innovatsion tadqiqotlar va ishlab chiqarish jarayoniga tatbiq etilayotgan texnologik ishlanmalar bo‘yicha ma’lumot berildi.

🔂Mazkur tashrif institut talabalari uchun trikotaj sohasi bo‘yicha ilmiy va amaliy bilimlarini boyitish, innovatsion yangiliklardan xabardor bo‘lish hamda tajribali mutaxassislar bilan bevosita muloqot qilish imkoniyatini yaratdi. Kelgusida ushbu yo‘nalishda ilmiy-tadqiqot loyihalarini rivojlantirish, hamkorlikni kengaytirish va talabalar o‘rtasida innovatsion fikrlashni shakllantirishga qaratilgan tashabbuslarni amalga oshirish rejalashtirilgan.

Namangan Toʻqimachilik Sanoati Instituti Matbuot Xizmati

📱 Telegram | 📱 Facebook |📱  Instagram | 📱 Youtube

🏃‍♂️ "Talaba-yugur" sport musobaqasi

📢 Namangan To‘qimachilik Sanoati Instituti talaba-yoshlari o‘rtasida sportni targ‘ib qilish va sog‘lom turmush tarzini qo‘llab-quvvatlash maqsadida "Talaba-yugur" sport musobaqasining institut bosqichi tashkil etilmoqda!

📍 Musobaqa shartlari:
✅ Musobaqa davomida barcha ishtirokchilar 3 km masofada yugurishadi.
✅ G‘olib va sovrindorlar yugurish natijalariga ko‘ra, Chip time tizimi asosida aniqlanadi.
✅ 1–3-o‘rin sohiblari institut tomonidan moddiy rag‘batlantiriladi!

Musobaqada qatnashish istagida bo‘lgan talabalar yugur.uz platformasidan ro‘yxatdan o‘tishlari shart.

📞 Qo‘shimcha ma’lumot uchun: @fozilov221

⚡️ Sport – salomatlik garovi! Jismonan baquvvat, irodali va g‘alabaga intiluvchan talabalarni ushbu musobaqada faol ishtirok etishga chorlab qolamiz! Siz ham o‘z imkoniyatingizni sinab ko‘ring!

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

#brifing #forum #xalqaro_hamkorlik

O‘zbekiston-Malayziya ta’lim forumi doirasida brifing bo‘lib o‘tdi

Birinchi O‘zbekiston-Malayziya ta’lim forumi doirasida ikki mamlakat ommaviy axborot vositalari xodimlari uchun brifing tashkil etildi. Tadbirda O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov hamda Malayziya Oliy ta’lim vaziri Zambry Abdul Kadir ishtirok etdi.

Brifing davomida xalqaro ta’lim forumining maqsad va vazifalari, forum doirasida rejalashtirilgan tadbirlar hamda muhokama qilinayotgan dolzarb masalalar haqida batafsil ma’lumot berildi.

Shuningdek, mazkur forum O‘zbekiston va Malayziya o‘rtasidagi ta’lim sohasidagi hamkorlikni mustahkamlash, innovatsion yondashuvlarni muhokama qilish hamda kelajakdagi qo‘shma loyihalarni belgilashga qaratilgani alohida ta’kidlandi.

Bizning sahifalarimizni kuzatib boring.👇

📱 Telegram | 📱 Facebook |📱  Instagram | 📱 Youtube

🟦🟦🟦 🟦🟦🟦

⚜️NAVOIY ZIYOSI⚜️ audioinsholar tanlovi

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi buyuk shoir va mutafakkir Alisher Navoiy tavalludining 584 yilligi munosabati bilan oliy va professional ta’lim muassasalari talaba-yoshlari o‘rtasida “Navoiy ziyosi” audioinsholar tanlovini e’lon qiladi.

♻️Tanlov 2 bosqichda tashkil etiladi:

🔸1-bosqich audioinsholar (berilgan mavzular bo‘yicha inshoni tayyorlab, audio formatda yuborish kerak);
🔸2-bosqich viktorina (Navoiy hayoti va ijodiga oid test va savollar);

✅Audioinsholar uchun mavzular:

↪️Alisher Navoiy – so‘z sanʼatining gultoji;
↪️Navoiyga ehtirom – millatga ehtirom;
↪️Navoiy asarlarining jahon adabiyotida tutgan o‘rni;
↪️Mir Alisher Navoiy ibratli hayotining yoshlar tarbiyasidagi ahamiyati.

🔹Tashkilotchilar tomonidan audioinsholar ichidan eng yaxshi 50 tasi saralanib, mualliflari 2-bosqich yo‘llanmasiga ega bo‘ladi;
🔹2-bosqichda ishtirokchilarga Alisher Navoiy hayoti va ijodi, asarlaridan tuzilgan 40 ta test hamda savollar beriladi:
🔹Yakunda 2-bosqich bo‘yicha yuqori ball to‘plaganlar tanlov g‘olibi deb topiladi hamda Oliy ta’lim, fan va innovatsiyalar vazirligi tomonidan I, II, III darajali diplomlar hamda qimmatbaho sovg‘alar bilan taqdirlanadi.

Tanlovda ishtirok etish uchun berilgan mavzular bo‘yicha audioinsho tayyorlab, @AlisherNavoiybot manzili orqali yuborishingiz mumkin. Audioinsholar 9-fevral kuni soat 20:00 ga qadar qabul qilinadi.

🖌Tanlovga qabul qilingan barcha audiomateriallar @talabalar_media_maskani Telegram kanaliga joylab boriladi.

Bizning sahifalarimizni kuzatib boring.👇

📱 Telegram | 📱 Facebook |📱  Instagram | 📱 Youtube

🎬 "Talabalar kino kunlari" doirasida "Quduq" filmi namoyishi!

📢Talabalarga badiiy va ma’naviy-ma’rifiy filmlarni targ‘ib qilish maqsadida "Talabalar kino kunlari" doirasida tyutor Sh. Saydullayev tashabbusi bilan talabalar uchun "Quduq" kinofilmi namoyish etildi.

Film orqali talabalarda Vatanga sadoqat, o‘zaro mehr-oqibat, yuksak mas’uliyat, bag‘rikenglik, sog‘lom dunyoqarash, shukronalik hamda Vatan taraqqiyotiga dahldorlik tuyg‘ularini rivojlantirish maqsad qilindi.

🎞 Tadbir davomida yoshlar film mazmuni va undagi chuqur hayotiy ma’naviy g‘oyalar bilan yaqindan tanishib, ulardan ibrat oldilar.

Namangan Toʻqimachilik Sanoati Instituti Matbuot Xizmati

📱 Telegram | 📱 Facebook |📱  Instagram | 📱 Youtube