Наманган хабарлари

Наманган - Испания | археология, туризм ва савдо: ҳамкорликнинг янги уфқлари

Наманган вилояти делегацияси ишчи ташриф билан Мадридда бўлиб турибди.

Ўзбекистоннинг Испаниядаги элчихонасида учрашув бўлиб ўтган учрашувда келгусида археология, туризм, савдо-саноат бўйича амалга ошириладиган ишлар муҳокама қилинди.

Ахсикент археология парки директори Анвар Икром Испаниялик сайёҳлар учун Наманган янги йўналиш эканлиги, 64-Халқаро гуллар фестивали бўйича тарғибот тадбирларини ўтказиб, сайёҳлпр оқимини Фарғона водийсига буриш мумкинлиги таъкидлаб ўтди.

Элчихонанинг савдо-иқтисодий масалалар бўйича маслаҳатчи Зафар Амонов Наманган текстили Европада ҳам ном чиқаргани бу борада Испания катта бозор эканига алоҳида урғу берди.

Наманган вилояти салоҳияти ва 64-Халқаро гуллар фестивали ҳақида Испаниянинг йирик нашрлари ва веб-ресурсларида мақолалар чоп этиш, лавҳалар узатиш бўйича аниқ режа белгилаб олинди.

Учрашувда консул Нодир Эргашев, элчихона масъул ходими Нурбек Барноевлар иштирок этишди.

Медиа Департамент

Ўзбекистоннинг Франциядаги элчихонасида учрашув бўлиб ўтди

Ишчи ташриф билан Парижда бўлиб турган Наманган вилояти делегациясини Ўзбекистоннинг Франциядаги фавқулодда ва муҳтор элчиси Нодир Ғаниев қабул қилди.

Элчи жаноблари Давлат раҳбари ташаббуси билан 3000 йиллик тарихга эга кўхна Ахсикент ёдгорлигида амалга оширилаётган ишлар Францияда ҳам акс-садо бераётганини таъкидлаб ўтди.

Анвар Икром самимий қабул учун ташаккур билдириб, Франция ва Наманган вилояти муносабатларида янги давр бошланганини, бу ўзаро туризм, тиббиёт, саноат ва қишлоқ хўжалигидаги алоқаларда яққол намоён бўлаётганини айтиб ўтди.

Учрашувда Ахсикент археология парки ва Лувр музейи ўртасида ҳамкорлик ўрнатиш, Франция Миллий кутубхонаси ва Ахсикент археология парки таркибидаги Янги Ахси нодир қўлёзмалар маркази ўртасида илмий-алмашинувни ташкил этиш масалалари муҳокама қилинди.

Учрашувда 2025 йил май-июль ойларида ўтадиган 64-Халқаро гуллар фестивали ва Ахсикент археология парки китоби тақдимот қилинди.

Медиа Департамент