NamDU «Press klub»

«Наманганская правда» газетасида проректорнинг мақоласи чоп этилди

Айни кунларда мамлакатимизда «Коррупцияга қарши курашиш ойлиги» давом этмоқда. Шу муносабат билан «Наманганская правда» газетасининг бугун 29 ноябрь кунги сонида Наманган давлат университети проректори Дилшодбек ХОЛМАТОВнинг «Обрубить корни коррупции»
сарлавҳали мақоласи чоп этилди.

Мақолада коррупциянинг жамият ва давлат тараққиётига салбий таъсири, унга қарши курашишда аҳамият қаратиш лозим бўлган жиҳатлар хусусида сўз юритилган.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

NAMANGAN DAVLAT UNIVERSITETI SIRTQI BO‘LIMIDA MA’NAVIY-MA’RIFIY TADBIR BO‘LIB O‘TDI

Namangan davlat universitetining sirtqi bo‘limida «Kitob - tafakkur gulshani» mavzusida ma’naviy-ma’rifiy tadbir bo‘lib o‘tdi.

Kutubxona-axborot faoliyati yo‘nalishining 2-bosqich talabalari tomonidan tayyorlangan tadbirga filologiya va tillarni o‘qitish yo‘nalishining sirtqi ta’lim shakli talabalari taklif etildi.

Tadbirda so‘zga chiqqanlar kitob har bir insonni ezgulik sari yetaklashi, u insonlarning ongu tafakkuri, dunyoqarashini o‘zgartirish, ma’naviy saviyasini yuksaltirish vositasi ekanligi, kitoblar insoniyat fikri va xulosalarining durdonalarini to‘plab, avlodlarga yetkazishini alohida ta’kidladilar. Har bir kitob insonga o‘ziga xos saboq va bilim berishi, yangi g‘oyalar sari ruhlantirishi ham hayotiy misollar asosida izohlab berildi.

O‘z nomiga munosib ravishda o‘tgan tadbir talaba-yoshlarda katta taassurot qoldirdi. Bahs-munozara va mushohadalarda fikrlar charxlandi, yoshlarning mutolaaga bo‘lgan ishtiyoqi yanada kuchaydi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

«НАМАНГАН ҲАҚИҚАТИ» ГАЗЕТАСИДА УНИВЕРСИТЕТ РЕКТОРИНИНГ МАҚОЛАСИ ЧОП ЭТИЛДИ

Маълумки, шу йилнинг 20 ноябрь куни Президентимиз Олий Мажлис Қонунчилик палатасининг Бош вазир лавозимига номзодни кўриб чиқиш ва Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасига бағишланган мажлисда 2025 йилни «Атроф-муҳитни асраш ва «яшил» иқтисодиёт йили» деб ном берилишини таклиф қилдилар ва халқимиз ва кенг жамоатчилик томонидан бу таклиф қўллаб-қувватланди.

Келгуси йилимизга бундай ном берилиши Наманган давлат университети жамоасини ҳам мамнун этди ва атроф-муҳитни муҳофаза қилишда ташаббускор бўлишга,«яшил иқтисодиёт» ривожига муносиб ҳисса қўшишга аҳд қилдилар.

«Наманган ҳақиқати» газетасининг бугунги сонида университет ректори Собитхон Турғуновнинг «Ижтимоий аҳамияти катта» сарлавҳали мақоласи чоп этилди.

«Муносабат» рукнидаги мақолада йил номи билан боғлиқ экологик вазият, университетда мазкур йўналишда амалга оширилаётган ишлар хусусида сўз боради.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

TALABALARGA YO‘L HARAKATI QOIDALARI HAQIDA TUSHUNCHA BERILDI

Namangan davlat universiteti sirtqi bo‘limida davra suhbati bo‘lib o‘tdi. Unda Namangan viloyati IIB JXX YHXB YPXB 1-safarbar guruhi komandiri, kapitan Zuhriddin Mamasoliyev, inspektor Gʻulomjon Ergashev hamda bir qator mas’ul xodimlar ishtirok etdi.

Tadbirda dastlab viloyat hududida sodir etilgan yo‘l-transport hodisalari mavzusidagi videorolik namoyish etildi. Inspektorlar joriy yilning shu vaqtiga qadar viloyat hududida yuzaga kelgan avtohalokatlar va ularning sabablari to‘g‘risida batafsil ma’lumot berib, hodisalarning oldini olish uchun amalga oshirilayotgan ishlar haqida so‘z yuritdilar.

Ta’kidlandiki, yo‘l harakati qatnashchilari «Yo‘l harakati xavfsizligi to‘g‘risida»gi O‘zbekiston Respublikasi Qonuni va unga doir qoidalarni, ayniqsa, svetofor ishoralari, yo‘l belgilari, yo‘l chiziqlarining talablarini yaxshi bilishlari va ularga amal qilishlari shart. Shuningdek, soha mas’ullari o‘zlariga berilgan vakolatlar va uning doirasida yo‘llarda harakatni tartibga solish bo‘yicha ko‘rsatmalar haqida ham ma’lumot berib o‘tdilar.

Tadbirda talabalar o‘zlarini qiziqtirgan savollarga javob oldilar. Davra suhbati qizg‘in munozara tarzida o‘tdi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

МАРКАЗИЙ НАШРДА НАМАНГАН ДАВЛАТ УНИВЕРСИТЕТИ ҲАЁТИГА ОИД МАҚОЛА ЧОП ЭТИЛДИ

Вазирлар Маҳкамаси нашри бўлган «Правда Востока» газетасида Наманган давлат университети проректори Наримон Деҳқоновнинг «НАМГУ И ИНДИЙСКАЯ KIMS: ПАРТНЕРСТВО В СФЕРЕ ОБРАЗОВАНИЯ» сарлавҳали мақоласи чоп этилди.

Мақолада шу кунларда ўқишга қабул қилинган 30 нафар ҳиндистонлик талаба Наманган давлат университетининг тиббиёт факультетида таҳсилни бошлагани, ҳамкорлик доирасида юртимизга ташриф буюрган Ҳиндистон таълим хизматлари фаолияти билан шуғулланувчи KIMS ташкилоти раҳбари билан бўлган мулоқот ҳамда йўлга қўйилган ҳамкорлик алоқалари батафсил ёритилган.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

18 noyabr – O‘zbekiston Respublikasi davlat bayrog‘i qabul qilingan kun

TENGSIZ LAHZALARGA GUVOH BAYROGʻIM!

Sportchi uchun «g‘alaba» deganda, uning ko‘z o‘ngida eng avvalo, Vatan bayrog‘i gavdalanadi. Sportchi sharafiga davlat bayrog‘i yuqoriga ko‘tarilar ekan, barcha chekilgan mashaqqatlar, qilingan mehnatlar bir lahzada unut bo‘ladi. Uning o‘rnini hech nimaga qiyos etib va ifodalab bo‘lmaydigan g‘urur-iftixor tuyg‘ulari egallaydi.

Men ham Fransiyada bo‘lib o‘tgan «Parij-2024» yozgi Paralimpiya o‘yinlari g‘olibi bo‘lganimda, shohsupaga ko‘tarilib, oltin va bronza medallari ko‘ksimga taqilayotganida, ana shunday baxtni his etdim. Davlatimiz madhiyasi yangrab, bayrog‘imiz baland ko‘tarilayotgandagi hayajonimni til bilan ifodalab berolmayman. Bunday onlarda sportchi ko‘z yoshlarini tutib turolmaydi. Sening muvaffaqiyating sababli Vatan bayrog‘ining eng yuqoriga ko‘tarilishi chindan ham tengsiz baxt!

Men Chustdagi qishloqning oddiy bolasi edim. Yurtimizda yoshlarga berilayotgan imkoniyatlar meni butun O‘zbekistonga tanitdi. 2018 yildan buyon sportning para yengil atletika turi bilan shug‘ullanib kelaman. O‘zbekiston terma jamoasi a’zosiman. Shu kungacha bir qator muvaffaqiyatlarni qo‘lga kiritdim. Xususan, Xitoyda bo‘lib o‘tgan «Xanchjou-2022» Para Osiyo o‘yinlarida kumush hamda 2023 yil Parijda bo‘lib o‘tgan Jahon chempionatida bronza medali bilan taqdirlandim. Bu yil Fransiyaning Parij shahrida bo‘lib o‘tgan XVII yozgi Paralimpiya o‘yinlarida esa disk uloqtirish bo‘yicha oltin, yadro uloqtirish bo‘yicha bronza medallarini qo‘lga kiritdim va sportdagi yuksak muvaffaqiyatlarim uchun hukumatimiz tomonidan «O‘zbekiston iftixori» unvoni bilan mukofotlandim. Nokamtarlik bo‘lsa ham ta’kidlashni istardim, men Paralimpiya o‘yinlarida disk uloqtirish bo‘yicha jahon rekordini yangiladim.

Davlat bayrog‘ining asl qadr-qimmati yuragimizda, qalbimizda. Xalqimizning shon-sharafi, tarixiy xotirasi va intilishlarini o‘zida mujassam etuvchi davlatimiz ramzlari shu yurtda yashovchi xar bir kishiga iftixor bag‘ishlaydi. Bayrog‘imiz o‘zida boy ma’no-mazmunni, yurtdoshlarimizning asriy orzu-istaklarini, ajdodlar yodi hamda millat g‘ururini o‘zida mujassam etgani bilan, tinch va osoyishta, farovon va to‘kin hayotimiz timsoli bo‘lgani bilan ham qadrlidir.
O‘zbekiston bayrog‘i dunyo shohsupalarida hamisha baland ko‘tarilsin!

Tolibboy YO‘LDOSHYeV,
Fransiyada bo‘lib o‘tgan «Parij-2024» yozgi Paralimpiya o‘yinlari g‘olibi, oltin va bronza medallari sohibi, yengil atletika bo‘yicha O‘zbekiston milliy paralimpiya terma jamoasi a’zosi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub