МУСОФИРЛАР

❗️5 февралдан бошлаб Россияда "режим высылки" тартиби кучга киради.

Тартибга кўра, Россияда бўлишини қонуний равишда рўйхатдан ўтказмаган барча хорижликлар назорат қилинадиган шахслар реестрига киритилиши шарт. Улар Россиядан чиқариб юборилмагунча (депортация қилинмагунча ёки мустақил равишда тарк этгунига қадар) ёки мамлакат ҳудудидаги ҳуқуқий мақоми ҳал этилгунга қадар ушбу рўйхатда қолади.

Реестрга киритилган назорат остидаги шахсларга нисбатан қуйидаги чекловлар қўйилади:

— яшаш жойини ёки турган жойини ички ишлар органининг рухсатисиз ўзгартириш;

— Россия ичида бошқа регионга кўчиб ўтиш;

— кўчмас мулк ва транспорт воситаларини олиш, ушбу мулкни давлат органларида рўйхатдан ўтказиш.

Бундан ташқари, бундай шахсларга транспорт воситаларини бошқариш, никоҳ тузиш, юридик шахс ташкил этиш, якка тартибдаги тадбиркор сифатида рўйхатдан ўтиш, банк ҳисобварағини очиш ва бошқа банк операцияларини амалга ошириш ҳуқуқидан фойдаланишда чекловлар қўйилади.

Ноқонуний муҳожирларга фақат мажбурий тўловларни тўлаш учун пул ўтказмалари бўйича молиявий операцияларни амалга оширишга, шунингдек, жўнаб кетгунга қадар яшаш харажатлари учун тўлов қилишга ҳамда 30 минг рублдан кўп бўлмаган пул ўтказишга рухсат берилади.

5-февралдан бошлаб мигрантларни суд қарорисиз полиция ўзи мустақил депортация қилиши мумкин. Депортация қилинадиган фуқаролар назорат қилинадиган шахслар реестрига киритилади. Рўйхатдаги хорижликларга ноқонуний хизмат кўрсатган фуқаролар – 5 минг, мансабдор шахслар – 50 минг, юридик шахслар – 500 минг рублгача жаримага тортилади.

Ҳурматли мусофир юртдошлар! 5 февралдан бошлаб ўз ҳуқуқий мақомингизни тўғрилатиб олинг! Бунга имкон бериб турганда фойдаланиб қолиш керак!

👉 t.me/musofirlar

❓ Иш жойида жароҳат олганда нима қилиш керак?

Иш жараёнида ҳар хил кутилмаган ҳодисалар бўлиб туриши табиий ҳол. Агар сиз иш жойида жароҳат олган бўлсангиз, зудлик билан қуйидаги чораларни кўришингиз керак:

🚑 Дастлабки чоралар:
◦ Зудлик билан шифокорга мурожаат қилинг ёки тез ёрдам чақиринг;
◦ Шифокорга жароҳат ишлаб чиқаришда/иш жараёнида/қурилишда олинганини айтинг;
◦ Ҳодиса ҳақида иш берувчига хабар беринг

📇 Сизнинг ҳуқуқларингиз:
◦ Тезкор тиббий ёрдам бепул;
◦ 100% ҳақ тўланадиган касаллик варақаси (агар расман шартнома билан ишласангиз);
◦ Даволаниш харажатларини қоплаш иш берувчи ҳисобидан бўлади;
◦ Ногиронлик бўйича суғурта тўловлари.

⚠️ Унутманг:
◦ Барча тиббий ҳужжатларни сақланг;
◦ Бахтсиз ҳодиса тўғрисидаги далолатнома нусхасини олинг;
◦ Ёрдам кўрсатилмаса, меҳнат инспекциясига қўнғироқ қилинг;
◦ Даволаниш харажатларини қайд қилиб боринг.

Аллоҳ ҳаммамизни кўнгилсиз ҳодисалардан асрасин!

t.me/musofirlar

✅ Янги 90/365 режими ҳақида

90/365 қоидасини ҳалигача тушунмаётган одамлар бор экан, бу тўғрисида кўп саволлар тушяпти.

Бу дегани ҳужжат расмийлаштирмаган мигрант бир йил (365 кун) ичида Россия ҳудудида жами бўлиб 90 кун юриши мумкин, ундан ортиқ қолиб кетса ёки «кирди-чиқди» қилса, автоматик равишда запретга тушади. Тўғри, запрет ўша заҳоти эмас, бироз муддат ўтиб қўйилади.

Бу режим ҳам шу кунгача қўлланиб келинган 90/180 режимининг айнан ўзи бўлиб, фақат Россиядан ташқарида бўлиш муддати 9 ойлиги билан фарқ қилади холос.

Бу режим расман ҳужжат қилиб ишлаш/ўқиш/даволаниш мақсадида келганлар, виза орқали келувчи муҳожирлар ҳамда РВП/ВНЖ каби яшаш рухсатномаларига эга мигрантлар учун тааллуқли эмас. Улар исталган вақтда «кирди чиқди» қилиши, ўз ҳужжатларида белгиланган муддат бўйича РФ ҳудудида исталганча қолишлари мумкин.

Яна бир муҳим жиҳати шундаки, ушбу қоида 2025 йил биринчи январгача Россиядан чиқиб кетганлар учун ҳам амал қилмайди. 31 декабрда чиқиб кетган бўлса ҳам, у одамга эски, 90/180 режими амал қилади. Яъни, аввал бу қоидани бузмаган бўлса, патент қилмасдан 3 ой юриб янги йилгача чиқиб кетган бўлса, уйда 3 ой юриб қайтиб келаверади. 9 ой юриши шартмас.

Агар патент ёки бошқа ҳужжат қилмасдан 3 ой юриб қўйиб 1 январдан кейин чиқиб кетган бўлса, у ҳолда уйда 9 ой ўтказиб келиши шарт бўлади!

Мигрантларга тарқатинг!

👉 t.me/musofirlar

❗️Дипломатик ваколатхоналарда биометрик паспорт расмийлаштирилиб берилади

Ўзбекистон Республикаси Ҳукумати томонидан Россия Федерациясида вақтинчалик ишлаётган ўзбекистонликларга (ноқонуний юрган бўлса ҳам) дипломатик ваколатхоналарда 2025-йилнинг 30-апрелига қадар хорижга чиқиш биометрик паспортлари расмийлаштириб берилиши йўлга қўйилди.

Бу ҳақда Ўзбекистоннинг Екатеринбургдаги Бош консулхонаси хабар берди.

"Россия ҳудудидаги фуқаролар ўзига тегишли фуқаролик паспортини йўқотган, яроқсиз ҳолга келган, амал қилиш муддати тугаган ва бошқа ҳолатларда ҳам дипломатик ваколатхоналарда хорижга чиқиш биометрик паспорти расмийлаштирилиб берилади.

Мурожаат учун: +73432723166, +73432723133, +79362517621, WhatsApp +79326162707", дейилади хабарда.

Бу нарса депорти/запрети бўла туриб чиқиб кетмай юрганларга тегишли эмас!

👉 t.me/musofirlar

❗️Россияда қуйидаги тоифадаги чет элликлар РВП олмасдан, тўғридан-тўғри ВНЖ (доимий яшаш рухсатномаси) олишлари мумкин:

▪️РСФСР, Россия империяси ёки СССР ҳудудида, Россия Федерацияси давлат чегараси доирасида туғилган ёки яшаган тўғридан-тўғри қариндошлари бўлган хорижликлар;

▪️Россия Меҳнат вазирлиги буйруғида тасдиқланган касблар рўйхатига мувофиқ, бир йил давомида ўша касбда узлуксиз ишлаётган малакали мутахассислар;

▪️Россия ҳудудида яшаётган, Россия Федерацияси фуқаролигидан ихтиёрий равишда чиқиш ёки халқаро шартнома асосида чиқиши сабабли фуқаролиги бекор қилинган шахслар;

▪️2002-йил 1-ноябрь ҳолатига кўра Россия Федерациясида яшаш жойида рўйхатдан ўтган собиқ СССР фуқаролари;

▪️2023-йил 26-октябргача Россия Федерацияси фуқаролигини кўрсатувчи ҳужжатни олган, лекин белгиланган тартибда расман паспорт олмаган хорижликлар.

👉 t.me/musofirlar

🧪Россияда РВП (вақтинчалик яшаш рухсатномаси) олиш учун асослар:

▪️Квота олиш: РВП бериш учун Россия субъектлари ҳар йили маълум бир миқдорда квота ажратади. Керакли ҳужжатларни йиғиб миграция марказига ёки ПВС (паспортно-визовый центр) га мурожаат қилинади.

▪️Никоҳ: РФ фуқароси билан қонуний никоҳда бўлиш, бир жойда камида 3 йил бирга яшаш шарт қилинган.

▪️Талабалар: Россия давлат ОТМларида ёки илмий ташкилотларида кундузги шаклда (очно) таҳсил олаётган чет эл талабалари РВПни таълим олиш ва ишлаш мақсадида расмийлаштиришлари мумкин. (РВПО)

▪️Инвестициялар: Россия иқтисодиётига ҳукумат томонидан белгиланган миқдорда инвестиция киритиш.

▪️Ҳарбий хизмат: Россия Федерациясида хизмат қилиш муддати давомида РВП берилади.

▪️Собиқ СССР фуқаролари: Собиқ СССР давлатлари фуқаролари, агар Россия ҳудудида ўша вақтда давлат аккредитациясидан ўтган таълим муассасаларида профессионал маълумот (аттестат/диплом) олган бўлса ҳам РВП олиш учун ариза беришлари мумкин.

▪️Фуқаролиги бўлмаган шахслар (ФБШ): РФда ФБШ гувоҳномасига эга ёки Украина ҳудудида доимий яшовчи фуқаролиги бўлмаган шахслар, шунингдек, қочқин сифатида тан олинган ёки Россияда вақтинчалик бошпана олган ФБШ.

▪️Вояга етмаган болалар: Агар боланинг ота-онасидан бири РВПга эга бўлса ёки ота-онадан бири ўзига РВП расмийлаштираётган бўлса. Агар болада РВП бўлса унинг ота/онаси ҳам РВП учун ариза бериши мумкин.

▪️Ногирон фарзанди бор чет эл фуқаролари: Вояга етган ва РФ фуқароси ҳисобланган ногирон фарзанди бор ота-оналар ҳам РВП олишлари мумкин.

👉 t.me/musofirlar

⚠️ Ноқонуний юрган мигрантлар учун яна бир имконият берилмоқда

Бугун — 30 декабрь куни Россияда ноқонуний юрган муҳожирларга ўз ҳуқуқий мақомларини қонунийлаштириш ҳақида президент Путиннинг фармони эълон қилинди.

Фармонга кўра 2025 йил 1-январдан 30-апрелгача ноқонуний юрган муҳожирлар (яъни ҳужжатларида муаммоси бор, лекин хали запрет урилмаган ёки депорт қилинмаган бўлса) Россиядан чиқмай патент олишлари мумкин. Бунинг учун муҳожирлардан дактилоскопия, биометрик расмга тушиш, тиббий кўрикдан ўтиш ва рус тили имтиҳонини топшириш талаб этилади.

Мақомини қонунийлаштиришни истамаган муҳожирлар Россия ҳудудини тарк этишлари зарурлиги фармонда белгиланган.

Охирги марта бундай имконият Россия ҳудудида 2020 йилда, Covid-19 пандемияси вақтида жорий этилган эди.

Хабарни Россияда ҳужжатсиз юрган танишларга юборинг!

👉 t.me/musofirlar

📲 Россияда сим карта сотиб олиш тартиби ўзгармоқда

2025 йил 1 январдан бошлаб, Россияда сим карта сотиб олиш учун СНИЛС ҳужжати, Госуслуги порталида тасдиқланган аккаунтингиз ва биометрик маълумотларингиз талаб қилинади. Рақамни фақатгина расмий алоқа салонларига бориб сотиб олиш мумкин бўлади. Янги рақам олганда телефонингизнинг IMEI кодлари ҳам ўша рақамга бириктириб қўйилиши кўзда тутилган.

Аввалгидек дуч келган жойда тарқатиб кетилган сим карталардан фойдаланиш имконияти бўлмайди. Шундай сим карталар бўлса, уларни фаоллаштириш имконсиз бўлади.

Ҳозирда ишлатаётган рақамларингизни 2025 йил 30 июнь санасигача алоқа офисларига бориб ўз номингизга қайта тасдиқлатиб олишингиз керак бўлади.

📱 t.me/musofirlar 📱

🛃 Ҳужжат текшириш бўйича бепул онлайн сервислар

— Запретни онлайн текшириш:

https://сервисы.гувм.мвд.рф/entry-ban

— Патентни онлайн текшириш:

1. Москва шаҳрида берилган патентларни текшириш учун: https://mc.mos.ru/service/invoice

2. Москва вилоятида берилган патентларни текшириш учун: https://oplatipatent.ru/

3. Бошқа регионларда берилган патентларни текшириш учун: https://сервисы.гувм.мвд.рф/tm

— РВП/ВНЖ тайёрлигини текшириш ва бошқа хизматлар: https://мвд.рф/сервисы-гувм

— Регистрация ва бошқа ҳужжатларни онлайн текширишнинг ҳозирча имкони йўқ. Фақат пуллик хизматлар орқали текширилади.

——————————————————

❗️Эслатиб ўтамиз, бу онлайн сервислар баъзида ишлаб, баъзида ишламайди. Улардан олинган жавоб ҳам 100% аниқликда бўлмайди, хато чиқиш эҳтимоли жуда катта. Аниқ ва батафсил маълумот олиш учун албатта пуллик хизматларга мурожаат қилишингизга тўғри келади.

Пуллик хизматлардан фойдаланиш учун админ @proverka_zapreta га ёзишингиз мумкин.

👉 t.me/musofirlar