Muslimaat.uz

Оилада ҳар ким ўзининг вазифасини бажарса...

Оила – ибодат, дедик. Ҳар қандай ибодатнинг қийинчилиги бўлади. Масалан, хуфтонгача тинмай ишлаган одамга саҳарлаб бомдод намозига туриш осон бўлмайди. Рўзанинг ҳам ўзига яраша қийинчиликлари бор. Илм олиш ҳам ибодат – унинг ҳам қанча-қанча заҳматлари бор. Худди шунга ўхшаб, оила қуриш ҳам ибодат экан, демак, оилада яшаш ҳам осон бўлмайди – унинг ҳам қийинчиликлари, заҳматлари, оғирликлари, масъулияти бор.

Биз ибодатларнинг қийинлигидан шикоят қиламизми? Йўқ, унда нега оиладаги машаққатлардан, қийинчиликлардан, муаммолардан нолишимиз керак?

Биз оила масаласида яна бир жиҳатга эътибор бермаяпмиз.
У ҳам бўлса, оиланинг улуғ неъмат эканига. Неъмат бўлганидан кейин, унинг шукрини адо этиш керак. Роббимиз берган ҳар бир неъматнинг шукрини истайди биздан.

Агар бу неъматга ҳам нонкўрлик қилсак, оиладаги заҳматлардан нолиб, ношукр бўлсак, берган бу неъматини қўлимиздан олиб қўяди ёки шу неъматнинг – оиламизнинг файзини олиб қўяди. Мана, ўзингиз ҳам биласиз, ҳар бир неъматнинг шукри шу неъматнинг ўзига қараб бўлади.

Хўш, оила неъматининг шукри қандай бўлади?

Оилада ҳар ким ўзининг вазифасини, бурчини астойдил бажарса, ҳеч ким ўз вазифасини бошқага юкламаса, масалан, эр ўзининг зиммасидаги вазифаларни хотинига юкламаса ёки хотин ўз зиммасидаги ишларни бажаришдан бош тортмаса, ҳеч ким бир-бирининг ишига дахл қилмаса, халақит бермаса, «Бу уйда менинг айтганим бўлади» деб эмас, «Бу уйда Аллоҳнинг айтгани бўлади» деб, шунга кўра яшаса, оила неъматининг шукри адо этилади.

Дилфуза Комил,
илмий журналист, миянинг маънавий
фаолияти бўйича фан оммалаштирувчиси

@Muslimaatuz

Ассалому алайкум ва раҳматуллоҳи ва барoкaтуҳ.

Бугун шанба
—21 декабрь 2024.
—20 жумадус сони  1446.

🤲 Аллоҳим! Бизни муҳофаза қил. Бизни тўғри йўлдан адаштирма. Раҳмати илоҳийингга қовуштир. У раҳмати илоҳий василаси ила ризоингга етишайлик. Бу йўлда бизни собит қил!

@Muslimaatuz

ТАЙЁРМИСИЗ?!

"Муслимаат" онлайн радиосида жонли мусобақа!

"Китоб — энг яхши совға" номли мусобақамиз бошланишига ярим соат қолди!

Саволлар мусобақа бошланиши билан @muslimaatuz каналига жойланади. Изоҳларда саволларга жавоб йўлланг. Энг биринчи тўғри жавоб берган мухлисимизни эълон қиламиз.

Ўтказиб юборманг!

@Muslimaatuz

Ассалому алайкум ва раҳматуллоҳи ва барoкaтуҳ.

Бугун жума
—20 декабрь 2024.
—19 жумадус сони  1446.

🤲 Аллоҳим! Сeндaн ҳидoят, тaқвo, иффaт вa бирoвгa
муҳтoж бўлмaсликни сўрaймиз!

@Muslimaatuz

Никоҳ ибодатдир!

Оила мустаҳкамлиги мавзусида кўп ва хўб гапирилди ва гапириляпти. Лекин оилалардаги муаммоларнинг кўлами ортса ортяптики, камаймаяпти.Назаримиздан четда қолаётган яна қандай масалалар бор?

Бу мавзуда назаримиздан четда қолаётган масалалар, жиҳатлар анчагина. Мен ҳозир уларнинг биттаси ҳақида – энг долзарби ҳақида қисқа тушунча бериб ўтишим мумкин.
Бир ҳақиқатни унутмаслигимиз керак – ўртадаги мавзу оддий мавзу эмас. Ўртадаги мавзу – ибодат мавзуси.

Оила қуриш ибодатдир. Мазҳаббошимиз имом Аъзам Абу Ҳанифа роҳимаҳуллоҳ «Никоҳ ибодатдир», деб ҳукм ҳам чиқарганлар. Демак, оила энг аввало ибодат экан.

❔Ҳар қандай ибодатнинг энг биринчи шарти нима?
❔Ибодатни Аллоҳ буюрганидек, Аллоҳ қандай амр этган бўлса, шундай адо этиш, тўғрими?

👉 Масалан, дунёнинг тўртта тарафи бор: шарқ, ғарб, жануб, шимол. Лекин намозни истасак шарққа қараб, истасак шимолга қараб ўқий олмаймиз, чунки Аллоҳ таоло намозни фақат қиблага қараб ўқишни буюрган.
👉 Масалан, «Мен ҳозир пешин намозини таҳоратсиз ўқийман, шунга қарор қилдим», дея олмаймиз, чунки Аллоҳ таоло намозни фақат таҳорат билан ўқишни буюрган.
👉 Масалан, «Мен аср намозини эрталаб, ишга боришдан олдин ўқиб оламан, чунки менга шуниси қулай», дея олмаймиз, чунки Аллоҳ таоло ҳар бир намознинг вақтини белгилаб берган, намоз ўша вақтида ўқилиши шарт.
👉 Худди шунга ўхшаб, оила масаласида ҳам кўнглимизга келганини қилишга, оилада ўзимиз истагандай йўл тутишга, ўзимизга қулай бўлган қоидаларни яратиб олишга, «Оилада фақатгина менинг айтганим бўлади», дейишга ҳаққимиз йўқ. «Мен оиламда кўнглимга келганини қиламан», «Мен ўз оиламда ўзим истаганимдек яшайман, менга ҳеч қандай қонун-қоидаларнинг кераги йўқ», дейишга ҳам ҳаққимиз йўқ, чунки оила масаласида Аллоҳ таоло бизга белгилаб берган қатъий қонун-қоидалар бор.

❔Қуръонни қўлга олиб, бир текшириб кўринг-чи, намозга, закотга оид оятлар кўпмикан ёки оилага оид оятларми?

Аллоҳ таоло бизга Қуръонда қандай рукуъ қилишни, қандай сажда қилишни батафсил ўргатмаган. Лекин оилага тааллуқли ҳамма масалаларни батафсил ўргатган. Оилага тааллуқли ҳамма масалалар бўйича батафсил кўрсатмалар берган.Нима учун?
Чунки
✅ оила Аллоҳнинг бандалари кўпаядиган маскандир;
✅ оила Аллоҳнинг бандалари улғаядиган маскандир;
✅ оила Аллоҳнинг бандалари таълим-тарбия оладиган маскандир.

Энди айтинг-чи, иблис эътиборсиз қолдирадиган бирорта ибодат борми? Йўқ. У бирорта ибодатни беэътибор қолдирмайди. Оиланинг ибодат эканини, никоҳга ибодат деб ҳукм чиқарилганини жуда яхши билади. Шунинг учун ҳам оилаларни асло ўз ҳолига қўймайди. Доим нима биландир фитна қилади. Айниқса, ёшлардан кўзини узмайди. Ёш қизларни турмушга чиқишдан, ёш йигитларни уйланишдан тўсиш учун ҳаракат қилади, чунки одам болаларининг оила қурмаслигини истайди. Мабодо оила қурса ҳам, кўп бирга яшамасин, ажралишсин деб, оилаларнинг бузилиб кетиши учун қўлидан келган ишни қилади. «Мабодо ажраштириб юбора олмасам ҳам, ҳаётларини заҳар-заққумга айлантирайин, эркак ишхонадан чиқиб, уйига боргани безилласин, аёлнинг эрини кўргани кўзи қолмасин, булар бир-бирини тириклайин еб яшасин», дейди.

✍️ Дилфуза Комил,
илмий журналист, миянинг маънавий
фаолияти бўйича фан оммалаштирувчиси

Давоми бор, кейинги саҳифаларимизни кузатиб боринг

@Muslimaatuz

Ассалому алайкум ва раҳматуллоҳи ва барoкaтуҳ.

Бугун пайшанба
—19 декабрь 2024.
—18 жумадус сони  1446.

🤲Аллоҳим! Бизни aфв эт, ёрлaқa, тўғри йўлга бoшлa,
oфият бeр, ҳaлoлдaн ризқлaнтир. Қaлблaримизни ризoлигинггa уйғун бўлгaн aмaл вa ибoдaтгa йўнaлтир!

@Muslimaatuz

❓ Аёл киши қандай кафанланади?

Аёлларни шариатимизга мувофиқ кафанлаш ҳақида маълумот берсангиз.

💬 ЖАВОБ: Бисмиллаҳир Роҳманир Роҳим. Аёл кишини кафанлашдаги суннат бешта кийимдир: Диръ (кўйлак), химор (рўмол), изор (лозим), лифофа (бошдан оёққача марҳумани ўрайдиган мато), хирқа (кўкрак қисмига боғланадиган мато). Кафанлаш учун энг камида учта кийим: изор, лифофа ва химор ишлатилади. Бу кифоя кафанидир.
👉Диръ (кўйлак) - бўйин тагидан, то оёқ остигача ўрайдиган мато, енгсиз ва ямоқсиз.
👉Изор – лозим маъносида бошнинг тепасидан, оёқ остигача бўлган мато, тириклар изори эса белдан пастига кийиладиган кийим туридир.
👉Лифофа – изор сингари лекин, кафанликни тугиб қўйиш учун тепа ва паст тарафлардан бироз ортиқроқ бўлади.
👉Химор – марҳуманинг бошини ўрайдиган мато, рўмол.
👉Хирқа - марҳуманинг кўкрагини ўраб қўядиган мато. Хирқа аёлнинг кўкрак қисмидан киндигигача ёки оёғигача етадиган бўлиши керак.
Кафанлашнинг кўриниши ҳақида Алоуддин Косоний раҳимаҳуллоҳ бундай деганлар:

✅ “Аёл кишининг кафани қуйидагича ёзилади: навбат билан лифофа, изор (диръ). Лифофа рўмолнинг устида бўлади. Хирқа марҳумани тобутда кўтарганда кўкраги қимирлаб, кафан очилиб кетмаслиги учун барча кафанлар устидан кўкрак ва қоринга боғланади. Хирқанинг кенглиги кўкрак ва киндик ўртасида бўлади. Имом Муҳаммад Усул ривоятидан бошқасида шундай зикр қилган. Марҳуманинг сочи икки томондан кўкраклари ўртасига қўйилади. Улар рўмолнинг остида бўлади. Сочи орқасига ташланмайди” (“Бадоиус-саноиъ” китоби). Валлоҳу аълам.

Ўзбекистон мусулмонлари идораси
Фатво маркази

@Muslimaatuz