Мунажжимлар башорати

ТАРОЗИ (23. 09 — 23. 10)

24 декабр куни молиявий муаммоларингизни ўз кучингиз билан ҳал этишингизга тўғри келади. Ажабланарлиси, қариндош-уруғлар дарҳол ўзларини сиздан нари олиб қоча бошлашлари мумкин. Ваҳоланки, сиз ўз вақтида уларга кўп маротаба моддий кўмак бергансиз. Кун давомида режалаштирилмаган харидларни амалга оширишингиз керак бўлиши мумкин. Рўзғорингизда муаммолар фавқулодда пайдо бўлиши мумкин. Саломатлигингизга алоҳида эътибор қаратишингиз талаб этилади.

ЧАЁН (24. 10 — 22. 11)

24 декабрда сизга ҳар тарафлама ёрдам кўрсатувчиларнинг саноғи бўлмайди. Омадингиз бор экан. Бугун бажарадиган ишларингиз анча оғир эди. Оилада ҳам турли кўнгилсиз вазиятлар таъқиб этиши эҳтимолга яқин. Меҳнат таътилида бўлсангиз, ўзга шаҳарларга саёҳат уюштириш учун бугун янги имкониятлар туғилиши кутилади. Фойдаланиб қолинг. Башарти пул масаласида муаммо бўлса, у ҳолда саёҳатни келаси ойларга қолдириб туришдан бўлак чора йўқ. Кечқурун оила қурмаганлар романтик учрашувга чиқишади.

ЎҚОТАР (23. 11 — 21. 12)

Агар бугун ҳар жабҳада «иштаҳа»нгизни бир муштлаб жойига ўтқазиб қўймасангиз, кўнгилсиз вазиятларга тушиб қолишингиз аниқ. Ёлғизлар ҳам дунёдаги энг гўзал қизнинг муҳаббатига эришиш фикридан йироқ бўлишлари тавсия этилади. Сиз яшашингиз лозим бўлган инсоннинг қалби гўзал бўлса бас. Ҳаётингиз шунда ҳам ажойиб тарзда кечади. Бугун бизнес, ижод ва саломатлик соҳалари билан боғлиқ масалаларни реал ҳаётга тадбиқ этиш муваффақиятли кечади.

ТОҒ ЭЧКИСИ (22. 12 — 19. 01)

Бугун истакларингиз ёруғ дунёга сиғмас даражада кўп бўлади. Еттинчи осмонларгача кўтарилиб парвоз қилишга ошифта бўласиз. Аммо бу истакларни амалга ошириш учун керак бўладиган имкониятлар чегараланган. Куннинг иккинчи ярмида бир кимса билан гап талашиб қолишингиз мумкин. У бор кайфиятингизни йўққа чиқариши эҳтимолдан холи эмас. Устига устак ишларингиз ҳам ҳадеганда унум бера қолмаслиги алам қилади. Кечқурун ёлғиз қолинг. Балки шунда кайфиятингиз кўтарилар.

ҚОВҒА (20. 01 — 18. 02)

Қовға буржи остида туғилган аёлларнинг айримлари ортиқча вазндан безовта бўлсалар бунинг сира қийин жойи йўқ. Парҳез бошланг. Парҳез нафақат ортиқча юкдан халос бўлишда, балки ошқозонингиз бир маромда ишлашида ҳам жуда фойдали. Агар вақт топа олсангиз, врач қабулига боринг. Керакли таҳлилларни топширинг. Молиявий муаммолар ҳақида ўйламанг. Бугун ҳарқалай бу муаммолар ечими билан бирга бошингизга ёғилади.

БАЛИҚ (19. 02 — 20. 03)

Бугун кучли эмоциягина сизнинг ашаддий душманингизга айланиши мумкин. Шахсий ҳаётда «мен»дан кечиб, барча ишларни, масалаларни яқинларингиз билан бамаслаҳат ҳал этинг. Олис сафарга чиқиш зарурати туғилса, ортга суришингиз тавсия қилинади. Ҳатто, асосий даромад ўша сафардан келишини билсангиз ҳам барибир ортга суринг. Кечқурун фақат уйда, оила даврасида вақт ўтказинг. Саломатликка жиддий эътибор билан ёндашишингиз сўралади.

ҚЎЙ (21. 03 — 20. 04)

24 декабр куни кайфиятингиз тушкун ҳолатда бўлиши кутилмоқда. Бу аҳволда саломатлигингизга путур етиши ҳеч гап эмас. Кайфиятни кўтаришга ҳаракат қилинг. Иш ва шахсий ҳаётда муваффақиятлар кутади. Фақат кайфиятни яхшиласангизгина бу муваффақиятлар татиши мумкин. Ана шунда керак бўлса тоғларни толқон қилар даражага етасиз. Тадбиркор бўлишни орзулаб илк қадам қўйганларнинг ҳам ишида унум кўзга ташланади. Фақат ҳужжат тўғрилаш амалларини бажаришда оёқдан қолмасангиз бўлди.

БУЗОҚ (21. 04 — 20. 05)

Бугун сиз сабр қилиб майда-чуйда ва зерикарли ишларни бажаришга мажбурсиз. Танадаги кучни ва имкониятларни катта ишлар учун асраб қўйинг. Тез орада ўша ишлар ҳам юз кўрсатади. Шахсий ҳаётда позитив кайфиятда бўлишингиз талаб этилади. Бусиз яқинларингиз билан орангизда жанжаллар, баҳслар пайдо бўлиши турган гап. Кечқурун жуфтингиз билан ҳам айтишиб қолишингиз эҳтимоли бор. Эмоцияни назоратда ушланг.

ЭГИЗАКЛАР (21. 05 — 21. 06)

24 декабрда анчадан бери якунланмай келган бир ишни ниҳоят охирига етказасиз. Табриклаймиз! Бу муваффақият билан худо хоҳласа ҳамкасбларингиз ҳам алоҳида қутлашади. Молиявий масалада омадингиз чопмайдиган бўлиб турибди. Агар сукут сақлашда давом этадиган бўлсангиз, янги йил байрамида пулсиз қолиб кетишингиз ҳеч гап эмас. Бошлиқларга алоҳида тавозе билан мурожаат қиласиз шекилли. Зора инсоф бериб сизга моддий жиҳатдан ёрдам кўрсатиб юборишса.

ҚИСҚИЧБАҚА (22. 06 — 22. 07)

Бугун молиявий муаммоларни бартараф этиш жараёнида умуман қийинчиликка учрамайсиз. Агар кимлардандир олган қарзларингизни, солиқларни тўлаб қўйган бўлсангиз, яна яхши. Жуфтингиз билан орангизни тўсиб турган булутлар ҳам бугун тарқалиши кутилмоқда. Фақат бунинг учун пича тер тўкишингизга тўғри келади. Бардош ва мулойимлик ўзаро муносабатларда асосий ўринни эгаллайди. Кечқурун янги бир даврага тушиб қолишингиз мумкин. Лекин бу даврада дам олиш онларингиз жуда гўзал кечади.

АРСЛОН (23. 07 — 23. 08)

Режаларни пухталаб олган бўлсангиз, кунингиз кўнгилдагидек кечиши тайин. Ҳар бир вазифани чин кўнгилдан, азарт билан адо этинг. Шахсий ҳаётингиздаги бир-биридан ёқимли лаҳзалар сизга фақат позитивлик ҳадя этади. Оила қурмаганлардан ким яқиндагина биров билан танишиб, романтик муносабатларни бошлаган бўлса, фавқулодда қўнғироқ ва ширин суҳбатлар янада романтикроқ кечади. Саломатликни, асабни эҳтиёт қилинг. Оллоҳ сизга ёр бўлсин!

ПАРИЗОД (24. 08 — 22. 09)

Бугун йирик лойиҳаларни қойиллатишда куч ва имкониятларингиз етарли бўлмайди. Шу сабабли вақтинча майда юмушлар билан чекланиб туришингизга тўғри келади. Ҳатто, жанжаллашиб қолган бўлсангиз ҳам жуфтингизни бировларга зинҳор ёмонлай кўрманг. Чунки одамлар сизга маънан ёрдам бермайди. Аксинча орқаваротдан туриб устингиздан кулишга ярайди холос. Кечқурун хизмат сафарига жўнаб кетадиганлар учун сафар омадли ўтади. Моддий манфаат кафолатланади.

ТАРОЗИ (23. 09 — 23. 10)

23 декабрда яқинларингизга нисбатан адолатли муносабат юритишингиз тавсия этилади. Орангизга кимлардир совуқчилик солишига асло йўл қўя кўрманг. Айримлар қиш совуғида кўп юриш туфайли грипп орттириб олишлари мумкин. Гриппдан қутулишнинг йўлларини қидиринг. Куннинг иккинчи ярмида оилавий бўлиб яқин танишлардан бириникига меҳмонга боришингиз мумкин. Кечқурун спорт билан шуғулланиш учун вақт ажратинг. Аммо жисмоний зўриқишларга йўл қўйманг.

ЧАЁН (24. 10 — 22. 11)

Бугун тақдирнинг турли ўйинларини бошдан кечиришингизга тўғри келади. Кимлардир сизни ўз йўриғига юрғазиш, сиз орқали чўнтакларини қаппайтириш ниятида бўлиши мумкин. Жуфтингиз билан муносабатларни мустаҳкамлаш учун хизмат қилувчи имкониятлардан юз бурманг. У билан имкон борича жанжаллашмасликка ҳаракат қилинг. Кун давомида кўпроқ пиёда юринг. Айниқса, ёшингиз элликдан ошган бўлса, пиёда сайр жуда катта фойда беради.

ЎҚОТАР (23. 11 — 21. 12)

23 декабр куни ҳеч бўлмаса бир соат ўзингиз билан ёлғиз қолинг. Шунда ҳаётингизга хавф солаётган муаммоларни ўзингиздан узоқлаштира оласиз. Қандай қилиб дейсизми? Хаёлларингиз ёлғизликда тартибга келади. Ҳаётга реал кўз билан боқишни истай бошлайсиз. «Бундан ҳам баттар бўлиши мумкин эди-ку!», деган хаёл миянгизни тинчлантиради. Бугун турли кўринишдаги харидларни амалга ошириш муваффақиятли кечади. Оилалилардан кимдир мерос масаласида ҳам омадга эришади.

ТОҒ ЭЧКИСИ (22. 12 — 19. 01)

Агар эрталаб уйқудан турибоқ асаб тизимингиз жойида эмаслигини сезсангиз, дарҳол дам олиш учун вақт ажратишингиз керак. Бусиз организмингизни жисмоний зўриқишга маҳкум этасиз. Оқибатда йўқ жойдан касал орттириб оласиз. Рўзғорда ҳам қаҳрамонликлар кўрсатишдан тийилинг. Нимадир бузилса, бузилаверсин. Бир кун тузалади-да. Ёки мутахассисга мурожаат этинг. Сиз пулини тўлайсиз, вассалом. Кечқурун дўстлар даврасида дам олинг. Чалғийсиз.

ҚОВҒА (20. 01 — 18. 02)

23 декабрда руҳий жиҳатдан зўриқтирувчи, бор кучингизни вампирдек сўриб олувчи воқеликлардан қочинг. Молиявий аҳволингиз бугун ҳар қачонгидан ҳам яхшироқ кўринишда бўлади. Муҳаббатда ўзингизни жабрдийда қилиб кўрсатишни бас қилмасангиз жуфтингиз билан орангиздаги муносабатларга путур етиши ҳеч гап эмас. Рашк ва беҳуда айбловларни бас қилишингиз керак. Улар сизга душман эканини унутманг. Асабни асранг. Овқатланиш режимига қатъий амал қилинг.

БАЛИҚ (19. 02 — 20. 03)

Бугун қайғурадиган кунингиз шекилли. Уйдаги юмушларни, саломатлигингиз жойида эмаслигини, пул камчиллигини ўйлаб қайғурасиз. Алам қиладигани, бу ҳолатдан осонликча чиқиб кетиб бўлмайди. Барибир айрим масалаларга ҳазил аралаш муносабат юритишга ҳаракат қилиб кўринг. Ҳаракатда баракат дейдилар. Буёғидан келсангиз, сиз турмушда ҳам, молияда ҳам ҳақиқий профессионалсиз. Йўлини топасиз. Боши берк кўчадан албатта чиқиб кетасиз.

ҚЎЙ (21. 03 — 20. 04)

23 декабр куни бор кучингизни ишхонадаги юмушларга сарфлаб қўймаслигингиз сўралади. У шахсий ҳаётингизда ҳам бугун асқотиб қолиши мумкин. Аёллар, қизлар янги йил байрами арафасида қоматларини янада кўркамлаштириш ҳаракатида бўлмоқлари зарур. Кечалари овқат ейишдан тийилинг. Рационингизга суюқ овқатлар ва мева шарбатларини ҳам қўшиб қўйинг. Кечқурун қариндошлардан бири қўлингизга пул тутқазиши мумкин.

БУЗОҚ (21. 04 — 20. 05)

Иш жойингизда зиммангизга юкланган вазифаларни бугун ўз вақтида якунламасангиз, раҳбарлардан балога қолишингиз аниқ. Лекин ишнинг сифатига ҳам эътибор беришга мажбурсиз. Иш жараёнингизда ҳамкасбларнинг иш усулларингизни кўчириб олишига йўл қўйманг. Молиявий масалага оилавий бюджетингизни сақлаб қолиш имконини бера оладиган тарафдан ёндашинг. Қанча пул сарфлаш керак бўлса, шунчасинигина сарфланг. Кечқурун тоза ҳаво сайрига чиқсангиз, тунги уйқу янада осойишта кечади.

ЭГИЗАКЛАР (21. 05 — 21. 06)

23 декабр эгизаклар учун ҳар жиҳатдан унумли кечади. Сиз рўзғорбоп жиҳозлар сотиб олиш имконига эга бўласиз. Аммо бундан ортиғи ортиқча. Қимматбаҳо буюмлар харидига ҳали фурсат етмади. Ижодкорлар бугун амалга оширадиган иши учун кечқурунгача етмай ҳақ олишлари кутилмоқда. Мабодо ишхонангиздаги ҳамкасблардан кимдир сизни танқид остига олса, дарров тутаб кетманг. Танқидни жуда хотиржам қабул қилинг. Ишонинг, кейинги сафар ўша ҳамкасб танқид қилишдан тийилади. Омад сизга ёр бўлсин!

ҚИСҚИЧБАҚА (22. 06 — 22. 07)

Одамлар билан мулоқотларда бугун негадир жиддий тўсиқларга рўпара келишингиз кутилмоқда. Буларнинг барчасига сизнинг тушкун кайфиятингиз сабабчи бўлиши мумкин. Демак, сиз кўчага чиқишдан олдин кайфиятингизни қандай йўл билан бўлмасин позитив ҳолатга етказишингиз талаб этилади. Иш масаласида эса ой охиригача бажарилиши зарур бўлган юмушларни ҳам бугун адо этишга ҳаракат қилинг. Кучингиз ҳам, имкониятларингиз ҳам бунинг учун етарли бўлади. Кечқурун оила қурмаганлар романтик учрашувга отланишади. Омад сизга ёр бўлсин!

АРСЛОН (23. 07 — 23. 08)

23 декабр куни кўчмас мулк ёки жиҳозлар талоши каби кутилмаган вазиятлар туфайли жиддий кўнгилсизликларга дуч келишингиз мумкин. Бунга нафақат пулни нотўғри йўналтириш, балки сиздаги айрим нуқсонлар ҳам сабаб бўлади. Негативликларнинг катта-кичигидан ўзингизни ола қочинг. Улар сизга ҳар соҳада фақат халал беришга, зиён етказишга ярайди холос. Аёллар куннинг иккинчи ярмида стилистга мурожаат этиб, гардеробига тартиб берсалар фойдадан холи бўлмайди. Овқатланишда режимни бузманг.

ПАРИЗОД (24. 08 — 22. 09)

Паризод буржи остида таваллуд топганларнинг аксарияти кун бўйи тушкун кайфият таъсиридан чиқа олмай ҳалак бўлишлари кутилади. Жиддий хасталикка чалинишни истамасангиз, организмингиз сигналларига ўз вақтида жавоб беринг. Юракка, қон томирларга жисмоний зўриқиш берувчи амаллардан воз кечинг. Жисмоний зўриқиш сизни муаммолардан сақлаб қола олмайди. Аксинча, дардингизга дард қўшади. Сурункали хасталикка йўлиққанларга совуқ ҳавода кўп юрмаслик тавсия этилади.

ТАРОЗИ (23. 09 — 23. 10)

Тарози буржи остида туғилганлар бугун гўё шерга айланишади. Атрофдагиларнинг барчасига кўрсатмалар бера бошлашади. Шунинг натижасида аллакимлар билан жанжаллашиб қолишингиз, баҳслашишингиз эҳтимоли бор. Шундай экан, тажовузкорликка эрк берманг. Суюкли инсонингиз сиз учун жонини фидо қилишга тайёр турибди. Сиз ҳам унга арзирли жавоб қайтаринг. Яхшиси, кутилмаган совға ҳадя этинг. Шундай совға бўлсинки, ҳали ёруғ дунё бунақасини кўрмаган чиқсин. Саломатлик ҳақида қайғуришни ҳам ёдингиздан чиқариб қўйманг. Уни пулга сотиб олиб бўлмайди.

ЧАЁН (24. 10 — 22. 11)

22 декабрда ҳар жабҳада қатъиятли бўлишингиз талаб этилади. Кейинги пайтда шу қадар бўшашгансизки, ҳатто рўзғорингиздаги икир-чикирларга ҳам назар ташламай қўйгансиз. Яқинларингиз сизга керагидан ҳам ортиқроқ меҳр-оқибат кўрсатишаётган бўлса, сиз тарафингиздан ҳам арзирли жавоб бўлиши лозим. Оиласизлардан кимнидир анчадан бери бир инсон таъқиб этаётган бўлса, таъқибларга нуқта қўйиш лозим. Сиз у билан очиқчасига гаплашиб олинг. Балки кўнглингиздаги инсон унинг ўзидир? Фавқулодда ташкил этилган сафар сизга албатта омад келтиради.

ЎҚОТАР (23. 11 — 21. 12)

Эрталаб қиладиган ишингиз тиббиёт ташкилотига боришдан иборат бўлиши керак. Тиш дўхтиридан тортиб, логопедгача кириб кўрикдан ўтинг. Саломатликни тиклаш ҳаракатига тушмасангиз бўлмайди. Вужудингизга дангасалик, эринчоқлик ҳукм ўтказа бошлаган бўлса, тез сергак тортишингиз зарур. Оилавий муаммоларингиз тиқилиб ётибди. Уларни сиздан бошқа ҳеч ким уддалай олмайди. Ёғли, аччиқ ва шўр таомлар истеъмолига нуқта қўйинг. Асаблар таранг тортилишига йўл қўйманг.

ТОҒ ЭЧКИСИ (22. 12 — 19. 01)

22 декабр куни тоғ эчкиси буржи остида таваллуд топганлар ҳаётида жиддий муаммолар кўзга ташланмайди. Майда-чуйдалари ўз-ўзидан барҳам топади. Руҳан хотиржам бўласиз. Молиявий соҳада эса муваффақиятлар кузатилмайди. Ўзингизни қийнаб пулни пулга уриштиришга уринманг. Барибир фойдаси йўқ. Бугун заҳирадаги пулларингиз билан қаноатланишга мажбурсиз. Кечқурун тинч ухлашга эришиш учун тоза ҳавода сайр қилиб келинг. Албатта ёрдам беради. Омад сизга ёр бўлсин!

ҚОВҒА (20. 01 — 18. 02)

Эрталаб бадантарбия машқларини бажарсангиз, имкон борича пича югуриб келсангиз, дарров сергак торта бошлайсиз. Аччиқ кофедан воз кечинг. Айрим ҳамкасблар билан жанжаллашиб қолишингиз кутилади. Бу жанжал телефон орқали бўлиб ўтиши ҳақиқатга яқинроқ. Ўзингизга ташқаридан бир разм солинг. Кейинги пайтларда ўта принципиаллашиб кетмадингизмикан? Агар шундай бўлса, характерингизга ўзгартиш киритишингизга тўғри келади.

БАЛИҚ (19. 02 — 20. 03)

22 декабрда балиқ буржи вакилларига электр токига ишлайдиган жиҳозлар билан эҳтиёткорона тиллашиш тавсия этилади. Агар уларнинг қайсидир бири бузилган бўлса, яхшиси мутахассис чақиринг. Шунда жароҳат олишингиз хавфи ортга чекинади. Жуфтингиз билан муносабатларда ишончли позицияни эгаллаш пайида бўлинг. Хато қилсангиз, муносабатга албатта путур етади. Овқатланишда меъёрни билинг.

ҚЎЙ (21. 03 — 20. 04)

Сизни асабий ва руҳан оғир кун кутмоқда. Шу сабабли энергия заҳирангиз кунни муносиб ўтказиш учун етарли бўлиши талаб этилади. Кўпчилик бугун оёғингиздан чалишга уриниб кўради. Сўз берманг. Асосийси, ўзингиз қўл урмаган айбларни бўйнингизга олманг. Молиявий муаммолар кун охирига қадар ҳарқалай бартараф этилади. Аммо йирик харидларга асло йўл берманг. Куннинг иккинчи ярмида жанжалли лаҳзаларни бошдан кечиришингиз кутилади. Кечқурун тоза ҳаво сайрига чиқишни унутманг.

БУЗОҚ (21. 04 — 20. 05)

22 декабр куни сиз билан мулоқот қиладиганларга ҳар жабҳада ўзингизни ҳақ ҳисоблашга урина бошлайсиз. Янги танишувлардан воз кечинг. Улар мустаҳкам дўстлик ришталарини боғлашга ярамайди. Бугун саломатликни мустаҳкамлашга қаратилган ҳар қандай кўринишдаги амаллар муваффақият келтиради. Йога билан шуғулланинг, саунага боринг. Агар бел ва оёқларингизда кучли оғриқни ҳис этаётган бўлсангиз, дарҳол мутахассисга учрашингиз керак. Уқалаш муолажалари ҳам бу масалада катта ёрдам бериши мумкин.

ЭГИЗАКЛАР (21. 05 — 21. 06)

Харидларни амалга ошириш истагида юрганлар учун бугунги кун жуда қулай ва омадли кечади. Истаган, орзуингиздаги буюмни сотиб олсангиз, кайфиятингиз кўтарилади. Саломатликка келсак, ошқозон ичак йўлларида муаммо туғилиши мумкин. Сабаби, сиз нуқул йўл-йўлакай, кўча таомларини чала-чулпа истеъмол қилишдан нарига ўтмасдингиз. Кечқурун оила қурмаганлар хурсанд бўлаверсин. Романтик учрашувга чиқишингиз кутилмоқда. Омад сизга ёр бўлсин!

ҚИСҚИЧБАҚА (22. 06 — 22. 07)

22 декабрда шу даражада югур-югурларингиз кўп бўладики, африкалик пойга усталари ҳам сизни кўришса, хижолатдан лаб тишлаган бўлишарди. Лекин шунга яраша кўплаб ишларни қойиллатасиз. Тадбиркор бўлсангиз, янги ҳамкорлар билан иш бошлашга ҳам улгурасиз. Муҳаббатда ҳам сизни мукофотлар кутади. Бахтлиликда, омадлиликда сизга етадигани бўлмайди. Жуфтингизнинг қадрига етинг. Уни беҳуда ранжитманг. Кечқурун тадбиркорларнинг киссаси пулга тўлиши мумкин. Оллоҳ сизга ёр бўлсин!

АРСЛОН (23. 07 — 23. 08)

Кунингиз чалкашликлардан иборат бўлиши мумкин. Аммо сиз бу тўр исканжасидан безиён чиқа олишингизга кафолат бор. Ўзингизни йўқотмасангиз, асабийлашмасангиз бас. Атрофингизда кун давомида позитивга тўла одамларгина бўлишини таъминлашга ҳаракат қилинг. Улар янги, сердаромад иш топишингизда асқотиши эҳтимолга яқин. Сафарга отланиш, романтик танишувлар, кино ёки театрга тушиш бугун хайрли кечади. Кечқурун оғир ҳазм бўлувчи таомлар истеъмол қилманг. Ухлашдан олдин сут ёки қатиқ ичсангиз, тушларингиз ҳам тотли кечган бўларди.

ПАРИЗОД (24. 08 — 22. 09)

22 декабр куни биринчи бўлиб зарарли одатларни ташланг. Балки улар сони камчиликни ташкил этар. Аммо зарарли одатлар нол натижа кўрсатишига эришишингиз керак. Кайфиятингизда ҳам позитивлик деярли кўзга ташланмаяпти. Бировлардан қарз олган бўлсангиз, бугундан қолдирмай эгаларига қайтаришингиз зарур. Янги йилга деб аёллар ва қизлар гардеробини янгилаш ҳаракатига тушсалар ҳам зиён қилмайди. Дўкон айланишга, кийимлар танлашга эринманг. Сурункали хасталикка дучор бўлганлар эҳтиётини қилсинлар.

ТАРОЗИ (23. 09 — 23. 10)

21 декабрда нимаики ишга қўл урсангиз, албатта муваффақият қозонасиз. Лекин одамларга нисбатан ўта бардош билан муносабат юритинг. Бугун сизга жисмоний зўриқишлар қатъиян тақиқланади. Фақат гимнастика билан чекланинг. Аёлларга косметик салонларга бориб келиш жуда фойдали кечади. Истасангиз, кун бўйи дўкон айланиб ёқимли харидларни амалга оширишингиз мумкин. Пулларингиз етарли. Камайиб ҳам қолмайди. Кечқурун ухлашга ётишдан олдин оғир ҳазм бўлувчи таомлар истеъмолидан тийилинг. Ошқозон ҳали сизга кўп керак бўлади.

ЧАЁН (24. 10 — 22. 11)

Бугун ҳар қандай касб-ҳунарнинг бошини тутиб, уни чуқур ўрганишга киришсангиз ҳам кам бўлмайсиз. Ўткир зеҳнингиз янги касбнинг барча сир-асрорларини ўзида мустаҳкам сақлаб қола билади. Ижодкор бўлсангиз, иш бошлашга шошилманг. Бугун илҳом париларини тутишингиз анча мушкул кечадиган кўринади. Молиявий жиҳатдан аҳволингиз у қадар ачинарли кўринишда бўлмайди. Пулларингиз ҳамма нарсага етади. Овқатланганда жуда эҳтиёткор бўлинг. Агар шу кунга қадар тотиб кўрмаган овқатни ейишингизга тўғри келса, эҳтиётсизлик оқибатида аллергия орттириб олишингиз мумкин.

ЎҚОТАР (23. 11 — 21. 12)

21 декабр куни ўқотар буржи вакиллари нафақат сифатли иши учун мукофот пули олади, балки раҳбарлар зиммангизга бундан-да каттароқ, қизиқарлироқ лойиҳани илиб қўйишади. Бу лойиҳа вақти келиб ўзингизни ҳам қизиқтириб қолади. Спортзалда машқ қилишни режалаштирганлар машғулотлар вақтини камайтиришларига тўғри келади. Акс ҳолда жароҳат олишингиз мумкин. Бу саломатлигингизга салбий таъсир ўтказади. Шунинг натижасида янги хасталиклар пайдо бўлиб тинчингизни бузиши ҳеч гап эмас. Айримлар кечқурун хизмат сафарига жўнаб кетиши кутилади.

ТОҒ ЭЧКИСИ (22. 12 — 19. 01)

Бугун мабодо ўзингизни омадсиз деб ҳисобласангиз, лотерея чиптаси сотиб олинг. Нафақат пул, балки кўчмас мулк ҳам ютиб олишингизга кафолат бор. Ишхонада эса қулоқларингизни динг қилинг. Фойдали хабарлар эшитишингиз эҳтимоли бор. Бу ахборот ҳам сизга қаердандир пул келтириши мумкин. Раҳбарлар билан баҳслашишдан сақланинг. Шунда мартабангиз ошиши ҳам ҳақиқатга яқин бўлади. Ўзингизни эҳтиёт қилинг. Оллоҳ сизга ёр бўлсин!

ҚОВҒА (20. 01 — 18. 02)

21 декабр куннинг биринчи ярмида кўплаб янги танишувларни бошдан кечирасиз. Танишганларингиз ҳаётда фойдаси тегадиган одамлар бўлиб чиқади. Куннинг иккинчи ярмида пластик карточкангизга катта пул келиб тушиши кутилади. Пулларингизни эҳтиёт қилинг. Шахсий бизнес очмоқчи бўлганлар ҳуқуқшунос маслаҳатисиз бир қадам ҳам босмасликлари тавсия этилади. Аллақачон бу иш билан шуғулланишни бошлаганлар эса кечки пайт рақобатчилар билан жиқиллашиб қолишлари эҳтимолга яқин. Овқатланиш режимини бузманг. Меъёрни билинг.

БАЛИҚ (19. 02 — 20. 03)

Бугун амалга оширажак ишларни икки турга ажратиб олишингиз тавсия қилинади. Бирини кўнгил яйраши, илҳом олиш, иккинчисини даромад олиш учун. Ана шунда кунингиз қандай ўтганини пайқамай қоласиз. Асабийликлардан нари бўласиз. Айримлар куннинг иккинчи ярмида хизмат сафарига жўнаб кетади. Сафар сизга моддий манфаат келтиради, ишонаверинг. Аммо муҳаббатда ёқимли лаҳзалар кўзга ташланмайди. Яқин инсонингиз билан ўзаро муносабатларингиз чалкаш тус олади. Уни тартибга солиш учун эса вақт керак бўлади.

ҚЎЙ (21. 03 — 20. 04)

21 декабр куни барча ишлар ўнгидан келиши учун руҳий хотиржамликка эга бўлишингиз лозим. Кун давомида бадавлат шахслар, ҳатто, давлат арбоблари билан ҳам учрашиб суҳбатлашишингиз кутилмоқда. Молиявий соҳада юз фоиз муваффақият қозонасиз деб бўлмайди. Лекин ачинарли даражага ҳам тушиб қолмайсиз. Шахсий ҳаётда ўта юзсиз бир рақиб йўлингизга кўндаланг бўлиши мумкин. Тўғри йўлни оҳисталик билан кўрсатиб юборишингизга тўғри келади. Саломатликни ва асабни жуда эҳтиёт қилинг.

БУЗОҚ (21. 04 — 20. 05)

Кунингиз осон кечмайди. Тўғри-да, ҳар доим фақат хурсандчиликда вақт ўтказмайсиз-ку! Ҳаёт сўқмоқларининг ўнқир-чўнқир жойлари ҳам албатта бўлади. Уларни хотиржамликни қўлдан бермаган ҳолда босиб ўтишингизга тўғри келади. Ишда сизга натижа керак. Аммо у ҳам гаҳ десангиз қўлингизга келиб қўнмайди. Тер тўкишингиз керак бўлади. Керак бўлса, ўтмишга сергак назар ташланг. Олис сафарга шахсий автомобилида чиқмоқчи бўлганларни жарима ва майда кўнгилсизликлар кутади. Эҳтиётингизни қилинг.

ЭГИЗАКЛАР (21. 05 — 21. 06)

21 декабрда арзимас ҳодисалар ҳам кайфиятингизни бузиши мумкин. Яқин инсонингиздан беҳудадан-беҳуда шубҳалана бошлайсиз. Ўзингизни қўлга олинг. Йўқ жойдан муаммо чиқарманг. Молиявий масалада хурсандчиликлар кутилади. Даромадингиз кўнгилдагидек бўлади. Бугун ҳеч ким билан жанжаллашмаслигингиз тавсия этилади. Кўпроқ сукут сақланг. Куннинг иккинчи ярмида саломатлигингизни мустаҳкамлашга йўналтирилган амалларни адо этинг.

ҚИСҚИЧБАҚА (22. 06 — 22. 07)

Бугун куч ва имкониятларингизнинг чек-чегараси бўлмайди. Керак бўлса тоғни урсангиз толқон қилишга қодир ҳолатда бўласиз. Фақат куч ва имкониятларни керак жойга сарфласангиз, кам бўлмайсиз. Энг қийин вазиятлардагина интуицияга суянинг. Бошқа пайт тафаккурни ишга солинг. Муҳаббатда ҳисоб-китобли режалар ўтмайди. Романтика ва меҳр-оқибатни кучайтиришингиз керак. Ўзингизни эҳтиёт қилинг. Асабларни асранг. Тўғри овқатланинг. Кечқурун тоза ҳавода сайр қилинг.

АРСЛОН (23. 07 — 23. 08)

21 декабр куни бирлик ва ҳамжиҳатликда иш кўришингиз талаб этилади. Бунинг учун барча имкониятлар мавжуд. Шахсий бизнесингизга эга бўлсангиз, ҳатто, рақобатчилар билан ҳам тил топишиб ишлай оласиз. Шахсий ҳаётда қалбингиз билан ўйлашингизга тўғри келади. Шунда жуфтингиз билан орангиздаги муносабатлар янада қайноқ тус олади. Кечки пайт ким дўстлари билан табиат қўйнига дам олиш учун борса, албатта бу онлари муваффақиятли, ёқимли кечади.

ПАРИЗОД (24. 08 — 22. 09)

Курсларга, ўқув юртларига билим олиш, қўшимча касбни эгаллаш учун ташриф буюрувчиларни омад қарши олади. Ҳар бир ахборотни миянгизга жойлаб ола бошлайсизки, бу сизга фақат фойда келтиради. Шахсий ҳаётда фақат қора эмас, оқ доғларни ҳам кўришга ҳаракат қилинг. Шу нарса қариндошлар ва жуфтингиз билан муносабатларни ёрқинлаштиради. Оилавий бўлиб бирон жойга дам олиш учун борсангиз, яқинларингизнинг қувончи чегара билмаган бўларди. Сурункали хасталикка йўлиққан бўлсангиз, магнит бўронларидан, қиш совуғидан ўзингизни асранг.

ТАРОЗИ (23. 09 — 23. 10)

Бугун оиласизларга романтик учрашув белгиламаслик, қолганларга эса олис сафарга отланмаслик тавсия этилади. Барибир муваффақият қозона олмайсиз. Ишхонангиздаги ишларни бажаришда ҳам айрим хатоликлар кўзга ташланиши оқибатида иш тўхтаб қолиш эҳтимоли бор. Моддий аҳволингиз фақат заҳира пулларгагина суянишни тақозо этади. Лекин бировдан қарз олишни хаёлингизга ҳам келтирманг. Тадбиркорлар кечқурун хориж фирмаларидан бири билан фойдали шартнома имзолаши кутилади.

ЧАЁН (24. 10 — 22. 11)

20 декабрда Чаён буржи остида туғилганларнинг баъзилари ўтмишдаги муҳаббатини учратиб қолиши мумкин. Бу ҳолат сизни яна ўтмиш хотиралар уммонига ғарқ эта бошлаганини ҳис этасиз. Ўзингизни қўлга олинг ва эмоцияга итоат этманг. Ўтмиш ўтмишда қолиб кетган. Ортга йўл йўқ. Айрим дўстларимиз шахсий ҳаётида фавқулодда муаммолар пайдо бўлиши муносабати билан асосий ишни кейинга суришга мажбур бўлишади. Сурункали хасталиклар қўзғалиши ҳам эҳтимолга яқин. Совуқ ҳавода кўп туриб қолманг. Ўзингизни эҳтиёт қилинг.

ЎҚОТАР (23. 11 — 21. 12)

Кунингиз рисоладагидек кечади. Тер тўкиб ишлайсиз. Шунга яраша мириқиб дам олишга ҳам имкон топилади. Кунни режа асосида ўтказишга ҳаракат қилинг. Жуфтингиз билан орангиздаги муносабатлар ҳозир аъло даражада. Фақат унга кўпроқ эътибор қаратишни унутманг. Баъзилар меҳнат таътилига чиққан бўлса, бугун кечқурун олисга дам олиш учун жўнаб кетиши ҳам мумкин. Сафарингиз бехатар бўлсин!

ТОҒ ЭЧКИСИ (22. 12 — 19. 01)

20 декабр куни кўпчиликдан қарз кўтарган бўлсангиз, баравар келиб пулларини талаб қилишлари мумкин. Уларнинг ҳеч бўлмаганда ярмисини бермасангиз, оғир аҳволда қолиб кетишга мажбур бўласиз. Аммо яна уларнинг қарзини узиш учун бошқадан қарз кўтариб юрманг. Боши берк кўчада қолиб кетасиз. Яхшиси, бундай вазиятларда яқин қариндошларга мурожаат этинг. Улар албатта ёрдам қўлини чўзади.

ҚОВҒА (20. 01 — 18. 02)

Бугун ишларингиз бошингиздан ошиб тошади. Бироқ биронта ишни ортга суриб ҳам бўлмайди. Демак, шахсий ҳаётни, режалаштирилган харидларни ортга суриб ўша ишларни кечга қадар уддалашингиз керак бўлади. Алам қиладигани шуки, раҳбарлар сизга ишониб топширган ишларнинг биттасини ҳам бажаришни исташмайди. Нимаям қила оласиз. Ишни дўндирсангиз, раҳбарлар олдида юзингиз янада ёруғ тортади. Жанжалли давралардан ўзингизни олиб қочинг. Саломатликни, асабни асранг.

БАЛИҚ (19. 02 — 20. 03)

20 декабрда иш ҳам уёқда қолиб ўзингиздан ўзингизни олиб қочиш ҳаракатига тушишингиз мумкин. Лекин эсда тутинг, бугун омадингиз келадиган кун. Бор истеъдодингизни юзага чиқаринг. Кўриб қўйишсин. Бусиз эътиборга тушмасдан қолиб кетаверасиз. Баъзилар шамоллаш ва гастрит қўзғалишидан безовта бўлиши мумкин. Саломатликни яхшилаш амалини ҳам ортга сурманг. Нафақат сабр, балки дори-дармонларни ҳам заҳираси билан сотиб олинг. Оллоҳ сизга ёр бўлсин!

ҚЎЙ (21. 03 — 20. 04)

Бугун ўзингизга позитив назар, кайфият билан назар ташлай оласиз. Гап сизнинг ташқи қиёфангиз ҳақида боради. Ҳозирги пайтда кўпчилик одамга кийимига қараб баҳо беришга одатланган. Сиз ҳам куннинг биринчи ярмида заҳира пулларингизга ўзингиз учун чиройли кийимлар сотиб олинг. Барибир яқинда янги йил байрами эшик қоқади. Янги кийимда байрамни қарши олсангиз, йил бўйи позитивликни йўқотмайсиз. Ишдан кейин кечқурун қизиқарли учрашувни бошдан кечиришингиз мумкин.

БУЗОҚ (21. 04 — 20. 05)

20 декабр куни бузоқ буржи вакилларини қизиқарли ва ижодий лаҳзалар кутиб қолади. Ижодкор бўлсангиз, истеъдодингиз яна кўплаб мухлисларнинг қалбига малҳам бўлади. Тўғри, барибир ўзингиздан кўнглингиз тўлмайди. Бу ҳақиқий ижодкорга хос одат холос. Ишхонангиздаги раҳбарлардан байрам совғалари, мукофот пулларини кутиб овора бўлманг. Шундоқ ҳам яқинда сиз қўшимча даромад келтирувчи иш топасиз. Баъзилар кечки пайт хизмат сафарига отланади.

ЭГИЗАКЛАР (21. 05 — 21. 06)

Агар интилувчанликни бой бермасангиз, бугун жуда кўп муаммоларни ижобий ҳал қилишга улгурасиз. Бу масалада ортиқча харажатларга ўрин қолмайди. Оилалилар ҳаётида ғалати бир манзара кузатилади. Сиз жуфтингиз, қариндошларингиз, уларнинг режалари ҳақида ҳеч қандай маълумотга эга бўлмаган чиқасиз. Аммо шуни деб жанжал кўтаришингиз тавсия этилмайди. Бардошли бўлсангиз ҳаммаси яхши бўлади.

ҚИСҚИЧБАҚА (22. 06 — 22. 07)

20 декабрда қаёқдаги ўзингиз яхши танимайдиганлар ҳам шахсий ҳаётингизга аралашишга ҳаракат қила бошлайди. Аммо шуни деб катта жанжал кўтаришингиз шарт эмас. Бекорга асабингизни бузганингиз қолади. Муаммони тинч йўл билан ҳал этишга ҳаракат қилинг. Оиласизлар суюкли инсони билан ўзаро муносабатларда туб бурилиш ясашлари лозим бўлади. Бу келгусида орангиздаги муҳаббат ришталари мустаҳкам тортишини таъминлайди. Кечқурун фавқулодда киссангизга пул келиб тушиши сабабли кайфиятингиз янада кўтаринки тус олади.

АРСЛОН (23. 07 — 23. 08)

Агар бугун йирик харидларни амалга ошириш хусусида режа тузган бўлсангиз, жуда тўғри ўйлабсиз. Дўкон айланиб харидларни муваффақиятли тарзда амалга оширасиз. Шерикчиликка дўстлардан бирини қўшиб олсангиз ҳам зиён бўлмайди. Оилалилар яқин қариндошлар билан арзимас масала туфайли баҳслашиб қолиши кутилади. Қариндошларни тинчлантириш пайида бўлинг. Жанжал чиқишига асло йўл қўйманг. Кечқурун албатта тоза ҳавода сайр қилинг. Оллоҳ сизга ёр бўлсин!

ПАРИЗОД (24. 08 — 22. 09)

20 декабр куни ишхонадаги ҳамкасблар билан бўлиб ўтадиган суҳбат жаҳл отига минишингизга сабаб бўлиши мумкин. Агар шундай бўлиб чиқса, ўзингизга келишингиз жуда қийин кечади. Ҳамкасбларнинг саволларига қисқа ва лўнда жавоб беришга урининг. Ижод аҳлининг бугун куни туғади. Кечқурун ёлғизлар романтик учрашувга чиқишади. Сурункали хасталикка йўлиққанлар қиш ҳавосида енгил кийимда юришдан сақланишлари сўралади. Омад сизга ёр бўлсин!

ТАРОЗИ (23. 09 — 23. 10)

Тарози буржи остида таваллуд топганлар моддий аҳволига жиддий муносабатда бўлишлари тавсия этилади. Ҳисоб-китоб жуда аниқ ва пухта бўлиши керак. Тадбиркор бўлсангиз, янги лойиҳаларни ҳаётга тадбиқ этиш пайти етган. Ҳаракатингизни қилишингиз керак. Шахсий ҳаётни ҳам назоратга олинг. Жуфтингиз билан рашксиз, ўз-ўзингизни еб битиришларсиз муносабат юритишга ҳаракат қилинг. Ўзингиз севган инсонга ишонинг. У сизни ҳеч қачон алдамайди. Сизга ҳеч қачон хиёнат қилмайди. Оллоҳ сизга ёр бўлсин!

ЧАЁН (24. 10 — 22. 11)

19 декабрда юксакларга парвоз қилиш ниятингиздан воз кечинг. Юксаклар сизга дўстлик қилмайди. Ерда юрганингизга нима етсин. Иш жойингизда тез-тез нафас ростлаб туришни унутманг. Агар ақлий меҳнат билан банд бўлсангиз, нафас ростлаш сиз учун сув ва ҳаводек зарур. Кечқурун айримлар дўконма-дўкон югуриб яқинларига совғалар харид қилиш билан овора бўлади. Пулдан хавотир олманг. Заҳирадагилари худо хоҳласа минг йилга етади. Ошқозонингизни эҳтиётланг.

ЎҚОТАР (23. 11 — 21. 12)

19 декабр куни кунингиз бирмунча оғир ва асабий кечиши мумкин. Лекин ишингиздаги эришадиган ижобий натижалар бу оғирликларни ювиб кетади. Асосийси, чарчасангиз ҳам, қийналсангиз ҳам бировларга шикоят қилманг. Атрофингизни ҳасадгўйлар қуршаб турибди. Уларнинг кўнгиллари ҳайитдагидек яйраб кетишига йўл қўйманг. Кечқурун қўлингизга кимдир бир даста пул тутқазиши кутилмоқда. Баракасини берсин. Ухлашга ётишдан олдин сут ёки қатиқ ичинг, тушларингиз ўнгидан келади.

ТОҒ ЭЧКИСИ (22. 12 — 19. 01)

Бугун аёлларимиз гўзаллик салонига чиқиб келишлари керак. Чунки кун давомида ташқи қиёфангиз юз фоиз барчани ҳайратга солиши зарур. Бу йўлда пулни аяманг. Янгиликка интилишингиз яхши. Ҳар бир янгиликдан илҳомланишингизга ҳам шубҳа йўқ. Ички оламингиз устида ишлашни ҳам ёддан чиқарманг. Ёлғизлардан кимдир биров билан танишиб, ораларида романтик муносабатлар пайдо бўлса, у ҳам танлаганига муносиб бўлишга ҳаракат қилиши лозим.

ҚОВҒА (20. 01 — 18. 02)

19 декабрда ниҳоят шу кунга қадар бекорга эрта-ю кеч тер тўкиб ишламаганингизни англаб етасиз. Бугун ўша заҳматларнинг мевасини оласиз. Катта миқдорда пул келтириб беришади. Тадбиркорлар яқин-яқинларда имзолаган узоқ муддатли ҳамкорлик шартномаси имзолаган бўлишса, бунинг ҳам натижасини кўришади. Мўмай даромад олишади. Афсуски, шахсий ҳаётингиз қора булутларсиз кечмайди. Бу ҳаётга реал боқишга ҳаракат қилинг. Иллюзиядан қочинг.

БАЛИҚ (19. 02 — 20. 03)

Бугун ҳамкасбларингиздан бири билан жиқиллашиб қолишингиз мумкин. Фақат иш қизғин паллага кирганда жанжал чиқариб юрманг. Жанжал фақат зиён етказади. Кўчада вақтинчалик ишқий саргузаштларга берилишдан сақланинг. Жуфтингиз ёки бўлғуси жуфтингизга қўполлик қилишдан сақланинг. Кечқурун баъзилар олис сафарга отланиши мумкин.

ҚЎЙ (21. 03 — 20. 04)

19 декабр куни бир дунё сюрпризлар сизни кутиб туради. Ташвиш чекманг, уларнинг барчаси ёқимли. Оиласизларни бахтли тасодиф туфайли кечадиган бахтли учрашув кутади. Сиз бир-бирингизни кўз қарашлар ёрдамида ҳам англай оладиган одамни учратасиз. Олис келажак учун режалар тузишдан тийилинг. Ундан кўра худонинг кароматига ишонинг ва қалбингизга қулоқ тутинг. У сизни ҳеч қачон аросатда қўймайди.

БУЗОҚ (21. 04 — 20. 05)

Вазият қандай кечишидан қатъи назар ирода кучингизни ишга солган ҳолда қаттиқ туринг. У сизни енга олишига йўл қўйманг. Пулнинг камлигидан кун давомида кайфиятингизда тушкунлик аломатлари сезилиши мумкин. Лекин бу ҳам вақтинчалик муаммо. Тез орада яна қўлингиз мўмай пул кўради. Рўзғор бутлигини биринчи ўринга қўйинг. Уй учун керакли жиҳозлардан пулни аяманг. Уйингиз таъмирталаб бўлса, моддий имкониятингиздан келиб чиқиб ҳаракатлар содир этишингиз тавсия этилади.

ЭГИЗАКЛАР (21. 05 — 21. 06)

19 декабрда бировлар катта пул ваъда қилса, ёки осмондаги юлдузни ваъда қилса ҳам бу сафсаталарга ишониб қолманг. Ҳозир ўнг кўзингиз чап кўзингизга дўстлик қилмайдиган бир давр. Ҳамма шахсий манфаатини ўйлайди. Хорижга хизмат сафари уюштирадиганлар учун барча йўллар очиқ. Мабодо кун бўйи дўстларингиздан ёки ўзингиз ҳурмат қиладиганлардан биронтаси ёрдам сўраб мурожаат этса, албатта ёрдам беринг. Ундан қайтмаса, худодан албатта қайтади. Айримлар кун давомида ҳужжатбозлик, қоғозбозлик билан ўралашиб вақт ўтказиши эҳтимолга яқин.

ҚИСҚИЧБАҚА (22. 06 — 22. 07)

Бугун эрталабдан кўзларингиздан оқадиган ёшларнинг чеки бўлмайди. Лекин хавотирга тушманг. Улар қувонч кўз ёшлари. Шаънингизга шу қадар кўп мақтовлар ёғиладики, кўнглингиз бўшаб йиғлаб юборишингиз аниқ. Хасталикларни эскича усулда даволаш амаллари муваффақиятли кечади. Олис сафарга чиқишдан воз кечинг. Ҳавонинг ўзгарувчанлиги туфайли сафарингиз муваффақиятсиз кечиши мумкин. Кечқурун ёқимли хабарлар эшитасиз, кутилмаган совғаларга эга бўласиз. Омад сизга ёр бўлсин!

АРСЛОН (23. 07 — 23. 08)

19 декабр куни кўпчилик сизни нимадандир огоҳлантиришга уриниши кузатилади. Нимаданлигини худонинг ўзи билади. Ишда ҳам, шахсий ҳаётда ҳам хатоликларга йўл қўйишдан сақланинг. Хатолар жуда қимматга тушиши мумкин. Куннинг иккинчи ярмида қандайдир ҳужжатларга имзо талаб қилишади. Ҳушёр бўлинг. Моддий аҳволингизни яхшилаш масаласида пулдор танишларга қўнғироқ қилиб ёрдам сўрашга мажбурсиз. Бошқачасига бу муаммони ижобий ҳал эта олмайсиз. Кечқурун тоза ҳавода сайр қилинг.

ПАРИЗОД (24. 08 — 22. 09)

Бугун паризод буржи остида таваллуд топганлар биринчи навбатда саломатлиги ҳақида қайғуришлари керак. Овқатланишда эҳтиёткорлик ва яна эҳтиёткорлик зарур. Организмни жисмонан зўриқтиришдан эҳтиёт бўлинг. Парҳез тутишни режа қилганлар режани пухталаб олишлари ва кейингина парҳез бошлашлари керак. Пул масаласидаги мушкулотлар яқин вақтларда ўтиб кетади. Хотиржамликни йўқотманг. Тадбиркорлар рақобатчилар билан олишиб ўтказиладиган вақтни яқин ҳамкорлар излашга сарфлашса яхши бўларди.

ТАРОЗИ (23. 09 — 23. 10)

18 декабрда худди бўрон каби шовқин-суронли шароитда иш бошлайсиз. Шусиз кўзланган мақсадларга етишингиз амри маҳол. Фақат шунча ишлаб ҳам катмонни қаппайтира олмаслигингиз алам қилади. Лекин хафа бўлишга, бўшашишга асос йўқ. Янги лойиҳаларга қўл ура бошланг. Ана ўшалар сизга мўмай даромад ҳадя қилади. Оиласизларнинг ишқибозлари кўп. Лекин руҳий хотиржамликка нима етсин. Кимлардир бугун олис сафарга отланишлари мумкин. Сафарингиз бехатар кечсин!

ЧАЁН (24. 10 — 22. 11)

Куннинг биринчи ярмида анчадан бери четда қолиб кетган мураккаб масалани ҳал қилишингиз зарур бўлади. Масала ё сафар, ё таъмир, ёки пул билан боғлиқ бўлиши мумкин. Руҳан зўриқишларга йўл берманг. Иш юритишда атрофдагиларнинг маслаҳати эмас, ҳужжатларга қулоқ тутинг. Агар ўзингизни лоҳас ҳис эта бошласангиз, билинг, иммунитетингиз пастлай бошлаган бўлиши мумкин. Чорасини кўришингиз керак. Байрам арафасида касалга чалинишдан худонинг ўзи асрасин.

ЎҚОТАР (23. 11 — 21. 12)

18 декабр куни негадир кўнглингиз ғашланган каби тушкун кайфиятда қолишингиз кутилмоқда. Лекин бу ҳолат узоққа чўзилмайди. Бардам бўлинг. Ким биландир аразлашган бўлсангиз, бугун ярашиш учун қулай фурсат пайдо бўлади. Профессионал касбингиз билан боғлиқ ишингиз доирасида кимлардир сизга фойдали шерикчилик таклиф этиши мумкин. Мулоҳаза қилиб кўринг. Балки маъқул келар? Мабодо бу узоқ муддатли шериклик бўлса, рози бўлаверинг.

ТОҒ ЭЧКИСИ (22. 12 — 19. 01)

Агар бугун эрта тонгдан шахсий муаммолардан бирининг домига тушсангиз, сизни у жарликдан чиқариб олиш жуда мушкул кечади. Ҳатто, аламингизга чидай олмай спиртли ичимликка ружу қўйишингиз ҳам эҳтимолдан холи эмас. Бу даҳшат. Бу ҳақда ўйлашнинг ўзи даҳшат. Кўчаларни айланинг, дўстларингиз билан учрашинг, суҳбатлашинг. Чалғийсиз, аламларни унутасиз. Кечқурун сут маҳсулотлари истеъмоли билан чекланинг. Тушларингиз ўнгидан келади.

ҚОВҒА (20. 01 — 18. 02)

18 декабрда қаерга борманг, не ишга қўл урманг, кўнглингиз яйрайди деб ҳисобласангиз, хато қиласиз. Кузатувчан бўлинг. Тағин кўнгилсиз вазиятга тушиб қолманг. Жуфтингиз билан ўзаро муносабатларда ўзгаришлар ясашингизга тўғри келади. Эскичасига муносабат юритиш кўнгил ришталарини мустаҳкам тутиб тура олмайди. Бир-бирингизнинг кўзларингизга боқинг. Улар не истаётганини аниқлашга ҳаракат қилинг. Омад сизга ёр бўлсин!

БАЛИҚ (19. 02 — 20. 03)

Бугун сиз учун муваффақиятларнинг барча эшиклари очиқ бўлади, ишонаверинг. Аммо сизга қайсидир сабаб билан ёрдам бера олмаганларни беҳуда айблаб ранжитишдан сақланинг. Ишга ижодий ёндашиш ҳар доимгидек фақат омад ҳадя этади. Ишингиз сифатини кўрган ҳамкасблар олқишлашдан тийила олмайди. Олқишларнинг кети узилмасин. Кечқурун тоза ҳавода узоқ вақт сайр қилиб юришингиз тавсия этилади.

ҚЎЙ (21. 03 — 20. 04)

18 декабр куни иш танлаш одатингизни четга суриб туришингизга тўғри келади. Айниқса, жамоавий тарзда ишлаётган бўлсангиз, бу нарса сизга фақат зиён етказади. Ҳамкасбларга мақсадингизни, режаларингизни оддий тилда тушунтиришга ҳаракат қилинг. Эзгу мақсадларни кўзлаган бўлсангиз, тўхтаб қолишингиз керак эмас. Жуфтингиз билан кун давомида бўлиб ўтадиган суҳбатдан кейин кайфиятингиз тушиш эҳтимоли бор.

БУЗОҚ (21. 04 — 20. 05)

Бугун ўзингизни тутиш масаласига жиддий эътибор қаратинг. Атрофдагиларга фавқулодда қўпол муомала қилиб қўйсангиз, ҳурматингизни йўқотишингиз ҳеч гап эмас. Молиявий аҳволингиз сезиларли даражада яхшиланиши кутилмоқда. Бунга яқин инсонларнинг кўмаги сабаб бўлади. Уларга алоҳида миннатдорчилик билдиришни унутманг. Кечқурун тоза ҳавода сайр қилинг. Тўғри овқатланинг.

ЭГИЗАКЛАР (21. 05 — 21. 06)

18 декабрда ишдан тортиб шахсий ҳаётдаги режаларингизгача қайтадан кўриб чиқинг. Акс ҳолда текис жойда ҳам арзимас сабаб билан йиқилишингиз турган гап. Хусусий мулк олди-сотдиси билан шуғулланишни режа қилганлар олдин ҳуқуқшунос маслаҳатини олишлари лозим. Ўз билганингизча иш тутсангиз, моддий тарафдан зиён кўришингиз мумкин. Бугун дўстлар билан учрашишдан, спиртли ичимликлар истеъмолидан қатъиян бош тортинг. Кечқурун айримларнинг хонадонига чақирилмаган меҳмонлар ташриф буюриши мумкин.

ҚИСҚИЧБАҚА (22. 06 — 22. 07)

Бугун ишларингиз кўп. Лекин уларни тартиб билан амалга оширишингиз лозим. Бирдан бир нечта ишга ёпишиш аросатда қўяди холос. Кун мобайнида хаёлларингизда тарқоқлик кўзга ташланиши мумкин. Ишхонангизда эса оғир артиллерия қиёфасига киришингиз кутилмоқда. Аслида бу яхшиликка. Чунки дангасалик домида қолиб кетсангиз, тирикчиликнинг мазаси қочган бўларди. Тадбиркор бўлсангиз, куннинг иккинчи ярмида фойдали шартномага имзо чекишингиз кутилади. Омад сизга ёр бўлсин!

АРСЛОН (23. 07 — 23. 08)

18 декабр куни қаёқдаги одамлар ёнингизга келиб асабингизни бузиши мумкин. Асаб тизимингиз бу зўриқишларни кўтара олмаслиги аниқ. Шунинг учун жанжалли вазиятларда қолиб кетишдан ўзингизни асранг. Ишхонангиздаги раҳбарлар ҳам зиммангизга бир дунё ишни юклаб ташлайди. Башарти ишда тушунмовчиликлар юзага келса, ўзингизга нисбатан тажрибаси кўп ҳамкасблардан маслаҳат сўрашга уялманг. Оила қурмаганларни бугун кечқурун романтик учрашув кутиб туради. Оллоҳ сизга ёр бўлсин!

ПАРИЗОД (24. 08 — 22. 09)

Бугун пул масаласида айрим мушкулотларга дуч келасиз. Куннинг биринчи ярмида ёлғончи, қасамхўрлардан бири сизни чув тушириш пайига тушиши мумкин. Куннинг иккинчи ярмида овқатланиш режимига яна бир марта кўз ташлаб олишни унутманг. Йўқса ошқозонингиз панд бериши тайин. Худо кўрсатмасин, шуни деб шифохонага тушиб қолишингиздан асрасин. Таъмир доирасидаги ишлар унумли кечади. Ўзингизни эҳтиёт қилинг.

ТАРОЗИ (23. 09 — 23. 10)

Бугун сиздан ишларингизни катта тезликда бажариб тугатиш, хотиржамликка эрк бериш ва ўзгаларнинг суҳбатига аралашмаслик талаб этилади. Режалаштирилган ишларни тўлиқ уддалашнинг бундан бўлак йўли йўқ. Муҳаббатда оптимистларча иш тутинг. Шунда ёрқин лаҳзаларингиз кўп бўлади. Оиласиз йигитлар эса бугун суюклисининг қўлини сўрашлари ва тўй кунини белгилашлари лозим. Тўй кунини белгилаш учун бугундан қулайини топа олмайсиз.

ЧАЁН (24. 10 — 22. 11)

17 декабр сиз учун анчагина оғир кечади. Шу сабабли саломатлигингизни кучли назорат остида ушлашингиз керак бўлади. Худо кўрсатмасин, агар қон босимингиз кўтарилиб кетса, ҳамма ишларни ташланг-у, керакли дориларни ичинг. Тадбиркорлар бугун фақат дам олишлари лозим. Келишувлар, шартнома имзолашлар, хизмат сафарлари қочиб кетмайди. Заҳирангизда пулларингиз етарли бўлса, қўшимча даромадли иш қидириб овора бўлишингиз шарт эмас.

ЎҚОТАР (23. 11 — 21. 12)

Ўқотар буржи вакиллари учун бугунги кун омадли ва унумли кечади. Шаънингизга кун давомида кўплаб олқишлар ёғилади. Оила қурмаганлар олқишларни бўлғуси жуфти тарафдан ҳам қабул қилиб олишга тайёр турсинлар. У инсон билан яқиндагина танишган бўлсангиз-да, барибир туйғулари жиддий эканига ишонишингиз керак. Кун давомида кўпроқ молиявий аҳволингизни янада яхшилаш пайида бўлинг. Асабни асранг. Уларни йўқотсангиз, пулга сотиб олиб бўлмайди.

ТОҒ ЭЧКИСИ (22. 12 — 19. 01)

17 декабр куни сизни фақат пул қизиқтиради. Молиявий аҳволингизни яхшилаш ҳаракатида елиб-югурасиз. Ҳатто, жуфтингиз билан бўладиган мулоқотда ҳам пул ҳақида гапиравериб чарчатишингиз мумкин. Билинг, биттагина мавзуга ёпишиб олиб барча муаммоларни бартараф эта олмайсиз. Айримлар эса моддий аҳволини яхшилаш учун янги иш қидириш билан овора бўлади. Кун давомида кўпроқ вақтингизни тоза ҳавода ўтказишга ҳаракат қилинг.

ҚОВҒА (20. 01 — 18. 02)

Эрталаб бир дунё муҳим маълумотларга эга бўласиз. Лекин уларнинг тенг ярмиси қуруқ сафсатадан иборат бўлиб чиқади. Ҳечқиси йўқ. Ҳаётда бундан баттарлари ҳам бўлиши мумкин. Бугун ўтмишга қайтиб иш кўришдан нари бўлинг. Мартабангизни юқорилатиш, рўзғорни бутлаш ва молиявий масалаларга эътиборни кучайтиринг. Уларнинг биронтасида тартиб қолмаган. Қайтадан тартиб ўрнатишингизга тўғри келади. Саломатлигингизни эҳтиёт қилинг.

БАЛИҚ (19. 02 — 20. 03)

17 декабрда баъзиларга нафақат янги иш таклиф этишади, балки ёрдам қўлини ҳам чўзишади. Икковидан ҳам воз кечманг. Икковига ҳам эгалик қилинг. Жуфтингиз ёки бўлғуси жуфтингиз билан бугун муносабатларингиз автомат тарзда мустаҳкамланади. Хурсанд бўлаверинг. Ҳали ишдалигингиз пайтидаёқ у билан телефон орқали суҳбат қурасиз ва иккингиз фақат бир-бирингиз учун дунёга келганингизни яна қайта англаб етасиз. Бугун олис сафарга отланиш бир-биридан ёрқин таассуротларни тақдим этади.

ҚЎЙ (21. 03 — 20. 04)

Бугун дангасаликни ўзингиздан сира узоқлаштира олмай ҳалак бўласиз. Агар ишларингизни қойиллатиб бажариб қўйган бўлсангиз-ку, майли, бемалол дам олсангиз ярашади. Аммо ҳали у ишларга қўл урмаган бўлсангиз, дангасалик, эринчоқлик сизга фақат душман бўлиб чиқади. Шамоллаган, гриппга чалинганлар билан масофа сақлаган ҳолда мулоқот қилинг. Витаминга бой маҳсулотлар истеъмолидан тийилманг.

БУЗОҚ (21. 04 — 20. 05)

17 декабр куни жуда катта тезликда олдинга боришингиз талаб этилади. Чунки иш ҳажми ҳам шунга яраша катта. Тезлик бўлмаса, кечга қадар улгура олмайсиз. Бунинг устига раҳбарларингиз шу ишни якунласангиз, яхшигина мукофот пули ваъда қилган. Фойдаланиб қолинг. Шахсий машинаси борлар серқатнов йўлларда тезликни оширмасликлари тавсия этилади. Жароҳат олишингиз ёки катта жаримага тушишингиз хавфи бор. Бугун спорт билан шуғулланиш ва бассейнда чўмилиш фойдали кечади.

ЭГИЗАКЛАР (21. 05 — 21. 06)

Эгизаклар буржи остида туғилганлар эрталаб уйқудан уйғонибоқ позитив қидиришни бошлашлари керак. Барча ишларингиз бароридан келади. Фақат молиявий муаммолар бугун сизга бўйсунмайдиган кўринади. Ҳойнаҳой, ҳали вақт-соати етмади шекили. Лекин ташвиш чекишга ҳожат йўқ. Заҳира пулларингиз етарли. Бугунги кун сиз учун дам олиш, романтика ва янги танишувлар кунига айланиши лозим. Рўзғор ташвишлари билан овора бўлиб уларни қўлдан чиқариб юборманг. Оллоҳ сизга ёр бўлсин!

ҚИСҚИЧБАҚА (22. 06 — 22. 07)

17 декабр сиз учун ижод ва илҳом кунига айланади. Шунинг таъсиридами, ўзингизни жуда яхши ҳис этасиз. Анчадан бери расм чизиш орзусида юрган бўлсангиз, ўша кун келди. Бўёқ ва мўйқаламни олинг-у, иш бошланг. Атрофдагиларга нисбатан кўпроқ жилмайиш, табассум билан муносабатда бўлинг. Рўзғордаги муаммоларга файласуфларча муносабат юритинг. Бошқачасига уларни ҳал қилиб тугата олмайсиз. Куннинг иккинчи ярмида айримлар олисдаги қариндошларникига жўнаб кетиши кутилади. Сафар сизга ҳар тарафлама позитив ҳадя этади.

АРСЛОН (23. 07 — 23. 08)

Бугун сиздан нафақат дўстлар, танишлар, балки умуман танимаган одамлар ҳам пул қарз сўраши мумкин. Тўғри, сиз жуда саховатли инсонсиз. Бироқ у даражага етмагансиз. Оилавий бюджетингизни ҳеч қурса борича сақлаб қолиш учун вазиятга объектив назар билан боқинг. Кечқурунги вақтингизни оила аъзоларингизга, фарзандларингизга бағишланг. Кечқурун тоза ҳавода сайр қилишни ҳам унутманг.

ПАРИЗОД (24. 08 — 22. 09)

17 декабр куни ишларингиз бир неча ҳисса ортади. Бош қашишга вақт топа олмай ҳалак бўлишингиз мумкин. Афсуски, режаларингиз буткул бошқа эди. Шунинг учун бўлса керакки, бироз асабийлашишингизга тўғри келади. Куннинг иккинчи ярмида олисда яшайдиган қариндошлар меҳмон бўлиб келишлари мумкин. Улар сизга хушхабар етказишдан ташқари, бир-биридан ёқимли совғалар ҳам тортиқ этишади. Кечқурун ёлғиз қолиб дам олинг. Севимли хоббингизга эътибор қаратинг. Саломатлигингиз ҳақида қайғуринг.

ТАРОЗИ (23. 09 — 23. 10)

16 декабрда биринчи бўлиб ҳамкасблардан бир дунё олқишлар, мақтовлар эшитасиз. Бунинг жиддий сабаби бор албатта. Сиз яқиндагина унча-мунча одам уддалай олмайдиган ишни аъло даражада уддалай билдингиз. Шу нарса ҳамкасбларингизда ҳавас ҳиссини уйғотди. Ширин ва шўр таомлар истеъмолидан тийилинг. Ошқозонингизга раҳмингиз келсин. Агар ҳаммасини меъёрида истеъмол қилсангиз, биласизки, муаммо бўлмайди. Оиласизлар кечқурунга бориб романтик учрашувга чиқишади. Башарти учрашувга кечикмасдан борсангиз, у албатта ажойиб тарзда якун топади. Ташқи қиёфангизга алоҳида эътибор қаратинг. У танаффусларни истамоқда.

ЧАЁН (24. 10 — 22. 11)

Кўплаб вазиятларга, ёқимсиз лаҳзаларга кўз юма боришингиз талаб қилинади. Шунда жанжалли вазиятларда қолиб кетмайсиз. Айрим одамлар билан масофа сақлашга ҳаракат қилинг. Шунда руҳий азобда қолмайсиз. Қалбингизда хотиржамлик ҳукм суради. Янги йил байрами масаласида оила аъзоларингиз ва сизнинг орангизда баҳслар кузатилади. Баҳслар жанжалсиз кечса, нур устига аъло нур бўларди. Кечқурун яқинларингиз ва дўстларингиз учун амалга оширилган харидлар хайрли ва ёқимли кечади.

ЎҚОТАР (23. 11 — 21. 12)

16 декабр куни ўзингизни ўзингиз назорат этишга ожиз қолсангиз борми, қийин аҳволда қолиб кетасиз. Ҳар бир ҳаракатни тафаккурга суяниб амалга оширинг. Эркаклар кўчада ўзга аёллар билан ишқий саргузаштларга мойиллик сеза бошлашса, бу мойилликни узоқ-узоқларга итқитиб юборишлари сўралади. Чунки у юзингизни ерга қаратишдан бошқасига ярамайди. Агар янги лойиҳаларни ҳаётга тадбиқ этмасангиз, хизмат сафарига боришдан бош тортсангиз, моддий аҳволингиз аянчли ҳолатда қолиб кетади.

ТОҒ ЭЧКИСИ (22. 12 — 19. 01)

Куннинг биринчи ярмида режангизда умуман бўлмаган сафар кўндаланг бўлади. Лекин сафарингиз омадли кечади. Моддий манфаат кўрасиз. Иш юзасидан айрим одамлар билан яқин ҳамкорлик қилишингиз мумкин. Бу ҳамкорлик эзгу мақсадларга эришишингизда катта ёрдам беради. Муҳаббатда шубҳа-гумонларга йўл берманг. Бу жуфтингиз ёки бўлғуси жуфтингиз билан ўзаро муносабатларни йўққа чиқаради. Энг ёқимсиз хабар эшитган тақдирингизда ҳам хотиржамликни сақлаб қолишга ҳаракат қилинг.

ҚОВҒА (20. 01 — 18. 02)

16 декабрда олдин пича нафас ростлашингиз, дам олишингиз тавсия этилади. Ана шундан кейингина янги куч билан ишга шўнғисангиз бўлади. Моддий аҳволингизни яхшилаш, ишхонада, шахсий ҳаётда обрўйингизни юқорилатиш учун узоқ йўл босдингиз. Шуларнинг ҳисобига дам олишингиз шарт. Куннинг иккинчи ярмида ўзингизни лоҳас ҳис эта бошлашингиз кутилади. Шунинг учун спорт, жисмоний зўриқишлардан воз кечинг. Овқатланишга келсак, маҳсулотларнинг яроқлилик муддатига албатта кўз ташлаб олинг.

БАЛИҚ (19. 02 — 20. 03)

Оилалимисиз, ёлғизмисиз, фарқи йўқ. Барибир романтика оғушида бўласиз. Шу баҳонада айримларнинг жуфти билан муносабатлари юксалиш палласига киради. Ҳамкасблар билан муносабатларда эса аксинча жиддийликка амал қилинг. Кутилмаган тарафдан тақдир зарбасига дуч келишингиз хавфи сезилади. Ҳушёр туринг. Молиявий аҳволингиз ҳар қачонгидан бир неча ҳисса яхшироқ бўлади. Демак, яқин инсонлар учун сира ўйланмасдан совғалар харид қилсангиз ярашади.

ҚЎЙ (21. 03 — 20. 04)

16 декабр куни эртаклар оламига тушиб қолишни орзулай бошлайсиз. Аммо бунинг учун ўзингиз сеҳргарга айланишингиз керак. Ишхонангизда сизни қизиқтирадиган юмушлар кўзга ташланиши мумкин. Уларни эътиборсиз қолдирманг. Моддий аҳволингиз шу қадар яхши бўладики, ҳатто йирик харидларни ҳам сира иккиланмасдан амалга ошира оласиз. Бироқ жуда эҳтиёт бўлинг. Сифатсиз маҳсулотга дуч келиб чув тушманг. Шахсий ҳаётингизда айрим майда кўнгилсизиклар кузатилиш эҳтимоли бор.

БУЗОҚ (21. 04 — 20. 05)

Бузоқ буржи остида таваллуд топганлар тартибсизлик, масъулиятсизликка кенг йўл берсалар, бунинг ажрини ҳам тортишлари тайин. Шунинг учун бугун интуицияга юз эллик фоиз эрк берган ҳолда иш тутишингиз зарур. У сизга энг қийин вазиятларда ҳам тўғри йўл кўрсата олади. Муҳаббатда қатъий қарорлар чиқаришга шошилманг. Айниқса, эмоция сиздан зўр келаётган бўлса, қарорлар чиқаришингизга ҳали вақт бор. Кечқурун тоза ҳавода сайр қилинг.

ЭГИЗАКЛАР (21. 05 — 21. 06)

16 декабрда ҳар кунгидек майда ишларни ортга суриб қўйишдан тийилишингиз талаб этилади. Бу молиявий аҳволингиз ожиз ҳолатда қолишини таъминлайди холос. Шахсий ҳаётдаги ташвишларни деб асабийлашманг. Барибир худонинг айтгани бўлади. Ташвиш бугун бўлса, эртага йўқ. Бекорга асаб тизимингизга зиён етказганингиз қолади. Рўзғордаги муаммолар кечқурунга борибгина ижобий ҳал бўлиши мумкин. Ўзингизга нисбатан тажрибаси кўпроқ инсонлар маслаҳат берса, қулоққа олинг. Ўзингизга яхши бўлади.

ҚИСҚИЧБАҚА (22. 06 — 22. 07)

Бугун ишларингиз бароридан келиши, хотиржамлигингиз анчадан бери сиз билан шерикчиликда ишлаётган одамга боғлиқ бўлади. Вазиятга қараб режаларни ўзгартиришингиз ва шунинг ёрдамида жамиятдаги ўрнингизни асраб қолишингизга тўғри келади. Бугун саломатлигингизга алоҳида эътибор билан ёндашинг. Фақат режим бўйича овқатланинг. Кечқурун маданий ҳордиқ чиқариш ниятида бўлсангиз, кино ёки театрга тушишингиз мумкин.

АРСЛОН (23. 07 — 23. 08)

16 декабр куни сизни чор атрофдан мақташга тушиб кетишлари кутилмоқда. Ана шунинг оқибатида бўшашиб ташаббусни, ишга ижодий ёндашиш кабиларни қўлдан чиқаришингиз ҳеч гап эмас. Сергак бўлинг. Куннинг иккинчи ярмида ўзингиз учун ёқимсиз бўлган бир шахс билан мулоқот қилишингизга тўғри келади. Суҳбат давомида жаҳдингизни жиловлашга ҳаракат қилинг. Кечқурун қайноқ ванна қабул қилишингиз тавсия этилади. Қайноқ ванна саломатлигингизни мустаҳкамлашда ёрдам беради. Оллоҳ сизга ёр бўлсин!

ПАРИЗОД (24. 08 — 22. 09)

Бугун кўплаб янги танишувларни бошдан кечирасиз. Яқин ҳамкорликлар сизга қанот бағишлайди. Эҳтиёт бўлинг. Янги танишганларингиз орасида негатив характерга эга кимсалар ҳам бўлиши мумкин. Уларни четлаб ўтиб кетганингиз маъқул. Ишхонангиздаги мартабангиз юқорилаши ҳам ўша кимсанинг таъсирида пастга шўнғиши эҳтимолдан холи эмас. Кечқурун кимдир пластик карточкангизга пул ташлаши кутилади. Кимки кечқурун олис сафарга отланса, албатта омадга эришади.

ТАРОЗИ (23. 09 — 23. 10)

Ишонинг, бугун сизнинг миянгизда шундай маънавий юксаклик кузатиладики, дунёнинг манаман деган буюклари ҳам сизга ҳавас қилса арзийди. Уларни дарров блокнотингизга ёзиб қўйинг. Бир нечтасини ҳақиқатга айлантирсангиз ҳам ортиқчалик қилмайди. Куннинг иккинчи ярмида қариндошлардан бири билан орангизда жиддий суҳбат бўлиб ўтиши кутилмоқда. Ўзингизга маҳкам бўлинг. Овқатланиш режимига амал қилинг. Ошқозонингиз резина эмас.

ЧАЁН (24. 10 — 22. 11)

15 декабрда чаён буржи остида таваллуд топганлар хаёлан, руҳан болаликка, кейинроқ иллюзия домига қайтишлари мумкин. Аммо бу гал хаёллар жиддий муаммолардан чалғишингизда катта ёрдам беради. Кечки пайт бир-биридан ёқимли харидларни амалга оширасиз. Уйингизга меҳмонлар ташриф буюриши эҳтимолга яқин. Фақат иллюзия домидан реал ҳаётга қайтишни унутманг. Меҳмонларингиз ранжиши мумкин.

ЎҚОТАР (23. 11 — 21. 12)

Бугун куннинг биринчи ярмида сизга шундай сердаромад иш таклиф этишадики, ҳайратдан тош қотасиз. Лекин шошилманг. Тарозининг икки палласини яхшилаб кўздан ўтказинг. Ишнинг майда икир-чикирларигача мулоҳазадан ўтказинг. Оила қурмаганмисиз? Бугун кечки пайт фантастик даражадаги учрашувни бошдан кечирасиз. Ҳозирлигингизни кўраверинг. Бўлғуси жуфтингиз сизни олқишларга, мақтовларга кўмиб ташламоқчи. Қандай бахт! Омад сизга ёр бўлсин!

ТОҒ ЭЧКИСИ (22. 12 — 19. 01)

15 декабр куни ишхонангизда мартабангиз ошиши учун хизмат қилувчи хусусиятларингиздан бохабар бўласиз. Сезасизки, сиз аслида табиатан интилувчан, масъулиятли ва мияси янгидан-янги ғояларга тўла инсон экансиз. Куннинг иккинчи ярмида сизга қўшимча даромад келтирувчи иш таклиф этишади. Фақат бу иш хорижда бўлиши мумкин. Жуфтингиз рози бўлса, хорижга кетиб ишлаганингизга етмасди. Мулоҳаза қилинг, маслаҳатлашинг. Омад сизга ёр бўлсин!

ҚОВҒА (20. 01 — 18. 02)

Кун аввалида жисмоний зўриқишларга эрк бериш ва овқатланиш режимини бузишдан сақланинг. Акс ҳолда саломатлигингизга путур етади. Дам олишни ҳам тўғри ташкил этинг. Фойдали маҳсулотлар билан озиқланинг. Оиласиз бўлсангиз, кечки пайтга яқин бир инсон билан учрашишингиз эҳтимоли бор. Худди шу инсон бўлғуси ёстиқдошингиз бўлиб чиқади. Мулоқот пайтида ўзингиздаги энг яхши хислатларни кенг намойиш этишга ҳаракат қилинг. Оллоҳ сизга ёр бўлсин!

БАЛИҚ (19. 02 — 20. 03)

15 декабрда дўстлар, оила аъзоларингиз даврасида камроқ бўлинг. Фаоллик талаб қилувчи ишлардан ҳам вақтинча воз кечинг. Улар сиз кўзлаган даромадни бера олмайди. Молиявий аҳволингиз эса аълодан ҳам аълороқ бўлади. Жуда дўппи тор келса, заҳира пулларингизнинг ўзига ойлаб яшай оласиз. Яқинларингиз учун ёқимли совғалар харид қилинг.