Mukhriddin WEB

#weekend ☺️

Git commit xabarlarini tuzishda eng qulay Prefixlar

Git commit xabarlarini to‘g‘ri formatda yozish loyiha boshqaruvini osonlashtiradi va kodni tushunarli qiladi. Quyida eng qulay prefixlar va misollar keltirilgan:

✔️Yangi funksiya qo‘shish (feat:)

git commit -m "feat: mahsulotlarni izlash funksiyasi qo‘shildi"
git commit -m "feat: email orqali autentifikatsiya qo‘shildi"

🐛 Xatolikni tuzatish (fix:)

git commit -m "fix: login sahifasidagi xatolik tuzatildi"
git commit -m "fix: parol tiklashda yuzaga kelgan muammo hal qilindi"

*️⃣Kodni optimallashtirish (refactor:)

git commit -m "refactor: API so‘rovlarining strukturasi yaxshilandi"
git commit -m "refactor: takrorlanayotgan kod funksiyaga o‘tkazildi"

⚡️Ishlash samaradorligini oshirish (perf:)

git commit -m "perf: ma’lumotlar bazasi so‘rovlarini optimallashtirish"
git commit -m "perf: katta hajmdagi ma’lumotlarni yuklash tezlashtirildi"

🧪 Testlar qo‘shish yoki yangilash (test:)

git commit -m "test: login API uchun qo‘shimcha testlar qo‘shildi"
git commit -m "test: foydalanuvchi autentifikatsiyasi uchun unit testlar yozildi"

#️⃣Hujjatlarni yangilash (docs:)

git commit -m "docs: API qo‘llanmasiga yangilanish kiritildi"
git commit -m "docs: README fayliga o‘rnatish bo‘yicha qo‘shimchalar qo‘shildi"

💚Kod stilini yaxshilash (style:)

git commit -m "style: kodni formatlash va bo‘sh joylarni to‘g‘rilash"
git commit -m "style: eslint va prettier orqali kodni tozalash"

*️⃣Yordamchi o‘zgarishlar (chore:)

git commit -m "chore: package.json faylida kutubxonalar yangilandi"
git commit -m "chore: husky pre-commit hook qo‘shildi"

⚡️CI/CD bilan bog‘liq o‘zgarishlar (ci:)

git commit -m "ci: GitHub Actions uchun yangi workflow qo‘shildi"
git commit -m "ci: Dockerfile yangilandi"

⬅️Oldingi commitni bekor qilish (revert:)

git commit -m "revert: login sahifasidagi o‘zgarishlar qaytarildi"
git commit -m "revert: so‘nggi yangilanish sababli yuzaga kelgan xatolik qaytarildi"

💡Tartibli commit xabarlari loyihani tushunarli va boshqaruvini oson qiladi!


@mukhriddinweb

Dasturchilar eng ko‘p qayerda xato qilishadi?

🚫Faqat kod yozishga e’tibor berish – Dasturchi nafaqat kod yozishi, balki tizimni tushunishi, biznesni o‘rganishi ham kerak.

🚫O‘rganishni to‘xtatish – ITda bir joyda turib qolish yomon. “Suzmagan baliq oqar suvda ham cho‘kadi.”

🚫Plagiat va tayyor kodga o‘rganib qolish – Kodingni tushunmay ko‘chirib ishlatsang, rivojlanmaysan.

🚫Loyiha tugamasidan tashlab qo‘yish – “Boshlagan ishni oxiriga yetkaz” – bu har qanday muvaffaqiyatli dasturchining asosiy tamoyili bo‘lishi kerak.

Dasturchilik – bu faqat kasb emas, balki hayot

@mukhriddinweb

Test

Frontend dasturchi test yoza olishi shartmi?

Ko‘pchilik frontendchilar test yozishga bee’tibor qaraydi. Aslida esa, test – dasturchining qalqoni! Qachonki test yozishni o‘rgansangiz, o‘zingizni ishonchliroq his qilasiz va “Kodni buzib qo‘ymadimmi?” degan qo‘rquv yo‘qoladi.

Keling, test yozishning foydalari haqida gaplashamiz.

1️⃣ Kod sifati va barqarorlik

Test yozmasdan kodni deploy qilish – ko‘z yumib yo‘lni kesi o‘tish bilan barobar 😅. Testlar xatolarni erta aniqlaydi va kodning mustahkamligini oshiradi. Yangi o‘zgarishlar kiritayotganda, “Hamma narsa ishlayaptimi?” deb tekshirib o‘tirish shart emas – testlar o‘zi hammasini hal qiladi e'tiborli bo'lsangiz.

2️⃣ Katta jamoalarda ishlash

“Kimdir kodimni o‘zgartirib, hamma narsani buzib yuborsa-chi?” – bunday xavotirga test yozgan dasturchilar tushmaydi. Chunki testlar sizning himoya devoringiz. Jamoa a’zolari ham kodni ishonch bilan o‘zgartira oladi.

3️⃣ Senior yoki Tech Lead bo‘lish yo‘li

Oddiy kod yozish bilan katta natijalarga erishib bo‘lmaydi. Senior darajasiga chiqish uchun test yozishni bilish shart. Ayniqsa, TDD (Test-Driven Development) metodologiyasida ishlashni o‘rgansangiz, katta kompaniyalarda yaxshi imkoniyatlarga ega bo‘lasiz. Sinalgan :)

4️⃣ Ishga joylashish va maosh masalasi

Test yozadigan dasturchilar, odatda, yuqori maosh oladi va kuchli pozitsiyalar uchun ustunlikka ega bo‘ladi. Yirik kompaniyalarning ko‘pchiligi test yozishni majburiy deb hisoblaydi. Shuning uchun, “3 yildan beri bir xil maosh , amaliyotda yurib nazariyam yo'qoldi ” deb nolishdan oldin test yozishni o‘rganish kerak.
Test yozish faqat amaliyot emas nazariyani ham kuchli talab qiladi.

Qanday testlarni o‘rganish kerak?

*️⃣Unit testlar – alohida funksiyalarni tekshirish.
    ➖Jest, Mocha, Vitest

*️⃣Integration testlar – komponentlar va ularning bir-biriga bog‘lanishini tekshirish.
    ➖React Testing Library, Cypress

*️⃣End-to-end (E2E) testlar – foydalanuvchi interfeysi orqali umumiy tizimni test qilish.
    ➖Cypress, Playwright, Puppeteer

Test yozadigan dasturchi “shoshmasdan, lekin ishonch bilan” kod yozadi. Frontend dasturchi sifatida darajangizni oshirmoqchimisiz test yozishini o'rganing , bun o'rganishni boshlash qolgan bilmaganlaringizni o'rganishga majbur qilib qo'yadi , omad ❗️

@mukhriddinweb

Developer va Engineer o‘rtasidagi farq

Ko‘pincha Developer (dasturchi) va Engineer (muhandis) tushunchalari bir-biriga yaqin, lekin ular orasida farq bor.

Developer (Dasturchi)

Dasturchi (Software Developer) — dasturiy ta’minot yaratish, kod yozish va uni ishlab chiqish bilan shug‘ullanadi. U foydalanuvchilarga qulay bo‘lgan dasturlar, veb-saytlar yoki mobil ilovalarni ishlab chiqadi.

Asosiy vazifalari:
— Kod yozish va test qilish
— Ilovalar va veb-saytlarni ishlab chiqish
— Foydalanuvchi tajribasini yaxshilash

Engineer (Muhandis)

Muhandis (Software Engineer) esa yanada kengroq yondashadi. U nafaqat kod yozadi, balki dasturiy arxitektura, tizim dizayni va optimizatsiya ustida ishlaydi. Software Engineer murakkab tizimlarni loyihalashtirish va ularning samaradorligini oshirishga ko‘proq e’tibor qaratadi.

Asosiy vazifalari:

— Dasturiy ta’minot arxitekturasini loyihalash
— Murakkab tizimlarni yaratish va optimallashtirish
— Katta miqyosdagi dasturlarni ishlab chiqish

Agar Developer kod yozish va ilovalarni ishlab chiqish bilan shug‘ullansa, Engineer esa butun tizim arxitekturasini yaratish va uni optimallashtirishga e’tibor qaratadi.

“

Usta ko‘p, lekin me’mor bitta!”

deganlaridek . Dasturchilar tizimni yaratishda usta bo‘lishi mumkin, lekin muhandislar esa butun tizimni boshqaradigan me’morlar hisoblanadi )

Qisqacha aytganda:

– Developer – kod yozuvchi dasturchi
– Engineer – tizimlarni loyihalovchi va optimallashtiruvchi mutaxassis.


@mukhriddinweb

CTO kim?

CTO (Chief Technology Officer) — kompaniyaning texnologiyalar bo‘yicha rahbari. Oddiy qilib aytganda, u biznesni texnologik jihatdan rivojlantirish, yangi innovatsiyalarni joriy etish va Ayti jamoni boshqarish bilan shug‘ullanadi.

CTO vazifalari nima?

— Kompaniyaning texnologik yo‘nalishini belgilaydi
— Ayti jamoani boshqaradi va rivojlantiradi
— Mahsulot yoki xizmatning sifatini oshirish ustida ishlaydi
— Texnologiyalar yordamida biznesni o‘stirishga hissa qo‘shadi

Kuchli CTO — har qanday kompaniyaning texnologik yuragi!

Sizningcha, yaxshi CTO qanday bo‘lishi kerak ?


@mukhriddinweb