Mubosharat

Jismoniy mashqlar nafaqat jismoniy holatingizni, balki jinsiy hayotingizni yaxshilashning samarali usuli hisoblanadi. Sport bilan shug'ullanish asab tizimi va miyani rag'batlantiradi.

Xijolat, tanglik hissiyotini yo'qotasiz va jinsiy aloqaga ko'proq moyil bo'lasiz.

Jinsiy hayotingizdan tashqari, sport bilan shug'ullanish yurak-qon tomir tizimini mustahkamlaydi, qon aylanishini yaxshilaydi va jinsiy aʼzolarga yaxshiroq qon oqishini ta'minlaydi.

#salomatlik

@Mubosharat

Yaqinlikdan keyingi quchoqlashning ahamiyati

Ayollar yaqinlikdan keyin eng ko‘p istaydigan narsalardan biri – bu quchoqlashish. U jismonan va hissiy jihatdan yaqinlikni his etishni, jufti yonida qolishini va uni tark etmasligini bilishni istaydi. Quchoqlash – faqat jismoniy yaqinlik emas, balki ishonch va g‘amxo‘rlik ifodasidir. U sizning haroratingizni his qilishni, yurak urishingizni eshitishni va shu lahzani birga baham ko‘rishni xohlaydi. Aynan shu daqiqalar sizning o‘zaro bog‘liqligingizni mustahkamlashga yordam beradi.

#Tarjima

@Mubosharat

Ideal yaqinlik sari muhim savol

Ideal yaqinlikka intilgan har bir inson juftiga berishi lozim bo‘lgan birinchi va eng muhim savol: “Senga bu yoqayaptimi?”

Insonlar bir-birlarining istaklarini har doim ham bexato ilg‘ay olmaydi. Agar juftingiz sizga nimani xohlashini va aynan qanday yo‘l tutish kerakligini tushuntirsa, bu nafaqat lazzatlanish hissini oshiradi, balki sizning o‘zaro bog‘liqligingizni ham mustahkamlaydi.

#Tarjima

@Mubosharat

Jinsiy aloqa va ruhiy holat

Jinsiy aloqa paytidagi noxush holatlardan biri – erkak jinsiy a’zosining qo'zg'almasligi yoki ayolda namlik bo‘lmasligining asosiy sabablaridan biri xotirjamlikning yo'qligidir. Doimiy xavotir ostida qilingan jinsiy aloqa bora-bora shu kabi muammolarga olib keladi.

Bizda, ayniqsa, o‘zbekchilikda yangi kelin-kuyovni biroz xoliroq qo‘yish o‘rniga, aksincha, ularga ortiqcha bosim o‘tkaziladi. Kelin saharda turishi kerak, kechga borib xonasiga kirishidan oldin barcha uy ishlarini bitirishi lozim, mehmonlarga kun bo‘yi xizmat qilishi shart va hokazo. Bechora charchagan kelinchak kechasi eriga xizmat qila oladimi?! Mana muammo qayerda! Oilalar tezda, yangiligidayoq buzilib ketishining sabablaridan biri ham aslida shu. Erkak istaganda, qayta-qayta taklif qilganda xizmatlardan holdan toygan kelin erining ko‘nglini ololmaydi, chunki bunga na xohishi, na kuchi qoladi. Bu holat uzoq davom etaversa, er-xotin o‘rtasida qanday qilib mustahkam munosabat, jinsiy uyg‘unlik va muhabbat shakllansin?!

Yangi oila qurayotgan yosh yigitlar, mana shunday muammolarning oldini olish uchun to‘ydan oldin imkon qadar harakat qilishingiz kerak bo‘ladi!

Bu mavzuda yana to‘xtalamiz.

#Erkaklar

@Mubosharat

Jinsiy hayot faol bo‘lishi kerak

Jinsiy aloqaning ko‘payishi istakni ham oshiradi. U organizmda libido uchun mas’ul gormonlarni faollashtiradi, stressni kamaytiradi, og‘riqni yengillashtiradi, tos muskullarini mustahkamlaydi va qarish jarayonini sekinlashtiradi.

Aksincha — jinsiy aloqada bo‘lmaslik organizmga salbiy ta'sir ko'rsatadi. Shuning uchun yoshlar oila qursin, safardagilar qaytsin. Bizga qolsa, doim "sevishib" yashang! 😊

@Mubosharat

Ayollar, jinsiy aloqaga doir mavzularda suhbatlashish uchun eng yaxshi suhbatdosh turmush o'rtog'ingizdir. Mabodo bu masalalarni o'zaro hal qila olmasangizlar mavzuga tegishli manbalar va mutaxassis maslahatiga quloq soling. Lekin dugonalar, qo'shnilar bilan bu haqida gaplashmang!

#tavsiya

@Mubosharat

Ishtiyoq bilan o‘pish

Eng ehtirosli o'pish biroz tishlab o'pish desak, mubolag'a bo'lmaydi. Biroq bunda harakatlaringiz nozik va ehtiyotkor bo‘lishi lozim. Asosiy maqsad – yoqimli massaj hissini eslatish.

💡 Juftingizning erogen zonasini (masalan, tilini) muloyimlik bilan tishlaringiz orasiga oling va sekin harakatlar bilan mayin bosib qo‘ying. Bu oddiy harakat bo‘lsa-da, juda zavqli bo'lishi mumkin.

#Tavsiya

@Mubosharat

Er-xotin alohida xonada uxlashi

#Savol: Assalomu alaykum! Mening 10 oylik farzandim bor, xo‘jayinim farzandimiz tug‘ilganidan beri «Men ishlaydigan odamman, kechasi har bola uyg‘onganida uyg‘onib uxlasam, dam olganday bo‘lmayman, kunduzi ishlayolmayman», degan vaj bilan mehmonxonada uxlaydigan bo‘ldilar. Qachonki birga bo‘lishni xohlasalar, kiradilar va tugatgach, chiqib ketadilar. Menga bu holat umuman yoqmaydi. Erim yonimda bo‘lishlarini, faqat shu ish uchungina kerakli inson bo‘lmasligimni his qilishni xohlayman. Ko‘pincha kechasi menga yordam kerak bo‘lgan holatlarda ham bir o‘zim qiynalaman. Albatta, bu birinchi farzandimiz, hali tajribali ona emasman. Bularni xo‘jayinimga ko‘p gapirdim, ular esa yuqoridagi fikrda qattiq turib olganlar. Bu holat shariatimizga mos keladimi? Shunday yo‘l tutishlari joizmi?

Javob: Dam olish kunidan bir kun avval o‘zingiz ortidan yoniga kirib yoting. Keyin shunday kirib yotishlarni ko‘paytirib boring.

Vallohu a’lam.

Odinaxon Muhammad Sodiq

@Mubosharat

Bir haftada bir!

Azizlar, bugun haftalik ixtiyoriy xayriya amalimiz kuni. Keling, bu haftaning hisobidan ehsonimizni o'tkazib qo'yaylik. Men uni haqdorga yetkazaman, inshaalloh.

Xayriya haqida batafsil.

Karta raqam: 9860160605493933
O'z nomimda.

G'iyosiddin Yusuf

Kechki jinsiy yaqinlikning afzalliklari

▪️ Kechki va tungi yaqinlik chalg‘ituvchi omillardan xoli bo‘ladi. U odatda uzoqroq, shoshilmasdan kechadi va butun badanni bo'shashtiruvchi ta'sirga ega bo'ladi. Bu vaqtda jinsiy aloqaning sifati fiziologik emas, balki psixologik omillarga ko‘proq bog‘liq bo‘ladi.

▪️ Erkakning ehtirosi asta-sekin kuchayishi uchun vaqt kerak, shuning uchun kechki yaqinlikda romantik lahzalar ko‘proq bo‘lib, har ikkala juft uchun maksimal zavq bag‘ishlaydi.

▪️ Jinsiy aloqa – organizm uchun jismoniy faollik bo‘lib, tayanch-harakat tizimi, nafas olish va yurak-qon tomir tizimiga ijobiy ta’sir ko‘rsatadi. Orgazm paytida organizm katta miqdorda oksitotsin, endorfin va prolaktin kabi “baxt gormonlari”ni ishlab chiqaradi. Bu esa tinchlanish, xotirjamlik va uyquning yaxshi bo'lishini ta’minlaydi.

▪️ Va nihoyat, kechki jinsiy yaqinlik gigiyena nuqtayi nazaridan ham qulaydir. Juftlik jinsiy aloqadan keyin dush qabul qilib, o‘zini tetik his qiladi. Bu esa uyqu sifatini yanada yaxshilashga yordam beradi.

#tarjima

@Mubosharat

Jinsiy hayot haqidagi kanalda 30K, farzand tarbiyasi haqidagi kanalda 10K ham obunachi bo'lmasa, men uyalaman. 😕🤦‍♂️ Meni uyatga qo'ymang...

Erkakning tabiatini tushunish

Erkaklar tabiatan yetakchilik qilishni va o‘zini rahbar his qilishni yaxshi ko‘radi. Bu his-tuyg‘u jinsiy munosabatlarda ham aks etishi tabiiydir.

▪️unga o‘z tuyg‘ularini erkin ifoda etishga imkon bering;
▪️o‘zaro rozi bo‘lgan holda uning istaklariga moslashishni o‘rganing;
▪️uning o‘zini yetakchi sifatida his qilishi uchun muhit yarating.

Muhimi, har qanday yaqinlikda bir-biringizning his-tuyg‘ularingizni hurmat qilish va shaxsiy chegaralarga rioya qilishdir.

#Erkaklar #ayollar

@Mubosharat

Erkak ayolini nega xohlamasligi mumkin?

💾 Tashqi ko‘rinishga e’tiborsizlik.
Ayrim ayollar uyda o‘zlariga qarab yurmaydi, bu esa erkakning ayoliga bo'lgan qiziqishini so'ndirishi mumkin. Axir "Onangni otangga pardozsiz ko'rsatma!" deb bejiz aytmaganlar!

💾 Stress va charchoq.
Erkakning ishdagi zo‘riqishi, jismoniy va ruhiy charchoqlari, hayot tarzi munosabatlarga salbiy ta’sir ko‘rsatadi.

💾 Yaqinlik muhitining yo‘qligi.
Oilaviy turmush tarzida romantika va qiziqarli daqiqalar yo‘qolib ketadi. Fikr va his-tuyg‘ularni jonlantirish uchun mehr va e’tiborni qaytarish muhim.

💾 Muammo jinsiy munosabatda emas, munosabatning o‘zida.
O‘rtadagi ishonch va iliqlikni tiklash uchun ochiq va samimiy muloqotga vaqt ajrating.

Munosabatlarda muammolarni o‘z vaqtida aniqlab, ularga yechim topish – uzoq muddatli baxtli hayot kaliti!

#Erkaklar #ayollar

@Mubosharat