Muallim | Ta'limga oid

⚡️ Дарсда телефондан фойдаланиш мумкинми?

✅ Қуйидагилар тақиқланган:
— Телефонини бўйнига осиб олиш, кўкрак чўнтакларида, шим, юбкалари чўнтакларида ва шу кабиларда сақлаш;
— Телефон аккумулаторини зарядлаш учун таълим муассасаси электр тармоқларига улаш;

✅ Телефони ёрдамида:
— Атрофдагиларга зўравонлик, шафқатсизлик, порнографияни тарғиб қилувчи видео ва суратларни намойиш қилиш;
— Таълим муассасасининг нуфузига, шу жумладан, зўравонлик ва вандализм ҳолатларини суратга олиш ва кейинчалик уларни атрофдагиларга намойиш этиш йўли билан зарар етказиш;

✅ Ўқув машғулотлари вақтида:
— Телефон орқали сўзлашиш ҳамда СМС (ММС) ва бошқа турдаги хабарларни жўнатиш;
— Телефонни стол устига қўйиш;
— Мўсиқа тинглаш;
— Сурат ва видео тасвирларни кўрсатишда телефондан фойдаланиш, тасвир кўриш, диктофон, калкулятор, календарь, блокнот, ён дафтарча кабилар сифатида фойдаланиш;
— Суратга олиш ва видео тасвирга тушириш;
— Телефон орқали бошқа хизматлардан фойдаланиш.

❗️Тартиб бузилса:

Таълим муассасасининг ҳар қандай педагог ходими таълим олувчидан телефонни олиб қўйиш, билдиришнома расмийлаштириш ва уни телефон билан бирга таълим муассасасининг директорига ёки директор ўринбосарига, кейинчалик уни ота-оналарга бериш ҳуқуқига эга.

👉 https://t.me/muallimlarga

⚡️ ТАДБИРЛАР ОЙЛИГИ ҚУЙИДАГИЧА ЭТИБ БEЛГИЛАНДИ

🗓 Сентябрь –Ўзбекистон Республикаси мустақиллигини мадҳ этиш ойлиги

🗓 Октабр – Устоз ва мураббийларни улуғлаш ойлиги

🗓 Ноябрь – «Бағрикенглик»ойлиги

🗓 Декабрь – «Ҳуқуқий маданиятни ошириш» ойлиги

🗓 Январь – Ватанпарварлик ойлиги

🗓 Февраль – Буюк алломалар ойлиги

🗓 Март – Миллий қадриятлар ойлиги

🗓 Апрель – «Буюк аждодлар меросини ўрганиш ойлиги»

🗓 Май – Хотира ва қадрлаш ойлиги

👉 https://t.me/muallimlarga

⚡️ Устозлар фарзандларининг ютуқларидан кўра, шогирдларининг ютуқларига кўпроқ қувонади

〰️ Дунёда битта касб бор: ўқитувчилик. Қолган касблар унинг ҳосиласидир.

〰️ Миллатнинг эртаси мактаблардан бошланади.

〰️ Ўқитувчи бир умр бола бўлиб қолади.

〰️ Ўқитувчи бир вақтнинг ўзида она, ота, бобо, буви, ака, опа,  дўст бўла олади.

〰️ Ўқитувчида отанинг қаттиққўллиги, онанинг меҳри бўлиши керак.

〰️ Ҳеч кимнинг 30 нафар фарзанди йўқ. Ўқитувчида эса бор.

〰️ Ҳамма ўз боласини севади. Ўзганинг боласини севиш, унга таълим-тарбия бериш эса ҳар кимнинг ҳам қўлидан келмайди.
Бунинг учун инсонда катта юрак керак бўлиши керак.

〰️ Болаларни сева олмаган кишидан ўқитувчи чиқмайди.

〰️ Ўқитувчилик--бу ҳали устозлик дегани эмас.

〰️ Ўқитувчилик--бу касб.
Устозлик эса бахтдир.

〰️ Ҳаётингиз давомида ҳеч бўлмаса битта шогирдингиз сизни устоз сифатида тан олмаса, умрингиз шамолларга соврилибди.

〰️ Ўқувчиларим мени устоз сифатида эмас, аввало, инсон сифатида яхши кўришларини истайман.

〰️ «Дарсимда пашша учса билинади»-дейдиган ўқитувчилар рост гапиради. Уларни фақат пашша қизиқтиради.

〰️ Амир Тимур дунёни тиғ билан, Навоий қалам билан олган бўлса, устозлар дунёни бўр билан олади.

〰️ Бу ҳаётда оддий синф раҳбар бўлмайди. Синф раҳбар бўлдингми, чида. Муштни муштга тугиб чида, тишни тишга қўйиб чида.Синф раҳбарликни чидаганга чиқарган.

〰️ Бугун синф раҳбарлик олиб, унинг масъулиятига чидолмай, эртага ташлаб юборадиган ўқитувчининг ўзини «ташлаб» юбориш керак.

-Устоз яқинми, ота?
-Ота. Агар у устоз бўлса.

〰️ Ҳақиқий ўқитувчининг қаҳрида ҳам болага нисбатан меҳр уфуриб туриши керак.

〰️ Энг ёмон ўқувчимни бошқа синфдаги 10 нафар энг яхши ўқувчига алишмайман.

〰️ Ўқувчингиз ҳаётий масалада сиздан маслаҳат,ёрдам сўраяпдими, демак, устоз даражасига етибсиз, муборак бўлсин.

〰️ Ҳеч қачон ўқувчиларингизга одам бўлмайсан, деманг. Унингку танлаш имконияти бор. Сизда эса ҳатто шу ҳам йўқ.

〰️ Бугунги жиноят кечаги тарбиянинг маҳсулидир.

〰️ Биз-устозлар ўқувчиларимизга мактабда эмас, ҳаётда аълочи бўлишлари учун кўмак беришимиз керак.

〰️ Устознинг ҳаттоки қадам ташлаши ҳам тарбия бўлиши керак.

〰️ Шогирдларига фақат таълим берган ўқитувчи мутахассис тайёрлайди.Шогирдларига таълим-тарбия берган ўқитувчи инсонни етиштиради.

〰️ Ўқувчингиз сизни ота-онасининг ноўрин айбидан ҳимоя қилаяпдими, демак сиз унинг қалбидан жой олибсиз.

〰️ Устозлар фарзандларининг ютуқларидан кўра,шогирдларининг ютуқларига кўпроқ қувонади.

〰️ Юксакларга чиқмоқчи бўлсангиз, пастга тушиб ўқувчилар билан бирга бўлинг. Кун келиб уларнинг ўзи сизни юксакларга олиб чиқади.

⚡️ БАРЧАГА УЛАШИНГ

👉 https://t.me/muallimlarga

⚡️​Аттестация ўтволсин

   Болам дейди: Кўксомса
   Егим келди онажон
   Аттестация ўтволсин
   Қилиб берай болажон.

   Онам дейди: Соғиндим
   Келмайсанми қизгинам?
   Онажон дуо қилинг
   Соғиниб кетдим мен ҳам 😥

   Қўшним дейди: Бормисиз
   Кўринмайсиз бунча ҳам
   Аттестация ўтволсин
   Чиқарман кўчага ҳам.

   Телевизор ҳам кўриш йўқ,
   Дилга сиғмас наволар.
   Ўчакишиб ёмғир, қор
   Очилмайди ҳаволар.

   Ошхонаю, ҳовли ҳам
   Бўлиб кетди бетартиб.
   Мен эса тест ишлайман
   Ёшланган кўзим артиб.

   Тушимда ҳам масала,
   Ўнгимда ҳам шу аҳвол.
   Телефоним тутаб кетар,
   Ўзимчи ундан баттар.

   Не бўлса ҳам азизла
   Аттестация ўтволсин.
   Ҳамма етиб муродга
   Етарли баллни олсин.
  
   Бу кунларни ажрини
   Берар бир кун Оллоҳим.
   Устозжонлар барчага
   ОМАД кулсин илоҳим.

👉 https://t.me/muallimlarga

⏺Ҳодим ишдан бўшатилганда  қанча миқдорда  нафақа берилади?

Ишдан бўшатиш нафақаси ходим иш стажига мос равишда унинг ўртача ойлик иш ҳақининг қуйидаги миқдорларидан кам бўлиши мумкин эмас:

🗄3 йилгача иш стажига эга ходимлар учун –50 фоиздан;

🗄3 йилдан 5 йилгача иш стажи учун – 75 фоиздан;

🗄5 йилдан 10 йилгача иш стажи учун – 100 фоиздан;

🗄10 йилдан 15 йилгача иш стажи учун – 150 фоизидан;

🗄15 йилдан кўп иш стажи учун – 200 фоизидан.

Жамоа келишувларида, жамоа шартномасида, ички ҳужжатларда, меҳнат шартномасида ишдан бўшатиш нафақаси билан боғлиқ бошқа кафолатлар белгиланиши ҳам мумкин.

Манба

👉 https://t.me/muallimlarga

😘 ДАРСДАН СЎНГ

Кимнидир койиди чеккани учун.
Тортиб олиб қўйди гугуртини ҳам.
Машқ дафтарларини йиғди-да, сўнгра
Бир-бир санаб кўрди. Етти дафтар кам.

«Ҳар гал шундай аҳвол.
Уялмайсизми?
Келасиз ўқишмас, қилиш учун сайр.
Бу сафар ҳам икки қўймай тураман,
Эртага қолганлар топширсинлар.
Хайр».

Қиш куни — бир тутам.
Қорайганди қош.
Иккиланди. Ўтмак керак, ахир, қирдан.
Эри ҳам келмади олиб кетишга
«Кўнгли совидими…» - ваҳм этди бирдан.

Ҳамкасб дугонаси қистовга тутиб,
«Тунаб кетинг, - деди.
- Кеч бўлиб қолди»
Кўнмади.
Қўлтиқлаб машқ дафтарларни
Уйга ёлғиз ўзи яёв йўл олди.

Овул тугаб, энди қирга чиққанда
Оқшом қуюқ эди, атроф сим-сиёҳ.
Йўлдан қайтмоқчи ҳам бўлди бир ўйи.
«Ўғлим хасталаниб қолдимикан ё…»

Юрагини баттар ваҳима босди,
Қамради тундан ҳам баттар бир қўрқув.
Ўнқирми, чўнқирми, ўрми, қир демай
Яна кетаверди, кетаверди у.

Мудҳиш бир шарпани илғади ногоҳ,
Разм солса қашқир. Қиларди таъқиб,
Эслади йиртқичнинг қўрқишин ўтдан,
Изига бир дафтар ташлади ёқиб.

Қашқир тўхтаб қолди.
Сўнг - яна, яна…
Муаллима омон топган бу олов
Йиртқичга берарди иложсиз сабр.
Йўловчи - ёқарди, қашқир - тўхтарди,
Тин оларди икков ҳар дафтарда бир.

Йўл узоқ, тун қаро, қашқир эса оч,
Оч йиртқич биларми надир садоқат.
Уйга яқин қолган вақтда тугади
Муаллимда дафтар, қашқирда - тоқат.

Уввос фиғон тутди қишлоқни тонгда,
Замин аза очди, замон йиғлади.
Дафтар топширмаган етти ўқувчи
Ҳаммадан ҳам ёмон йиғлади.

Нўноқ назмим учун афв эт, халқим,
На олим, на фозил, на сўз пириман.
Ўз вақтида дафтар топшира олмай
Қолган болаларнинг бириман.

Мен яхши биламан, тумор қилмайди
Ёзган шеърларимни ошиқлар.
Мен яхши биламан, қўшиқларим жўн,
Биламан, булар бир оддий машқлар.

Лекин…
Кетмакдасан келажак сари
Тап тортмай қисматнинг дашт, қирларидан.
Ўзимча асрагим келади сени
Ёвузлик, хиёнат қашқирларидан.
Мен машқ бажараман, ёзаман ҳар кун
Дараклар, сўроқлар, хитобларимни.
Сен йўл бўйи ёқиб ташлаб кетавер
Қашқирлар қўрққувчи китобларимни.

😘 Матназар Абдулҳаким

👉 https://t.me/muallimlarga

⚡️ Бетарбия бола бўлмайди, у шунчаки тарбияни бетарбиядан олади

Тарбияга оид баъзи бир маслаҳатлар:

—  Болам сочиқни олиб кел, эмас,
—  Болам қўлимни артмоқчиман, денг.

— Дарсингни қил, эмас,
— Ақлли, тиришқоқ бўлишингни истайман, денг.

— Китоб ўқи, эмас,
— Дунёқарашинг кенг бўлишини истайман болам, денг.

— Овқатингни егин, эмас,
— Соғлом бўлишингни истайман, денг.

⚡️ Болажонларимизга буйруқ тарзида муносабатда бўлсак, у фақат буйруқ бажарадиган, кейинги буйруқ берилишини кутадиган шахсга айланади.

❗️У эркин, ўзи фикрлайдиган ва ўз ишини билиб қилишини истасак, унга бўлган муносабатимизни ўзгартиришимиз зарур!

Бетарбия бола бўлмайди, у шунчаки тарбияни бетарбиядан олади. Болани тарбия қилишдан аввал ўзимиз тарбия кўрган бўлишимиз зарур.

Барча ғарб психологлари тавсия этаётган усуллар бизга тўғри келавермайди. Энг яхши оила намунаси ўзимизда бўла туриб, ота-онани қадрлаш ўзимизда бўла туриб, биз нима учун ўзлигимиздан кечиб, бошқаларга тақлид қилишимиз керак? Келинг, бир фикр қилайлик-да, ўзлигимизни, ўзбеклигимизни асраб қолайлик. Фарзандларимизга ўзбекона тарбия берайлик, азизлар.

Муаллиф Dr. Gavhar Darvish

👉 https://t.me/muallimlarga

❤️ Emaktab.uz да ўқувчиларни давомат қилиш бўйича эслатма
⠀
🔍 S – сабабсиз дарсда қатнашмади;
🔍 DQ – узрли сабаб билан дарсда қатнашмади;
🔍 K – бетоблиги сабабли дарсда қатнашмади;
🔍 KQ – дарсга кечикикиб келди;
🔍 M - сурункали дарс қолдириш

Фан ўқитувчилар томонидан қўйиладиган таълаблар!
🔍 S – сабабсиз дарсда қатнашмади;
🔍 KQ – дарсга кечикикиб келди;

❤️ Эслаб қолиш осон бўлиши учун қуйидагиларни тавсия қиламиз:

➖N - номаълум;
➖DQ - дарс қолдирди;
➖K - касал;
➖KQ - кечга қолди;

🤓 БAРЧAГA УЛAШИНГ

👉 https://t.me/muallimlarga

⚡️ Устама олиш учун 9 та йўналишда ўқитувчига қўйиладиган максимал баллар қандай?

⚡1-БЎЛИМ, ЧОРАКЛИК БАҲОЛАРНИНГ ЎРТАЧА ҚИЙМАТИ - Максимал балл 5

⚡2-БЎЛИМ. ОЛИМПИАДА НАТИЖАЛАРИНИНГ УСТАМАГА ТАЪСИРИ - Максимал балл 30

⚡3-БЎЛИМ. ТАНЛОВ ВА БОШҚА ТАДБИРЛАРДА БОШЛАНҒИЧ СИНФ ЎҚУВЧИЛАРИНИНГ ИШТИРОКИ  - Максимал балл 30

⚡4-БЎЛИМ. ИШ ТАЖРИБАЛАРНИ ОММАЛАШТИРИШ  - Максимал балл 15

⚡5-БЎЛИМ. ПEДАГОГИК СТАЖ  - Максимал балл 10

⚡6-БЎЛИМ. СИНФ РАҲБАРЛИГИ ЮКЛАТИЛГАНЛИГИ  - Максимал балл 5

⚡7-БЎЛИМ. ПEДАГОГЛАРНИ МАЛАКА ОШИРИШДАН ЎТГАНЛИГИ  - Максимал балл 10

⚡8-БЎЛИМ. СИНФДАН ТАШҚАРИ ИШЛАР  - Максимал балл 15

⚡9-БЎЛИМ. ЎҚИТУВЧИНИНГ ПEДАГОГЛИК ФАОЛИЯТИ БАҲОСИ  - Максимал балл 10

👉 https://t.me/muallimlarga

⚡️ Япон мактабларидаги қоидалар:

1. Мактабларда ишқий-романтик муносабатларга йўл қўйилмайди.

2. Япон мактаби ўқувчиси мактаб буфетига кирмайди. Синфхоналарга давлат томонидан уюштирилган овқатлар олиб келинади ва ўқувчилар уларнинг ҳаммасини ейишга мажбур ҳисобланади.

3. Япон мактабларида ёзги каникул берилмайди. 5 ҳафталик каникуллар ўқув йили даврида берилади ва ўша даврда ҳам ўқитувчилар ўқувчилар билан муттасил шуғулланиб келади.

4. Мактабда фаррош йўқ, бу вазифани ўқувчиларнинг ўзи бажаради. Шунинг учун ҳам ўқувчилар ҳеч қаерга ортиқча нарсалар ташламасликка ва мактабни ифлос қилмасликка ҳаракат қиладилар.

5. Ўқувчиларнинг турли-туман соч турмаклари ва лак-бўёқларга рухсат этилмайди.

6. Япон болалари бошланғич синфдан кейин форма кийишга ўтишади.

7. Ҳар бир япон ўқувчиси сузишни билиши шарт! Мактабларда ташкил этилган бассейнларда ҳаммага сузиш дарслари ўтилади ва улар бу санъатни жуда яхши эгаллаган бўлишлари шарт! Синовдан ўта олмаган ўқувчи бошқа ўқитувчида қайтадан машғулотларни ўтиб, кейин такрорий синовдан ўтказилади.

8. Мактабда бир ўқувчининг ўз иқтидори билан алоҳида ажралиб туришига йўл қўйилмайди! «Иқтидорсиз ўқувчининг ўзи йўқ!» деган тушунча япон таълим тизимида устувор! Япон мактаби ҳар бир ўқувчини тенг ва бетакрор деб билади ва уларни ҳар тарафлама тайёрлашга йўналтирилган.

👉 https://t.me/muallimlarga

⚡️ Ўқитувчилар дунё тарихида катта ўзгаришлар қилган!

Тарихдаги машҳур шахсларнинг аксарияти ўқитувчилар ёрдамида улкан ютуқларга эришган. Масалан, Алберт Эйнштейннинг мактабдаги математик ўқитувчиси уни катта қизиқиш билан ўқитган ва унинг илм-фанга бўлган севгисини янада оширган.

Шунингдек, АҚШнинг 16-президенти Авраам Линколн оддий ўқитувчилар ёрдамида савод чиқариб, давлат бошқарувигача етиб борган. Шундай экан, ўқитувчилар ўз касблари орқали кўплаб инсонлар ҳаётида ва жамиятда из қолдиради!

👉 https://t.me/muallimlarga