MSD | Academy

Viktorina: Qaysi brend bu?

Rasmda qaysi brendning kreativ reklamasi va qanday maʼno bermoqchi?

💡Sizning javobingiz bormi, izohda yozing!

Uchta viktorinaga birinchi va toʼgʼri javob berganlarga ajoyib sovgʼamiz bor! 😎

🔹🔸@msd_academy

Duolar ijobad bo'ladigan oy muborak bo'lsin!

🔹🔸@msd_academy

Kopirayting va uning kichik biznesga foydalari

https://telegra.ph/Kopirayting-va-uning-kichik-biznesga-foydalari-02-27

🔹🔸@msd_academy

Eng asosiysi eshitish...

Yaxshi savdo usullari koʼp lekin agar siz bu qoidani asos qilib olmasangiz doim rad javoblarini olasiz. Bunday bo'lmasligi uchun, mijozni birinchi o'ringa qo'ying va uning gaplarini chinakamiga eshiting.

Ular o'z muammolarini hammadan ko'ra yaxshi biladilar. Faqat bir narsani: aynan siz ularga yordam bera olishingizni bilmaydi. Mana bu yerda barcha narsa sizga bog'liq, chinakam tinglovchi bo'ling va mijozning muammolarini tinglab ularni yeching.

Stiven Shiffman

🔹🔸@msd_academy

Nima uchun men o'zimni tanitmayman?

Siz haqingizda malumot olish uchun hech nima yozilmagan faqat 8 yillik tajriba va ismingiz Diyorbek ekanligidan boshqa hech nima yo'q?

Buning asosiy sababi loyihaning boshida, o'zimga birinchi maqsadimni amalga oshirgunimcha, o'zimni omma oldida tanitmaslikka va'da berganman. Faqat ismim, faoliyatim va tajribamdan tashqari.

Qanday maqsad deysizmi?

Mening birinchi maqsadim: 100 ta yangi boshlovchilar uchun o'z ishini boshlash va tadbirkorlar uchun daromadini oshirishga sababchi bo'lishdir.

Qanday qilasiz desangiz?

Xudo xohlasa reja bo'yicha ketsam bir oydan so'ng marketing va sotuv bo'yicha kursimni boshlayman. Bu kursning ijobiy tomoni: marketing va sotuv bilimlari dars holatida tushuntiriladi va amaliy har bir kurs a'zosi bilan uch guruhlarga bo'lib oʼzim individual shug'ullanaman.

🟢Start guruhi: Bu guruh asosan yoshlar va faoliyatini yangi boshlovchilar uchundir. O'zining sohasi bo'yicha ishga kirmoqchi bo'lgan yoki o'z tadbirkorligini boshlamoqchilar kiradi. Bu guruhga faqat 15 ta a'zo qabul qilinadi.

🔵Business guruhi: Bu guruh kichik tadbirkorligi bor va o'z sohasida xizmat ko'rsatuvchilar uchundir. Tadbirkorlik ishlarida marketing va sotuv bilimlari to'liq o'rgatilib, biznesining savdosini oshirishga individual hissa qo'shiladi. Bu guruhga faqat 10 ta a'zo qabul qilinadi.

⚫️VIP guruhi: Bu guruh oʼzining biznesiga umumiy marketingni qoʼllab yanada rivonlantirmoqchilar uchundir. Ular uchun biznesi marketing tahlilidan o'tkazilib, o'ziga yoki hodimiga marketing va sotuv bilimlarni o'rgatilib, marketing strategiyalar tuzib beriladi hamda induvudial amaliy yordamlar berib boriladi. Bu guruhga faqat 5 ta aʼzo qabul qilinadi.

🔹🔸@msd_academy

Marketingda keng tarqalgan xatolar va ulardan qochish yo‘llari

https://telegra.ph/Marketingda-keng-tarqalgan-xatolar-va-ulardan-qochish-yollari-02-23

🔹🔸@msd_academy

Qo'zivoy onlayn savdo boshlabdi...

Instagramga shu rasmni qo'yib, tagiga: "Krossovkalar 100% original va import tovar!" deb e'lon beribdi.

Bir odam uning direct'iga yozibdi:
— Qayerdan import qildingiz?
— Chorsu bozorining 3-qatoridan!

— Iye, Chorsudan qanday import qilasiz?
— Chorsudan import qilib, sizga eksport qilamanda aka. 😁

🔹🔸@msd_academy

Hamma sizning mijozingiz emas

🎯 Tadbirkorlardan sizning maqsadli bozoringiz kim (mijozlaringiz kim) deb so'raganimda, ko'pincha "hamma" deb javob berishadi. Lekin, nu "hech kim" degan so'z bilan teng. Imkon qadar ko'p mijozga ega bo'lish istagi sabab ular shunchaki katta bozorni egallashga urinadi.

🎯 Bir qaraganda bu mantiqan to'g'ridek tuyuladi. Lekin bu katta xato. Ko'pchilik tadbirkorlar maqsadli bozorini toraytirishdan qo'rqadi, o'zini katta bizneslarga solishtirib mass marketingdan foydalinishga harakat qilishadi. Lekin bu mass marketingni qo'llagan kichik biznes egalari huddi qalin tumanda qolgan kamonchiga o'xshaydi, nishonga tegib qolar deb har tomonga o'q otishadi.

🎯 Mass marketing shundan iboratki, katta byudjet orqali har joyda biznesining mahsulotini eslataveradi huddi tumanda qolgan kamonchimas balki o'qlari ham o'zlari ham ko'p kamonchilardek. Lekin, kichik va o'rta biznes uchun bunday marketing toʼgʼri kelmaydi, chunki uning yelkasida har tomonga otaverish uchun yetarlicha o'q (ya'ni mablag') yo'q.

🎯 Kichik biznesda yaxshi marketolog bo'lish uchun siz xuddi tor maqsadli bozorni lazerdan nishonga olayotgan snayper bo'lishingiz kerak, shunda siz o'zingizga kerakli bo'lgan mijozga o'q uza olasiz. Oz byudjet bilan mijozlarni jalb qilishni aniqrog'i snayper bo'lishni o'rganamizmi? 🔥

🔹🔸@msd_academy

Nega koʼp odamlar bozordan emas, do‘kondan kiyim sotib oladi?

Mahalliy bozorlarda kiyim tanlovi katta, narxlar ham ancha arzon. Lekin ko‘pchilik baribir do‘konlarga boradi va qimmatroq bo‘lsa ham shu yerdan xarid qiladi. Nima uchun? Sababi oddiy – odamlar faqat mahsulotni emas, xizmat, ishonch, qulaylik va imidj sotib oladi.

✅ Ishonch va kafolat
Bozordan olingan kiyim kichik yoki sifatsiz chiqsa, uni almashtirib bo‘lmaydi. Do‘konda esa mijoz o‘lchamni almashtirish, sinab ko‘rish yoki qaytarish imkoniyatiga ega. Bu esa mijozni o‘zini xavfsiz his qilishiga sabab bo‘ladi.

✅ Xarid qilish qulayligi
Bozorda gavjumlik, shoshilish, tiqilinch, ob-havo noqulayligi – bular ko'p mijozga yoqmaydi. Do‘konda esa komfort zona, konditsioner, yorug', shinam va bemalol istagan vaqtida tanlash imkoniyati bor. Shuning uchun odamlar xarid jarayonidan zavq olish uchun do‘konni tanlaydi.

✅ Imidj va brend qadri
Ko‘pchilik uchun kiyim – bu nafaqat zarurat, balki status va obro‘. Bozordan olingan kiyim hech qanday brendni ifodalamasligi mumkin. Do‘kondan esa mijoz maxsus paketda brend imidjini ko‘tarib chiqadi hamda do'konlarda sifatli kiyimlar sotiladi degan fikr bo'ladi.

✅ Psixologik omillar
Insonlar tabiatiga ko‘ra, qimmat narsaga ko‘proq ishonishadi. Oddiy futbolka bozorda 120 ming bo‘lishi mumkin, lekin do‘konda 300 mingga bo‘lsa ham, mijoz “bu yaxshiroq” deb o‘ylaydi. Bunga qo'shimcha odamlarni e'tiborini jalb qiladigan aksiya va chegirmalar (300 ming so'mlik kiyimni 40% chegirmada deb 180 ming so'mga sotishi) doimiy do'konlarda bo'ladi.

Sizchi qayerdan kiyim-kechak sotib olasiz va nima uchun? ✏️

🔹🔸@msd_academy

"Ma'lumotlarsiz marketing ko'zingizni yumib mashina haydashga o'xshaydi"

Don Zarella

Ko'pchilik tadbirkorlar avval boshdan marketing tadqiqotlarini, tahlillarini o'tkazib ma'lumot to'plamasdan mahsulotim zo'r albatta sotiladi deb juda katta xatolar qilishadi. Bunday xatolar nafaqat kichik biznesda hattoki katta kompaniyalarda ham uchrab turadi.

Misol uchun, Coca-Cola 1985-yilda yangi retsept bo‘yicha New Coke ichimligini chiqardi. Ular ta’m testlarida yangi formula yaxshi deb o‘ylashdi, lekin bozorni chuqur o‘rganmagani uchun mijozlar noroziligini oldindan ko‘ra olishmadi. Natijada, kompaniya katta yo‘qotishlarga uchradi va zararlarni tan olib yana qayta eski Coca-Cola retseptiga qaytadi.

Marketingda taxmin emas, tahlillar va mijoz fikrlari juda muhim. Har qanday biznes boshlamoqchi bo'lsangiz avval marketing tahlillarini o'tkazing.

🔹🔸@msd_academy

Viktorina: Qaysi brend bu?

Rasmda qaysi brendning kreativ reklamasi va qanday maʼno bermoqchi?

💡Sizning javobingiz bormi, izohda yozing!

Uchta viktorinaga birinchi va toʼgʼri javob berganlarga ajoyib sovgʼamiz bor! 😎

🔹🔸@msd_academy

Kichik biznes marketinggi sal boshqacha

🟡Kichik biznesni yaqqol ko'zga tashlanadigan va kam mablag' bilan raqobatbardosh qila oladigan marketing usullaridan biri bu - to'g'ridan-to'g'ri javob marketingidir. Bu shunday usulki, siz sarflagan xarajatingizga yarasha natija olasiz. Soddaroq qilib aytganda reklamaga 2 so'm saraflab 10 so'm foyda olasiz.

Bu bo'lajak mijozning aynan bir muammosini yechishga qaratilgan bo'lib, u maxsus bilim va maslahat bilan o'z yechimini topadi. Shuningdek, bu usul kamroq mablag' bilan bo'lajak mijozning ong ostiga kirishning oson yo'li.

🟡Siz reklamangizni to'g'ridan-to'gri javob usuliga o'zgartirsangiz, ular nomingizni tanitadigan vositadan ko'ra lid (bo'lajak mijoz) yaratadigan vositaga aylanadi. Bu marketing usuli bo'lajak mijozni ma'lum bir harakat (call action) bajarishga undaydi, masalan, sizga SMS yozishga, telefon qilishga, telefon raqamingizni yozib qo'yishga, buyurtma berishga yoki telegram kanalingizga kirib siz bilan yaqinroq tanishishga undaydi.

Kichik biznesdagi marketing bu savdoga yo'naltirilgan marketingdir.

Allan Dib

🔹🔸@msd_academy

O‘zbekistonda eng ko‘p foydalaniladigan marketingning 7 turi

https://telegra.ph/Ozbekistonda-eng-kop-foydalaniladigan-marketingning-7-turi-02-20

🔹🔸@msd_academy

Mehnatsevarlik o'zi nima?

Bizning madaniyatimiz mehnatsevarlik haqidagi fikrlarini rag'batlantiradi ayniqsa yarim tungacha ishlagan bo'lsa! Ular o'zlarini ushbu ish uchun qurbon qilgandek va jasorat ko'rsatgandek tutishadi. Aslida esa hech bir hajmdagi ish o'ta katta bo'lmaydi.

Ko'p ishlayapsiz degani biznesingiz kelajagi haqida ko'p qayg'uryapsiz yoki ko'p ish qilyapsiz degani emas. Bu faqatgina siz ko'p ishlayotganligizni anglatadi.

O'zining mehnatiga mukkasidan ketganligi oqibatida mehnatsevarlar ko'pincha yechimdan ko'ra ko'proq muammo yaratishadi. Chunki, bu tarzda ishlashni uzoq va barqaror davom ettirishning iloji yo'q. Sababi inson organizmi bunga moslashmagan. Inson haddan tashqari o'zini uruntirishi, o'z imkoniyatlardan ortiqcha ishni bajarishga urinishi avvalo o'zi uchun jiddiy oqibatlarga olib keladi.

Mehnatga mukkasidan ketganlar ko'pincha eng asosiysini e'tibordan chetda qoldirishadi. Ular ko'p vaqt sarflash bilan muammoni hal qilishga urinishadi. Lekin muammoni hal qilinishi juda ko'p hollarda bunga bog'liq emas.

Devid Hensson

🔹🔸@msd_academy