Mirzodan maktub

Qahramonlar! 🇺🇿🇺🇿🇺🇿

@mirzodanmaktub

Kecha #Kreativchilar degan heshtegni beixtiyor joylab, bugun oʻylab qoldim – #OʻzbekistonIjodkorlari degan rukndayam postlar qoʻyib borsam boʻlarkan.

Nozik did, ijod sehri va zavqini chindan his eta oladigan yurtdoshlarimiz haqida, ularning ishlari namunalaridan birma-bir ulashsam, ijodkorlarning oʻziga ham, kanal obunachilarining koʻpiga-da foydadan xoli boʻlmasdi.

Yaqinda Instagram'da obuna boʻlganim – Odina Qudratovaning ishlariga bir boqing. Mumtoz Sharq miniaturalarini yodga soladi bir qarashda. Pastel ranglar qogʻozdagi tasvirlarga sokinlik, ohistalik, bolalikka xos chizgilari esa nostalgik tassurot qoldiradi.

Eng ajoyibi – bunday yurtdoshlarimiz sekin-asta oʻz ishlarini sotishni ham yoʻlga qoʻya boshlagan, kreativ sohada toʻgʻri shaxsiy brend shunday shakllantirilishi, keyin esa ixlosmandlari davrasini kengaytira borishi zarur.

#OʻzbekistonIjodkorlari
#OʻzbekistonEstetikasi

@mirzodanmaktub

Markaziy Osiyodagi 59 ta kreativ jamoalar orasida Film, Print, Digital, Design, PR, Media yoʻnalishlarida “Yosh sherlar – 2025” aniqlandi.

Eng koʻp jamoalar (14 ta) jam boʻlgan yoʻnalish Design'da jami 21 ta ish professionallar – Ciro Ribeiro Rocha (Enredo Brand Innovation, Braziliya), Covadonga Diaz (Dentsu Creative, Ispaniya), Eike König (HORT, Germaniya) va Vladimir Lifanov (Suprematika, Rossiya) hakamligida koʻrib chiqilgan.

Yosh dizaynerlarga TAF uchun yangilangan firma uslubi ishlab chiqish vazifasi qoʻyilgan (barcha ishlarni shu yerda koʻrib chiqish mumkin).

🥇 Zohir Bozorov, Alen Zagardinov (MA’NO Branding) – 28.33 ball (musobaqadagi eng yuqori ball)
🥈 Samandar Rahmatov, Anasxon Abdulazizov (Space Marketing) – 26.33 ball
🥉 Mirmuhsin Mirakbarov, Behzod Nazirov (605) – 25.67 ball

Oʻzbekistonlik dizaynerlarning (sherchalarning) TOP-3 ligi shunday koʻrinishda.

IMHO, kamtarona fikrimcha, bir paytlar oʻzbekona bezak deganda sakkiz qirrali yulduzlar, atlas va adras “har bir dazmolga yopishtirilgan boʻlsa”, TBC'dan keyin beqasam bezaklari, beqasamning oʻziga ancha-muncha murojaatlar, ishoralar koʻpaydi. Beqasammania)

Yosh sherchalarning ishlarida, masalan, Zohir va Alenning ishida beqasamga oʻxshab ketadigan koʻrpacha bezaklari qoʻllanilgan boʻlsa, kumush oʻringa loyiq koʻrilgan konsept toʻgʻridan-toʻgʻri beqasamga asoslangan. Koʻrpachali konsept TBC'ni takrorlamaydi – bu xuddi Karate Kid treylerida aytishganidek (2025-y.), “Kungfu va karate bitta daraxtdan oʻsgan ikki shox”. Beqasamli konsept usluban TBC foydalanayotgan yechimga judayam oʻxshaydi.

Xulosa qilib aytganda, beqasam bilan cheklanmaylik, sal tahlil qilsangiz, kreativ ildizlari yotgan retro adabiyotlarga chuqurroq shoʻngʻisangiz, yangidan-yangi, zoʻr, boshqalar hali zamonaviy kreativda ishlatmagan usullarni topishingiz mumkin. Manbalar haqida ham bir alohida yozaman.

#MarketingvaPR #Kreativchilar

@mirzodanmaktub

Me’morchilikka qiziqishimni yashirmay kelaman, chunki turli me’moriy uslublar, yechimlarni ko‘rib, miya vazifalarni tartibliroq taxlab chiqqandek, xayollar axborot shovqinidan tozalangandek bo‘laveradi.

Ayni paytda Osaka shahrida o‘tayotgan Expo 2025 ko‘rgazma pavilionlaridan o‘zimga yoqqan, e’tirof etilayotganlarini ham kanalga joylab turaman. May oyi o‘rtalarida balki ko‘rgazmaning o‘zidan, O‘zbekiston pavilionidan to‘g‘ridan-to‘g‘ri chiroyli kadrlar, videolar yuborarman, nasib qilsa.

Bu xuddi Olimpiya o‘yinlarida turli mamlakatlar sportchilari stadionga birma-bir chiqib kelishlariga o‘xshaydi go‘yo)

Hozircha 🇧🇭 Bahrayn ko‘rgazmasiga bir qarang (muallif: Anatomy of a Dhow | Lina Ghotmeh Architecture)

#OsakaExpo2025

@mirzodanmaktub

Arc Architects baribir boshqacha ishlar amalga oshiradi-da 🪴

Moliyaviy / bank ofisi uchun interyer dizayniga bir qarang. Eski choʻt osib qoʻyilganiga ofarin deb yubordim 🧮

Kreativ deganini men shunday tushunaman — u asosiy vazifani bajaradi, ijodkorona yechim beradi va mahalliy insaytlarni ham nozik eslatib ketadi.

Me’morchilikdayam, rassomchilikdayam va PR, kommunikatsiya sohasidayam bu formula oʻzgarmaydi.

@mirzodanmaktub

The New Yorker'ning aprel soni muqovasi 🌎

@mirzodanmaktub

zamonAI zayli 🧐

@mirzodanmaktub