Mirzo Ulug'bek TAKM

🖥Mirzo Ulug'bek tuman axborot-kutubxona markazi mutaxassislari, Millarlararo munosabatlar va xorijiy mamlakatlar bilan do'stlik aloqalari qo'mitasida “Alisher Navoiy adabiy va ilmiy merosining millatlararo munosabatlarni mustahkamlashdagi о‘rni” mavzusida o'tkazilgan adabiy-ma’rifiy tadbirda ishtirok etdilar.

ℹ️Sо‘nggi yillarda Alisher Navoiyning boy va serqirra ijodiy merosini har tomonlama chuqur о‘rganish, uning asarlarini keng targ‘ib qilish hamda xotirasini abadiylashtirish borasida tizimli ishlar amalga oshirilmoqda.
Har yili Alisher Navoiy tavalludi munosabati bilan yurtimiz bо‘ylab bayramona kayfiyat hukm suradi. Joriy yildagi tadbirlar ham kо‘tarinkilik, о‘zgacha shukuh bilan adabiyot, ma’naviyat, ilm-ma’rifat, dо‘stlik ayyomi sifatida о‘tkazilib kelinmoqda.Respublika ma’naviyat va ma’rifat markazi, milliy madaniy markazlar bilan hamkorlikda “Alisher Navoiy adabiy va ilmiy merosining millatlararo munosabatlarni mustahkamlashdagi о‘rni” mavzusida bо‘lib о‘tgan davra suhbatida Qо‘mita rahbariyati, mutasaddi xodimlari, respublikadagi taniqli navoiyshunos olimlar, milliy madaniy markazlar raislari hamda vakillari ishtirok etishdi.
Tadbirni Millatlararo munosabatlar qо‘mitasi raisi Rustambek Kurbanov ochib berdi.

👫Toshkent shahrida Markaziy osiyo xalqlari, jumladan, о‘zbek, qozoq, turkman, qirg‘iz va tojik xalqlarining buyuk mutaffakkirlari – Alisher Navoiy, Abay Qо‘nonboyev, Chingiz Aytmatov, Abdurahmon Jomiy, Maxtumquli va boshqa kо‘plab atoqli mutafakkirlarga hurmat va ehtirom sifatida haykallari va barelflari о‘rnatilgan. Ular о‘z ijodini Alisher Navoiy merosiga tayanib faoliyat olib borganligini kо‘rish mumkin. Navoiy, Bobur, Rudakiy, Maxtumquli, Abay yoki Tо‘qtag‘ul kabi ulug‘ zotlarning barchasi о‘z ijodi bilan nafaqat mintaqa xalqlarini, balki butun bashariyat farzandlarini doimo mehr-oqibatli, dо‘st –birodar bо‘lib yashashga da'vat etganlar.
Qо‘mita raisi mintaqamizda yashab о‘tgan mutafakkirlar о‘z ijodi bilan nafaqat mintaqa xalqlarini, balki butun bashariyat farzandlarini doimo mehr-oqibatli, dо‘st-birodar bо‘lib yashashga da’vat etganligini ta’kidladi.

📕Tadbirning asosiy qismida Navoiyning hayoti va ijodi, shoir g‘azallarida dо‘stlik va adolatning tarannum etilishiga bag‘ishlangan ma’ruzalar tinglandi. Jumladan, О‘zbekiston Yozuvchilar uyushmasi, Jurnalistlar uyushmasi, respublika Ma’naviyat va ma’rifat markazi “Ma’rifat” targ‘ibotchilar jamiyati a’zosi Tо‘lqin Eshbek Alisher Navoiyning hayoti va ijod yо‘li haqida ma’ruza qildi. О‘zbek tili va adabiyoti rivojiga qо‘shgan beqiyos hissasi, yoshlarni yuksak ma’naviyatli, teran tafakkurli insonlar yetib tarbiyalashda mutafakkir ijodining ahamiyati xususida sо‘z yuritdi.
Markaz rahbari Saodat Davlatova ma’ruzasi mavzusi “Alisher Navoiy ijodida millatlararo totuvlik g‘oyasi” deb nomlanadi.
Tatar milliy markazi faoli Rinat Shigabdinovning ma’ruza mavzusi “Alisher Navoiy ijodi professor G‘.Sa’diyning ilmiy merosida” deb nomlanadi.
Tadbirning munozara qismida ishtirokchilar tomonidan amaliy taklif va mulohazalar bildirildi. Tadbir sо‘ngida respublikamizda faoliyat yuritayotgan milliy madaniy markazlar vakillari tomonidan shoir ijodidan namunalar о‘qildi.
Kо‘tarinki kayfiyatda о‘tgan tadbir ishtirokchilarda katta taassurot qoldirib, Alisher Navoiy ijodi bilan yana bir bor yaqindan tanishishlari uchun xizmat qildi.

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🖥 2025-yil 5-fevral kuni Mirzo Ulug`bek tuman axborot-kutubxona markazi mutaxassislari Toshkent shahar “Barkamol avlod” bolalar maktabida “Alisher Navoiy ijodi: kelajak avlodlar uchun ilhom” shiori ostida ko`chma kutubxona tadbirini tashkil etdilar.

ℹ️ Tadbirda AKM mutaxassislari o‘quvchilarga Alisher Navoiy haqidagi qiziqarli ma'lumotlar, uning dunyoqarashi va o‘zbek adabiyotiga qo‘shgan hissasi haqida so‘zlab berdilar, hamda Navoiy asarlari, uning hayoti va ijodi haqida keng qamrovli ma'lumotlar taqdim etdilar.

👫Shuningdek, tadbirda yoshlar bilan interaktiv mashg‘ulotlar o‘tkazildi, o`quvchilar Alisher Navoiy asarlaridan parchalar o`qib faol ishtirok etdilar.

📚Bundan tashqari, “Barkamol avlod” bolalar maktabi o‘quvchilari uchun kitob ko‘rgazmasi ham tashkil etildi. 📕Ko‘rgazmada Navoiy asarlari, uning hayotiga oid turli adabiyotlar va shu kabi madaniy-ma'rifiy materiallar namoyish etildi.

💭Bu esa o`z o`rnida yoshlarni adabiyotga bo‘lgan qiziqishlarini yanada rivojlantirishda muhim qadamlardan biri bo`ldi.


📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🖥 2025-yil 30-yanvar kuni Mirzo Ulug`bek tuman axborot-kutubxona markazida O`zbekiston Respublikasining birinchi prezidenti Islom Abdugʻaniyevich Karimov xotirasiga bag`ishlangan “Millatning o‘zgarmas izlari: Islom Karimov Xotirasi” nomli tadbir bo`lib o`tdi.
Tadbirda Islom Karimovning O‘zbekiston tarixidagi beqiyos roli, uning yurt taraqqiyoti va millat farovonligiga qo‘shgan hissasi keng yoritildi.

📚Kitob ko`rgazmasi orqali Islom Karimovning hayoti va faoliyatiga bag‘ishlangan materiallar, hujjatlar, kitoblar va rasmlar orqali uning xalq uchun qoldirgan merosi namoyish qilindi.

🇺🇿O‘zbekistonning mustaqillikka erishish yo‘lida Islom Karimovning liderlik fazilatlari, davlat boshqaruvi va iqtisodiy islohotlardagi yutuqlari alohida ta'kidlandi.

📖Shuningdek, tadbirda kitobxonlar Islom Karimovning hayoti va faoliyatiga oid o‘z fikr va mulohazalarini bildirdilar. Ularning so‘zlariga ko‘ra, Karimovning o‘z xalqiga bo‘lgan mehr-muhabbati va uning rahbarlik fazilatlari bugungi kunda ham jamiyatda yuqori baholanmoqda.


📲Rasmiy sahifalarimizga obuna bo'ling 👇

™️Facebook | 📷Instagram |🔵Telegram | 📺YouTube | 🌐Web sayt

🖥 2025-yil 24-yanvar kuni Mirzo Ulug'bek tuman axborot-kutubxona markazida “24 yanvar – Xalqaro ta'lim kuni”ga bag'ishlangan kitob ko'rgazmasi va davra suhbati tashkil etildi. Ushbu tadbirda ta'limning ahamiyati, uning global miqyosdagi rivojlanishi va ta'lim sohasidagi yangiliklar muhokama qilindi. Ko'rgazmada ta'limning turli jihatlarini yorituvchi kitoblar namoyish etildi, bu esa kitobxonlarga ta'lim sohasidagi resurslar bilan tanishish imkoniyatini yaratdi.

📚 Davra suhbatida “Zamondosh” klubi a’zolari faol ishtirok etdilar. Tadbir davomida ular ta'lim tizimidagi o'zgarishlar, ta'limda innovatsiyalarni joriy etish va yoshlarni bilim olishga rag'batlantirish masalalarida o'z fikrlarini bildirdilar. Kitobxonlar, shuningdek, ta'limga zamonaviy yondashuvlar va dunyo miqyosidagi tajribalarni o'rganish zarurligini ta'kidladilar.

🎓📚 Tadbir davomida ta'lim sohasida yangi yondashuvlar va global tendensiyalar haqida bahs-munozaralar olib borildi. Tadbir, ayniqsa, yoshlarni ta'limga qiziqtirish va ilm-fan sohasida o'z imkoniyatlarini kengaytirishga rag'batlantirish yo`lidada muhim turtkilardan biri bo`ldi.

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🖥 Mirzo Ulug‘bek nomidagi O‘zbekiston Milliy universitetida “So‘z yasalishining dolzarb muammolari” mavzusida xalqaro ilmiy-amaliy anjuman bo‘lib o‘tdi.

ℹ️ Yarim asrdan ortiq tarixga ega bo‘lgan va MDH hududida yetakchi ilmiy anʼanalardan biri boʻlib qolgan, hozirda ham o‘zbek ilmiy so‘z yasalishi maktabi rivojida muhim bosqich bo‘lgan mazkur tadbir dunyoning turli burchaklaridan ilmiy jamoatchilik vakillari, o‘qituvchi va tadqiqotchilarni jamladi.

🌐Anjuman tashkilotchisi Mirzo Ulug‘bek nomidagi O‘zbekiston Milliy universiteti jurnalistika va o‘zbek filologiyasi fakultetining tilshunoslik kafedrasi bo‘ldi. Anjumanda onlayn formatda Chexiya, Germaniya, Rossiya va boshqa mamlakatlardan olimlar va mutaxassislar ishtirok etdilar. Tadbir davomida so‘z tuzilishi nazariyasining asosiy masalalari, o‘qitishning samarali usullari, shuningdek, so‘z yasovchi lug‘atlarni yaratish bo‘yicha zamonaviy yondashuvlar muhokama qilindi.

👤Mirzo Ulug‘bek tuman axborot-kutubxona markazi mutaxassisi A. Alimxodjaeva ham konferensiyada ishtirok etdilar. Ular bunday tadbirlarning ilmiy almashinuv va hamkorlik uchun ahamiyatli ekanini ta'kidladilar. Tadbir shuningdek, ilmiy muassasalar va kutubxonalar o‘rtasidagi aloqalarni mustahkamlash, shu orqali ilmiy hamkorlikni rivojlantirish uchun platforma bo‘lib xizmat qildi.

🎓 O‘zbekiston Milliy universiteti tilshunoslik kafedrasi dotsenti, filologiya fanlari doktori (PhD) Feruza Fayzova o‘z minnatdorchiligini bildirdi: "Sizning ishtirokingiz va qiziqish bildirishingiz – bizning anjumanlarimizni haqiqatan ham qadrli qiladi. Sizga va jamoangizga faol ishtirok va hamkorlik uchun chin dildan minnatdorchilik bildiraman".
Bunday muhim ilmiy tadbirda ishtirok etish axborot-kutubxona markazi uchun ilmiy hamjamiyat bilan hamkorlikni mustahkamlash va tilshunoslik va adabiyotshunoslik sohasida tajriba almashish yo‘lida muhim bosqich bo‘ldi.

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🖥 2025-yil 23-yanvar kuni Mirzo Ulug`bek tuman axborot-kutubxona markazida “Inson huquqlari davlat himoyasida” nomli kitob ko`rgazmasi yangi kitoblar bilan boyitildi.

⬇️Ushbu ko`rgazma inson huquqlari, ularning himoyasi va xalqaro huquq tizimlari haqida yangi, qiziqarli va ma'lumotlarga boy adabiyotlarni o‘z ichiga olgan.

👨‍🦱Aziz kitobxonlar, agar siz inson huquqlari mavzusiga qiziqsangiz, yangi ilmiy tadqiqotlar va huquqiy manbaalar bilan tanishishni istasangiz, bu ko`rgazma aynan siz uchun! Sizni kutubxonada kutib olishdan mamnun bo‘lamiz. Keling, birgalikda huquqlarimizni bilib, ularga bo‘lgan hurmatni oshiraylik!
Yangi bilimlarga ega bo‘ling va inson huquqlari sohasidagi dolzarb masalalarni o‘rganing!

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🖥 Mirzo Ulug`bek tuman axborot-kutubxona markazida 2025-yil 21-yanvar kuni 19 yanvar – buyuk xalq ma’rifatchisi, Turkistonda jadidchilik harakatining asoschisi, ustoz, noshir, jurnalist, dramaturg Mahmudxo‘ja Behbudiy tavalludining 150 yilligi munosabati bilan tadbir o`tkazildi.

🎓Tadbirda Mahmudxo‘ja Behbudiyning hayoti va ijodi, uning ilm-ma’rifat, adabiyot va madaniyat sohalaridagi o‘rni va ahamiyati keng yoritildi.

📚Kitobxonlar Mahmudxo‘ja Behbudiyning turmush yo‘li, uning Turkiston va butun Markaziy Osiyo madaniyatiga qo‘shgan ulkan hissasi haqida fikr almashdilar.

📚 Shuningdek, Mahmudxo‘ja Behbudiyning jadidchilik harakatiga qo‘shgan hissasi, uning o‘z vaqtida o‘zbek va turk xalqlari orasidagi madaniy aloqalarni mustahkamlashdagi roli haqida ham so‘z yuritildi. Kitob ko`rgazmasida Behbudiyning o‘zbek adabiyotida, xususan, dramaturgiya va jurnalistikada o‘tkazgan islohotlari, hamda uning yangi ma’rifatparvar g‘oyalari haqida keng ma’lumotlar taqdim etildi.

Tadbirda shuningdek, Mahmudxo‘ja Behbudiyning o‘zbek xalqining kelajagi uchun tashlagan asosiy qadriyatlari, ma’rifatga asoslangan dunyoqarashi va yosh avlodni yuksaltirishdagi ulkan mehnati ta’kidlandi.

👫O‘quvchilar va yoshlar uchun ma’rifatparvarlik va adabiyotga bo‘lgan qiziqishni oshirishga xizmat qilgan bu tadbirning ahamiyati katta bo‘ldi. Tadbir davomida Mahmudxo‘ja Behbudiyning yurtimizda ilm-ma’rifatga qo‘shgan ulkan hissasi haqida ko‘plab suhbatlar va munozaralar olib borildi.

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🖥 Mirzo Ulug`bek tuman axborot-kutubxona markazida atoqli rus dramaturgi, shoiri, diplomat, pianinochi va bastakor Aleksandr Sergeevich Griboedov (1795 - 1829) tavalludining 230 yilligiga bag`ishlangan taqdimot o`tkazildi.
Ushbu tadbirda Griboedovning hayoti, ijodi va uning rus adabiyotiga qo`shgan hissasi haqida keng ma'lumotlar berildi. Taqdimot davomida, ayniqsa, uning mashhur “Aqllilik balosi” (“Gore ot uma”) dramasi va boshqa asarlari haqida so‘z yuritildi.

🎓Shuningdek, Griboedovning diplomatik faoliyati, pianinochi va bastakor sifatidagi ishlari haqida ham ta`kidlab o`tildi.

📚 Tadbirda Griboedovning hayoti, uning adabiyotga qo‘shgan hissasi va diplomatik faoliyatiga oid ko‘plab kitoblar, tadqiqotlar va ilmiy nashrlar namoyish etilgan kitob ko`rgazmasi ham tashkil etildi. Kitob ko‘rgazmasi orqali ishtirokchilar Griboedovning asarlari va uning tarixiy roli haqida yanada chuqurroq ma'lumot olishdi.

📕 Tadbirda ishtirokchilar Griboedovning o‘ziga xos va zamonaviy rus adabiyoti uchun muhim bo‘lgan asarlarini muhokama qilishdi va ularning zamonasi bilan bog‘liq masalalarga oid fikrlar bildirishdi.

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt

🏛 2025-yil 17-yanvar kuni Mirzo Ulug`bek tuman axborot-kutubxona markazi mutaxassislari O`zbekiston Respublikasi Vazirlar Mahkamasi huzuridagi Qatag`on qurbonlari xotirasi davlat muzeyida bo`lib o`tgan Turkiston jadidchilik harakatining asoschisi, atoqli adib va jamoat arbobi, noshir va pedagog Mahmudxo`ja Behbudiy tavalludining 150 yilligiga bag`ishlangan “Mahmudxo`ja Behbudiy – Turkiston jadidchiligining asoschisi” nomli foto, yozma manbalar va ashyolar ko`rgazmasi ochilishi marosimida ishtirok etdilar.

📄 Tadbirni O`zbekiston Respublikasi Vazirlar Mahkamasi huzuridagi Qatag`on qurbonlari xotirasi davlat muzeyi direktori Baxtiyor Hasanov nutq so`zlari bilan ochib berdilar va ulardan keyin bir nechta tarixchi olimlar va taniqli shaxslar Mahmudxo`ja Behbudiyning hayoti va ijodi haqida nutq so`zladilar.

📕Shu jumladan, Alisher Navoiy nomidagi O`zbekiston Milliy kutubxona direktori Umida Teshaboyeva ham so`zga chiqib, O`zbekiston Milliy kutubxonasida saqlanib kelayotgan, Mahmudho`ja Behbudiyning maqolalari chop etilgan gazeta va jurnallar haqida qiziqarli ma`lumotlar bilan bo`lishdilar. Mahmudxo`ja Behbudiyning nafaqat badiiy adabiyot sohasida, balki ilm-fan, madaniyat va jamiyat taraqqiyotiga qo`shgan ulkan hissasini ham ko`rsatib o`tdilar.

📖 Ko`rgazma davomida ishtirokchilar Behbudiyning adabiyotga, ta'lim-tarbiya sohasiga qo`shgan hissasini, shuningdek, uning jadidchilik harakati doirasida amalga oshirgan faoliyatini yuqori baholadilar. Mahmudxo`ja Behbudiyning fikr va goyalari bugungi kunda ham jamoatchilikda juda muhim ahamiyatga ega ekanligini ta`kidlab o`tdilar.

📲Rasmiy sahifalarimizga obuna bo'ling 👇

🔵Facebook | 📷Instagram | 🚀Telegram | 🎬YouTube | 🌐Web sayt