Sport vazirligi

Ayni kunlarda Andijon shahrida belbog‘li kurash bo‘yicha oʻsmirlar o‘rtasida O‘zbekiston chempionati bellashuvlari o‘tkazilmoqda.

Andijon olimpiya va paralimpiya sport turlariga tayyorlash markazi manejida bo‘lib o‘tayotgan mamlakat chempionatida o‘g‘il bolalar belbog‘li kurashning erkin va belbog‘li kurash yo‘nalishlarida 13 ta vazn toifasida, qizlar esa 8 ta vaznda kuch sinashishmoqda.

Shuningdek, musobaqa doirasida chempionatning tantanali ochilish marosimi ham tashkil etildi.

Marosimda O‘zbekiston belbog‘li kurash federatsiyasi bosh kotibi Abduxalil Malikov, Andijon viloyat sport boshqarmasi boshlig‘i O‘tkirbek Toshpo‘latov, Andijon viloyati belbog‘li kurash federatsiyasi raisi Rustam To‘raxonov va boshqalar ishtirok etishdi.

20 aprelga qadar davom etadigan mamlakat chempionatida shohsupadan joy olgan polvonlar may oyida Nukus shahrida o‘tkazilishi rejalashitirilgan Osiyo va jahon chempionatida ishtirok etish huquqiga ham ega bo‘lishadi.

Web-Sayt | Telegram | Facebook | Instagram | Youtube

Jismoniy tarbiya va sport ilmiy tadqiqotlar instituti xodimlari Urganch olimpiya va paralimpiya sport turlariga tayyorlash markazida tashrif buyurib, 25 ta sport turidan 460 nafar o‘quvchi-sportchilarning psixotest va spirografiya laboratoriya jihozlari orqali morfofunksional, psixologik holati va umumiy jismoniy tayyorgarlik darajasi ustida tadqiqotlarni olib borishdi.

Tadqiqot davomida sportchilarning jismoniy holatlari, musobaqalarga tayyorgarlik darajasi alohida o‘rganildi. Sportchilarning mashg‘ulotlar va musobaqalar davomida qanday stresslarga duch kelishlari, ularning psixologik barqarorligi ham tekshirildi va tadqiqot natijalariga asosan murabbiy va sportchilarga tavsiyalar berib o‘tildi.

Web-Sayt | Telegram | Facebook | Instagram | Youtube

Nukus shahar Yoshlar markazida “Besh tashabbus” olimpiadasi doirasida sportning shashka turidan Qoraqalpog‘iston Respublikasi bosqichi bo‘lib o‘tdi.

Unda respublikaning barcha tuman va shaharlaridan g‘olib bo‘lgan 16-21, 22-26 va 27-30 yoshdagi o‘g‘il-qizlar g‘oliblik uchun bahslashib, Respublika bosqichida o‘zlarini sinovdan o‘tkazdi.

Musobaqaning taqdirlash marosimida Qoraqalpog‘iston Respublikasi Sport vaziri E.Qutibaev ishtirok etib, g‘oliblarni tabriklab, keyingi bosqichlarda omad tiladi.

Yakunda g‘oliblar tashkilotchilar tomonidan tayyorlangan diplom va sovg‘alar bilan taqdirlandi.

Web-Sayt | Telegram | Facebook | Instagram | Youtube

Toshkentda konkur va ot yoʻrttirish boʻyicha xalqaro musobaqalarga start berildi

Bugun Toshkentdagi “Universal Horses Stable” majmuasida ot sportining konkur yoʻnalishi boʻyicha O‘zbekiston Respublikasi Prezidenti kubogi, Jahon kubogi saralash bosqichlari, Osiyo kubogi hamda ot yo‘rttirish boʻyicha CDI-1* FIE Dressage World Challenge turnirlarining tantanali ochilish marosimi bo‘lib o‘tdi.

Tadbirda Sport vazirligi, O‘zbekiston Milliy Olimpiya qo‘mitasi, mamlakat yilqichilik va ot sporti federatsiyasi rahbariyati hamda faxriy mehmonlar ishtirok etishdi.

Tadbirda so‘zga chiqqanlar mamlakatimizda ot sportining barcha yo‘nalishlari bosqichma-bosqich rivojlanayotgani, sportchilarimiz xalqaro arenalarda yuqori natijalarga erishayotganini alohida ta’kidladilar.

Ochilish marosimidan so‘ng bugungi bellashuvlarga start berildi. Turnirlar davomida sportchilar nafaqat sovrinli o‘rinlar, balki xalqaro reyting ochkolarini jamgʻarish uchun kurash olib boradilar.

Web-Sayt | Telegram | Facebook | Instagram | Youtube

#Karate_1_Premier_league

Misr. “Premier league” live!

Hamyurtimiz Sevinch Rahimova(-55kg) dastlabki jangda yaponiyalik karatechiga 1:3 hisobida mag’lub bo’lgan boʻlsa, turkiyalik raqibi ustidan 2:0 hisobida zafar quchdi.

Web-Sayt | Telegram | Facebook | Instagram | Youtube

Sirdaryoda "Besh tashabbus paralimpiada"si doirasidagi ilk musobaqa bo‘lib o‘tdi 

Bugun mamlakatimiz bo‘ylab aholini ommaviy sportga qamrovini kengaytirish, ayniqsa nogironligi bo‘lgan shaxslarni adaptiv sport turlariga jalb etish va ularning jismoniy imkoniyatlarini yuzaga chiqarishga qaratilgan “Besh tashabbus paralimpiadasi” sport musobaqalariga start berildi.

Viloyatdagi ilk musobaqalar Guliston olimpiya va paralimpiya sport turlariga tayyorlash markazida tashkil qilindi.Ushbu musobaqa jismoniy imkoniyati cheklangan yurtdoshlarimiz uchun ijtimoiy hayotga moslashuv jarayonini oshirish, ommaviy sportga jalb etishni yangi bosqichga olib chiqish hamda reabilitatsiya qilishni ko‘zda tutadi. 

Musobaqada 200 nafarga yaqin nogironligi bo‘lgan shaxslar para stol tennisi, para armrestling, para yengil atletika, para badminton, para shaxmat va para shashka sport turlari bo‘yicha o‘zaro bahs olib bordi.

G‘oliblar tashkilotchilar tomonidan taqdirlandi.

Web-Sayt | Telegram | Facebook | Instagram | Youtube