MIB QASHQADARYO VILOYAT BOSHQARMASI

Қарздор шахсга нисбатан қидирув эълон қилинган

Жорий йилнинг 20 апрель куни ижтимоий тармоқларда фуқаро М.Рузимуродова алимент маблағларини ололмаётганлиги ҳақидаги мурожаат қолдирган.
Маълум бўлишича, Фуқаролик ишлари бўйича Қарши туманлараро судининг суд буйруғига асосан қарздор Б.Усмоновдан ундирувчи М.Рузимуродова фойдасига 1 нафар вояга етмаган фарзандининг моддий таъминоти учун барча даромадининг 1/4 қисми миқдорида алимент ундириш тўғрисидаги ижро ҳужжати Бюронинг Нишон тумани бўлими иш юритувига келиб тушган.

Ижро ҳаракатлари давомида, Б.Усмоновнинг номида мол-мулклар мавжудлиги аниқланмаган ва унинг Ўзбекистон Республикаси ҳудудидан чиқиш ҳуқуқлари вақтинча чекланган.

Шунингдек, қарздор Б.Усмоновнинг ижро ҳужжатида кўрсатилган манзилда яшамаётганлиги ва номаълум томонга кетганлиги аниқланиб, унга нисбатан қидирув эълон қилинган.

Алимент ундируви қарздорнинг иш ҳақига қаратилган

Жорий йилнинг 29 апрель куни ижтимоий тармоқлар орқали фуқаро С.Ғоффорова томонидан Бюронинг Яккабоғ туман бўлими ходимлари унга алимент маблағини ундириб бермаётганлиги ҳақида мурожаат қолдирган.
Маълум  бўлишича, Бюронинг Яккабоғ тумани бўлими иш юритувида, фуқаролик ишлар бўйича туманлараро судининг суд буйруғига асосан қарздор Ж.Жовлиевдан ундирувчи С.Ғоффорованинг фойдасига бир нафар вояга етмаган фарзандининг моддий таъминоти учун  қарздорнинг иш ҳақи ва бошқа даромадларининг 1/4 қисми миқдорида 2023 йилнинг 18 октябрь кунидан бошлаб алимент ундириш ҳақидаги ижро ҳужжати бўлим иш юритувига келиб тушган.

Ижро ҳужжатига асосан қарздор Ж.Жовлиевнинг Республика ҳудудидан чиқиш ҳуқуқлари вақтинча чекланган.
Шунингдек, қарздор Ж.Жовлиев ҳозирги кунда ”FUTURE TRADE SENTER” корхонасида ишлашлиги аниқланиб, қарздорликни ундириш унинг иш ҳақига қаратилган.

Мурожаатни ўрганиш давомида қарздор  Ж.Жовлиевдан 19.12.2024 йилдан то 26.03.2025 йилдга қадар алимент пуллари С.Ғоффорова номидаги AT “Алоқабанк” Қарши филиалидаги пластик картасига ўтказиб берилди.
Бундан ташқари, Қашқадарё вилоят суди фуқаролик ишлари бўйича судлов ҳайъати апелляция инстанциясининг 18.02.2025 йилдаги ажримига асосан кўра, ФИБ Яккабоғ туманлараро судининг 18.12.2024 йилдаги ҳал қилув қарори  2024 йил 16 ноябрь кунидан бошлаб то вояга етгунига қадар алимент ундирилсин деб тузатилган.

Ижро ҳаракатлари жараёнида,  давлат ижрочиси томонидан қарздор Ж.Жолиевдан 2025 йил 30 апрель кунига қадар бўлган алимент учун 420.000 сум, уч ёшгача бола таъминоти ва ҳомиладорлик даврида тўланадиган 410.000 сўмлик моддий таъминот  пулларини тўлиқ ундириб, 29.04.2025 йилда ундирувчи С.Ғоффоровага тилхат асосида топширилган.

Qonunning yana bir ahamiyatli jihati. Maʼmuriy javobgarlik to‘g‘risidagi kodeks 1982-moddasida ayrim turdagi sud hujjatlari va boshqa organlar hujjatlarini ijro etish to‘g‘risidagi qonunchilikni buzganlik uchun nazarda tutilgan jarimalar miqdori oshirilmoqda.

Senatorlar tomonidan ushbu Qonunning qabul qilinishi fuqarolar, jamiyat va davlatning huquqlarini hamda qonuniy manfaatlarini ishonchli himoya qilishga, sud hujjatlari va boshqa organlar hujjatlarini ijro etishda inson omilini kamaytirishga, majburiy ijro etish tizimini yana-da takomillashtirishga xizmat qilishi alohida qayd etildi.

Ko‘rib chiqilgan masalalar bo‘yicha Qo‘mitaning tegishli qarorlari qabul qilindi.

Sud hujjatlari va boshqa organlar hujjatlarini ijro etish tizimini takomillashtirishga qaratilgan qonun muhokama qilindi


Joriy yilning 21-aprel kuni Senatning Sud-huquq masalalari va korrupsiyaga qarshi kurashish qo‘mitasining majlisi bo‘lib o‘tdi.

Unda senatorlar, mahalliy Kengashlar doimiy komissiyalari raislari, Yoshlar parlamenti aʼzolari, ekspertlar, qonun tashabbuskorlari, manfaatdor vazirlik va idoralar hamda ommaviy axborot vositalari vakillari ishtirok etdi.

Majlisda “O‘zbekiston Respublikasining ayrim qonun hujjatlariga sud hujjatlari va boshqa organlar hujjatlarini ijro etish tizimini takomillashtirishga qaratilgan o‘zgartirish va qo‘shimchalar kiritish to‘g‘risida”gi Qonun dastlabki tarzda muhokama qilindi.

Senatorlar taʼkidlaganidek, bugungi kunda sud hujjatlari va boshqa organlar hujjatlarini ijro etish borasida qator muammolar mavjud.

Xususan, ijro hujjati shakllantirilganda sud tomonidan jismoniy shaxsning shaxsiy identifikatsiya raqami (JSHSHIR) yoki yuridik shaxsning soliq to‘lovchi identifikatsiya raqami (STIR) kiritilmayotganligi sababli ijro hujjatlarini elektron tarzda shakllantirish, ular bo‘yicha pul mablag‘larini avtomatlashtirilgan tarzda taqsimlash va undiruvchiga davlat ijrochisining aralashuvisiz o‘tkazish imkoni mavjud emas.

“Sud hujjatlari va boshqa organlar hujjatlarini ijro etish to‘g‘risida”gi Qonunda fuqarolardan qarzdorliklari uchun undiruv qaratilishi mumkin bo‘lmagan eng kam kafolatlangan daromad miqdori belgilanmagan.

Davlat ijrochilarida ijro harakatlarini amalga oshirishda mobil videokuzatuv vositalaridan foydalanish huquqining mavjud emasligi noxush holatlarga sabab bo‘lmoqda.

Sud hujjatlari va boshqa organlar hujjatlarini ijro etish to‘g‘risidagi qonunchilikni buzganlik uchun mansabdor shaxslarga belgilangan maʼmuriy jazolar sodir etilgan qilmishga nisbatan mutanosib emas.

Yuqoridagi holatlarni bartaraf etish maqsadida mazkur Qonun ishlab chiqilgan.

Xususan, “Sud hujjatlari va boshqa organlar hujjatlarini ijro etish to‘g‘risida”gi Qonunga:

– undiruvchi jismoniy shaxsning shaxsiy identifikatsiya raqamini va undiruvchi yuridik shaxsning soliq to‘lovchi identifikatsiya raqamini ijro hujjatida ko‘rsatish;

– ijro ishini yuritish doirasida qabul qilingan qarorlar va boshqa hujjatlar ijro ishini yuritishda ishtirok etuvchi jismoniy shaxslarga ularning O‘zbekiston Respublikasi Yagona interaktiv davlat xizmatlari portalidagi shaxsiy kabineti orqali, shuningdek yuridik shaxslarga soliq to‘lovchining shaxsiy kabineti orqali yuborilishi;

– qarzdor jismoniy shaxslarning banklardagi yoki boshqa kredit tashkilotlaridagi hisobvaraqlarida hamda omonatlarida turgan yoki saqlashga qo‘yilgan pul mablag‘lariga undiruv qaratilishi lozim bo‘lgan pul mablag‘lari miqdorini aniqlashda mehnatga haq to‘lash eng kam miqdorining yarmi miqdoridagi pul mablag‘lari hisobga olinishi va bu miqdorga undiruv qaratilmasligi;

– davlat ijrochisining ijro harakatlarini amalga oshirishda qonunchilik hujjatlariga muvofiq mobil videokuzatuv vositalaridan foydalanishini belgilovchi o‘zgartirish va qo‘shimchalar kiritish ko‘zda tutilmoqda.

Shuningdek, Fuqarolik protsessual va Iqtisodiy protsessual kodekslariga hamda Maʼmuriy sud ishlarini yuritish to‘g‘risidagi kodeksga sud hujjati asosida beriladigan ijro varaqasi QR-kod bilan tasdiqlangan holda sudyaning elektron raqamli imzosi bilan rasmiylashtirilishi, taraflarning iltimosnomasiga ko‘ra – sudning muhri bilan tasdiqlangan holda qog‘oz shaklda berilishi, ijro varaqasi undiruvchi jismoniy shaxslarga ularning O‘zbekiston Respublikasi Yagona interaktiv davlat xizmatlari portalidagi shaxsiy kabineti orqali, undiruvchi yuridik shaxslarga esa soliq to‘lovchining shaxsiy kabineti orqali yuborilishi, undiruvchi jismoniy shaxsning shaxsiy kabineti mavjud bo‘lmasa, ijro varaqasi unga qog‘oz shaklda berilishi bilan bog‘liq o‘zgartirish va qo‘shimchalar kiritilmoqda.

Ижро ҳаракатлари давом этмоқда

Интернетнинг «ishonch.uz” сайти орқали фуқаро О.Бўриевга “Қарши ёғ-экстракция” АЖдан 24 млн. 722 минг 485 сўм иш ҳақи ундириб берилмаётганлиги юзасидан хабар жойлаштирилди. Мазкур хабар Бюронинг Қашқадарё вилоят бошқармаси томонидан ўрганилди.
Аниқланишича, Бюронинг Қарши шахар бўлими иш юритувида фуқаролик ишлари бўйича Қарши туманлараро судининг 02.10.2024 йилдаги суд буйруғига асосан қарздор "QARSHI YOG`-EKSTRAKSIYA" АЖ ҳисобидан ундирувчи О.Бўриев фойдасига 24 млн. 722 минг 485 сўм иш ҳақи ва унга тенглаштирилган тўловларни ундириш тўғрисидаги ижро ҳужжати 03.12.2024 йилда келиб тушган ва ижро иши юритиш тўғрисида қарор қабул қилинган.

Бўлим иш юритувида қарздор "QARSHI YOG`-EKSTRAKSIYA" АЖ ҳисобидан жами 62 та 3 млрд. 364 млн. сўмлик давлат божи, ижро ҳужжатлари мавжуд бўлиб, шундан 19 та 174 млн сўмлик, солиқ қарзи ҳамда фуқаролар ва ташкилотлар фойдасига ундирув билан боғлиқ ижро ҳужжатлари мавжуд.

Ижро ҳужжатлари ижросини таъминлаш мақсадида бўлим давлат ижрочиси томонидан қарздорнинг банкдаги ҳисоб рақамига инкассо тўлов топшириқномалари қўйилган, балансида бўлган автотранспорт ва кўчмас мулкларига нисбатан таъқиқ ўрнатилган.

Ҳозирда ижро ҳаракатлари давом эттирилмоқда. Келгуида, жамиятдан қарздорлик ундирилганда, Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 80-моддаси талабларига кўра, ундирувчилар орасида тақсимланади.